VI. — De ce meismcs

Quant li Baron furent einsi logié, dès la porte de Bise, si com je vos ai dit, jusqu'à la tor de Tangle qui est sur le val de Josaphat, et d'iluec jusqu'à l'autre angle de la cité qui est sur le pendant de ce val meismes devers Midi, lors fu aperte chose que la moitié de la ville fu à peine assise; car de là où je vos ai dit jusqu'à la porte devers Midi que l'en claime monte Syon, remest la cité toute desassise. Le quint jor puis que li oz se logea devant la cité, fu acordé communément et crié par les héberges que tuit fussent bien armé si com il porroient mieuz et vcnissent à l'assaut. Il vindrent tuit et comencierent moût eforciement à assaillir entor la ville. Moût avoient les cuers hardiz et volontcz ardans de fere la besoigne Dame Dieu. En leur venir pristrent toutes les barbacancs qui estoient endroit eus, et les Turs embatirent dedenz les granz murs. Cil de la ville furent si effréé du grant hardcment et de la proesce que il virent en noz genz, que trop en orent grant poor, si neis que il perdirent toute l'espérance de défendre la ville. Et bien fu seu puis, que tandis com cil bons talenz duroit aus noz, se il eussent eu eschieles ou chas-

* Guillaume de Tyr ajoute : varte etiam ibidem ubi prius fuerat derelicta.

272 GUILLAUME DE TYR, A» 1099 (juin).

tiaus par coi il peussent avenir aus murs, la ville eust esté le jor prise sanz faille. Mes quant li assauz ot duré dès bien matin jusque après eure de midi*, bien s^aperceurent que sanz engins n'i porroient mie fere grant damage ; por ce, se retrestrent en arrières et bien orent talent du revenir, quant li aferes seroit mieus atornez. Li Baron prîstrent eonseil entr'eus coment il porroient trover merrien à fere les engins, por assaillir la ville; car il leur sembloit que en tout ce pais Tcn ne poîst trover arbi^ qui mestier i eussent. Mes uns vaillanz hom de la terre ' vint avant, qui leur enseigna unes valées près d^ilec, à sis miles ou à sept, qui estoient pleines d^arbres assez granz à ce fere; il i envolèrent charpentiers et des barons meismes por eus conduire. Cil en firent trenchier assez et porter en chars et en charrettes*. Lors firent assembler touz ceus de Tost qui savoient de ce mestier; isnelement firent fere perrieres et mangoniaus, chastiaus, chaz et voies co vertes *, à moût grant plenté. Li pèlerin qui savoient ovrer n'en prenoient point de loier, se il avoient tant du leur que il s'en poissent soufrir. Li autre qui estoient povre recevoient leur loiers du commun ®; ear de touz les barons de Tost nus ne soufisoit à ce que il poïst paier du suen ceus qui ces oeuvres fesoient, fors seulement li cuens de Toulouse; car icil touz seus du suen propre sostenoit touz ses ovriers sanz aide d'autrui ; et à pluseurs des chevaliers qui le leur avoient despendu fesoit-il doner moût granz dons du suen. Tandis, com li greigneur baron estoient einsi enbesoignié, que chascuns fesoit fere ses engins endroit soi, li autre chevalier et li menuz pueples corroient par les buissons et par les haies querre coudres et autres verges por fere les cloies. Nus ne vouloit estre oiseus, ainz aidoicnt tuit à celé bone oeuvre. Nus n'avoit honte ne despit de

( A summo mane usque circa horam diei que sitnul et scrophas , ad suffbdiendum

teptimam, A compter de primes ou trois heu- murum. La scropha était une sorte de galerie

res du matin. couverte, synonyme du chdt de notre traduc-

* Quidam fidelis indigena, naiione Syrus. tion. Cattus dans ce sens est déjà dans Vi-

* Camelis et plaustris impositis^ ad urbem truve ^lib. IV, { i3).

detulerunt. * Mcrces de symbolis quos populi offcrebat

* Cattella et machinas jaculatorias quas devotio. mangana vel petrarias vocant, arietes quo-

A* 1099 (juin). LIVRE HUITIÈME. 273

fere chose qui valoir peust, car bien disoient tuit que leur travauz et leur despenz, que il avoient fet en toute la voie, ne vaudroit riens, se la besoigne de celé ville prendre n'estoit bien acomplie.

VIL — Cornent li Crestien avoient grant mesese de soif.

