XIX. — Cornent li cuens di Triple fu murtris

Entre le conte de Triple et la contesse sa femme * avoit lors un pou de contenz, porce que li Cuens estoit si jalous de li qu'il la tenoit trop courte et li fesoit mener enuieuse vie. La roine Melissent [qui estoit moût bone dame] estoit venue à Triple por apaisîer celé chose et por veoir la princesse d'Antioche sa nièce. Assez parla au Conte sagement et li pria que il lessast celé folie ^t celé sospeçon qu'il avoit emprise de sa femme : mes ce n'estoit pas legiere chose. Quant la Roine vit qu'ele ne feroit rien de ce vers lui, si se pensa que ele enmenroit sa sereur avec lui en son païs, porce qu'ele vivoit là à trop grant mesese. Jà s'en estoient ambedeus issues de la cité de Triple et mises à la voie. Li Cuens avoit convoîée sa Princesse et jà avoit pris congié de li, si s'en estoit partiz. En son retorner, quant il voloit entrer en la porte de la cité et jà estoit dedenz la barbacane, li Harsaxi li corurent sus et trestrent leur espées et l'ocistrent iluec*. Raous de Mellou dont je vos ai parlé qui estoit si bons chevaliers, chevauchoit avec le Conte: quant il vit ce si li corut aidier, mes n'i ot mie pooir, ainçoîs fu ocis avec lui, et uns suens chevaliers ausi qui secorre le voust. Li Rois, qui mot ne savoitdece, sejornoit àTriple et jooit aus tables. Quant li criz leva par la cité et tuit sorent celé mesa-

* Dominœ Milisendis reginœ sororcm. La Baudouin II. contesse de Tripoli clait OdiernCf fille du roi * En ii5i.

170 GUILLAUME DE TYR. .V ii53.

venture,tuit corurent aus armes et tuit cil qu'il encontroient, qui estoient desguisé de robe ou de langage de Latins % ocioient, car il les tenoient tuit à Harsaxis. Quant liRois entendila chose, trop en fist grant duel ; tantost envoia querre sa mère et sa tante qui s'en aloient. Quant eles furent retornées, moût furent dolereuses, et granz pleurs i ot et granz criz sur le cors. Après ce, li cors fu enterrez moût ennoreement. Li Rois vit bien que delaiz n'i avoit mestier. Si fist venir les barons du païs devant lui et firent féeuté à la Contesse et à ses enfanz. Ele avoit un fil qui avoit près de douze anz, Raimonz avoit non por son père, et une fille mainznée de lui qui avoit a non Melissent. Quant li Rois ot einsi atorné ces aferes, entre lui et sa mère et ses barons, s'en retomerent au roiaume de Jherusalem.