XVI. — Cornent li Crestien issirent de la terre de Rohés

L'empereres de Costenti noble ot oï le desconfortement où la contez de Rohés estoit, si envoia tantost un de ses barons qui amena chevaliers assez, et grant plénté d'avoir aporta en celé terre. Il parla à la Contesse et li ofri que ses sires à lui et à ses enfanz donroît chascun an une moût grant some d'avoir de que il porroient vivre hautement à grant enneur, se ele li voloit baillier la terre et les chastiaus qui encore estoient en sa main ; car il se fioit tant en ses richesces et en son grant pooir, que bien avoît espérance de défendre contre les Turs ces chastiaus que Ten li bailleroit, et de recovrer les autres par force qui jà estoient perdu. Quant li Rois de Jherusalem fu venuz en Antioche, il fist venir devant lui les messages TEmpereur qui contèrent leur parole, volant touz les Barons : li Rois leur en demanda conseil ; il ne furent mie tuit à un acort, car li un distrent que la chose n'estoit mie encore en ce point par que il covenist à mètre la terre au pooir des Grieus; li autre disoient que plus estoit seure chose qu'ele fust en leur mains que li Sarrazin la conqueissent surceus qui la tenoient, qui longuement ne la porroient mie défendre. Quant li Rois oï le descort entre les Barons, bien se pensa que li païs ne porroit pas tenir longuement au point où il estoit, car il n'i porroit pas grant demorance fere por les b:soignes de son roïaume où il li covenoit entendre, ne il n'avoit pas si grant pooir que il poïst bien garder la seue terre et la conté de Rohés qui estoit Tune loing de l'autre quinze jornées. La terre meismes d' Antioche, qui entre deus estoit, avoit jà ne sai quanz anz esté en grant aventure et en pluseurs grevemenz : por ce s'acorda li Rois que l'en baillast aus genz l'empereur de Costantînoble les chastiaus qu'il demandoient, par les covenances qu'il avoient ofertes. Bien est voirs qu'il n'avoit mie grant espérance que li

164 GUILLAUME DE TYR. A- iiJi.

Grifon, [qui sont moles genz et mauvaises en armes,] poissent longuement la terre maintenir ne bien défendre ; mes se à ce venoit, il voloit mieuz qu'ele fust perdue en leur mains que en la seue. Les covenances furent asseurées devant le Roi. La Contesse et si enfant s'î acorderent bien ; jorz fu pris et nomez à que li Rois devoit aler en la terre o toute sa gent por délivrer les chastiaus aus messages l'Empereur. Li jorz vint; li Rois mena avec lui le conte de Triple et les barons de sa terre et de la prince d'Antioche. Si vint en la terre de la conté de Rohés. Si com il avoit promis, il mena les Grieus à Torbessel. La Contesse et ses enfanz et touz ceus de la ville, Latins et Ermins, qui issir en voloîent, prist en son conduit, et bailla le chastel aus Grieus; puis s'en ala aus autres que nostre crestien tenoicnt encore; car il avoient encore en lor main Torbessel, Hantab, Ravendel, Rangulath, Bile, Samosat et aucuns autres : touz ceus fist bailler li Rois aus genz l'Empereur. Il ot avec lui grant plenté de ceus de la terre qui menoient toutes leur choses en chars et en charretes sur somiers. Moût i avoit femmes et enfanz et autres genz où il n'avoit point de défense. Li Rois se mist à la voie et fesoit toutes ses genz aler bêlement, por conduire ce menu pueple jusque à sauveté.

XVn. — De ce mcismes.

Noradins qui estoit près d'iluec avoit bien oï dire que li Rois estoit entrez en celé terre por conduire hors le pueple qui issir s'en voloit, et, par désespérance, avoit fet bailler les chastiaus du païs por tenser aus Grieus qui estoient moles genz et lasches ausi come femmes. Por le mauvais covine qu'il apercent en nostre gent devint plus hardiz et plus seurs d'emprendre guerre contr'eus. Tantost assembla Turs à granz routes; bien cuida fere grant gaaing se il poïst le Roi encontrer qui estoit chargiez et encombrez de celé menue gent où il n'avoit point de défense, et de leur bernois qu'il trainoient après eus à grant peine. Il avint einsi que

