IV. — Cornent li dux Godefroiz desconfîst les Mescréanz

Jà estoit aprochiez li dux Godefroiz, quant ses frères vint à .111. mille chevauchéeurs preuz et hardis et bien armez, tant que il n'avoit mes à aler que une jornée jusqu'au chastel. Bien s'acorda li cuens Baudoins à Temprise le duc son frère; mes à lui dist que moût avoit granz genz Rodoans, li sires de Halape, ce avoit-il bien apris ; por ce, li conseilla que il envoiast querre les autres barons qui estoient remés en Antioche, et leur priast come à ses amis qu'il li aidassent à fornir ce qu'il avoit promis. Voir est que il en avoit requis et prié moût doucement Buiemont et le conte de Toulouse, ains que il meust; mes il avoient un pou d'envie de ce que li Turs avoit plus requis le Duc que nul des autres barons; por ce ne voudrent mie movoir avec lui. Mes ore quant il les manda, leur fu avis que il ne seroit mie bêle chose de leur remanoir; si, s'atirerent moût isnelement, et tant alerent que il l'aconsuirent. Quant il furent tuit ensemble, bien en i ot .XXX. mille portant armes. Rodoans ot ses espies : bien jsot que celé gent venoient sur lui. Moût les douta, et si avoit-il bien .XL. mille homes : mes n'es osa atendre, ainz s'en parti et retoma en Halape. Li Dux ne sot mie que li sièges fust lessiez, ainz s'en ala vers Hasart. Assez avoit en Antioche de chevaliers et serjenz qui sorent que li Dux avoit à fere de genz^ si se mistrent à la voie por lui suivre, car il li vouloient aidier. Une grant plenté de Turs se furent embuschié lez le chemin por eus guetier. Quant cil aprocherent qui garde ne s'en prenoient, li Tur saillirent sur eus qui moût furent plus; aucuns en ocistrent, mes la greigneur partie

A- ioo8 (août). LIVRE SEPTIÈME. 23 1

pristrent et lièrent, si tornerent vers leur recois. La novele en vint au Duc et à son ost qui furent tuit desvé. Il retornerent por suivre ces maufeteurs. [La gent du pais leur enseignèrent un adreçoer par où il leur vindrent à rencontre.] Puis que il les virent, de grani corrouz leur corurent sus, assez en ocistrent, les autres enmenerent pris ; pou en eschapa qui s^enfoirent ; leur prisons que il enmenoient deslierent. Moût en fu Rodoans domagiez, car il estoient bien .x. mille de la meilleur gent et de la plus esleue* que il peust avoir. Quant il orent ce fet, si repristrent leur voie vers le chastel de Hasart. Quant il aprochîerent, li sires de la ville issi fors à tout .in*chevauchéeurs, là où il vit le Duc, descendi à terre et se mist à genouz ; moût mercia premièrement le Duc, après touz les autres, du secours que il li avoient fet à tel besoing. Lors jura devant touz que à ces barons et à touz autres crestiens seroit mes touzjours feaus et bons amis, si que leur bien voudroit et porchaceroit en bone foi, leur maus destorneroit à son pooir ou les en feroit certains, se destorner ne le pooit. Moût les heberja bel et fist de granz presenz. L^endemain li cuens Baudoins s^en tourna vers Rohez, li autres oz ala en Antioche.