IX. — Cornent Noradins ocist le prince Raimont

Dès ce tens en avant comença trop à empirier li estaz des Crestiens de la Sainte terre ; car leur anemi qui trop avoient doutée la venue de ces granz princes, quant il virent que parti s'en estoient sanz rien fere, ne prisierent puis rien touz les efiforz de la Crestienté. En un si grant orgueil enmonterent que bien leur estoit avis que il porroient les crestiens qui remanoient legierement touz ocire ou prendre. Sur touz les autres, Noradins, li filz Sanguin, fu puissanz et fiers contre nostre gent. Il envoia en Orient por querre touz les chevaliers que il pot avoir en Paienime, si s'en entra à trop grant plenté de gent en la terre d'Antioche. Ne

* Notre traducteur omet avec intention : irrogaverat. Quo perveniens, injuriarumjnemor quas, in * Sine Itberis sexus melioris. Il mourot en

via et in toto peregrinationis tractUy uxor ei mai 1 153.

douta mie que li Crestien le poissent partir de champ par bataille : si vint jusqu'à un chaste! du païsqui a non Nepe* et Tassist. Quant li princes Raimonz Toï dire, si come il estoit corageus et hastis, ne vout atendre que si hom venissent à lui que il avoit envoiezquerre; car en teus choses il ne créoit nul conseil, ainçois s'en ala, à pou de gent qui estoient en sa compaignie; tout droit s'en vint là où li sièges estoit. Noradins ot oïe la novele que li Princes venoit qui moût estoit bons chevaliers; il ne poïst pas penser qu'il se fust si folement esmeuz, ainçois cuidoit qu'il amenast avec lui grant plenté de chevaliers ; si ne l'osa mie atendre, ainz se parti du siège et se receut en un leu plus près d'iluec où il fu asseur, il et ses genz. Lors envoia sovent messages et espies por encerchier queus chevaliers li Princes avoit amenez avec lui et combien, et savoir seguèresgenz le sivoient après. Li Princes, qui vit que cil s'en estoit partiz por lui, en ot moût grant gloire et comença à despire le pooir Noradin et aus autres Turs; car il estoit uns teus hom qui plus se fioit de soi que mestiers ne fust. Assez avoit, iluec près, de ses forteresces où il se poïst estre recetez seurement et menées ses genz, se il vousist, à sauveté ; mes il ne deigna, ainçois dist que por despit des Turs qu'il en avoit chaciez, remaindroit-il la nuit eu champ; en tel manière por bobanz s'abandona, voiant ses anemis, à grant péril. Noradins, qui près d'iluec estoit, se prist bien garde que nules genz n'estoient seurvenues au Prince et que ses pooirs n'estoit creuz de rien; bien se pensa que cil qui avec lui estoient ne se tendroient mie contre sa gent : por ce s'en vint à grant compaignie de Turs en la place où li Princes estoit logiez. 11 l'aceintrent et avironerent de toutes parz, ausi com l'en assiet un chastel. Quant il fu ajorné l'endemain, li Princes se vit enclos entre ses anemis et cognut certeinnement qu'il n'avoit mie gent qui contr'eus se poissent tenir. Lors à primes se comença à repentir dont il s'estoit si asseurez, mes ce fu à tart. Toutes voies, de tant de gent com il avoit conréa ses batailles, et pria à ses homes que bien se vendissent à leur anemis, car de

* Cui nomen Nepa, Je n'ai pu reconnaître roste plus de vestiges, la situation exacte de ce château dont il ne

A* 1 149, 38 juin.

