XIX. — Cornent cil dui puissant home murent
Il atornerent ambedui leur terres, et porvirent cornent eles remainsissent enpais et asseur; avoir et compaignies pristrent teles com il aferoit à puissanz homes en tel voiage. Il s'acorderent que au mois de mai se metroient à la voie. Mais Nostre Sires, qui bien voit cler en touz aferes, ne vout mie à gré recevoir leur servises*, si come il aparut à la veue du siècle. Non pas por ce, tuit cil qui bone entencion orent en cel afere ne perdirent onques rien de leur guerredon qu'il orent deservi aus âmes, mais li estaz de la terre d'outremer, pour que il s'esmurent, n'amenda onques guères por leur muete, si com vos orroiz. Cil dui grant seigneur devisèrent que porce qu'il avoient si grant plenté de gent, il n'iroient mie ensemble; que granz contenz porroit sordre entre leur oz, et ne porroient mie trover assez viandes aus homes et aus chevaus. Por ce si voudrent que li un alassent avant les autres. Tuit s'adrecierent par la terre qui a non Bavière, et passèrent la
* Sed avibus infaustis et omine sinistro. iter assumpserunt. Nam^ tanquam invita divinitate et eis irata^
Dinoe qui est moût grant eaue corant; à senestre la lessierent, puis descendirent en Osteriche. D'iluec entrèrent en Hongrie. Li rois de la terre les receut moût bel; grant enneur leur fist et mainz biaus presenz leur envoia. Après, s'en passèrent outre, et passèrent parmi Pannone [où messire sainz Martins fu nez]; si entrèrent en Bougrie* ; Rippe lessierent à senestre*; tant allèrent qu'il passèrent parmi deus terres de que chascune a non Trace ; deus citez moût renomées trespasserent : Tune a non Finepople ' et l'autre Andrenople. Après granz travaus et maintes jornées qu'il orent fêtes par estranges terres, vindrent en la riche cité de Costantinoble; là sejornerent ne sai quanz jorz, com cil qui estoient las, et se garnirent de choses qui leur failloient. A l'empereur Manuel parlèrent de maintes choses assez priveément. Après ce sejor, passèrent le Bras Saint Jorge qui devise deus des parties du monde, Europe et Aise. Lors entrèrent en Bithine qui est la première terre de la partie d'Ayse. Toutes les compaignies ensemble se logierent devant la cité de Calcédoine : c'est une moût ancienne citez où jadis sist un des quatre granz conciles; là furent assemblé .vi.\ et .xxxvi. prélat au tens Marcien l'empereur et Léon Tapostoile de Rome. Lors fu iluec damnée l'erisie d'un abéqui avoit non Eutices; car il disoit que Jhesucriz n'avoit eue que une seule nature; [mais la foi crestienne est ceste, que il fu vraiement deus et hom], Li soudans du Coine* qui estoit moût puissanz hom en Turquie ot oï assez avant parler de ces hauz princes, et moût en fu en grant effroi ; bien vit que, se il ne s'en prenoit garde, granz domages en porroit venir à ses homes et à sa terre ; por ce, sitost com il pot, envoia par toute la terre d'Orient et manda que tuit cil qui porroient armes porter venissent à lui. Il meismes cerchoit les citez et les chastiaus: ce qui estoit cheoit es forteresces fesoit redrecier et les fossez reparer, noveles tranchiées fere; touz ceus du païs metoit chascun jor en ses oevres. Trop se doutoit, et ce n'estoit mie merveille; car une re-
* Mœsiam videlicet et Daciam Mediterra- > PHUippopolis, neam. * D'Iconium.
* Ripensem iDaciam) a lava dimit tentes.
nomée coroit moût granz par tout le pais que si granz plenté de gent venoient avec ces deus granz princes, que là où il se lojoient sur une grant eaue corant tantost tarissoit, si qu^ele ne pooit pas soffirc au boivre des chevaus et des homes*. Bien disoit-Fen que à peine les porroit pestre uns granz roiaumes de toutes les viandes qui là croissoient. Voirs est que de teus choses seust - Ten dire touzjorz plus qu'il n*en est; mais la veritez estoit, si com le tesmoignent li preudome qui là furent, que, seulement en Tost Conrat rempereur,avoit bien .lxx. mille homes à hauberz et à chevaus, sanz la gent à pié et sanz autres à cheval qui estoient plus legierement armé. En Tost le roi Looys de France en avoit bien autretant à haubers, et trop bone gent ; de ceus à pié estoit toute la terre coverte par là où il passoient. Bien sembloit qu'il deussent conquerre toutes les terres que li mescréant tenoient, jusqu'à la fin du monde. Et sanz faille si féissent-il, se por ce non que Nostre Sires por leur orgueil ou por les autres péchiez qui en eus estoient, ne vout mie prendre à gré leur servise, ne soffrir qu'il féissent chose qui ennorable fust à la veue du siècle. [Ne savons porque ce fu, mais ce savons nos bien qu'il le fist à droit.]
