LIVRE HUITIEME

apela : les uns envoia à la porte Saint Estienne et leur comanda que il rouvrissent. Quant ele fu ouverte, tous li pueples se mist enz à grant presse, si que ne demora guères que touz li oz fu dedenz la ville. Ce fut le jor d'un vendredi, entor none. Bien est créable chose que Nostre Sires le fist par grant senefiance : car à ce jor, entor celé eure, soufri-il mort en ce leu por les pécheurs raembre. A ce jor meismes fu fez li premerains homs; pour ce vout-il, li haus Sires, que li pueples de ses pèlerins leaus à tel jor li rendist sa ville et delivrast, à son servise fere , et rendist la franchise aus crestiens qui longuement i avoient esté en dolereus servage.

XIX. — De la grant ocision des mescréanz qui fu dedenz Jherusalem

quant clc fu prise.

Godefroiz de Buillon , li chevalier et li sergent, qui avec lui estoient, descendirent des murs en la ville tuit armé; ensemble s'en aloient par les rues, les espées ez mainz et les glaives ; touz ceus qu'il encontroient de leur anemis convenoit à morir; n'i espargnoient ne femmes ne enfanz ; n'i avoit mestier prière ne crier merci. Tant en i avoit là d'ocis parmi les rues et si grans monciaus de testes copées, que l'en ne povoit passer se par desus les cors non, ou sur les testes; car la gent à pié s'en aloient à granz routes par les autres parties de la ville. Il tenoient les haches et les maces; quanque il povoient trover de Turs livroient à mort, que c'estoient la gent qui plus volentiers le fesoient. Il estoient jà einsi venu jusques vers le milieu de la cité ;

Maintenant voici le compte des historiens contemporains. Chez Tudebode, les premiers : « Quidam miles nomine Letoht, Eustachius et Godefredus, ■

Le M Tudebodas imitatus 1 : « PiusLetholdus, aller vero Ingelbertus Flandrigena, Bernardus de Saint-Valéry. »

Raimond d'Agailers: i* Tancredus; puis le duc de Lorraine.

Les « Gesta Francorum Hierusalem expu-

gnantium » : « Milites Ducis et ambofratreê Engelbertus et Lieloldus. *

Raoul de Caen : i' Bernard de S. Valéry. Lethold et Engilbert.

Robert le Moine : 10 Lelholdus; 20 Guitche* rius qui leonem prostravit; 3» Dux Gode/redus milites suos sequitur.

Orderic Vital : i* Letoldus et Haimboldùt Creton,

290 GUILLAUME DE TYR. A- 1090 (i5 julllei).

li cuens de Toulouse et sa gent ne savoient mie encore que la cite fust prise, ainçois assailloient moût fièrement entor Monte Syon. Li Tur meismes qui se defendoient encontr'eus ne s'apercevoient mie que li nostre fussent en la ville. Mes quant li criz et la noise de ceus que Ten ocioit comenca à croistre, li Tur se regardèrent de desus les murs, bien connurent les banieres et les armes des Crestiens, si en furent moût esbahi; tuit lessierent leur défenses, chascuns s'enfoi là où il se cuida mieuz garantir. Por ce que li donjons de la ville estoit près*, qui avoit la greigneur force de la cité, tuit cil qui leanz se porent fichier y entrèrent et barrèrent les huis sur eus. Li cuens de Toulouse fist le pont de son chastel avaler sur le mur, et entrèrent en la ville par iluèc, il et Ysoarz li cuens de Die, Raimons Pelez, Guillaumes de Sabran, Tevesque d'Albare et li autre baron. Par les eschieles meismes montèrent sus li Chevalier' moût hastivement et cuiderent qu'il fussent de celé part li premier en la ville. Lors avalèrent des murs et quanqu'il troverent des Turs ez rues et ez mesons tous metoient à Tespée. Dès lors ne pooit riens eschaper, car cil qui fuioient devant la route le Duc, encontroient une autre route qui n'avoient talent d'eus lessier aler. L'en ne puet mie chascun des fez conter par soi, mes tant y ot de sanc espandu que li ruissel en coroient granz parmi les voies. Tout estoit jonchié de genz mortes, si que pitié en peust prendre % [se ce ne fust des anemis Nostre Seigneur.]