XXII. — Cornent li Bédouin toUirent ie bernois Salehadin

Une autre chose avint lors par que il fu aperte chose que Nostre Sires [grevoit ses anemis et] vouloit aidier à son pueple. Car sitost corne la desconfiture ot esté fête .x. jor après, ne fina onques de plovoirsî tresfondieumcnt que riens ne se pooit garantir hors de meisons, et que l'en n'avoit mes, grant tens avoit, si grant pluie veue en cele terre. Li Tur qui eschapé estoient perdirent leur chevaus de mesese, à ce que il n'es avoient guères espargniez, quant il cerchoient le païs. Ainçois que la bataille fust, robes ne viandes nules n'avoient avec eus. Li froiz des plaies les destreignoit moût; ne savoient pas la voie, et ne pooient aler à pié por le fort tens; si les trovoit-l'en, enmi les chans, touz esgarez par tropiaus; ausi legierement les enmenoit-l'en come bestes. Aucunes foiz cil qui s'en cuîdoient bien foir vers leur païs s'en venoient tout droit aus noz qui les aloient querant. Li Tur d'Arabe que l'en apele Bedoins virent que Salehadins estoit einsi desconfiz et qu'il avoit perdues ses genz; si s'en alerent isnelement à ceus qu'il avoit lessiez à tout le hernois en la cité de Lars, si com je vos dis desus. Moût effreement leur firent asavoir la desconfiture de leur genz, puis leur corurent sus et leur toUrent tout le hernois qu'il gardoient ; eus meismes enmenerem pris touz liez, si que cele gent que Salehadins avoit amenée ne porent trover nul garant. Cele manière de Turs qui ont non Bedoin ont ceste costume, que nule foiz n'assemblent por combatre, tant com il le puissent eschiver; mes il atendent et regardent de loing liquel vaincront; quant li un sont desconfit de quelque leu qu'il soient, cil leur cueurent sus et prennent du gaaing ce qu'il en pueent avoir. Ne sai quanz jorz après, li nostre ne finoient de cer-

chier les bois et les montaignes, et tro voient desTurs qui là s'estoient repost. Maintes foiz venoient-il tout de leur gré à noz genz et se rendoient à eus, por ce qu'il vouloient mieuz estre tenu en prison que mourir de fain et de mesese parmi les chans. Li rois Baudoins, qui ot demoré un pou dedenz Escalone por ses genz reconcueillir, départi le gaaing à ceus qui Tavoient fet. [Tant en ot chascuns que tuit en furent riche.] Salehadins qui venuz estoit en la place à si granz bobanz com vos oïstes, et départies avoit à ses genz les citez du païs, s'en ala moût desjugiez et trop honteus; à peines en pot-il mener .c. chevaucheeurs avec lui; il meismes por eschaper monta sur un chamel corsier. En ceste chose puet-l'en bien veoir que l'en ne doit avoir espérance fors seulement en Nostre Seigneur : quant l'aide des homes faut, lors set-il bien envoler la seue. Se li cuens de Flandres et li cuens de Triple et li autre bon chevalier qui estoient avec eus eussent esté à ceste besoigne, l'en poïst cuidier que force d'omes et chevalerie eussent gaaigniée ceste victoire; mes Nostre Sires veut celé chose acomplir par un petit de gent, por mostrer que devant touz en doit-il avoir les grez et les grâces. Li Rois s'en ala en Jherusalem por rendre grâces à Nostre Seigneur en l'église du Sepuchre de la grant enneur qu'il avoit fête à son non et à son pueple.

