XI. — Du miracle qui avint en l'ost des Cresticns

A l'endemain, quant il fu ajorné, Noradins vint o grant compaignie de Turs en l'aide au roi de Damas; car Ayharz, li pères sa femme, l'avoit envoie querre. Moût en crut li oz aus anemis Dame-Dieu, quant cil fu venuz. Li nostre, si com il estoit comandé, s'estoient mis au retorner. Quant li Tur Taperceurent, si comencierent à huiler et soner timbres et buisines ettabors; si ferirent des espérons au devant por destorber ceus qui s'en aloient. Li nostre qui bien cuidoient iluec morir, pristrent cuer en eus et hardement : à ce entendoient sanz plus qu'il vendissent bien leur mort. Toutes les foiz que cil les apressoient tant qu'il i poissent avenir, viguereusement leur coroient sus et ocioient quanqu'il

I06 GUILLAUME DE TYR. A-ii|6.

pooient ateindre, si que parmi eus fesoient large voie, et toutes voies entendoient à passer outre. Il avoit esté comandé en nostre ost que les morz et les navrez Ten ne leissast pas remanoir, ainçois les méist-Ten sur chamaus et sur autres voitures; car H Tur eussent trop grant joie s'il en trovassent nul après eus, et plus hardiement les assaillissent, quant il veissent leur nombre apeticier. Si estoit devisé que tuit tenissent leur espées tretes, neis les foibles genz, por mostrer bel semblant par dehors. Li Tur qui bien apercevoient le meschief de noz genz, tenoient à trop grant merveille coment li nostre s'en aloient einsi entérinement et tuit serré^ que nus ne remanoit après eus ne por mort ne por mesese. Il cotïiencierent à dire en leur langage que c'estoit pueples de fer. Quant il virent que li assemblers et li combatres aus noz ne leur estoit tnie bons, car il i perdoient touzjorz, si enpristrent autre manière d'eus grever. Li venz, tant com il en fesoit, venoit tout droit contre les vis de noz genz et grant bien leur avoit fet por le chaut qui granz estoit ; la terre par où il s'en aloient estoit pleine de ronces et de chardons, de buissons et de hautes herbes de sénevé toutes sèches; estoubles meismes de blé i avoit-il en aucuns leus. Li Tur giterent feu grezois partout, si qu'il sembla que touz li païs ardist. La flambe haute et la fumée espesse feroient noz gens enmi les euz. Lors parfurent-il si entrepris qu'il ne sorent que ferc. Mes quant li granz besoinz est et les aides des homes faillcnt, lors doit-l'en requsrre l'aide Nostre Seigneur et li crier merci, que le suen conseil i mete : einsi le firent nostre crestien à ce point; car il apelerent Tarcevesque Robert de Nazareth qui portoît la vraie croiz devant eus , et li requistrent qu'il priast Nostre Seigneur, qui por eus sauver avoit mort souferte en celé crois, que il les gitast de ce péril; car il ne pooient soffrir, ne n'atendoient mes secors se le suen non. Voirs est que il estoient jà tuit noir et tuit broï, ausi come fevre, du feu et de la fumée. L'Arcevesques descend! et se mist à genous; Nostre Seigneur pria à granz lermes que il eust pitié de son pueple ; puis se dreça et tendi la vraie croiz encontre le feu que li venz amenoit efforcieément contre eus. Nostre Sires par sa merci regarda se gent au grant péril qu'il

soflfroient; car li venz torna tantost qui flati le feu et la fumée enz enmi les vis à ceus qui alumé Tavoient, si que par force les fist foîrtouzesparpeillîez parmi leschans. Li nostre, quant il virent ce, comencierent à plorer de joie, car bien aperceurent que Nostre Sires nés avoit mie obliez; tuit en furent rafreschi de fere sa besogne; li Tur furent encontre [si mort* et] si esbahi qu'il ne se savoient coment contenir de ce miracle quUl avoient veu. Mainz en i ot qui distrent que voirement n'estoit-il lois que la foi crestienne; car Nostre Sires fesoit trop à point ce qu'il li requeroient. De fin esbahissement se trestrent arrières, et lessierent nostre gent une pièce tout enpais, si qu'il orent un petit de repos.

