XV. — Cornent li Chrestien estouperent la porte du Pont
Grant despit* orent celé gent des domages qu'en leur fesoit einsi : conseil pristrent que il abatroient le pont. Si vindrent là tuit armé souz les targes et souz les escuz; granz mauz' orent de fer et grant plenté de pis. Si comencierent à ferir au pont por le depecier ; mes li murs estoit si fors et de si dure oevre que pou le domagierent. D'autre part, cil de la ville estoient ez murs et ez tomeles qui gitoient grosses pierres sur eus et traioient à si grant plenté que lessier leur covint celé «mprise, et s'en partirent. Après, il s'apenserent d'autre chose : si firent un chastel de fust moût haut et le mistrent encontre le pont, por garder que cil ne passassent sur eus : assez i ot peine. Quant il l'orent trais avant, li Cuens le garni de sa gent. Cil de la ville adrecierent les mangoniaus à ce chastel; sovent i feroient de grosses pierres; cil meismes des tours i envoioient grant plenté de saietes, si que nus n'osoit arester sur le pont, ne entour le chastel. Un jor avint que il orent einsi noz genz esloignées du pont et d'ilec entour, par
* Ed. précéd. • regrettoit. » ceux du comte Raimond de Toulouse, etc.
* Ed. précéd. « issoient fors par terre as « A/au^, mails; pis, pieux. Maleis et insberberges espessement... » trumentis reperiis ferreis.
* Ed. précéd. • grant desprit. » — Celle gent;
leur trere espessement ; après, il ovrirent les portes et issirent hors à granz routes; cil qui estoient eu chasteau de fust s'enfoïrent; il y boutèrent le feu et tantost le mistrent tout en cendre. Nostrc gent virent que einsi ne garroient-il pas; si, porpenserent à autre chose, et mistrent trois mangoniaus près du pont, por giter au pont et à la porte. Tandis com cil mangonel lançoient, nus ne se metoit hors par ilec ; mes sitost com il cessoient, refesoient leur saillies come devant. Moût desplesoit à nos barons de ce que il n'i pooient conseil mètre ; tant que, au derrenier, s'acorderent à ce que il pristrent granz roches, teles que il covenoit bien, à Tune porter, cent homes ou plus, et en estouperent la porte outre le pont; car il en i ot tant que li murgiers* ne pot mie estre legierement despeciez. Moût i ot grant travail à ce fere, car tuit cil qui là estoient logié gardoient tuit armé ceus qui les pierres aportoient. Einsi leur fu la porte estoupée, si que li oz remest tout enpais iluec endroit.
XVL — Cornent li nostre estoient à grant meschief devant Antioche.
Un jor avint que de nostre ost issirent que à cheval que à pié jusque à .iil*"* Il passèrent le pont de fust; puis s'espandirent par le pais come genz qui vont en fuerre. Cestoit coutumiere chose en Tost que il y alassent et s'en retornassent tuit sanz domage : por ce cuidoient estre tuit asseur. Cil de la ville les aperceurent et issirent hors à grant plenté de gent, et passèrent au pont de pierre*; puis corurent sus à ceus que il virent aler folement. Aucuns en ocistrent, les autres chacierent; il s'enfoïrent droit au pont des nés où il cuiderent passer. Cil se mistrent devant et leur défendirent, tant que pluseurs se ferirent en Teaue por passer à gué : mes il n'en i avoit point; si furent perdu. Les autres fesoient-il saillir de desus le pont eu flun. Quant nostre gent aparceurent ce, pluseurs en i ot qui s'armèrent et passèrent le flun, si encontrerent les Turs qui s'en venoient à grant joie des noz que il avoient
* Monceau de pierres meulières. * Au pont contigu à U montagne.
morz et desconfiz, et leur despueilles en aportoient. Il leur corurent sus; li Tur s'enfoïrent; li nostre suivirent, ociant et abatant les Turs, jusque enz enz le pont de pierre. Cil de la ville qui virent leur gent maumener, saillirent hors à granz presses, passèrent le pont, puis corurent sus aus noz. Cil se voudrent défendre, mes ne porent mie soufrir si grant fais de gent ; li nostre s'enfoïrent ; cil les sui voient fesant assez granz domages, jusque il vindrent au pont des nés ; ilec s'entassèrent si durement que il en chéi assez en Teaue touz armez, qui furent noie. Li nostre perdirent ilec assez de nostre gent à pié ; de ceus à cheval meismes en i ot pluseurs que ocis que perilliez eu flun. En ceste manière estoit nostre oz à grant mesese, car il estoient mieuz assis ' que ceus de la ville ; de leur anemis avoit assez par les bois et par les montaignes qui coroient sus à nostre gent, quant il les véoient si folement aler. Cil de la ville meismes issoient hors quant leur plesoit, si que li nostre n'osoient mes esloignier Tost, ne por forrage ne por autre chose. Ez héberges n'estoient il mie bien aseur, car grant novele estoit que li Tur du paîs assembloient moût grant gent por saillir en nostre ost d'une part, et cil de la ville istroient de l'autre.
