XII. — Coment li Crestiea fermèrent le chastel de Gaze

Quant li baron du roiaume sorent que ces deus granz baronies estoient einsi à meschief, si se pensèrent 'que n'estoitpas mestiers qu'il menassent leur afere laschement ; ainçois en empristrent plus viguereusement à maintenir leur terres. Li Rois et li Baron virent que cil d'Escalone leur fesoient mal toutes les foiz qu'il en trovoient achoison ; por ce les voudrent grever en tel manière qu'il n'eussent pas grant bandon de corre sur eus. Il avoit une ancienne cité près d'Escalonne, à .x. miles devers midi, Gaze fu apelée. Ele estoit gastc et despeciée, si que nus hom n'i abitoit : ce fu une des cinq citez aus Filisteains. Li Rois et li Baron se pensèrent que qui laporroit refermer et garnir, la citez d'Escalone seroit enclose de toutes parz entre leur fortereces, si que touz les jorz les covendroît estre au contenz et au palet de quelque part. Il s'assemblèrent tuit à un jor, et s'en vindrent à ce leu ; il troverent iluec granz murailles, églises depeciées , cisternes fondues, puis où U avoit bêles eaues

vives ; bien sembloit que c'eust esté moût grant chose. Ele séoit en un tertre auques hautet ; mes porce que Taceinte des murs avoit esté trop granz, bien virent li preudome que n'estoit pas legiere chose de tout refermer. Trop i covendroit mètre lonc tens et grant despense, et seroit moût griés à bien garnir. Por ce prîstrent une partie de ce tertre, là giterent leur fondemenz, et firent tors grosses et forz, les murs hauz et espais, les fossez lez et parfonz. Moût fu bien fez cist chastiaus et tost ; par commun conseil de touz fu donez aus Templiers; porce qu'il avoit [lors] en cel ordre assez des frères qui estoient bon chevalier et preudome. Il le receurent et gardèrent moût bien. Mainz granz ennuiz en firent à ceus d'Escalone, si que cil qui soloient corre par tout le païs en leur volenté, fassent puis tuit lié, se Ten les lessast en pais demorer dedenz leur ville. Celé fermeté siet moût bien à la Grestienté du roiaume, car puis meismes que la citez d'Escalone fu conquise de nostre gent, tint-ele moût grant leu et fu ausi com bone du roiaume contre ceus d'Egypte devers midi. Quant li noviaus tens vint que l'en apele ver, 11 Rois et li patriarches de Jherusalem qui orent demoré en celé place, jusque la mestre forteresce dedenz fu acomplie, s'en retornerent en la sainte cité et leissierent les frères de la chevalerie du Temple por garder ce chastel. Lors avint que la garnison des Turs qui troiz foiz ou quatre soloient venir en Tan, d'Egypte à Escalone, por refreschir la garde de la cité, vint lors moût graindre qu'ele ne soloit, et s'en ala tout droit devant ce chastel que noz genz avoient fermé. Là comencierent à assaillir moût efforcieément et demorerent iluec ne sai quanz jorz: mes nM forfistrent rien, ainz i perdirent plus de leur gent qu'il ne gaaignerent. Quant li chevetaine qui les conduisoient virent ce , du siège se partirent et s'en entrèrent dedenz Escalone. Dès ce jor en avant, perdirent li Tur le pooir et le bandon de corre par la terre des Crestiens qui là estoit, et quant cil d'Egypte voloient refreschir la garnison si com il soloient, ne les osoient mes envoler par terre, ainçois les fesoient venir par mer, porce qu'il dotoient les genz qui gardoient cole forteresce dont je vos ai parlé *.

* Elle fut renversée de fond en comble par Saladin. Dana la Correspondance d'Orient,

158 GUILLAUME DE TYR. A* ii5o.

Xin. ^ Cornent li rois Baudoins ot descord à sa mère.

Endementres que li estaz de la terre de Surie estoit en bon point, et les besoignes du païs aloient assez à grant pais, fors que tant que la conté de Rohés estoit perdue, car. li Tur la tenoient, et la terre d'Antioche estoit en grant péril, porce que leur anemi coroient sovent por gaster le païs , li deables qui onques n'ama pais, se pensa cornent il porroit trobler le roïaume par sa gent meismes, porce qu'il se garantîssoit bien de ses anemîs de hors. L'achoison du contenz qui sourdi fu ceste : la roine Milessent qui estoit merveilles bone dame et à Dieu et au siècle, quant ses mariz fu morz, si com je vos ai dit, remest atout deus filz qui estoient enfant. Ele qui estoit droiz oirs du roïaume [garda bien et governa la terre et les enfanz viguereusement et par grant sens]. Des granz aferes prenoit conseil à ses barons; [mes ele qui par desus estoit, quant il se descordoient savoit bien eslire li quel disoient mieuz, et les plus loiaus homes créoit mieus touzjorz et à ceus se tenoit.] Ses ainznez filz, li rois Baudoins, fesoit de toutes choses à la volenté sa mère. Entre les autres barons de la terre, la Roine créoit sur touz un suen cousin qui avoit non Manessiers, hauz hom du païs; cist estoit plus privez de lui. Sitost com la Roine tint la terre, ele le fist conestable et tout le pooir des guerres li bailla. Cil se fia tant de la dame qu'il monta en moût grant orgueil, si qu'il ne portoit mie enneur aus autres barons, ainz estoit à toutes genz de vilain respons et de laides paroles. Li Baron encomencierent moût à haïr le pooir la Roine, por amor de celui; et bien avoient talent qu'il ne le soflfrissent pas, se il ne le leissassent pour leur dame. Icist Manessiers avoit espousée une haute dame du païs qui avoit esté femme Balien le vieil ; ele estoit mère Huon, Baudoin et Balien de Rames ^ qui estoient frères. En ceste dame avoit-il pris moût grant avoir, et terre grant et

M. Poujoulat a réparé un oubli de Thistorien rable, n'avait rien dit de l'érection de cette for-

des Croisades, qui, voyant d'ordinaire la situa- teresse de Ga2a.

tion des Chrétiens sous le jour le plus défavo- * Ramatensium fratrum.

A*ii5o. LIVRE DIX-SEPTIÈME. I59

riche, dont il estoit encore plus enorgueillîz. Li premerains de touz ceus qui avoient torné Manessier en grant haine, c'estoit li Rois meismes, car il disoit que cil li avoit tolue Tamor et la grâce sa mère, si qu'ele ne fesoit nule chose que li Rois vousist, ne ne soffroit qu'il donast nus dons en leus où il fussent bien emploie. En ceste haine le maintenoient li baron de la terre et aticoient plus et plus, si neis que il conseilloient le Roi qu'il ne soffrist plus que sa mère tenist le roiaume; car il disoient que ce estoit granz hontes que il qui estoit biaus et granz et sages, n'avoit point de pooir, ainçois le jostisoit encore une femme, ausi com se il fust uns enfes. Li Rois par leur conseil avoit porpensé que il feroit en Jherusalem moût bêle feste le jor de Pasques, et porteroit coronne. Li Patriarches et li autre preudome qui amoient la pais du roiaume, le prièrent moût par maintes foîz qu'il soffrist que sa mère fust coronnée avec lui; il ne leur vout otroier, ainz en lessa à porter corone le jor de Pasques et l'endemain. Au tierz jor % quant la bone dame ne s'en prist garde, li Rois vint touz coronnez au moustier et tuit si baron avec lui.