XV. — Cornent li rois de Jherusalem ala secorre Antioche

Au Roi vint la no vêle certeine que li cuens de Rohés avoit ausi esté pris par mésaventure et que toute celé terre de là estoit ausi corne abandonée ; car li Tur chevauchoient par tout et la gastoient à leur volenté. Li païs meismes d' Antioche, qui estoit remés en la garde d'une femme, avoit grant mestier de conseil et d'aide. Lors emprist li Rois à treire soi et sa gent là endroit : avec lui mena Onfroi son conestable et Guion de Baruth : des barons de la terre sa mère ne pot-il nul avoir, et si envoia-il ses letres à chascun que il venist après lui. A Triple s'en vint, et prist avec lui le Conte et tout son ost ; lors s'en partirent et vindrent en Antioche moût isnelement ; car l'en disoit par tout, et voirs estoit, que li soudans du Coine, qui estoit li plus puissanz de tous les Turs, estoit venuzvers ces parties à si grant plenté de genz que nus ne l'osast atendre; et avoit jà conquise grant partie de la terre qui marchissoit à lui ; car cil du païs ne li osoient contretenir les fortereces, ainçois les li rendoient, par tel covent qu'il fesoit conduire eus et les leur choses sauvement jusqu'au chastel de Torbessel. Car cil estoit si forz que bien i cuidoient estre à garant. En ceste manière avoit jà pris touz les chastiaus de celé terre, fors ne sai quanz où il n'estoit mie encore venuz. Mes ne demora guères que unes noveles vindrent au Soudan de son païs, par que il l'estut à retorner et remener ses genz arrières. Quant il s'en fu partiz, ne remestrent por ce les noz genz asseur; car Noradins, li plus morteus anemis que la Crestienté poïst avoir, qui trop avoit grant pooir de terre, de genz et de richeces, tenoit noz crestiens si corz qu'il ne s'osoient aparoir hors de fortereces. Ainçois chevauchoit-il d'une part, et ses coreeurs envoioit-il partout por gaster et prendre quanque il trovoient. En

A'iiSi. LIVRE DIX-SEPTIÈME. 163

ceste manière estoient les genz de ces terres en péril et à grant mesaise.