IV. — De ce meismes

Grand despit en emprist sur soi li rois Baudoins et si baron tuit; bien virent que ne porroient pas en celé manière passer jusqu'à la ville sanz trop grant domage. Lors se torncrent es costez de la voie, si comencierent à derompre et à abatre les murs de terre; les Turs qu'il trovoient dedenz la closturede ces murs surpristrent si, qu'il ne les lessierent mie passer outre les autres murs, ainçois en ocistrent assez et moût en retindrent pris; einsi le firent li

nostre en ne sai quanz leus. Quant H Tur qui estoient espandu par les jardins virent que noz gent aloient einsi abatant les murs et ociant les genz, trop en furent espoenté, et s'enfoïrent vers la ville, les jardins lessierent, et se receurent à granz routes dedenz la cité: lors alerent H nostre tout abandon par les sentes, que nus ne se metoit encontr^eus. Mes li Tur s'estoient bien apensé que noz genz auroient mestier de venir au flun pour abuvrer eus meismes et leur chevaus. Pour ce, si tost com il s'aperceurent que la citez seroît assise de celé part, il garnirent moût bien les rives du flun d'archiers et d'arbalestriers; chevaliers imistrent-il assez et sergenz, por garder que li nostre n^aprochassent à Teaue. Quant la bataille le roi Baudoin ot auques passez touz les vergicrs, grant talent orent de venir au flun qui coroit près des murs de la cité; mes quant il aprochierent, bien leur fu contredite Teaue, et furent par force li nostre reusé arrières. Après se ralierent et empristrent Teaue à gaaignier; aus Turs assemblèrent, fetfu li poigneiz aspres et fiers]; mes la nostre gent refu flatie arrières. [Li rois de France qui chevauchoit après à toute sa bataille, se tint et atendoit por secorre aus premerains quant mestiers fust^et il fussent lassé]. L'Empereres, qui venoit derrières, demanda porque il s'estoient arresté , Ten li dist que la première bataille cstoit assemblée aus Turs quil avoient trouvez hors de la ville. Quant li Tyois oïrent ce [qui sevent pou de touz atiremenz d'armes, et sont une gent qui rien ne pueent sofrir], tantost se desrouterent et corurent tuit à desroi * ; TEmpereres meismes i fu ; parmi la bataille le roi de France s'en passèrent, tout sanz conroi, jusqu'il vindrent au poigneiz de sus Teaue. Lors descendirent tuit des chevaus ; il mistrent les escuz devant, et tindrent les longues espées; asprement corurent sus aus Turs, si que cil ne lesporent soffrir; ainçois ne demora guères que il guerpirent l'eaue et se mistrent dedenz la ville. L'Empereres fist à celé venue un coup de que l'en doit touzjorz mes parler en bien ; car uns Turs le tenoit

* Le texte est moins détavorable à la discipline summis necessitatibus , bellica tractare ne^ allemande: Ubi,.. de equis descendentes et gotia, objectis clypeis , gladiis continus cum facti pediies, sicut mos est Theutonicis, in hostibus experiuntur.

mout près, qui estoit armez de haubert; TEmpereres fu à pié et tint en sa main mout bonne cspée ; il feri leTur entre le col et la senestre espaule ', si que li cops de Tespée descendit parmi le piz au destre costé : la pièce chéi qui emporta la teste, le col et le destre bras. Li Tur qui ce virent ne s'arrcsterent puis iluec, ainçois s^enfoïrent dedenz la ville. Quant il racontèrent aus autres le cop qu'il avoient veu, n'i ot si hardiz qui n'eust peor, si que tuit furent désespéré qu'il ne se poissent mie tenir contre tel gent.

V. — Cornent la citez de Damas fu assegiée, et de la traïson.

Le flun et les jardins orent noz getit gaaigniez tout à délivre; lors tendirent leur paveillons entor la cité. Granz aaisances orent des jardins en maintes manières. Li Sarrazin montèrent sur les murs et regardèrent Tost qui trop estoit biaus, quant il fu logiez. Bien se pensèrent que si granz genz avoient bien pooir de conquerre leur ville, peor orent mout grant qu'il ne feissent aucune saillie soudeinement, par que il entrassent enz et les oceissent touz. Por ce pristrent conseil entr'eus, et fu acordé que, par toutes les rues de la ville, en celé part où li siégea estoit, meist-Pen bonnes barres de groz fuz en pluseurs leus. Einsi le firent, porce que se li nostre se meissent dedenz, tandis com il entendissent à coper ces barres, li Tur s'en poissent aler par les autres portes et mener à sauveté leur femmes et leur enfanz. Bien sembloit qu'il n'eussent mie corage de la ville défendre longuement, se il fussent à meschief, quant il jà s'atornoient du foïr. Assez estoit legiere chose de fere si grant fet come de prendre la cité de Damas, se Nostre Sires i voiisist avoir ouvré. Mes par les péchiez de la Crestienté et por ce, espoir, que il estoie celé grant chose à fere acomplir par autres genz en aucun tens, [soffri lors que la malice au deable, qui touzjorz est preste], destorba celé haute besoigne. Mainz i avoit des Sarrazins qui avoient jà troussé toutes les