A- ii52. LIVRE DIX-SEPTIÈME. 165

à peines estoit li Rois venuz à la cité de Tulube * qui est près de Torbessel à .VI. miles, et avoit son charroi misdedenz, quant Noradins sordi qui covri tout le païs de sa gent. Uns chastiaus estoit près d'iluec qui avoit non Hantab par où nostre gent devoit passer; il virent que péril i avoit grant, si mistrent leur gent en conroi corne tuit seur de la bataille. Li Tur, qui bien se pensoient queparIàlescovenoitaler,se tenoîent près dMluec,com cil qui bien cuidoîent estre seur de la victoire ; mes il avint einsi , par la merci Nostre Seigneur, que li nostre furent ainçois à sauveté que li Tur leur poissent mal fere. Dedenz ce chastel reposèrent celé nuit leur cors et leur chevaus. Li Rois manda ses barons por soi conseiller que il feroit Tendemain. Aucuns en i ot des greigneurs qui prièrent le Roi qu'il leur donast ce chastel; car, à Taide Nostre Seigneur, il le cuidoient bien garder et défendre contre les Turs. Li uns fu Onfrois du Toron , conestables le Roi , hardiz hom et de grant emprise ; li autres fu uns des plus hauz barons de la prince d'Antioche, Roberz de Sordeval avoit non *. Mes li Rois sot certeinement que nus d'eus n' avoit pooir à fere ce qu'il prometoit ; por ce ne prisa guères leur paroles, ainçois vont tenir les covenances et fist livrer la forterece aus Grieus ; à ceus de la ville comanda qu'il s'apareillassent por venir avec lui. Lors estoit grant pitiez à veoir les gentils homes du païs qui enmenoient leur femmes, leur filles puceles et les petiz enfanz, et lessoient leur terres et les maisons où il avoient esté né; leur païs guerpissoienl à touzjorz et ne savoient où il dévoient demorer. Au partir i avoit granz pleurs et granz criz de ceus de la terre ; li autre meismes qui ce véoient en ploroient de pitié. Quant il fu à Tendemain ajorné, il trosserent leur bernois et se mistrent tuit au chemin ; à destre et à senestre virent tantost leur anemis qui les porsivoient à granz routes. Li nostre qui avoient cinq cenz chevaliers conraerent leur batailles et atirerent coment il chevaucheroient. Li Rois fist l'avangarde por garantir ceus qui aloient au premier front. Li cuens de Triple

• Ou Tulapsa, Voy. I, p. 367, note. Au- mentionnée dans le volume de M. Rcy, Fajonrd'hui Tennib, entre Killis et Alep. milles d'outremer, que dans la personne de

* Cette bonAc maison de Sourdeval n'est Gautier de Sourdeval, connétable d'Antioche.

l66 GUILLAUME DE TYR. A- ii5i.

et Onfroiz H connestables firent rarriere garde et retindrent avec eus le plus des chevaliers, porce que bien pensoient que li Tur les chargeroient moût plus que les autres. Li chevalier de la terre d^Antioche chevauchoient à destre et à senestre entre deus, por garantir la gent du milieu. Leur anemî ne finerent onques tout ce jor d'eus aprochier et de hardoier en pluseurs leus ; si que neis li hernois que l'en portoit sur les somiers estoient si chargié de pilez et de saietes que ce sembloient heriçon; d'autre part la poudre et la chaleur estoit si grant que trop estoient grevé de soif et de mesese li chevalier et touz li pueples. Mes à la fin, quant il comença à avesprir et li soleuz comença à esconser, li Tur qui n'orent point de viande en leur ost s'en partirent et orent perdu aucuns de leur meilleurs chevaliers. A grant merveille tenoient de ce que li nostre s' estoient si bien contenu le jor, sanz fere nul mauvais semblant es granz meschiés qu'il avoient ^ouferz\ Onfroiz li conestables vit bien qu'il s'en partoient, si prist un arc en sa main [dont il savoit moût] et les comença à porsivre; [plein un tarquais de saietes i emploia, dont il leur fist assez de domages que d'omes que de chevaus]. Mes quant il se fu auques esloigniez de nostre gent, uns chevaliers tur se parti des autres tout celeement, qui mist jus ses armes et s'en vint vers lui ses mains croisiées à ses costez * por signe de révérence : cil venoit de par un grant amiraut des Turs qui estoit amis au Conestable ausi com s'il fust ses frères. De par celui le salua moût ennorablement et li dist que certeins fust que Noradins se partiroit celé nuit du pais et s'en iroit en sa terre; car il ne les pooit plus porsivre, porce que toutes manières de viandes estoient faillies en son ost. Li Conestables manda par message saluz à son ami et le mercia de ce qu'il li avoit mandé, puisse partirent li uns de l'autre. Onfroiz du Toron s'en revint à ses héberges; li oz fu logiez celé nuit en un leu que l'en claime Joha. Quant li Rois ot apris par son conestable le covine des Sarrazins, il en fu touz liez. L'endemain se remistrent à la voie tuit ensemble. Onques ne troverent qui de

* Aorum stupentes incomparabilem instan- ^ Eljunctis aîternatim ad latns manibus.

tîam et persévérant tam.

A* Ii3i.

rien leur destorbast. Einsi s^en alerent tout enpais par leur jornées, Jusque il vindrent en Antioche. Quant Noradins aperceut que li Grec tenoient les forteresces que je vos ai nomées desus, qui sont unes moles genz et ausi com femelin, bien se pensa que il n^auroient pas grant aide des Latins qui plus sont aiisé d'armes ; por ce commença sovent à envoler correeurs qui fesoient leur chevauchiées por gaster les terres entor leur chastiaus, et fesoient sovent granz assauz devanf leur portes ; dont trop s'esbaïssoient ciP qui pou savoient de guerre. Après ce, il meismes venoit à grant plenté de genz à cheval et à pié, et asseoit premièrement une forterece, après l'autre; si que ne demora pas un an, puis que la terre fu livrée aus Grieus, que Noradins Tôt toute conquise et prise sur eus à force. Ainsi avint par noz péchiez que toute la conté de Rohés qui estoit si bêle terre et si pleintéive de bois, d'eaues coranz et de granz praieries et de bons gaignages, qui bien avoit cinq cenz chevaliers richement fievez, fu perdue à la Crestienté et vint es mains aus anemis de la foi Jhesucrist, qui encore la tienent à ce jor d*hui. En celé seson furent mort .111. arcevesque qui estoient souz le patriarche d' Antioche ^ : cil de Rohés, cil de Geraple, cil de Corice. Onques puis n'ot en leur église prelaz de crestiens; car li Sarrazin ont tout seurpris \