XIX. — Cornent Emir Feinis essaia son frère

Dez le comencement que la cité fu assise, 11 Tur de la ville orent en grant sospeçon les Greus, les Suriens et les Ermins, et touz les autres crestiens qui abitoient en Antioche. Dont il avint que dès lors tous les povres crestiens qui n^avoient mie en leur osteus suffisamment garnison à lonc tens, il les giterent de la ville et toutes leur mesniées; car il ne vouloient mie que la cité en fiist chargiée ne encombrée. Les riches retindrent dedenz, porce que il avoient assez viandes : ceus meismes grevoient-il trop; car par fausses achoisons les raamboient* toute jor, et toutes leur choses leur toloient. Il les chaçoient aus œvres de la ville; se il i avoit murs à fere, il portoient la pierre, la chauz et le sablon; se il vouloient engins drecier, ne fere giter perrieres ou mangoniaus, il leur covenoit à tirer les cordes. Jà tant com il trovassent crestiens ne quéissent autre gent por ce mestier fere. Quant il avoient travaillé longuement, en lieu de loier les menoient bâtant par toutes les rues, si que mieuz vosissent avoir esté gité hors de la ville dez le comencement avec les povres que estre retenu. Ce ne soufisoit pas à ces desloiaus chiens que il grevoient einsi la crestienté de la ville, ainz s^estoient acordé, dès huit jorz avant ce que il parlassent à Tami Buiemont, que il les ocirroient touz en une nuit; etpieça que' il eust esté fet, se uns des amirauz de la ville ne Peust destorbé, qui estoit touzjorz privez et amis des Crestiens ; il les fist deloier huit jorz par ceste reson, car il leur dist : « Beau seigneur, espoir que li crestien qui nous ont assis se par- « tiront du siège dedenz huit jorz , et por poor de Corbagat qui « vient; et se il s'en partent, por coi ocirrions-nos des crestiens « de ceste ville? et se il ne s'en partent, lors porroiz fere ce que

< Les rançonnaient. * Pièce a, longtemps a.

l82 GUILLAUME DE TYR. A- 1098 Cium).

« VOS avez devisé. » Cil huit jorz estoient jàtrespassé, si que jà estoit comandé moût priveément à ceus qui fere le dévoient que il les océissent par les ostieus touz, en la nuit qui lors estoit'.