XIV. — Cornent li Crestien vindrent en la cité d'Archis

Ârchis est une des citez de la terre de Fenice, qui siet au pié d^un mont que l'en claime Libane, en un tertre moût fort. Quatre miles ou cinq a, d'iluec à la mer. Moût a pleintéive terre entor el delitable de pastures et d'eaues. Les escriptures dient qu'ele fu fondée moût anciennement; car Noé qui fu en Parche ot trois iilz : li uns ot non Cham, cil ot un filz qui ot non Chanaam ; de celui vint uns" qui ot non Aracheus : icil fonda ceste cité, et por celui ot-ele non Ârchis. Il avoit prisons en celé cité de nostre gent. Cil avoient mandé au conte de Toulouse et aus autres barons que por nule rien il ne passassent outre que il n'asséissent celé cité; car granz biens leur en vendroit. La cité de Triple, qui moût estoit riche et moût noble, séoit près dMlec, à sis miles. Là r'avoitil de nostre gent en prison, car dès le comencement du siège d'Antioche et après quant ele fu prise, comencierent la gent de nostre ost à corre par le pais assez nicement, por querre viandes dont il avoient soufrete : Pen les prenoit en mainz leus, si que à peines avoit cité ne chastel eu pais où il n'en eust en prison. Dedenz celé cité de Triple en avoit plus de deus cenz. Cil meismes avoient mandé à nostre gent que se il vouloient fere semblant de conquerre le pais, li rois de Triple leur donroit moût grant avoir, por eus partir d'iluec, et deliverroit touz les prisons. Il leur avint tout einsi : car nostre gent s'aprochierent de la cité d' Archis pour veoir quel semblant il feroient et por atendre les autres barons, qui par tens les dévoient suivre.

* Aujourd'hui Arcûf voisine de U mer et au- * Septimus JUiorum Chanaan»

dessus de Tripoli.