XXIII. — Cornent li cuens de Flandres s'en retorna sanz rien faire.

Tandis come la besoigne aloit einsi au reigne de Surie, li cuens de Flandres et li autre qui avec lui estoient demoroient encore au chastel de Harenc, mes n'i fesoient guères de leur enneur ne de la besoigne Nostre Seigneur ; car il n'entendoient mie à grever leur anemis si com il deussent, ainçois ne fînoient de joer aus tables et aus esches ; en robes legieres estoient , touz nuz piez, dedenz leur paveillons. Sovent s'en aloient en Antioche o granz compaignies por estre iluec es bainz et es tavernes et es mengiers ; à luxure et à mauves deliz metoient toutes leur ententes. Cil qui demoroient au siège estoient pareceus et non challant de faire ce

qu'à eus apartenoit. Lî cuens de Flandres dîsoltchascun jor qu'il l'en covenoit à aler et que ce estoii sur son pois qiianque il demoroit iluec. Geste parole fesoit moût mal; car cil de l'ost en estoient desconforté et ne leur chaloit que il fcissent ; cil du chastel en avoieni grant confort, et quant il oïrent que li sièges devoit tost faillir, mieuz vouloient soffrir mesese en eus deffendre que rendre à leur anemis la forterece que leur sires leur avoit bailliée à garder. Li chastiaus séoit sur un tertre hautet qui avoit esté fez de terre aportéice en pluseurs leus. D'une seule part i pooit-1'en assaillir, ailleurs estoît la mote trop roiste. Nequedent, par tout pooient gîter engîng. Au comencement se contindrent li nostre assez bien, car il firent giter perrieres et mangoniaus. Il metsmes assaillirent et blecierent assez de ceus qui léanz estoient. Après, par envie et par vilainie et parece, leisserent tost Tafaire venir à néant, si que liTur, qui trop estoient avant effréé que près qu'il ne se rendoient, se rasseurerent et rafermerent quant il conurent la mauvese contenance des noz et sorent qu'il parloient chascun jour de partir d'iluec. Moût doit-l'en tenir à grant merveille ce que si preudom, corne fuli cuens Phelippes de Flandres, se Jeissa einsi aler en celé besoigne que il ne 11 chalut que l'en déist de U. Quant li princes d'Antioche vit que li afaires estoit atornez à ce que il ne fesoient nule riens fors gaster leur tens , à ceus dedenz fist parler et treist d'eus tant d'avoir com il pot, por le siège lessier. En ceste manière se partirent tuit de là assez honteusement. Li cuens de Flandres s'en ala en Jherusalem ; iluec fu le jor de Pasques. Après fist atorner sa muetc , nés et galles apareillier tant com mestier en ot ; à La Liche ' de Surie se mist en mer por aler droit en son pais par l'empereur de Costantinoble. Ne leissa guères bone remembrance de ses fez en la terre d'outre mer. Eu tens qui lors estoit, li empereres d'Alemaigne s'apaisa au pape Âlixandre du contenz et de l'escomeniement qui avoit jà duré près de.xx.anz; et celé paisfu fête en Venice. Lors meismes avint que li baron du roiaume de Surie et li prélat des églises virent que H

mur de Jherusalem estoit si viel que il decheoient en pluseurs parties ; si firent entre eus une taille de paier chascun an certaine somme d'avoir, jusque il fussent refet et mis en bon point.

XXIVL — Du gênerai Concile qui fu à Rome.

En l'an de Tlncarnation Nostre Seigneur .m. et .c. et .lxxviii., ce estoit au quint an du reigne Baudoin le quart, li generaus conciles estoit semons par toute Crestîenté por assembler à Rome. Au mois d'oictovre vindrent li prélat de Surie, Guillaumes li arcevesques de Sur, Eracles li arcevesques de Cesaire, Auberz lievesquesde Bethléem, Raous evesques du Sabbat, Joces evesques d'Acre, Romains evesques de Triple, Pierres prieus du Sepuchre, Renauz abés de Teglise de Monte-Syon. CilJoces aloit au concile et si estoit envolez au duc Henri de Borgoigne por lui dire que li rois Baudoins et li baron de sa terre * s'estoient acordé que J'en li donast à femme la sereur le Roi, qui premièrement avoit esté espousée au Marquis. Celé parole receut li Duc premièrement moût volentiers, si com l'en dit, il jura ce à faire en la main l'evesque Joce : mes quant il vint après, il chanja son courage, je ne sai pour queus raisons, et ne vout aler là, et de ce ne regarda son serment. En ce mois que li prélat d'outre-mer murent por aler à Rome, li rois Baudoins assembla tout le pooir du roiaume; si s'en alerent sur la rive du flun Jordain, eu leu que l'en apele le Gué Jacob. Iluec comencerent à fermer un chastel. Li ancien dient que ce est li leus où Jacob passa le flun quant il retornoit de Mésopotamie , et envoia messages à Esaii son frère; et de sa gent fist .ii, routes. Por ce dist-il iluec : Je passai à mon baston cest flun Jordain et ore m'en retor o tout deus routes *. Cist leus est entre la terre de Neptalim qui a non Cades, et la cité de Belinas, qui sunt en Fenice, desouz l'arceveschié de Sur. D'iluec a bien .x. miles jusque en Belinas. Un tertre avoit en

