XXV. — Cornent IL chastiaus de Blanche Garde fu fermez
En l'an qui vint après, s'aperceurent bien nostre baron que moût avoient avancié le preu du roiaume, et leur anemis afebloiez, parce qu'il avoient fermées ces deus fortcresces près d'Escalone : Tune avoit non Bersabée et l'autre Ybelin. Moût s'en tenoient à enserrez li Tur qui souloient aler par la terre. Por ce se pensèrent li nostre que se la tierce forteresce estoit fête, lors seroient-il assis ; car il ne porroient corre en nules des parties pour les garnisons qui seroient entor. II a un tertre en la fin des montaignes qui descent aus plains, entor .viii. miles près d'Escalone, qui regarde vers les granz montaignes. Cist monz n'est mie hauz, mes au regart du plain est-il assez hauz tertres. Au langage de Sarrazins a non Telle Saphi *, en nostre langage vaut autant comme Moni Clers. Li sage home du roiaume de Surie s'acorderent que iluec fermast-l'en un chastel,porce que il porroit tenir trop granz nuisemenz à la cité d'Escalone. Quant li noviaus tens vint, touz li oz de Surie fu assemblez et s'en viendrent à ce leu ; de maçons et d'autres ouvriers amenèrent grant plenté. Il giterent leur fondement, puis firent les forteresces; quatre tors i levèrent grosses et hautes, dont l'en pooit veoir pleinement jusque à la cité d'Escalone. Grant duel orent li Tur quant il se virent si aprochiez et aceinz de teles forteresces. Cil chastiaus ot non la Blanche Garde : porce qu'il estoit plus près de ses anemis et en greigneur péril de la guerre. Li Rois l'emprist à garder; bien le garni de viandes, d'armes et de genz en qui il se fioit bien, et que il avoit esprovées en hardemenz et en loiauté. Mainte foiz avint que cild'Escalonequi tenir ne se pooientdechevauchier par le païs,|quant il s'en issoient por forfere, trovoient ces garnisons issues encontre eus, maint bon poignéiz i ot; touzjorz perdoient li Tur; car il n'a voit mie dedenz les forteresces se non
* Le village attenant a Tanciennc forteresse de la Blanche Garde, élcv^ic entre Ibelin cl porte encore le nom de Tcll-e!-Saphich. M. Rcy, Ascalon. Pierre de Barut (Fieirout) en fut le p. 1 2.**. a donn(^ ce qui rc^te encore anionrd'hui premier châtelain.
A- un. LIVRE QUINZIÈME. 8^
toutes gens eslites. Ligaaigneurdes terres se comencierent à trere entor les chastiaus, por ce qu'il i estoient asseur; bestes i amenèrent et firent leur charrues : les gaaignages maintindrent, dont li païs amenda trop; car il i venoit moût grant plenté de blé. Ne demora guères qu'i firent bones villes de quoi li seigneur des chastiaus orent bones rentes. Lors s'esmaierent trop cil d'Escalone; et chaïrent ausi com en désespérance; car il ne leur sembloit pas qu'il se poissent longuement tenir au point où il estoient. Por ce ne finerent d'envoier letres et messages à leur seigneur le prince d'Egypte qui si estoit puissanz, et li mandoient que il pensast d'eus et de sa cité garder, car il n'avoit mes plus en celé terre, et ce estoit la clef de son roiaume.
