XIV. — Des messages que Aussieas envola en Perse

Endementres que ces choses coroient einsi en Antioche, li message, qui par Aussiens estoient aie au soudan de Perse por demander aide, s'en retornoient com cil qui bien avoient fet leur besoigne; car cil granz princes, par la requeste de ceus d' Antioche et par la prière de la seue gent, avoit empris à efacier et à destruîre du tout la nostre gent qui là estoient venu. Por ce, il envoi oit trop grant plenté de Turs et de Cordins * en celé terre. Si avoit baillié toute la seigneurie de la terre à un suen privé acointe; car moût se fioit de son sens, de sa loiauté et de sa proesce : cil avoit non Corbagaz^ Il comanda que tuit obéissent àcestui; letres pendanz euvoia par toutes ses terres, et comanda à ses bailliz et à ses genz que partout, là où Corbagaz les voudroit mener, que il alassent, et quanque il leur comanderoit il feissent. Cil s'en parti de son pais atout moût grant gent, et pardesus, en amenoit tout le pooîr des terres par où il passoit. Tant ala que il vint en la terre de Rohez. Là, li vint la novele que uns des barons de France tenoit la cité de Rohez que il avoit conquise et toute la terre entor la ville. Il en ot moût grant despit, et dist que ainçois que il passast outre le

* Cordinorum, de Kurdes. • Kerboga.

flun de Eufrate, prendroit-il et destruîroit quanque il i troveroit des Francs. Baudoins ne fu mie de petit cuer; bien ot oie la venue de celé gent, si ot la cité bien garnie d^armes, de vitaille et de preude genz ; si prisa pou les menaces et les grosses paroles de cel home que Ten li aportoit. Corbagaz comanda que l'en asséist la cité de Rohez, et puis fist crier Tassaut. Grant peine mistrent en prendre la ville toutes ces genz qui venues estoient; mes cil qui gardoient la ville se défendirent moût bien , si que moût domagierent ceus dehors et il n'i perdirent rien. Il sist entor la ville .III. semaines; de s'enneur ne de son preu n'i fist néant. Tant que li grant home de son ost vindrent à lui , si li distrent et loerent que il se partist du siège, car la chose porquoi il estoit meuz devoitil avant fere, cest à dire touz ceus qui estoient au siège de Antioche ocirre ou prendre; puis après en son retor auroit-il en une matinée prise Rohez, et Baudoin, [se il n'estoit morz au prendre,] enmenroit tout lié et le presenteroit à son seigneur, ausi come un mouton. Il s^acorda à leur conseil et se partit d'ilec. Mes toutesvoies, la demorance que il i ot fête sauva à nos genz les vies ', car la chose n'estoit mie si acordée entre Buiemont et son ami que se cil fust venuz tout droit vers Antioche, nostre gent fussent à trop grant meschief, entre les suens que il amenoit et ceus de la ville.

XV. — Cornent li Baron envolèrent savoir la couvine de Tost Corbagat.

La novele commença moût à croistre de ces genz qui venoient : ne fu mie merveille se il en furent effrée en Tost des pèlerins. Li Baron par commun accort voudrent que de leur preudes homes i alassent qui se conneussent en teus choses^ et bien seussent genz esmer aus chans et connoistre leur couvine. A ce furent esleu Dreues de Neele, Clarembauz de Vendueil, Girarz de Cherisi,

* Gaillaume de Tyr ajoute : Et causa fuit de leurs preudesomes s'acorderent à ce que de ^uod dominus Balduinus prœdictœ obsidioni leur gent i alassent tiex qui se conneussent en {Antiochiof) se prœsentem dare non potuit. ces choses... »