* Uno ictu caputf collum, cum sinistro hu- sinistri lateris dicitur amputasse, vero et brachio coharente, simulque partent

choses qu'il en béoient à porter, quant il s'enfoïssent ; mes li plus sage d'eus se porpenserent que des barons de la terre de Surie i avoit mainz qui estoient de trop grant convoitise ; bien cognurent que les cors des crestiens qui là estoient assemblé ne vaincroient-il mie legierement par bataille : por ce vourent essaier • à vaincre les cuers d'aucuns par avarice. Il envoyèrent à ces barons leur messages, trop grant avoir leur promistrent, et bien les en asseurerent, se il pooient tant fere que li sièges se partist d'iluec. [Bien est voirs que cil baron furent de la terre de Surie, mes leur nous ne leur lignages ne les terres qu'il tenoient ne nome pas l'estoire; espoir, porce qu'il i a encore vis de leur oirs qui ne le souferroient mie empais*.] Cil baron, quant il orent empris le mestier Judas de porchacier la traïson contre Nostre Seigneur, il vindrent à l'empereur d'Alemaigne et aus deus rois qui moût les créoient, et leur distrent que ce n' avoit mie esté bons conseuz d'asseoir la ville par devers les jardins ; car ele i estoit plus forz à prendre que devers nulle autre partie. Por ce distrent qu^il requeroient à ces granz seigneurs et leur looient à bone foi que, ainçois qu'il gastassent iluec leur peines et perdissent le tens, féissent l'ost remuer, et asseoir la cité en ce costé qui estoit tout droit contre le costé qu'il avoient assis ; car, si com il disoient, es parties de la ville qui sont contre Orient et contre Midi, n'avoit ne jardins ne arbres qui les poissent destorber à venir là ; li fluns n'i coroit mie qui fust griès à gaaignier; li murs estoit là endroit bas et foibles, si qu'il n'i covenoit jà engins à drecier, ainçois porroient bien estre pris de venue. Quant li Prince les oïrent eînsi parler et li autre baron, bien cuidierent qu'il le déissent par bonne intencion ; si les en crurent et firent crier que tuit se deslojassent et suivissent ces barons qu'il leur nomerent. Li traiteur se mistrent avant ; tout l'ost menèrent près de la ville, jusqu'il furent

* Cette observation de notre traducteur est savoir qu'ici la trahison ne devoit pas être importante et des plus judicieuses. L'histoire imputée aux chrétiens d'Occident. Qui poucontemporaine, la seule qui soit pourtant vrai- vons-nous donc soupçonner? Ne serait-ce pas ment de l'histoire, est, pour le même motif, les anciens alliés d'Aynart, qui connaissaient trop souvent muette sur le nom de ceux qui en effet mieux que les autres le côté de la ville se rendent coupables de trahisons ou de là- qui pouvait offrir le moins de résistance? cbetés. C'est déjà pour nous quelque chose de

T. n. GUILLAUME DE TYR. — IQ

en la partie de quMl savoient de voir qu'ele n'avoit garde d'assaut et où li oz auroit greigneur soufrete de toutes choses, si qu'il ne porroit iiuec demorer en nuie manière. Là fichierent les banieres aus Princes et firent les tentes drecier tout entor. N'orent guères demoré en celé place qu'il s'aperceurent et sorent certeinnement que traï estoient et que par grant malice les avoit-l'en fet venir là ; car il avoient perdu le flun de que si granz genz ne se porent soflfrir, et les fruiz des jardins, dont il avoient assez aise et délit.

VL — Cornent 11 Prince lessierent le siège de Damas.

Viande comença du tout à faillir en Tost, si que tuit en avoient grant soufrete, meismement li pèlerin d'estranges terres; car il n'en pooit point venir de Surie, et cil en estoient povrement garni , porce que Ten leur avoit fet entendant que la citez seroit prise de venue où il en troveroient assez; car ele ne se porroit tenir en nule manière trois jorz ce disoit-Fen : por ce ne se voudrent cil guères chargier de viandes. Quant il se virent en ce point que toutes choses leur failloient qui mestier leur eussent, trop furent correcié et esbahi; [ne s'entremistrent onques d'assaillir à la ville, car ce fust peine perdue], Li retorners à la place où il se logierent premièrement ne fust mie legiere chose; car,sitost com il s'en furent parti, liTur issirent hors hastivement iluec endroit, et tant i firent de barres, de forz pas et de tranchiées, pléisséiz meismes Ions et espais, où il mistrent si grant plenté d'archiers et d'arbalestriers que il fust plus legiere chose de prendre une fort cité que de retorner en ce leu par force. Du demorer en celé place savoient-il de voir que ce ne pooit estre; car il ne pooient avoir à boivre ne à mengier. Por ce parlèrent ensemble Tempereres d'Alemaigne et li rois de France, et distrent que cil de la terre en qui foi et en qui loiauté il avoient mis leur cors et leur homes et la besoigne Jhesucrist, les avoient traïz trop desloiaument et les avoient amenez en ce leu en que il ne pooient fere le preu de la Crestienté ne leur enneurs; por ce s'acorderent tuit

qu'il s'en retornassent d'iluec et bien se gardassent mes de traïson ; [car bien s'estoient aperceu que 11 polain* n*avoient mie bon esté* en Post.] En tel manière s'en partirent li dui plus haut home de la Crestienté et li plus puissant, que rien ne firent à celé foiz qui fust ennorable à Dieu ne au siècle. Moût comencierent à eschiver en touz leur consauz les barons du païs. Celé voie meismes par où il estoient venu tindrent-il au reperier, jusqu'il vindrent au roïaume de Jherusalem. Moût comencierent à desplaire à ces granz princes les besoignes de la terre, ne riens n'en voudrent puis emprendre. [La menue gent de France disoient tout en apert aus Suriensque ne seroitpas bone chose de conquerre les citez à leur oés, car li Tur i valoient mieuz que il ne fesoient.] Jusque au tens que celé chose fu avenue, demoroient assez legierement et volentîers les gens de France au roïaume de Jherusalem, et mainz granz biens i avoient fez; mes, puis ce fet, ne porent estre si à un cuer n'a un acort à ceus du païs com il estoient devant; et quant il viennent aucune foiz en pèlerinage, si s'en repartent-il au plustost qu'il pueent'.