XXVI. — De ce mesmes

Jà s'estoient moût aprochié li princes Raimonz qui amenoit grant compaignie de genz à armes, et li cuens de Rohés que touz li efforz de sa terre sivoit. Li pueples meismes de Jherusalem, qui la vraie croiz aportoient devant eus, se hastoient devenir au chastel qui estoit assis, car il se pensoient bien que li besoinz i estoit granz. Sanguins qui estoit vistes et de grant porvéance, sot bien que celé gent venoient einsi sur lui, et plus dota encore que l'empereres de Costantinoble qui estoit à siège entor Antioche ne venist sur lui atout son grant pooir, par la requeste des crestiens de la terre. Por ce s'avança moût sagement, ainçois que li rois ne cil dedenz seussent nule novele de la venue de ce secors ; si leur envoia messages por parler de pais. Bien leur mostra que li chastiaus estoit jà frez et dehoisiez en mainz leus, si que il meismes savoient bien qu'il ne se pooient plus tenir. D'autre part sofroient dedens moût grant angoisse de fain et grant péril de pueur et corrupcion d'air, por la grant plenté des navrez et des autres malades qui dedenz estoient : ce ne leur pooient nier cil qui ce sofroient; car cil dehors en estoient tuit certain. Li oz Sanguins, si com il pooient bien veoir, estoit plentéis de viandes et de touz autres aisemenz, par quoi certeine chose estoit que

longuement ne se pooient-il défendre. Mes por enneur du roi qui estoit uns des granz princes du monde, Sanguins, qui estoit au desus, ii voioit fere cortoisie : le conte de Triple qu'il tenoit en prison et touz les crestiens prisons que il avoit li estoit prèz de rendre, et conduire le roi et sa gent tout sauvement jusque en sa terre et toutes leur choses, mes qu'il li rendissent ce chastel qui assis estoit, tout vuit de gent et d'autres garnisons. Quant li nostre qui assis estoient oïrent celé parole, por les granz angoisses qu'il sofroient de jeûner et de veillier, de maladies, de travaus et de peors, grant joie en orent et moût volentiers la receurent. Sur toutes riens se merveillerent cornent si crueus hom, qui estoit au desus, avoit tel pitié d'eus et leur fesoit si bcle bonté. Ne demorerent mie, ainz furent asseurées tantost les covenances deçà et delà. Li cuens de Triple fu renduz, et grant plenté de prisons. Li rois s'en issi atoute sa gent et rendi le chastel aus Turs. Grant enneur firent au roi tant com il fu entreus, puis s'en parti et descendi des montaignes es plains qui sont près de la cité d'Arches. Iluec encontra les barons et les oz qui levenoient secorre; moût leur fist grant joie et les mercia de ce que si eiforcieément le venoient aidier, mes bien leur dist que tart estoient meu ; car li estaz du chastel qui estoit assis ne pooit pas sofrir qu'il les attendissent plus : por ce, si leur covint à fere ce que il porent. Après ce, parlèrent de leur aferes à grant loisir, puis s'en partirent et s'en retorna chascuns vers la seue terre.

XXVII. — Cornent li princes Raimons s'apaisa à Tempereur Jehan.

Si tost com li princes se fu partiz du roi et des autres barons, au plus tost qu'il pot se hasta d'aler vers la cité d'Antioche ; car il l'avoit lessiée assise de si puissant home come est Tempereres de Constantinoble. Quant il vint là, en la ville se mist par la porte qui est en haut, delez la tor du donjon. L'empereres estoit encore au siège; [de Grejois avoit moût grant plenté; mes il estoient moles genz et desaiisé d'armes plus que cil dedenz. ] Si

