IV. ^ Cornent Sanguins assist la cité de Rohés
En cel an meismes, quant li rois Folques fu morz, ainçois que
li rois Baudoins fust coronez , Sanguins li pesmes anemis de la
Crestienté, trespuissanz Turs, sires de la cité qui jadis fu apelée
Ninive, or a non Mousse*, et est la graindre citez de la terre qui
a non Assur, assist par son grant orgueil la cité de Rohés qui
moût cstoit granz et noble et la plus riche de la terre de Mede.
Tant i amena gent que toute la terre en fu pleine : en cela se fioit
moût, mes plus avoit encore grant espérance en une descorde
qui estoit sorse entre Raimont, le prince d'Antioche, et Jocelin,
le conte de Rohés. Celé citez siet outre le flun d'Eufrate, bien
loing une jornée. Cist cuens Jocelins avoit lessié l'estage de la
cité porce qu'il i avoit trop à fere, ne il n'amoit mie les plez ne
les novelles qui sovent i venoient de ses anemis qui avoient
grevée sa terre. Por ce eschiver, s'en estoit alez au chastel de
Turbessel qui siet près du flun d'Eufrate, en un leu moût delitable.
Là ne trovoit-il qui guères de noise li féist, qu'il estoit bien loing
de ses anemis, et il entendoît plus à soi aaisier en délices que à
prendre garde de sa bonne cité. Dedenz Rohés estoient remés
Caldeu' et Ermin, genz qui ne savoient rien d'armes, ne n'estoîent
mie accostumé de guerres : de marchéandises s'entremetoient sanz
plus. A ceus avoit li cuens Jocelins trop grant accointance, et li
gardoient sa ville, [car la compagnie des Latins n'amoit-il pas,
porce qu'il sentoit bien que sa contenance ne leur plesoit mie.]
Tant pou com il avoit de sodoiers en la ville fesoit-il trop mauve-
* Mossoul, en A«<^yne. • Clialdéens. Kurdes.
sèment paier : tele eure estoit qu'il delaioit la paie plus d'un an. Por ce ne povoit troverqui estre i vousist, se mauveses genz non, qui n'i avoient mestier. Mes li autre conte qui devant lui furent, li dui Baudoin 'et li vieuz Jocelîns, tenoient touzjorz leur mestre estage dedenz celé cité ; granz garnisons i metoient de viandes et d'armes; les chevaliers fesoient venir des chastiaus, por demorer ilec, et leur donoient sovent de granz dons ; por ce ne dptoit riens la ville lors, ainçois jostisoit tout le païs. Si corn vos avez 01, entre le prince d'Antioche et ce conte avoient duré longuement repostes anemitiez ; mes ore estoient si descovertes que li uns n'aidast l'autre de nule rien, ainz avoit chascuns d'eus grant joie, quant li autres avoit quelque meschéance. Sanguins, qui trop estoit esveilliez de mal fere, se fu bien aperceuz de ce ; plus seurement en comença s'emprise. Devers la terre d'Orient amena trop grant foison de Turs; par les citez d'ilec entor en prist-il assez, si que il ot tant de genz que de toutes parz assist la cité et toli à ceus dedenz issues et entrées. Ne demora guères que il orent granz soufretes de viandes ; car n'i avoit eu point de porvéance de garnir la cité encontre siège. Voirs est qu'ele estoit forz et bien fermée de hauz murs espés , et i avoit un chief de chastel où cil de la ville se poissent bien garantir, se la citez fust prise. Ce deust estre grant seureté à la ville , se il i eust genz de que l'en poïst garnir ces forteresces. Mes puis qu'il n'i avoit qui les defendist, ce n'estoit mie avantages, ainçois estoit la ville plus foible par les tors que l'en ne gardoit mie. Sanguins avoit bien apris tout le covine; bien avoit espérance de prendre la cité, por la soufrete des defendeeurs. Il fist drecier perrieres et mangoniaus qui gitoient dedenz grosses pierres et sovent, dont la mole gent.de la ville s'esmaioent trop. Archier et arbalestier ne finoient de trere à ceus qui paroient sur les murs ; mainz en blecierent, car il ne savoient rien de ce, si ne se garantissoient mie bien. La renomée corut par toute la terre de Surie que celé noble citez qui si grant leu tenoit à la foi Jhesucrist, estoit assise et en péril d'estre perdue, porce que cil dedenz estoient povrement garni de toutes choses qui mestier ont à ville défendre.
Cil defors avoient grand pooir de grever eus en maintes manières. Tuit cil de la terre qui ces noveles oïrent furent moût esbahi et dolent de celé aventure. Li cuens Jocelins, qui mauves conseil i avoit mis, s'aperceut lors que folement s'estoit contenu/, de là garde de celé cité ; por ce corut et envoia par tout ses voisins; aide leur requist moût humblement; au prince d'Antioche cria merci par lettres et par messages, com à son seigneur, qu'il le secoreust à ce besoing, Li rois de Jherusalem oï celé novele; troublé en furent moût tuit cil du roiaume. La bone reine Milessent qui tenoit encore en sa main la terre por le Roi, prist chevaliers et sergenz à grant plenté, bien montez et armez avenaument; si les bailla por mener à .111. barons : li uns fu Manessiers li conestables le Roi, cousins la Roine ; li autres Phelipes de Naples, li tierz Elinanz de Tabarie. Moût les pria la bone dame et leur comanda destroitement que il se hastassent de secorre celé cité. Li princes d'Antioche vit que li cuens de Rohés estoit en tele angoisse et en péril d'estre desiretez; si n'en fu pas iriez; ainzen ot grant joie. Ses achoisbns comença à trover por remanoir de celé besoigne, [ne ne s'apensa mie que ce estoit ses granz domages, por si grant fié que il perdoit de celé cité, et plus encore por les Turs qui si s'aprochoient de lui .]
