XIII. — Cornent la cité vint à TEmpereur

Grant joie ot li Empereres de ces noveles. Il ne tarda mie, ains i envoia tantost de ses barons plus privez et assez genz à armes qui receurent la cité et la garnirent moût bien de quanque mestiers fu ; et firent réfère les murs et les despecéiz des torneles. Quanque il troverent en la ville d^armeures, de richesces et de viandes saisirent à oes l'Empereur ; les prisons envolèrent en Costantinoble. A chascun des barons avoit li Empereres letres especiaus et présentez granz dons ; moût les mercioit de Tenneur que il li avoient fête et de ce que il li gardoient si bien sa féeuté; car grant acroissement avoient jà fet à Tempire. La menue gent de Tost qui moût s'estoient traveîUié à ce siège, et moût i avoient aidié de cuer, se pleignoient moût ; car grant espérance avoient eue que Ten leur déust départir tout ravoir et la garnison de celé cité; mes ore emportoient tout les genz l'Empereur, si que leur travail ne leur estoit mie bien guerredoné. La parole en estoit moût granz et "vint jusques aus Barons. Li Baron distrent que voi rement leur faisoit Ten tort; car les covenances estoient teles entr'eus et l'Empereur, que se il pooient prendre, en celé voie que il tendroient, aucune des citez qui eussent été de l'empire, il rendroient à l'Empereur les citez et la conqueste; mes les proies et li gaains seroient départi à l'ost. Contre ces covenances venoit jà li Empereres. Mes n^estoit ore mie leus ne tens d'emprendre tençons aus Greus ; por ce li greigneur home en fesoient taire la menue gent; car li pèlerinages en peust estre destorbez. Einsi fu soufert que la femme Soliman

A* 1097 (juin)-

et si dui fil, o grant plenté d'autres prisons en furent mené tout sauvement à l'Empereur qui fist moût grant feste à la dame et aus enfans ; tant com il furent en la ville, les tint-il moût ennorablement ; après, dedenz brief terme, les renvoia à Soliman, touz quites et touz délivres, sans raençon. Ce fist-il par tele entencion que il eust Tamor et la grâce des Turs, si que il fussent entr'eus en un conseil et en acort de grever nostre gent; et, por autre reson, que se il fussent en autel point d'autre cité que li Pèlerin destrainsissent einsi, il n'eussent doute ne peor d'eus rendre en la main l'Empereur. Einsi fu prise la cité de Nique, l'an de l'Incarnacion Jhesucrist Mil. un. xx.et.xvii, eu mois de juing, le vintiesme jor du mois.