avenoit maintes foiz que li princes fesoit fere granz saillies en Tost Tempereur qui grant domage fesoient à ceus dehors ; car cil ne les doutoient à ocire ne qu'il féissent Turs, s'il les trovassent einsi entor leur ville. L'empereres avoit d'autre part grant plenté de bons engins qui gitoient grosses roches aus torneles et aus murs, si que la porte du pont et la clôture d'iluec près estoit durement empiriée. Archiers, arbalestiers et fondéeurs i avoit tant que cil dedenz ne s'osoient mostrer aus murs; si que li Grec avoient jà tout apareillié de mètre les minéeurs aus murs. Il avoit sages homes et de bone volenté dedenz Antioche , et dehors en avoit aucuns cui desplesoit moût la guerre si cruel entre Crestiens, et bien se pensèrent que se l'en n'i metoit tout autre conseil par tens, la chose vendroit en tel point qu'ele ne seroit pas legiere à apaisier. Por ce s'en issirent aucun des preudomes par conduit de la ville et vindrent jusqu'au tref l'empereur por parler de pais; bien leur fu avis que se l'en li offroit mesure, il ne la refuseroit pas. Puis s'en retornerent por aresnier le prince de la pais. Tant parlèrent à lui en maintes manières par que il poissent estre acordé, que une parole fu trovée à quoi les deus parties s'assentirent, qui fu tele, que li princes alaeu paveillon l'empereur, et iluec, voiant touz les barons de Grèce et du prince d' Antioche, li fist homage lige de ses mains. Après ce li jura sur sainz que toutes les foiz que l'empereres voudroit entrer dedenz Antioche ou dedenz le donjon de la ville qui est desus eu tertre, li princes li leroit entrer delivrement, et par pais et par guerre. Par desus ce, li jura encore que se l'empereres pooit conquerre Halape et Cesaire, Haman et Emesse, et les baillast au prince por avoir toutes quites, li princes parce fesant rendroit à l'empereur Antioche por tenir à touzjorz en son demaine com son droit héritage; et l'empereres li promist toute s'aide et son conseil come son seigneur lige, et li créanta que se il pooit ces citez que je vos ai dites conquerre, il les li bailleroit à tenir de lui en fié. Bien fermement li dist que se Dame-Dieus li donnoit vie et santé, eu premier esté qui vendroit, il asserroit si efforcieément ces citez que il li avoit promises, que il avoit ferme espérance du conquerre o, l'aide Nostre Seigneur. Après ces

42 GUILLAUME DE TYR. A- ii>98 (juin)

covenances, quant eles furent toutes acomplies, remperercs fist moût grant joie au prince ; de beaus dons et de granz dona à lui et à ses barons; puis pristrent congié à l'empereur et s'en retornereni en la ville. La baniere l'Empereur mistrent sur la tordu plus mestre donjon, por demostrer que il estoit sires de la cité. Li Greu le tindrent à grant enneur et à grant gloire. Ne demora guères après ce, que l'empereres s'en parti ; et, por ce que l'iver aprochoit, toutes ses genz enmena en la terre de Cilice poryverner près de la cité de Tarse qui siet en moût plentéis leus, sur la marine'.

' M. Micbaud, Irop c

u liant dans les appni-

qui partageail le« prà

'entions des Latins, rend

ciitionidcl.«b<»u, nou

s semble avoir un peu

hommage à la mode

ation de l'empereur, t On

trop tout dii» celle cir

onslancelaginérositi

vient de voir à que

se r^dulsall l'hommage

de lempercur grec- Jeun

*wil re^té longtemps

de Guillaume do Ty

Jean II. eQt-îl obligé les

devant Aiitioche mi.s

citoyens d'Antioche

à 'e rendre, n'aurait pas

gréi, «1 il eul lout lujel

>u conserver la ville

et [a défendre conlre 1»

kpriiiced'AiiIiothïcon

sentit il le rctonntitre

Sarnsina d'Alcp et

de Damas, aussi lonp-

pour .uieraia. . Les Fr

au, dit M. MichauJ,

lemps que le Rreni

es aucceaseur» de Bohé-

envlroanfi de ptrilu, ne

durent leur salul qu'à

mon), quoique râjuï

s à leurs propres forces

C'est là ce qu'on va

reconnaître arec Guil-

redoauieat lei desMÎm

laumedeTyrdaua

e livre auivant.

LI QUINZIESMES LIVRES.