Teschaper d'iluec estoit il néanz. La bataille comença ; li Crestien, qui n'estoient que un pou de gent, se tindrent tant corne il porent; mes au darrenier ne porent soflfrir le fés de si granz routes ; si s'enfoirent tuit desconfit, fors le Prince et ne sai quanz chevaliers qui avec lui remestrent. Icil firent merveilles d'armes tant com il durèrent. Li Princes nomeément fesoit un grant essart entor lui de touz ceus qu'il ateignoit; mes à la fin fu lassez et nus ne li secorut, si que tuit corurent sur lui à un fés, et Tocistrent de glaives et d'espées tuit cil qui avenir i porent. Noradins qui fu moût liez de si bon chevalier qu'il ot desconfit et ocis, li fist couper la teste et le destre braz, si les emporta. Tuit cil qui remés estoient en la place avec le Prince furent mort. Entre les autres i morut uns moût vaillanz hom, sages, loiaus et bons chevaliers, dont il firent trop grant duel en la terre d'Antioche , Renaus des Mares avoit non*. Li cuens de Rohés li avoit donnée sa fille à femme. Assez i ot morz d'autres barons du pais que Je ne vos sai mie nomer. En ceste manière fu finée la vie au prince Raimont qui fu de moût grant cuer, puissanz chevaliers, fiers et hardiz. [Lions ne lieparz ne fu onques tant dotez com si anemi le dotoient.] Nequedent, touzjorz fu mescheanz d'armes. Des granz proeces et des beaux cops qu'il fist en bataille porroit-l'en fere un grant livre; mes l'estoire doit parler de ce qui apartient communément aus besoignes de la terre. Ceste chose avint l'an de Tlncarnation Nostre Seigneur mil cent quarante huit aumoisde juing, le jor de la feste saint Père et saint Pou; treize anz avoit tenue la princée*. Ce avint entre la cité de Paumiers et le chastel de Ruge, en leu qui avoit non Fons Murez*. Li cors au prince Raimont, si com il estoit despeciez , fu trovez entre les autres morz par ses chamberlans

* Rainaldus de Mares. Il avait épousé Agnes de Courtenay, fille du comte Joscelin II. Elle fut plus tard remariée à Amaury de Lusignan, depuis roi de Jérusalem.

'Les annotateurs du texte de Du Gange {Familles d'Outremer^ p. 189) croient devoir reculer la date de la mort de Raimond jusqu'à Tannée suivante 1149, parce qu'il existe un diplôme de ce prince en faveur de l'hôpital Saint-Jean, dalé de février 1 149. Mais il serait

plus aisé de voir une erreur dans la date donnée à ce diplôme que dans ce passage de Guillaume de Tyr, si notre historien n'était pas, depuis quelque temps, dans ses dates, en arrière d'une année. — Schlumberger {Numismatique de V Orient latin, planche 11, n* 1 7) a publié deux deniers à Peffigie de ce valeureux Raimond II, Raimundus Antiochiœ. Nous donnons à la fin de ce livre xvii celui qui offre la tête de Raimond. * Entre Riha et Apamce.

qui cognurent leus de plaies* de que il estoit gariz pieça. Quant li Tur se furent tret arrières, il remportèrent en Antioche et l'enterrèrent moût ennoreément en une ele de la mestre église monseigneur saint Père, entre ses ancesseurs.

X. — Cornent Noradins chevauchoit par la terre d'Antioche tout à volenté.

Noradins, por mostrer qu'il avoit fet grant chose de ce que si granz anemis de leur genz, et qui tant estoit dotez par les maus qu'il leur avoit fez, avoit ore par lui esté desconfiz et ocis, il prist le destre bras et la teste qu'il avoit sevrée de l'autre cors* por ce fere, si les envoia à leur grant chevetaine cui il obéissoient tuit ; c'est li califes de Baudas. Cist la refist porter par les autres princes de la terre d'Orient por fere esjoir ceus qui le verroient. Quant la citez d' Antioche ot perdue son prince qui à ce tens estoit tenuz au meilleur chevalier du monde , en grant duel chéi et en grant doute. Cil meismes qui crestien estoient par toutes terres, quant il cirent ceste novele en furent corocié et desconforté. Icist granz anemis de nostre foi Noradins, dont Je vos ai parlé, vit bien et cognut que toute celé terre estoit ausi com cheoite en orfenté ; car avec le Prince i ot-il ocis des greigneurs barons de la contrée. Por ce, ne douta mes nului , ainz fist ses genz corre par tout le pais , por prendre et gaster quanque il trovoit, hors de forteresces. Il meismes chevaucha par delez Antioche. Les villes ardoit qui estoient près d'iluec, et vint jusqu'à un abaïe de Saint Syméon qui siet en montaignes moût hautes, entre la mer et Antioche. Toute fesoit sa volenté de la terre : puis descendi à la mer qu'il n'avoit onques mes veue, et por signe de victoire [et por mostrer que, se la terre durast outre, plus en conquéist], il entra en la mer touz nuz e.t se baigna voiant toute sa gent. Après s'en retorna d'iluec et vint auchastel de Harenc : tantost fist assaillir et le prist de venue; si estoit-il près d' Antioche à .x. miles. Quant

