IV. — Cornent nostre gent pnstrent les messages Soliman

Lî message Soliman vîndrent par le lai et arrivèrent un peu loingnet de la ville : puis comencierent à esgarder et à espier par où il porroient mieuz entrer enz. Noz gens les aparceurent, sî leur corurent sus. Li uns d'eus fu ocis au prendre, li autres fu amenez touz vis devant les Barons. Il le mistrent à gehine, si leur connut la vérité, et dist que Solimanz les envéoit en la cité por eus garnir, et por dire que leur sires vendroit Tendemain atout grant genz et se ferroit sodainement en Tost. Li Baron le crurent bien, si le commandèrent à garder, et pristrent conseil entre eus que il feroient. Li cuens de Toulouse et li evesques du Pui n'estoient mie encore venu jusqu^en Tost; li Baron les envolèrent querre, et leur mandèrent qu'il se hastassent por tel chose. Cil se mistrent tantost à la voie et chevauchierent toute nuit, si que il vîndrent ainz le soleil levant en Tost, les banieres levées et sonoient les trompes. Moût i avoit granz genz et bien atornées. A peine s'estoient-il logié ez places qu'on leur avoit gardées, quant Solimanz vint en tor eure de tierce, com cil avoit dît qui pris estoit. Jà estoîent descendu des montaignes au plaîn. La nostre gent qui en estoîent tuit apensé s'armèrent et firent soner les trompes. Chascuns se trest à sa bataille, si com il estoit devisé, et furent li conroi atirié * moût vistement.