XIV. — Cornent la nuit fist départir l'assaut

Cestui grant assaut et perilleus, qui tant dura, départi la nuiz qui vint oscure. Li nostre retournèrent à leur héberges por mengier et por reposer ; granz guez * de bones gens lessierent entor les engins que Ten ne les venist ardoir. Cil de la ville remistrent grant peine de garder leur murs, car il doutoient moût que la nostre gent, qu'il avoient veu si vîguereusement défendre et assaillir, ne montassent de nuiz par eschieles et entrassent en la ville. Por ce se penoient cil sur qui ceste chose estoit mise, d'avironer toute celé nuit les murs et cerchier" les tors. Les rues meismes de la ville fesoient-il garder à grant gent, qu'il n'i poïst avoir traîson; moût i metoient grant entente, car ce estoit pour garder leur vies, leur femmes et leur enfanz et toutes leur choses. Li nostre qui estoient ez tentes et ez loges n'avoient mie les cuers en repos, ainz leur souvenoit de Passaut qui avoit esté; à chascun remembroit de ce qu'il avoit fet, et li sembloit que il avoit assez choses lessiées qu'il deust avoir fêles; moût desiroient tuit à revenir en point de proesces fere. Moût leur tardoit li jors, ne ne ^embloit mie que il eussent nul grevement, ne nul ennui des travauz que il avoient le jor soufert. Grant espérance avoient en leur cuers que sitost com il revendroient ensemble, par l'aide Dame-Dieu il en auroient le meilleur. Si en estoient en grant angoisse, qu'il leur estoit avis que plus avoient meseses en leur héberges que il n' avoient eu à l'assaut.