IV. — Cornent li cuens de Triple et le bail le Roi
Li Rois fist semondre à un jor les princes et les prelaz du roiaume en Jherusalem. Li cuens de Triple vint por oîr la response, de ce qu'il avoit demandé le bail du roiaume. Li Rois tint son parlement deus jorz; à la fin, par acort de touz,. fist apeler le Conte delez Teglise du Sepuchre , dedenz le chapitre ; iluec li otroia li Rois et bailla la garde et la deffense de lui et du roiaume : touz li pueples en ot grant joie. Force que voz orroiz parler en mainz leus de cestui conte, je vos vueil à leisir dire de queus genz il fu nez et queus il fu. Voirs est qu'il descendi du lignage au conte Raimont de Toulouse, de que je vos parlai assez quant vos oïstes l'estoire des bons princes primerains qui conquistrent la terre sur les Turs. Por lui estoit-il apelez Raimonz. Icist granz princes Raimonz de Toulouse, ot un fil qui ot non Bertranz qui tint la conté de Triple après la mort son père, et puis que Guillaumes Jordains fu morz, qui estoit niés à ce conte. De celui Bertran eissi uns filz qui ot non Poinces, et cil ot par héritage la conté de Triple, quant ses pères fu morz, et prisi à femme Cécile la fille le roi Phelippe de France, qui avoit esté premièrement espousée à Tancré. De cele ot-îl un fil qui refu apelez Raimonz, et tint la conté de Triple après lui. Cist prist à femme Odierne,
• Pradecessor noster.
A- 1173. LIVRE VINGT ET UNIÈME. 36g
la fille le secont roi Baudoin de Jherusalem. De ces deus fu nez icist cuens Raimonz dont je vos parole, à cui vint la conté de Triple com ses droiz héritages, quant ses pères fu ocis des Harsaxis, devant la porte de Triple. En ceste manière fu icist cuens Raimonz cousins au roi Amauri et au roi Baudoin de par sa mère; car il estoient fil de .n. sereurs. De par son père leur apartenoit, mains un degré; car s'aiole, celé Cécile de que vos oistes qui fu mère son père, fu suer au roi Foucon qui fu pères à ces deus rois ; ele fu sa suer de par sa mère qui fu premièrement femme le vieil conte Foucon d'Anjou , par la volenté son frère Amauri de Montfort'. Quant el ot jà eu de lui celui Foucon qui puis fu rois, si leissa son seigneur et s'en ala au roi Phelippe de France qui por amor de li guerpi sa femme et en ot icele Cécile et autres enfanz. Par tel raison com je vos ai dite apartenoit cïst cuens de Triple aus deus rois frères, de deus parz.
Il estoit megres de cors et grelles, assez de bel, grant, bel visage avoit, et un poi grant nés; cheveus pendanz et bruns; biaus euz avoit, et assez largetes espaules*. De toutes choses estoit moût amesurez, meïsmement de boivre et de mengier, et de parole moût resnables. Sages estoit et clervéanz en granz besoignes, sanz orgueil; larges plus aus estranges que aus suens. En la prison des Turs avojt apris un pou de ' letres. Moût volentiers demandoit des escriptures, quant il trovoit qui l'en seust respondre. En cel an qu'il fu apelez au bail du roiaume, il avoit espousée une dame qui ot non Eschive et avoit esté femme Gautier, le prince de Galilée. Celé dame estoit moût riche; enfanz avoit assez de son premerain seigneur; mes du Conte n'en ot-ele onques nul. Nequedent, il Tamoit ausi tendrement com se tuit si enfant fussent de lui. Or revendrons à nostre estoire. Li evesques Raous de Bethléem avoit esté morzen l'esté devant. Li Rois, par le conseil de ses barons, fist chancelier Guillaume, l'arcediacre de Sur ', [qui ceste estoire mist en latin].
< Guillaume de Tyr ne dît pal que Bcnrade t Ereçlas humeris.
fut mariée au comle d'Anjou par la volonW » Vt essit qui rcgiarum epistolarum curant
