VIII. — Cornent Tempereres Conraz s'en revint en sa terre

Li empereres Conraz vit que li afere de la terre d'Outre-mer estoient en tel point que ne pooient pas li Baron legierement estre à un acort de fere ne d'emprendre chose qui vausist, si neis que li preudome disoient que c'estoit haine de Dieu *, et il" avoit assez à fere d'entendre à gouverner son empire. Por ce, fist apareillier sa navie; congié prist à ceus qui remanoient, si entra es nés et revint en son païs. Mes ne vesqui mes puis plus de deus anz ou de trois, ainçois fu morz en la cité de Baemberc% et enterrez moût ennoreément en la mestre église de l'eveschié. Moût fu bons princes, piteus et deboneres ; granz de cors, forz et biaus chevaliers, bons et hardiz, bien entechiez de toutes choses. Ferris ses niés, dux de Soave, de qui vos oïstes qu' estoit en pèlerinage alez avec son oncle, fu empereres après lui; juenes hom estoit lors,

* Videns... quod ei gratiam suam substra- * II, c'est-à-dire Tempereur.

xerat Dominus. ^ Le 1 5 fév. 1 153. Il était âgé de 59 ans.

mes de grant manière fu, sages et viguereus. Li rois de France, quant il ot demoré en la terre un an tout entier, et vînt au terme que l'en apele au païs le passage de Marz, si fu en Jherusaiem le jor de Pasques et sa femme et si baron*, puis prist congié au roi Baudoin, au patriarche et aus autres barons de la terre. Les nés furent apareilliées, il entrèrent enz, et sanz destorbier s'en revindrent en France. Ne demora guères après sa venue que il manda les barons et les prelaz de son roïaume. Lignages fu provez entre lui et la roine Alienor qui avoit esté avec lui come sa femme; desevré furent par le jugement de Sainte église. Quant ele s'en aloit en Aquitaine qui estoit ses héritages, Henris dux de Normendie et cuens d'Anjou Tesposa, ainçois qu'ele fust venue en son païs. Ne demora mie gramment après ce, que li rois Estiennes d'Angleterre morut sanz'oir maie *, et cil Henris fu rois après lui. Li rois Looys prist à femme la fille l'empereur d'Espaigne qui ot non Marie. Ele vint en France juene pucele, puis fu moût bonne dame et sage et de sainte contenance. Lors fu li Rois mieuz mariez que il n'avoit esté avant.