* Corpus quibusdam notis et cicatricibus * Caput cum manu dextera quœ de corpore

cognitum. prcedicti viri separari fccerat*

il Tôt pris, il le garni bien de toutes les choses qui mestier avoient, si que il poist soffrir siège et atendre secors une grant pièce. Quant ce virent li chevalier de la terre et li autres pueples, si furent esbahi que il ne sorent que fere, car il avoient la peor devant les euz ; qu^il leur estoit avis que la terre se perdist toute, chascun jor, que il n'iavoît point de defendeeur que seulement la princesse Costance qui estoit remese après la mort son seigneur atout deus filz et deux filles qui estoient enfant. Nequedent, li patriarches Aimeris, qui riches estoit de grant avoir, l'en Tavoit touzjorz tenu à aver jusqu'à ce jor, mes lors il envoia querre chevaliers, soudoiers et sergenz partout, et leur dona largement du suen, si que leur forteresces en furent bien garnies. Li rois Baudoins oï dire celé mésaventure; bien sot que toute celé contrée estoit en mal point et en grant péril ; iriez en fu trop, mes toutes voies dist qu'il i metroit conseil à son pooir. Isnelement fist semondre chevaliers assez, et s'en vint en Antioche sodeinnement. Quant il le virent, moût furent lié, et granz confort orent de sa venue. Il assembla la gent de la terre, ceus qui pooient porter armes, et vindrent au chastel de Harenc que Noradins avoit pris novelement, si l'asistrent ; mes quant il orent demoré ne sai quanz jorz, bien virent qu'il n'estoit mie Icgiers à prendre en pou de tcns, por ce s'en partirent et vindrent en Antioche. Li soudans du Coine sot que li princes Raimonz estoit morz; si li fu bien avis que tens estoit de croistre son pooir sur les Grestiens : il assembla tant de genz que ce fu uns des granz oz qui eust pieça esté trez de Turquie. Lors vint à la terre de Surie et prist citez et chastiaus assez par force. Après vint au chastel de Torbessel et l'assist, car* li cuens Jocelins et sa femme et si enfant estoient dedenz. Li Rois ot peor que li Tur ne préissent le chastel de Hasart; por ce, envoia là Onfroi le connestable, atout soissante chevaliers por le défendre. Li cuens Jocelins fu moût espoentez de ce siège, si fist parler au Soudan de pais, et furent les paroles accordées en tel manière que li Soudans s'en parti du siège, et li Cuens li rendi touz

* Licet. Quoique.

les prisons quMl tenoit de sa terre ; par desus ce, li donna douze armeures à chevalier*. Quant li Tur s'en furent parti, le jor meismes jut li Cuens à Hasart, après s'en ala en Antioche por veoir le Roi, et le mercia moût de ce qu'il estoit venuz en la terre ; et après prist congié au Roi et s'en retorna atout pou de compaignic qu'il avoit amenée. Li Rois demora en Antioche et reconforta la gent; les fortereces fist garnir et mettre à seur au plus qu'il pot; des autres aferes du pais devisa, si qu'il furent assez en bon point. Après il ot aferevers la seue terre*, si se parti d'iluec et s'en revint au roiaume.