XXVIII. — Cornent Salehadins âst abaire le gué Jacob

Moût estoit li roîaumes de Surie desconfortez de celé chose qui avenue estoit, et moût avoient grant peor de Salehadin qui si montoit en grant pooir près d'eus. En celé saison meismes, vint à Acre li cuens Henris de Ghampalgne' filz le viel conte Tibaut, qui amena bêle compaignie de barons et de chevaliers avec lui et Pierres de Cortenai, frères le roi Looys de France, et Phelipes ses niés filz le conte Robert, esliz de Bîauvez. De leur venue furent moût joieus et reconforté au pais, car il avoient espérance que si haut home com il estoient vengeassent les outrages que li Tur leur avoient fet, et les garantissent des maus qu'en leur pensoit à faire. Mes, si com à Nostre Seigneur plot, ne tîndrent mie grant leu àlabesoignedu roiaume; car Salehadins, qui fu montez en grant orgueil, ne leissa guères reposer nostre gent, ainçois amena grant plenté de Turs et assist le chastel que li Rois avoit fermé novelement au mois d'avril, [que l'en apeloit le Gué Jacob]. Il avoit esté bailliez aus Templiers à garder, porce que il dtsoient que touz li païs d'entor devoit estre leur, par les dons des rois. Quant la novele vint au roi Baudoin que Salehadins estoit là à siège, il assembla tout son pooir, et furent avec lui cil haut home qui estoient venu de France. Bon talent avoient tuit

' Gulll. de Tyr, giiniralement difavonblc occaiioafot dicitur dedisst. lux deux ordres milllairei, e» pourtant ici ■ Cornes Trcceajis... gaem nos a synodo

iser- reJeanles, apitJ Brtadusiuni Appuliir civi-

408 GUILLAUME DE TYR. A- iiSo.

du chastel délivrer ou de combatre aus Turs. Mes tandis com il appareilloient leurmuete et metoient Tafere en délai, noveles leur vindrent, si com il estott voirs, que Salehadins, qui n'estoit mie pareceusdesa besoigne faire, avoit jà le chastel pris et fondu tout à terre ; touz ceus qu'il trova dedenz avoit ocis et menez en prison. Après les autres mésaventures fu ceste chose qui moût desconforta les nos genz et touz ceus de la terre , et sembla bien que Nostre Sires haïst son pueple; mes queque li home jugent par dehors, les seues oevres sont touzjorz bones et droiturieres; et à ceus qu'il aime fet-il plus sovent comperer leur folies. En cel an fu recomenciée la parole qui avoit esté meue, Tan devant, du duc Henri de Borgoigne que il preist la sereur le Roi; car li cuens Henris de Champaigne ses oncles s'i acordoit moût et cuidoit-I'en bien que li Dux venist en la terre au premier passage qui fust. Mes, si com il apparut après, il n'ï vint onques; ce ne set l'en por quele raison il le leissa.