En Tost avoit niout grant mesese de soif; car, si com je vos ai dit, li leus où la cité siet est moût ares, sanz fontaines et sanz puis d'eaues vives ; car se il avoit des puis hors de la ville près, quant il oïrent que nostre gent venoient, il les emplirent de terre; les cisternes meismes où il avoit eu des pluies avoient-il covertes et estoupées por ce que li pèlerin n'en peussent avoir nul ese. Mes li citéien de Bethléem et cil d'une petite cité qui avoit non Tecua, qui savoient le païs entor, leur enseignoient aucuns ruissiaus et puis et cisternes. Iluec avoit granz presses et granz meslées tel ore estoit. Quant la povre gent pooient aporter leur bouciaus * ou les barils pleins d'eaue trouble et espesse, chierement la vendoient en l'ost. La fontaine de Siloé dont je vos parlai dessus, qui estoit devers Tost, ne leur pooit pas soffire, car il n'en sourt mie eaue touzjorz, et celé meismes n'est pas moût bone. L'angoisse de la soif leur croissoit moût, du chaut qui estoit en juing, et du travail que il soufroient, meismement por la poudre qui leur entroit ez bouches et ez piz : por ce s'espandoient par le païs por les eaues querre. Quant li dui ou li troi avoient trové ruissel ou fontaine, tuit li autre i acoroient, si que celé eaue failloit tantost. La gent à pié n'en estoient mie si destroit com cil qui avoient les chevaus, car il les menoient, tele eure estoit, por abuvrer, trois miles ou quatre loing de l'ost, et lors meismes trovoient-il à peines eaue soffisant. Mainz en i ot qui lessierent leur chevaus et les autres bestes por soufrete d'abuvrer. Si véissiez muiez, asnes et bues, vaches et chevaus aler sans garde parmi les chans. Au derrenier, quant il avoient tant langui, il

* Ih utribus,

T. Il GUILLAUME DE TVR. — 35

274 GUILLAUME DE TYR. A- 1099 (juillei

chaoient mort ; dont venoîent trop grant pueur en l'ost, dont li airs estoit corrompuz moût perilleusement. Li pueples n^estoit mie iluec mains en angoisse ne à meschief, por la soif, que il avoient esté en Antioche por faim. Il avoient acostumé d'aler querre pastures à leur chevaus bien loing par les villes ilec entour; li Tur de la ville s^en pristrent garde, si s'en issoient par là où li sièges n'estoit mie, et leur venoient à rencontre; mainz en ocistrent et leur chevaus enmenerent en la cité; mainz s'en eschaperent qui s'en vindrent fuiant. Chascun jor amenuisoit li nombres des pèlerins por maintes aventures teles et por granz enfermetez qui estoient en Tost par pluseurs resons *; dont il en moroit assez. En leu de ceus ne venoient nul autre, mes cil de la ville ne fesoient se croistre non ; car touz les jorz leur venoient nouveles aides et grant refreschîssement de genz et de viandes, qui pooient entrer et issir par les portes hors du siège '.

Vin. — Cornent li Crestien et li Mescréant dreçoient leur engins.

Moût estoient li Baron en grant peine de fere drecier les engins, li menuz pueples de querre teus aides com il pooit porchacier. Cil qui estoient dedenz la ville ne se feignoient mie, ainz metoient grant cure et grant entente à fere autres engins encontre les noz. Bien se prenoient garde queus manières d'estrumens il fesoient por assaillir; ausi bons ou meilleurs les redreçoient cil por défendre : car greigneur plenté avoient-il de merrien que cil dehors; moût en estoit la ville bien garnie, ainçois que li oz venist : cordes avoient grant plenté, pierres toutes fetices plus que mestier ne leur estoit. Li crestien de la ville estoient moût traveillié et plus chargié de ces oeuvres que nule autre gent ; après ce, l'en les batoit moût cruelment; mainz en i ocist-l'en. Por toutes leur mésaventures s'en venoient par eus. Il leur metoient sus que il estoient traiteur et descouvroient leur conseus à leur

* Ici le traducteur ne rend pas bien le latin : infirmitas.,. multi dépérirent, Dum casibus variis quitus mortalis subjacet * Per paries inobsessas.

A* 1099 (juillet). LIVRE HUITIÈME. 2/5

anemis. Nus des crestiens n^estoit si hardiz que il osast monter sur le mur, se Ten ne li enveioit tout chargié de fust ou de pierre. Se il avoient point de viandes en leur mesons, l'en leur toloit, si que maintes meseses en sofrirent. Quant Ten avoit mestier d'un fust, tantost estoit abatue la meson à un crestien, pour prendre un petit fuisel. Se il demoroient à venir à Tœuvre un petit, tantost estoient batu ou navré trop dolereusement. A celé doleur estoient jà mené, que petit en i avoit qui mieus ne vosissent estre mort que vif. Il n'osoient issir hors de leur mesons sanz commandement.