* Ed. précéd. « Li baron par commun acort

Renarz li cuens de Toi. Cil menèrent avec eus autres chevaliers, connoissanz et esprouvez d'armes. Cil se partirent de Tost; tant aprochierent les Turs que il les virent de loing. Nequedent bien aperceurent que tout einsi com toutes les eaues cueurent en mer, ausi venoient encore et aplovoient grosses routes et merveilleuse plenté de gent en cel ost Corbagat. Cil preudome se trestrent avant, tant que il virent et connurent tout leur estre, puis s'en retornerent aus Barons et leur distrent la vérité. Li Baron leur prièrent et défendirent, si com il avoîent chier la besoigne Dame-Dieu, que il ceste chose ne descovrîssent pas, ainz la tenissent si celée que la gent à pié de Tost ne le seussent; car granz perilz i auroit, quant il en sauroient la vérité, que il ne s'en vosissent foir ou de nuiz ou de jorz, com gent désespérée.

XVI. — Cornent Buiemonz parla aus Barons, que la cité d'Antioche

fust toute seue.

Conseil pristrent li Baron sur qui li fes de la besoigne estoit, coment il se porroient contenir en ce grief point où il estoient. Aucuns en i ot qui donoient conseil que l'en se partist du siège, et que tuit quanque il estoient, à cheval et à pié alassent .11. miles ou .111. encontre celé gent qui venoient en si grant desroi et en si fier boban; iluec criassent à Dame-Dieu merci, que il leur aidast, puis se combatissent à ceus. Li autre disoient que ce ne seroit mie bien que tuit se partissent du siège, ainz estoit leur los que une partie remansist por garder ceus de la ville, si que il ne se péussent joindre aus autres; et Ji meilleur de Tost et li mieuz monté menassent de la gent à pié grant partie et s'en alassent encontre Corbagat; lors se combatissent à lui. Moût estoit la chose en grant doute, ne ne savoient .auquel acorder. Buiemonz quant il les vit einsi entrepris apela le duc Godefroi, le conte de Flandres, [Huon le Maine], le duc de Normendie, le conte de Toulouse; puis leur dist iteus paroles : « Beau seigneur, je vos voi en moût grant « doute, et ce n'est mie merveille, de la venue à ce puissant home « qui sur nous ameine moût grant plenté de nos anemis : ne vos

« testes mie encore acordé en quel manière vos l'atendroiz, ne « quele sera vostre contenance quant il vendra. Je ne vous oi en- « core, ce me semble, deviser chose qui guères vous poïst valoir ; « car se nos issons tuit contre ces Turs si com aucune gent con- « seillent, ou Tune part i aille et Tune partie remaigne, si com li c autre loent, nos avons perdues noz peines et nos despenses au < siège de ceste ville; car si tost com nos nous partirons de ci , ou « tuit ou la moitié, cil qui viennent metront en celé ville grant « plenté de genz, d^armeures et de viandes toutes fresches. Se il c n^en remaint nul au siège, ce leur sera legiere chose; se il en i c remaint une partie, il nel leront mie por ceus; car quant nos so- « mes tuit ensemble poons-nous à peine destraindre ceus de la ville; « cil qui ne remaindront que un pou , coment porront-il avoir « force contre ceus dedenz et ceus dehors ? ce ne porroît estre. Por « ce, m'est avis que ailleurs covient querre le conseil. Qui porroit « trover manière coment celé cité nous fust rendue, et que nos f us- « sions receu dedenz, ainçois que celé grant gent i venist, ce se- « roit la plus seure chose. Se vos demandez coment ce porroit « estre , je vous mostrerai la voie par coi nos i porrons avenir, si « com moi semble. Je ai un ami en celé cité, loial home et sage, « selonc ce que je puis apercevoir; nos avons covenances entre « moi et lui par coi il me doit baillier une tor moût fort et c moût bien garnie que il tient, quant je la li demanderai. Je li re- « doi doner, par ce fesant, grant plenté de mon avoir, et franchises c et autres aliances garderai à lui et aus suens. Mes ce ne porroit « estre por nule rien, se chascuns de vos ne me claime quite sa « part de la cité, à moi et à mon oir, si que ele soit toute moie; « car autrement il n'i entendroit mie. Se il vous plest, en ceste « manière poez avoir la ville; car se vos m'otroiez ice, je le se- « moudrai des covenances , si que la chose sera bien achevée , à « Taide de Dieu. Se ce ne vous plest, et vos i poissiez trover autre « manière, je sui prez de quitter toute la moie part à un de vous a ou à un autre de nostre compaignie, se il nous puet la cité déli- « vrer; [et, Dieus le set, bien me plera et moût en serai liez en a bone foi.] »

