V. — Cornent Salehadins ot le roîaume de Damas

Dedenz cel an meismes, li Tur du roiautne de Damas envolèrent celeement leur message à Salehadin et li mandèrent que venist sanz demeure vers eus; car il li bailleroient toute la terre. Leur droituriers sires, li filz Noradin, qui a voit non Malehesalah * estoit encorespetiz enfés et demoroit à Halape. Quant Salehadins 01 ces noveles, qui fu filz Negemedin le frère Siracon et tenoit la terre d'Egypte qui li estoit escheoite de son oncle, il bailla à un suen frère qui avoit non Sephedins* son roiaume à garder, puis se mist à la voie par le désert et s'adreça por aler à Damas. Grant plenté de genz i venoit avec lui. Ne demora mie granment, puis qu'il fu là venuz, que cil du païs li rendirent la cité de Damas. Lors se pensa-il que puis qu'il avoit le chief de ce roiaume, les meneurs citez ne se tendroient mie contre lui. Por ce s'en ala vers la terre qui a non Celessurie. Einsi com il avoit enpensé, les genz de celé contrée li rendirent toutes les fortereces et la terre, encontre la loiauté qu'il dévoient à leur seigneur cui Salehadins devoit estre sers; car il avoit esté sers son père. En ceste manière prist en sa main la cité de Maubec* et la Chamele, Haman et celé qui a non la grant Cesaire. Il avoit encore plus entesé*; car, tant avoit fet parler aus amirauz de la terre de Halape, que il li dévoient rendre la cité et bailler l'enfant qui ses sires deust estre. Mes icele chose ne fu mie achevée si com il pensoit; car li rois deJherusalem ot conseil à ses barons que il porroit faire encontre ce que Salehadin montoit en si grant pooir. Il s'acorderent tuit que li cuens de Triple preist genz avec lui assez, et du roiaume et de sa conté, et se tressist vers ces parties où Salehadins estoit. Bien li fu comandé que en toutes les manières qu'il

* Ismaôl Malek-as-Saleh, sultan de 1174 à dicitur, arabice dictant Baalbeth. — Emi^ 1 181 . s^ffi, quœ vulgo Camela dicitur...

• Abôu-behr, surnommé Sayf-eddin (gla- * Entesé, visé. Expression qui répond à dius religionis) , et plus tard Malek-Adel celle-ci ; // avoit encore tendu vers un autre (rexjustus). but.

» Hdiopolin gra:cc, quod hoJic Malbec

porroil nuisist à Salehadin et destorbast son acroissement; car bien sembloit à touz les sages homes que tant plus montoit cil en haut tant abessoit li pooirs de la Grestîenté eu païs, pbrce que cil estoit sages et entendans à sa besoigne faire, chevaliers bons et hardiz, larges sur touz les princes qui lors estoient. C'estoit la chose que noz genz doutoient plus en lui, car il n'est riens qui si atraie plus les cuers de privez et d'estranges come grant largece de prince. Grant sospeçon avoient doriques qu'il ne montast en tel pooir sur les genz de sa loi que legiere chose li fust de venir au desus de noz crestiens. Li Cuens avoit enpensé que il aidast tant com il polst à cet enfant qui estoit filz Noradin, ne mie por amor qu'il eust à lui ne à sa gent, mes por acueillir le suen pooir avec son est por détenir Salehadin en cete terre : car tandis com l'en li bailleroit entente iliiec% ne feroit-il mie grant mal au roiaume de Surie.