XXVI. — De Tabaïe qui fu fcte en Bethaine

Li roiaumes de Surie fu une pièce du tens tout en pais. La roine Mîlessent, qui estoit bone dame, sage, douce et piteuse, pensa en son cuer que bone chose seroit de fonder une abaïe de nonains en l'enneur de Nostre Seigneur et de Nostre Dame, por la sauveté de Tame le Roi et la seue et de ses ancesseurs. Ele avoit une sereur que l'en apeloit Yvete : celé s'estoit rendue none, pièce avoit, en Teglise sainte Anne, la mère Nostre Dame sainte Marie. Por lui meismes mètre en novel leu vouloit la Roine ceste église fere*. Longuement pensa et prist conseil à maintes genz quels leus en tout le roiaume porroit estre convenables à fere celé abaïe. Au darrenier, sur touz li plot et s'acorda que l'en la feroit en Bethaine. Ce fu li chastiaus aus deus sereurs Marie et Marthe, là où Nostre Sires resuscita saint Ladre leur frère. Il est loing de Jherusalem .xv. miles. Si com dit l'Evangile, Nostre Sires i aloit maintes foiz hebergier quant il avoit preeschié en Jherusalem ; porce que nus ne li donoit à mengier en la cité. Cil leus si est outre mont Olivet, vers Orient, et est assis au pendant du tertre.

* InJignum enim (regina) videbatur ut claustro alicii subesset matri. rcgis filia tanquam una ex popularibus in

Bien est voirs que li chanoine du Sepuchre l'avoient tenu corne leur chose propre, jà avoit grant pièce : mais la Roine leur eschanja, si leur en donna la cité des prophètes, qui a non Thecua, et ele retint Bethaine en sa main, por fere sa volenté. Mes porce qu'ele estoit loing des forteresces et des autres villes aus Crestiens, li Tur leur poissent fere moût mal; si fist la Roine fere une tor fort et haute où les bories femmes se poissent recevoir, se mestiers fust. Après fist fere bêle église, cloistre, chapitre, dortoir et les autres oficines, teles com eles afierent à genz de religion. Richement les fist fere, sanz grant outrage. Une abesse i mist, vielle femme et religieuse, qui bien savoit son ordre. Rentes et teneures leur dona assez, tant qu'il n'ot en la terre plus riche meson de religion d'omes ne de femmes; car entre les autres possessions qui furent douées en celé abaïe, la Roine leur dona leu qui si est renomez et riches et delitables es plains sur le flun Jordain , que l'en apele Jherico. Calices et croiz d'or et chandeliers et encensiers d'argent, dras de soie, chapes, chasubles et autres vestemenz riches i dona la bone dame largement. Ne demora pas aj)rès ce que la vielle abesse fu morte. Touz li covenz, par l'otroi du Patriarche, eslut la sereur la Roine. Dès lors ama encore plus la Roine ce leu qu'ele ne soloit; si que, tant com ele vesqui, ne fina onques du leu enrichir et croistre de rentes et d'aornemenz, que por Tenneur Nostre Seigneur Jhesucrist, que por l'amor sa sereur qu'elle aimoit moût.

XXVn. — De la mort le roi Foucon de Jherusalem.

En celé seson qui vint après, ne demora guères, porce que li pais estoit sanz guerre, li Rois et la Roine sejornoient en la cité d'Acre. Li tens s'aprochoit jà de l'iver et estoit passée la seson que l'en apele automne. Un joravintque la Roine sevoutaler joer hors de la ville près d'iluec, en un moût beau leu où il a fontaines. Li Rois meismes, quant il sot que la Roine voloit aler là, dist qu'il iroit, et fist venir ses chevaus. Si monta et sa compa-

A- M 44 (Novembre). LIVRE QUINZIÈME. 87

gnie avec lui de chevaliers et de sergenz. Tuit ensemble chevauchoient H Rois et la Roine et leur genz ; vallet et enfant s'espandirent parmi ces chans, tant qu^il firent saillir un lièvre qui se gisoit en un garet * : tuit s'escrierent ensemble. Li Rois le vit, qui séoit sur un moût bon destrier et tost corant ; si prist un glaive porocirele lièvre. Des espérons feri durement après porataindre; mes, quant il s'en aloit si tost, li chevaus mist le col entre les jambes et chéi; li Rois jut iluec bleciez, et li chevaus vola par desus lui tout envers, si que li arçons derrières de la sele Taconsut en la teste et Tescervela tout. Toute sa gent qui virent le Roi cheoir corurent cele part : assez i ot qui descendi entor lui. Lors le levèrent en son séant, aidier h cuidierent, mes ne valut riens; car la cervelle li sailloit par les narilles et par les oreilles. Lors comença li deus de touz tel com il aferoit à si grant mésaventure. Quant la Roine vint en la place où li cors gisoit, si se lessa cheoir sur lui et le besoit là où il estoit plus sanglans. Quant li chevalier la redreçoient, ce qu'ele pooit aconsivre de soi desrompoit tout aus ongles : son vis, ses cheveus, et sa robe. De fine destrece qu'ele avoit au cuer ne pooit-elè plorer ; mes li criz et les paroles qu'ele disoit estoient bien signe qu*ele avoit tresgrant douleur. Cil qui le virent tesmpignoient bien que riens ne pot onques fere greigneur duel, et bien sot chascuns que du cuer li movoit. Cele novele vint tost dèdenz la cité d'Acre, que li Rois estoit morz en tel manière; trestuit i acoroient petit et grant. Lors fust bien piteuse chose à oïr le duel qu'il fesoient, et veoir coment il acoroient tuit, por esgarder cele merveille. Mainz en i ot qui chéirent tuit pasmé, home et femme. Dedenz la cité fu portez : assez i ot lermes espandues, cheveus desrompuz et paumes férues. Ensemble trois jorz le gardèrent, que il n'entendoit rien, mes n'estoit mie morz. car encore alenoît-il. Au tierz jor, le soir, moru; si que le quart jor, qui avint tout droit aus octieves de la Touz Sainz', fu embasmez et enseveliz moût ennoreément. Puis l'emportèrent en Jherusalem. Toutes les processions du païs

* In sulcisjacentem. Dans les sillons. mais réellement deux ans plus tard. Notre tra-

*Ânnée 1142, suivant Guillaume de Tyr. ducteur paraft avoir reconnu l'erreur.

8S GlII.LArME DE TYR. A- un

vindreni; li Baron, H autre chevalier et les dames i acorurent et les menues genz. Trop mcnoient grant duel tuii ensemble. En i'eglise du Sepuchre fu portez, et l'enterra Guillaumes, H patriarches de Jherusalem, à destrc, lez la pone, desouz monte Calvaire, entre les autres rois qui avoient esté devant lui. Dui fil remestrent de lui : BaudoJns, qui avoit treize ans, etAinauris,qui n'en avoit que set. Le roiaume tint moût bien etgoverna la bone dame qui en estoii oirs, la roine Milessent, qui moût amoit Nosire Seigneur [et bien se gardoit de pechié por sa conscience, et de louz mauves scmblanz por sa bone renoméej '.

< \.t lirrc Jet A»iscs de la Cour aux Uoiir- ■ un licvre qa"\] cliiitjoit si com dcvisv esi a\\ gcois cliap. 1J9, en parlant d'un lïIaMisHmcm •■ lirrc dou louqucsl du roUuinc de Jhcruu-

LI SEISIESMES LIVRES',