III. — Cornent li jardin et li flun furent conquis
Damas est la greindre citez d'une terre qui a non la meindre Surie, qui est apeiée par autre non la Fenice de Libane; dont li prophètes dist : Li chiés de Surie est Damas K Uns sergenz Abraham la fonda" [qui estbit apelez Damas] : de lui fu-ele einsi apeiée. Ele siet en uns plains de que la terre est are et brehaigne, se tant non come li gaaigneur la font plenteïve par un flun qui descent de la montaigne, que il meinent par chenels et par conduiz là où mestiers est. Devers la partie d'Orient, es deus rives de ce flun, croissent moût grant plenté d'arbres qui portent fruiz de toutes manières et durent jusqu'aus murs de la cité*. Au matin, quant il fu ajorné, li oz des Crestiens fu armez ; et, si com il estoit avant devisé, de toutes leur gent ne firent que trois batailles. Li rois d'outre mer ot la première, porce que sa gent sa voient mieuz le pais que li pèlerin qui d'estranges terres estoient venu. La seconde fist li rois de France por secorre, se mestiers fust, à ceus qui premiers aloient. L'arriére garde fist l'Empereres et sa gent qui de sa terre estoient. En ceste manière s'en alerent vers la cité. Nequedent la citez estoit vers soleil couchant, celé part dont nostre gent venoient*; li jardin siéent devers Bise qui durent bien quatre miles ou cinq, tuit plein d'arbres si granz et si espés que ce ne semble se granz forez non. Selonc ce que chascuns i a son jardin, il Ta clos de murs de terre ; qu'en ce païs n'a mie plenté de pierres. Li sentier sont moût estroit d'un jardin à autre; mes il i a une comune voie qui vet à la cité où puet à peines aler uns hom atout son cheval chargié de fruit. De celé part est la citez trop fort por les murs de terre dont il i a tant et por les ruisseaus qui cueurentpar trestouz les jardins, et por les estroites voies qui sont bien closes deçà et delà. Nequedent, acordé fu que par iluec
* Esaï., VII, i 8. delicet Dariam, urbem habentes jam vici-
* Eam creditur fundasse. nam. . .
* Ici le traducteur passe le premier membre * Traduction obscure : Est autem civitas, de la phrase suivante : Pervenientes igitur ab occidentali parte unde nostris erat acprœdicti reges ad locum prœnominatum , vi- cessus.
s'en iroit touz li oz vers la cité por deus choses : Tune fu que se li jardin estoient pris, la ville seroit ausi corne toute desclose et demie prise; Tautre fu qu'il i avoit jà grant plenté de fruiz touz meurs par les arbres, qui grant bien feroient à Tost, et por les eaues qui de celé part coroient, dont li oz auroit bien mestier aus homes et aus chevaus. Li rois Baudoins comanda que ses genz se meissent dedenz les jardins; mes trop ot grand fore 3 en alerpar là; car derriers les murs de terre, deçà et delà des sentiers, avoit grant plenté de Turs qui ne finoient de trere, par archieres qu'il i avoient fêtes espessement ; à ceus ne pooient avenir li nostre. Il en i avoit assez qui se metoient encontr'eus tout apertement enmi la voie et leur defendoient le pas ; car tuît cil de la ville qui pooient porter armes s'estoient mis hors, por garder à leur pooir que noz genz ne gaaignassent leur jardins. Il i avoit de leus en leus, parmi les vergîers, bones torneles et hautes que li riche hom de Damas i avoient fêtes por eus recevoir, se mestiers fust, quant il fesoient cueillir leur fruiz. Icelles estoient lors moût bien garnies d'archiers qui grant mal fesoient à nostre gent; et quant il passoient près de ces torneles, l'en gitoit sur eus de grosses pierres : moût estoient à grant meschief. Sovent les feroit-l'en de glaives par les archieres des murs de terre qui estoient deçà et delà. Assez en ocistrent en tel manière homes et chevaus, [si que maintes foiz se repentirent li Baron dont il avoient empris à asseoir la ville de celle part].
