I. — Cornent li Crestien porprendent le donjon d'Andoche

A s'estoient bien saoulé d'espandre le sanc à leur anemis li pèlerin, qui de maintes terres estoient là venu : corne gent lasse se tenoient enpais. Li Baron s^assemblerent à conseil, puis distrent entr^eus que la besoigne n'estoit mie encore parfete, ainz i avoit encore assez travail et péril, tandis cum li donjons seroit à prendre, qui trop estoit fors et bien garniz dedenz les murs de la cité. Il mîstrent bones gardes par toutes les portes , puis firent crier par toute la ville Tassant, et comanderent que tuit venissent à la tor qui estoit en la montaigne. Quant il aprochierent de là, bien connurent certeinnement que ce n' estoit mie chose que Ten poïst trere à chief; car celé forteresce ne pooit estre prise en nule manière se par afamer non. Por ce nU travaillèrent guères ; arrières se trestrent et firent retorner leur gent. Cele montaigne qui est desus la ville est devisée en deus, si com je dis desus, par une vallée moût parfunde, dont la faloise est moût roiste ausi come tout à pion. La partie qui est vers Orient est plus basse : desus à une large plaignesse% pleine de vignes et de bones terres gaaignables. L^autre partie devers Ocident est moût plus haute, si s'en va contremont en aguisant. Enz eu somet de ce tertre siet li donjons fermez de trop forz murs hauz et espais; tors i a grosses et hautes devers Orient, et devers Bise le ceint cele vallée si parfonde que ce semble enfer; si est grant hideurs à regarder

* Du latin pianities. Ed. précéd. « planète. »

A*io98 0'mn). LIVRE SIXIÈME. ICI

contreval : Ten ne porroit penser cornent Ten H poïst nuire de ces .II. parz. Devers Ocident li tertres i est plus bas. Entre celui tertre et le donjon est une vallée qui n'est pas moût grant ne moût roiste : par là descent une petite voie du donjon en la ville, qui est si estroite que par soi i va uns hom à grant poor. Li Baron s'acorderent que il fermeroient icel petit tertre, por ce que cil du donjon ne peussent descendre et fere mal à noz genz en la cité. Il firent desus fere un mur fort de chauz et de sablon où il mistrent preudeshomes assez bien armez en bretesches que il asistrent seur le mur; et mangoniaus i levèrent, touz prez de giter si tost com li Tur descendissent aval. Li Baron avalèrent en la ville, por prendre conseil des autres besoignes. Devisée chose cstoit que il retorneroient là tuit, et demorroient entor ce mur novel jusque li donjons fust pris, fors le duc Godefroi qui, par conseil de touz, remest por garder la porte d'Orient et la forteresce que nostre gent avoient fête defors, celé que il baillierent à Buiemont. Il oïrent noveles que cil granz princes Corbagaz, de qui je vos parlai desus, vendroit par tens ; car il estoit jà en la terre d'Antioche entrez; acordé fu que il envoieroient un de leur preudeshomes à la mer, qui diroit à ceus qui de Tost estoient là aie por fere leur besoignes, que s'en retornassent tost, et por fere aporter en la cité quanque il trouveroient de viandes. Cil meismes qui estoient en Antioche corurent par tout le païs entor por querre viandes, mes petit en troverent. Li vilain qui estoient gaaigneur en la terre furent moût lié de la cité qui estoit à nostre gent; car il estoient de nostre foi. Quanque il avoient repost leur aporterent; mes n'i avoit guères de chose, car li Ions sièges avoit gasté le pais [dehors, et vuidiée la ville dedenz].