XIX. — Cornent Salehadins barroia le paîs d'Escalone

Bien cuiderent li Rois et sa gent que Salehadins feist logier son ost celé nuit là où ilavoient esté devant, ou plus près encore, por asseoir la ville; mes il estoient en si grant bobant que toute nuit ne finerent de cerchier le pais par tropeaus, si que leur cheval n'avoient point de repos. Entre les Turs avoit un renoié qui crestiens avoit esté, nez d'Ermenie, I vélins estoit apelez; chevaliers trop bons, hardiz et emprenanz de toutes granz choses, mes la foi crestienne avoit guerpie. Cil prist une grant route de Turs avec lui et cevaucha jusqu'és plains de Rames. Quant il aprocha la cité, toute la trova desgarnie : por ce i fist le feu bouter, si Pardi; car li citeien de la ville, porce qu'ele n'estoit mie bien garnie, s'en partirent ; li un alerent en Tost d'Escalone avec Baudoin de Raihes; les femmes et li enfant et une partie des homes s'en estoient foi dedenz Japhe; aucun d'eus meismes estoient aie en un chastelqui siet es montaignes assez bien garni que l'en apele Mirabel. Quant Yvelins ot einsî arse la cité de Rames , tout droit s^en ala devant l'autre cité qui a non Lidde et l'assist de toutes parz. Hardiement fist assaillir ses gens aus murs et trere si grant plenté de saietes que cil dedenz orent moût grant peor et se comencerent trop à esmaier. Pou de chevance metoient en defifendre la cité, ains s'en estoit tous li pueples montez sur l'église monseigneur saint Jorge le martyr. Li effroiz estoit si granz par toute la terre, ne mie seulement sur cens qui abitoient es plains, mes cil meismes qui estoient es forz chastiaus des montaignes se desesperoient tuit. Jusqu'en la cité de Jherusalem vint la peors moût granz; car cil de la ville doutoient qu'il ne la poissent mie bien toute deffendre. Por ce avoîent en proposement que sitost corne li oz des Turs vendroit, il leur guerpiroient la ville et se recevroient dedenz la forterece que l'en apele la tor David. Li correeur Salehadin estoient jà venu jusqu'à un leu que l'en claime Galcaille, si avoient tout le païs si gasté qu'il n'ï avoit rien lessié fors es montaignes. En tele manière estoit touz li

roiaumes desconfortez que li anemî de la foi coroient par tout à grant bandon.