XXIII. — De ce meismes

Puis que nostre Sires ot rendue la terre de promission à la Crcstienté, demora la citez d'Escalone à estre conquise .l, anz ou plus. Or l'avoienl assise cil preudome, qui fu moût granz chose et trop griés à emprendre ; car, estre ce qu'ele estoil si bien fermée de murs, de tors et de barbacanes et de haut terail, avoitil dedenz si grant garnison d'armes et de viandes qu'il n'en avoient pas mestier de la moitié. Par dessus ce, dès le premier jor du siège jusqu'au darrenier ne fu onques que dedenz n'eusi deus tant genz qu'il n'avolt dehors au siège. Li Rois et li Patriarches et li autre baron firent l'ost logier en tele manière qu'il aceintrent toute la ville par la terre. En la mer mistreni un des granz barons du pais qui avoit non Gïrarz de Saiete, et li baitlierent quinze galles bien garnies ' por garder que nus secors ne leur poïst venir par mer, et, se cil dedenz s'en voloient issir de celé part, noz galles les desiorbassent. Cil qui avoient assise la ville par terre fesoient sovent de granz assauz aus barbacanes, et bien trovoient

'Ce mot a le sens ie çordts lendues; comme recens nata, dr Ihesauris Calipha dabantuT

ceus aspres et de grant défense : il meismes, li Tur de la ville, refesoient par maintes foiz de granz saillies en Tost, et si com il avient de guerre, une eure en avoient li nostre le pis, autre foiz li autre. Moût estoit li sièges aaisiez, et grant avantage en avoient nostre crestien , car il i avoit si grant plenté de viandes fresches chascun jor, que Ten en fesoit grant marchié, et estoient ausi asseur es paveillons et es tentes com s'il fussent dedenz leur cité en bones mesons de pierre. Encontre ce, cil d'Escalone estoient en peor et en grant sospeçon de jorz et de nuiz. Chascun jor chanjoient leur guez qu'il metoient sur les murs et par les torneles. Li plus grant home de la ville en estoient en greigneur peine que li autre. Toute nuit chevauchoient les guetes et aloient partout, si que maintes foiz veilloient-il jusqu'au jor. L'en avoit mises lampes de voirre par les torneles et sur les murs à si grant plenté que nus ne pooit aler ne venir là endroit que l'en ne le véist ausi clerement que come de jorz*. Les noz genz qui dehors estoient ne s'asseuroient pas si que il ne feissent chascun soir guetier grant plenté de chevaliers et de sergenz entor les engins et devant les barbacanes ; porce qu'il cremoient les saillies de la ville, et si estoient en grant sospeçon que cil d'Egypte ne venissent secorre leur gent et se ferissentsoudeînement en l'ost. Por ce avoient-il envolées leur espîes en mainz leus entor la cité de Gaze qui leur feissent asavoir isnelement se genz venissent celé part.