* Conveneramus enim unanimiter,.. XXII, | 10.)

■ Cum duabus turmis regredior (Gènes.

ce leu auques hautet, sur que 11 glterent leur fondement et levèrent un mur en quarrié moût large et espés et de fort euvre; si demorerent bien .vin. mois à ce faire. Tandis, com il entendoient à fermer ce chastel, robeeurs issirent des parties de Damas qui porpristrent si les voies entor l'ost que nus ne pooit aler ne venir là endroit qui ne fust desrobez et pris. Cil qui dcffendre se vouloient esloient mort. Icist larron estoient premièrement es montaignes près d'Acre, en un chastel que l'en apele Boucael. Cist leus est en la terre de Zabulon moût delitables, et ne remaint mie por ce se il siet sur treshauie montaigne, que il n'i ait bêles fontaines et douces, d'arbres portant fruit à grant plenté. Les genz de ce chastel suelent estre par costume preu et hardi et bien alise en armes; si que il jostissoient touz leur voisins, et les casiaus d'entoreus avoient amenez à ce que tuit leur rendoient treu . Tuit cil qui forfet avoient et qui enportoient l'autrui chose par force ou par larrecin se recetoient léanz, porce qu'il en donoicnt grant partie aus chevetaines de la forterece. De ce avenoit qu'il estoient assez gent léanz. Ausî bien coroient-il sur les Crestiens come sur les Sarrazins quant il véoient leur aise; porce, estoientil haiz deçà et delà, et s'en pîaignoient tuit cil qui estoient près d'eus, car leur force et leur outrage crorssoit chascun jor. Quant li rois Baudoins ne pot plus ce soffrir, il s'en ala soudeinement à ce chastel atout grant compaignie de ses genz. Ceus qu'il pot prendre ocist touz et le chastel prist par force; mes il n'i trova guères de gent; car li plus d'eus avoient seu sa venue et s'en estoient foï en la terrede Damas, atout leur femmes et leur enfanz ; d'iluec n'avoient mie oubliée leur costume, ainçois venoient en reposi aus chemins, si com je vos ai dit, et avoient granz compaignies ; touz ceus qu'il pooient trover de noz genz enmenoîent pris et desroboient. Quant li nostre virent qu'il leur fesoient tant de domages, si pristrent entr' eus conseil coment il porroient ceste chose amender, et asseurer les voies ; à la fin s'acorderent à ce que il metroient de leur genz par repostailles et par enbuschemenz en divers leus, si que cil qui ne s'en prendroient garde porroient venir sur eus, et leur feroit-l'en domage. Dont il avint

une nuit que cil robeeur orent fet grant gaaing et s'en retornoient moût joieus de là dont il estoient venu, et tant qu'il passèrent près d'un de noz enbuschemenz; cil saillirent fors et les seurpristrent; neuf d'eus en pristrent vis, mes il en ocistrent bien .lxx. ou plus. Ce fu en marz, le jor de la feste saint Beneoit. En celui mois meismes, tint li apostoiles Alixandres son concile en Teglise du Latran qui fu palais Costantin \ Là ot bien assemblez .ccc. que evesques que arcevesques. Là ot fet mainz bons establissemenz qui furent mis en escrit *.