XXVIII. — Cornent li sires des Harzassis se vout
Il avint en cele seison meismes une chose moût périlleuse au roiaume de Jherusalem et à toute sainte Eglise, dont l'en sent encore le domage en cesl jour d'hui. Force que vous l'entendiez mieuz, je vos comencerai un pou de loing. En l'arceveschié de Sur est la terre qui a non Fenice, qui s'estent outre l'eveschié de Tortose. Iluec habite uns pueples qui bien tient .x. chastiaus forz et villes assez; entredeus, ne sont mie partout guères plus de .Lx,"- Il n'ont mie seigneur par héritage, ainçois eslisent à escient le meilleur home de la terre por eus governer et deffendre ; ne le vuelent apeler empereur ne roi ne conte ; sanz plus, le noment le Vieil. Il li obéissent si et le doutent et enneurent que nule chose n'est si dure ne si périlleuse, se cil leur comande, qu'il ne facent trop volentiers; et dicnt que nul si granz enneurs n'est en ce siècle corne de faire les comandemenz son seigneur; et en ce cuident bien leur âmes sauver. Dont il avient que se li mestres het aucuns princes qui soit ses voisins, ou ailleurs en lointaignes terres, il apele .1. de ses homes, le quel qu'il veut, et li baille un coutel ou une miséricorde', si li comande que il ocie son anemi de cele arme. Cil s'en vet à trop grant joie; jà puis ne finira de querre le tens et le leu Jusque il a parfet le comandement son seigneur. Les genz du pais et li Sarrazin meismes les apelent Harsaxis'. Je ne poi onquestrover bone raison porque il sont einsi nomé. Icist pueples tînt la loi des Sarrazins bien .cccc. anz si fermement et si à grant religion de cele erreur, que tuit li autre Tur disoient que cil seul estoient vrai desciple Mahomet. Après avint que il eslurent à leur mestre un home de leur gent qui trop estoit de bon sens et de cler engin; bien parlant sur
* Data un/ de suit vel pluribua sica. • Assistsiata vacant.
touz autres homes. Cist, quant il fu en celé dignité premièrement en repost, comenca à regarder es evengiles et sovent estudioit es epistres saint Pol*. Et quant il entendi les enseignemenz que Nostre Sires fesoit à ses apostres et à son pueple, et les bonnes paroles et les sainz amonestemenz que messires saint Pous escrist; de Pautre part regardoit renseignement et les decevances que li desloiaus Mahomez avoit comandées por atrere la gent à leur dampnacion ; il ne prisa riens la mescréance des Turs, ainçois s'aperceut certainement que il n'i avoit fors barat et guile. Et quant il fu auques bien afermez en celé vérité, il en comença à parler aus sages homes de sa terre et leur descovri son pensé. Cil s'i acorderent legierement; après il preeschaà son pueple tout en apert communément, que il avoient esté deceu et qu'il ne se porroient sauver en la mescréandise Mahomet : por ce leur deffendi que il ne tenissent plus celé desloiauté. Les mahomeries où il soloient orer fist abatre; vin leur dona à boivre tout en apert, et leur fist mengier char de porc en despit de Mahomet et de sa loi. Lors vout que la Crestientez fust entérinement gardée et tenue par tout son pooir. Por ce apela un suen ami de son païs, loial home et de grant conseil et tresbien par- ^ lant, Ten Tapeloit Boaldelle; celui envoia privement au roi Amauri, de par soi et de par tout son pueple, et li manda que tuit estoient prest de recevoir et tenir loiaument à touzjorz la foi Jhesucrist, par covenances que il demandoit assez resnables et legieres. Li graindres poinz et li plus forz estoit cist : se li frère du Temple qui recevoient chascun an par tensement de ses chasteaus qui estoient en leur marche .n.". besanz, les vouloient quiter à touzjorz et tenir eus en bone pais et en bone amor, come leur frères en la foi, il estoient prest de recevoir le baptesme por leur âmes sauver, et deflfendre la foi crestiene contre toutes genz.
* Et codicem apostolicum.