XVI L — Cornent li Baron otroierent à Buiemont leur part d'Antioche.

Quant lî Baron oïrent ceste parole , moût en orent grant joie dedenz leur cuers. Tost s'acorderent à ce que Buiemonz requeroit, et 11 otroierent chascuns de sa part que ele ftist seue toute quite; fors seulement li cuens de Toulouse qui par une enrederie^ où il estoit entrez, disoit que sa part ne quiteroit-il jà à nului. Li autre fiancèrent à Buiemont einsi à tenir, et mistrent en la foi' que il ne descoverroient à nullui ceste chose. Moût li prièrent que il sagement menast son afere et tost se traveillast du parfere, car granz perilz pooit venir de la demeure. Li conseuz se départi einsi. Cil qui estoit sages et de viste sens parla au message qui savoit leur covine : si Tenvoia à son ami et li manda que li Baron li avoient otroié que la cité fust seue. Moût en ot grant joie. Por ce le semonoit par sa foi que il li acomplist, en celé nuit qui venoit, entérinement quanque il li avoit promis. Une chose avint ce jor qui moût aida celebesoigne à parfere : car cil amis Buiemont, Emir Feirus , s'entremetoit moût des choses du palais Anxien et des aferes de la ville. Quant il estoit einsi enbesoigniez, il envola son fîlz que il avoit jà grant en son ostel, por ne sai coi querre. Quant il vint là tout hastivement, il trova que uns des granz amiraus de la ville gisoit à sa mère. Quant il le vit, si ot si grant duel que il en corut arrières à son père ausi come tout hors du sens, et en ce corouz où il estoit conta la chose à son père si com il Ta voit trovée. Li pères estoit sages hom; moût en fu très-durement iriez, et dist teus paroles au vallet : « Beaus filz, ne semble a assez à ces desloiaus chiens que il nous tolent ce que nos avons, « et nous tiegnent honteusement en grief servage, se il avec ce ne « nous honissenttant come il puent et la loi de nos mariages nous « dépècent. A Taide Jhesucrist en qui je croi, je métrai peine co- « ment leur pooirs sera acorciez et cornent il recevront guerredon

* Var. « desverie. » Qui partes suos se ne- * El datis dextris se obUgantes. mini cedere protervh tUmis asseverabaU

A* 1098 (iuin). LIVRE CINQUIÈME. I79

c des maus que il nous font. » Ne fit autre semblant du corouz que il avoit , ainz envoia tantost son fil à Buiemont par la manière que il i soloit aler, et li manda que bien fust apareilliez, car il, endroit soi, li sivroit bien en celé nuit toutes ses covenances. Il li manda que tuit li baron s^en ississent de Tost entor eure de none ', tuit armé chascuns en sa bataille, et fcissent semblant d'aler encontre Corbagat qui venoit; puis s^en retornassent en tout le primsome ^, tôt coiement, sanz noise, et se tenissent tuit prest, entour la mie nuit, de fere ce que l'en diroit. Buiemonz fu moût liez quant il ot oi ce message; puis le mena devant les Barons à qui la chose avoit esté descoverte, et li fist dire la parole tele com il Tavoit aportée. Li Baron, quant il Toïrent, furent moût lie, bien distrent que cil consens estoit loiaus et sages, et moût s'i acorderent.