IV. — Cornent li Ospitalier orent petit comencement

Quant li roïaumes de Jherusalem et toute la terre de Surie et d'Egypte estoit en la main des Sarrazins, si que H Crestîen n'i avoient point de seigneurie, si corn vos oïstes, au comencement de cest livre, que ce avint au tens l'empereur Eracie : quant li Tur d'Arabe vindrent en ces terres à greigneur pooir que cil n'avoient, maint bon crestien d'outre la mer vindrent pluseurs fois en Jherusalem en pèlerinage, por visiter les sainz leus que 11 mescréant avoient surpris [et tendent meins à enneur que droïz ne fust]. Assez en i avoit d'autres crestiens qui venoîent por marcheandise. Entre les autres qui por ceste chose vindrent, i ot marcheanz qui estoient d'Itaile, d'une cité de Puille qui a non Malfe ' : celé citez siet entre la mer et montaignes qui sont moût hautes. Devers la partie d'Orient, li siet celé citez renomée Saierne, à .vu. miles près d'iluec, si com l'en vet à la marine ; devers soleil couchant li est Surrent et Naples, la cité Virgile ; devers midi liest la terre de Sszile près d'iluec, entor .ce. miles; entre deus est une petite mer que l'en claime le Far de Meschines'. Li habiteeur de celé cité que je vos ai dite portèrent premièrement en la terre de Surie por gaaignier, les marcheandises de leur pais que lî Tur n'avoient onques mais veues et moût les amoient. Por ce leur en savoient li bailli de la terre bon gré; sauvement les conduisoient par leur pooirs et leur fesoient bel semblant et grâces en maintes choses. Li califes d'Egypte tenoit lors toutes les

poise contÎBgere ut in lanlo corport amaei

t Tnduclion incncTc, Ab msItû

ytro Sl-

ciUam, ducntls milUaribua plut

miousye

modico remolam, TyrrhnT mari

iaterja-

• AmiHi.

cinte.

igS GUILLAUME DE TYR. A- ii55.

terres de la marine, dès la cité de Gibel qui siet près de la Lische de Surie jusque en Alixandre qui est la darreeine citez d'Egypte. Moût se fesoit cil puissanz hom servir et douter par les bailliz qui li gardoient ses citez. Cil marcheant de Malfe avoient plenierement Tacointance et la grâce du prince et de ses barons, si que il pooient seurement aler par le païs por vendre leur marcheandises et achater autres. Il estoient bon crestien et toutes les foiz qu'il venoient en Jherusalem, volentiers aloient fere leur oroisons par les sainz leus de la cité. Il n'avoient en la ville point de meson qui leur fust; si leur estoit grevemenz et mesese; car il les covenoit sovent à dcmorer grant pièce en la ville, por délivrer de ce qu'il aportoient, et lessier leur compaignons et leur mesniées à grant sejor. Por ce se pensèrent que il demanderoient au Calife une place dedanz Jherusalem en que il feroient une meson qui seroit propre aus genz de leur cité, quant il vendroient en la ville. Leur requeste mistrent en un escrit que il baillèrent au grarit prince d'Egypte moût humblement. Cil leur otroia tantost ce qu'il requeroient.