IX. — Cornent li Tur ocistrent les maronniers d'Antioche
et ardirent leur nés.
Quant la famine croissoit einsi chascun jor en Antioche, mainz en i avoit en la ville qui mieus vouloient estre ocis que languir. En aventure se metoient de nuit et s'en issoient hors de la ville; et quant il pooient eschaper, il coroient jusque au port. Aucunes nés i avoit encore de Greus et d'Ermins qui aportoient viandes. Pluseurs en i ot qui là les achatoient et puis les aportoient vendre en la ville, de nuiz en tapinage. Li autre ne vouloient pas retorner en celé angoisse. Quant li Tur l'aperceurent, maintes fois les gueterent et pluseurs en ocistrent. Au darrenier, por ester du tout ce petit secors que il avoient, envolèrent .11. mille chevauchéeurs à la mer qui ocistrent les mariniers et les mar-
* Francone et Sigemaro. i Mechelen, village situé près de Maestricht.
chéanz qu'il i troverent et les nés ardirent. Aucunes en i avoit aancrées en la mer qui s'enfoïrent. Lors orent perdue cil d'Antioche toute espérance de viandes ; car les isles de mer si corne Chîpre, Rodes et les autres, les terres meismes desur la marine, Cilice, Ysaure, Pamphile et des autres costieres n'osèrent puis envoler leur nés celé part. Lors parfurent trop malbailli cil de la ville; car avant leur venoit pluseurs fois aucun confort des marchéanz; or avoient-il tout perdu. Quant li Tur retornerent de la mer, il encontrerent de nostre povre gent qui s'en aloient celé part; touz les ocistrent, fors aucuns qui se repostrent ez buissons. Quant cil de la ville oirent la novele de la mort à cez, moût en furent dolent ; car trop avoient grant angoisse à leur cuers toutes les foiz que il mesavenoit à leur gent. En tel point estoient jà dedenz la cité que il ne se prenoient mes guères garde de leur défenses, ne ne vouloient obéir aus Barons, qui nul bien ne leur pooient fere.
X. — Cornent cil qui s'enfoïrent d'Antioche encontrerent l'Empereur
qui aloit aidier les Crestiens.
Guillaumes de Grantemesnil et li autre qui avec lui s'en estoient foï vindrent en Alixandre la petite; là troverent le conte Estienne de Chartres qui venue l'en atendoit* de jor en jor en Antioche; car li Baron et toute la menue gent cuidoient que il se fiist pourpensez et aperceuz coment il s'en estoit partiz, et que il deust retorner. Il li contèrent la grant doleur de famine qui estoit en Antioche, por ce que il s'escusassent de leur partir. Granz estoit la vérité de la mesese, mes il en contèrent encore assez plus. Legiere chose fu de celui * retenir, car il n'avoit pas grant talent du retorner. Il pristrent conseil entr'eus, les nés firent apareillier, puis entrèrent en mer. Quant il orent coru ne sai quanz jorz, à une cité ariverent où l'en leur dist que li empereres de Costan-
* C'est-i«dire : dont on attendait le retour • De retenir Etienne,
de jour en jour A Antioche.
tinoble venoit atout ses granz genz de Greus et de Latins. Moût se hastoit d'aler en Antioche, jà estoit à une cité près dMlec qui avoit non Finemine*, bien vouloit tenir la covenance que il avoit à nos genz d'eus secorre. Sanz la gent de son empire qui venoient avec lui, s'estoient bien mis en sa compaignie de la nostre gent^ quarante mille pèlerins; car mainz en i avoit remez du grant ost en sa terre, por maladies ou pour autres resons. Assez en i estoit puis venu de leur terres por le pèlerinage, qui n'osoient passer ces terres jusqu'en Antioche par eus*, or suivoient TEmpereur. Quant li cuens Estiennes oî que li Empereres estoit si près , il s'en ala tout droit vers lui, et mena ses compaignons de coardise. Quant li Empereres le vit, moût lui fist grant joie et le receut ennorablement; [car il Tavoit au venir tenu à sage home et à haut home^] por ce s'estoit moût acointiez de lui. Moût li demanda ententivement de la contenance aus autres barons, et dist que à grant merveille tenoit coment il s'estoit einsi partiz de leur compaignie.
