XXIV. — Cornent li chastiaus d*Ibelin fu fermez

Bien avez oï dire maintes foiz cornent li Tur d'Escalone grevoient la Crestienté toutes les foiz qu'il en avoient le pooir. Por ce, pristrent conseil li Rois, li Patriarches et li autre baron, cornent il leur porroient estrecier le bandon de corre par la terre. Il s'en alerent tuit ensemble par comun acort es plains delez Rames, assez près d'une cité qui a non Lidde. Là empristrent à fermer un chaste]. Car iliavoit un tertrequi estoit auqueshauz; làsist une des citez aus Philistins que l'en clama Geth : n'estoît mie loing d'ilec celé qui ot non Azote, près d'Escalone à x miles, sur la marine. Iluec assemblèrent tuit li baron, et orent grant plenté d'ouvriers. Premièrement giterent les fondemenz, après firent quatre tors; pierres troverent assez en cel leu des forteresces qui jadis î avoient esté \ [ car, si com l'en dist : Chasteaus abatuz est demi refez.] Puis i troverent touz perrez* où il avoit grant abondance de bones eaues. Quant li chastiaus fu einsi fermez et touz parfez, par la volenté de touz le donnèrent à un haut home sage et bien esprové de loiauté, Baliens avoit non, pères Huon, Baudoin et Balien le juene : tuitcist furent nomé de Ybelîn, porce que cist chastiaus ot einsi non. Car li leus estoit einsi apelez, ainçois que la forteresce i fust*. Bien le garda cist preudom tant com il vesqui, et moût en guerroia viguereusement les Turs. Après sa mort le tindrent en autel manière si fil qui furent moût vaillant home et bon chevalier. Onques ne finerent de ce leu guerroier la cité d'Escalone, jusqu'ele vint es mains de la Crestienté.

* Âa lieu de « perrez », maçonnés en pierre, peut-être le traducteur avait-ii mis : a puiz percés ». Puteis quoque vetusti temporis, qui in ambitu urbis dirutœ, fréquentes apparebant, aquarum abundantiam, tum ad operis necessitatem, tum ad usus hominum iargien* tibus.

* Il ne reste que des ruines insignifiantes de cette forteresse d'Ibelin, située entre Jaffa et Ascalon, au-dessous de Lidda et de Rame. M. Rey a cru reconnaître sa situation exacte dans le village actuel de lebnen, où l'on voit, dit-il, encore une « chapelle et une grosse muraille, derniers vestiges du château ».