XII. — Du chevalier au blanc cheval et à la vermeille baniere.

Bien avez oï en quel point cil preudome estoient. Li baron qui plus se prenoient garde des aferes de Tost, [por ce que li Rois estoît en petit aage,] virent bien que la gent à pié ne pooient pas celé mesese soffrir longuement; grant peor orent que il se défaillissent, si que l'en les perdist touz : por ce vindrent au Roi et li donnèrent conseil que il envoiast ses messages à Aynart qui avoit esté ses empris; si parlast d'aucune pais ou de trives teles par que il et si home s'en poissent retorner sauvement. Li Rois s'i acorda bien et tuit li autre qui sorent la parole. L'en devisa que uns chevaliers de la terre i iroit : je ne sai mie son non, mais il savoit le langage de Sarrazinois moût bien parler; autrefoiz i avoit-il esté envolez, mes l'en cuidoit que il ne s'i fust pas bien contenuz, ainçois estoit mal renomez que desloîaumerit eust porchaciée la besoigne por quoi il i ala. Toutes voies l'en li dist qu'il féist ce message, il Totroia; mes en tel manière leur dist : « Biau « seigneur, l'en me mescroit à tort de l'autre message que je « fis, et dit- l'en que j'i ouvrai faussement; mais ce n'est mie voirs. « Jà ne poïsse-je revenir de là où vos m'envoiéz que je ne soie

* « Mort » répond ici san« doate à « mornes *.

a ocis, se je loiaument et à bone foi ne porchace à mon pooîr « ce que l'en m'encharja. » [Ce ne sai-je se il dist voir ou faus\] mais quant il se fu partiz de Tost, ainçois qu'il venist devant le connestable de Damas, ne sai quant Tur rencontrèrent qui le despecierent tout, [si que maintes gens cuiderent que ce fust avenu por sa maudiçon meismes que il avoit mise sur soi]. Quant nostre gent s'esmurent à tenir leur voie, li Tur les comencierent à porsuivre et appresser moût por hardoier. En Post des noz estoit criez li bans que se nus se desroutoit por ferir aucun cop, queque li avenist, Ten li coperoit la teste- Lors vindrent quatre amiraut, moût haut home, cointement armé et moût noblement; frère estoient à un haut roi de Turquie que l'en apeloit Merel. 11 estoient juene home; grand route de Turs menoient avec eus, si se penoient plus que tuit li autre de grever la nostre gent. Li chevalier ne s'osoient crosler, por la défense le Roi. Mes il i ot un Tur avec les noz qui estoit de la mesniée celui Tantays qui les avoit menez là. Cil ne pot sofTrir Porgueil à cesamirauz, ainz esgarda son point, puis feri cheval des espérons, le glaive desoz Tessele tout esloignie, et ataint un de ces .irir. frères. Le glaive li envoia parmi le cors jusqu'au poing, à terre Tabati tout mort et s'en retorna tout sains aus noz. Li Tur, quant il virent ce haut home mort, acorurent tuit entor lui ; là commença li pleurs et li braiz trop granz. [Il arrachoient leur barbes, coupoient leur treces et les queues de leur chevaus, en signe de grant duel.] Li nostre qui ce regardoient en firent trop grant joie, mais toutes voies demandèrent qui cil estoit qui ce avoit fet contre le ban le Roi? Encerchié fu, et trova-Ten que c'estoit uns chevaliers turs de la mesniée Tantays. Il en orent pitié por le bel cop qu'il avoit fet, et distrent qu'il n'entendi mie le langage au crieeur ; qu'il ne cria mie en sarrazînois. En ceste manière le passèrent. Li Tur qui fesoient leur duel se trestrent arrières, si que li nostre se porent

plus eslargir et alerent tant à tel meschief que il vindrent au leu

* Guillaume de Tyr ne fait pas ici les ré- vers Aynart, et qu'on Tavait rendu respon-

serves judicieusement ajoutées par notre tra- sable des lenteurs de la réponse de Zen-

ducteur. Il y a grande apparence que ce per- gui qui voulait avoir le temps de réunir des

sonnage avait été envoyé la première Jois forces contre l'armée du roi.

A" i uft.