IX. — Cornent li Crestien envolèrent querrc ceus qui estoient arrivé

h Japhe.

Au siège de Jherusalem se contenoient en la manière que je vos ai dit. Lors vint uns messages qui apporta noveles que nés de Genevois estoient arivées au port de Japhe*; si requeroient moût les Barons, cil qui venu estoient ez nés, que il leur envolassent chevaliers por eus conduire jusqu'en Tost. Li Baron prièrent le conte de Toulouse qui plus estoit riche que nul d'eus, que il i envoiast de sa gent : il fist ce que il li requistrent ; si envoia là un suen chevalier qui avoit non Valdemar *, en seurnom Carpinele ; il li bailla trente chevauchéeurs et cinquante serjans à pié. Puis que cil s'en furent parti, li Baron distrent au Conte que pou de gent i avoit envoie, et li prièrent que plus en i envoiast. Il s'i acorda bien; puis i envoia Raimont Pelet et Guillaume de Sabran *, à tout cinquante chevauchéeurs. Mes ainz que il eussent aconséu Valdemar qui s'en aloit avant , cil estoit jà venus ez plainz qui sont entre Lide et Rame : là leur estoient venu au devant .vi.*- Tur à cheval qui leur corurent sus moût durement.

* Notre traductenr s'est abstenu sagement leur temps les chaînes qui l'avaient retenue, et

de répéter avec Guillaume de Tyr ce que on montrait à Rome l'immense squelette du

Pline, et après lui Solin, avaient raconté monstre qui avait dû la dévorer.

d'Andromède, qui fut attachée sur un rocher * Galdemarus,

voisin de Joppé, ou JafTa. On gardait encore de * Viros egregios et insignes.

276 GUILLAUME DE TYR. A- 1099 (juillet).

En leur venir, ocistrent quatre des nos à cheval et plus de cent à pié *; toutesvoies la nostre gent ne se desconfirent mie, aînz se tindrent ensemble et s'entr'amonesterent moût à bien fere et à bien défendre. Estes-vos que cil dui chevalier qui venoîent après et leur compaignie virent ce poignéiz; tant se hasterent que il se ajustèrent aus noz; là se comencierent très-bien à fere, si que tout pleinement desconfirent les Turs et les mistrent à la voie; deus cenz i ot morz des leur; des noz i morurent dui vaillant chevalier dont tuit li autre furent moût correcié : li uns avoit non Gilebers de Trêve, li autre Acharz de Montmelle. Quant nostre gent orent einsi vaincu les Turs, à Japhe s'en vindrent où il furent receu à moût grant joie^ Meismement li notonier de Gènes les receurent moût bel. Tandis, com il sejornoîent iluec et dechargeoient leur nés por atorner coment il poissent venir en Post, sodainement, de nuiz, quant Ton ne s'en prenoit garde, la navie de ceus d'Egypte qui tapie s'estoit au port d'Escalone, vit son point qu'ele porroit domage fere à nostre gent, si s'en vint devant Japhe. Quant li nostre s'en aperceurent, li Genevois hastivement descendirent à la mer. Premièrement essaierent se il poissent les nés défendre de ceus qui venoient, mes il connurent que trop i venoit de gent et que il ne poroient mie ce soufrir; por ce desgarnirent les nés tant corne il porent; cordes et voiles et les autres otîlz emportèrent, puis se mistrent dedenz la forteresce et leur lessierent les nés. Une nef i avoit de ceus de Gène qui estoit alée gaaignier par la mer, si s'en revenoit toute chargiée de grans gaainz et voloit arriver au port de Japhe : mes cil de la nef connurent bien de loing que la navie des Turs tenoit le port, por ce tornerent leur voile et alerent tuit droit jusque à Laliche. La cité de Japhe estoit toute vuide de gent et déserte; car li citéien de la ville ne se fioient mie bien en la forteresce; porquoi il s'en estoient tuit aie, dez un pou de tens ainçois que nostre gent venissent; dont il avint que nostre gent ne gardoient lors que la tor. Quant il virent leur point, il atornerent leur aferes, et tuit en

* De peditibus tnulto plures. qae H Turc estoit einstnt descomfit, il s'en re-

^ Éd. précéd. « Quant nostre gent orent oT vindrent en Tost. »

A* 1099 (juillet). LIVRE HUITIÈME. 277

conroi se mistrent à la voie : en Tost vindrent, où Ten leur fist grant joie, car li notonier de Gène estoient moût bon charpentier • et moût savoient de mangoniaus fere et autres engins à guerre ; si que puis qu'il furent venu, plus delivrement et mieuz comencierent li Baron leur emprises à délivrer.