VI. — Cornent li Ospitalier furent c

De si petit comencement sont venu li Ospitalier au grant pooir que il ont. L'en leur comenca à doner de granz aumônes por les povres sostenir ; et quant il virent qu'il se pooient soffrir des biens fez aus deus abaîes qui maintenez les avoient, tantost porchacierent privilège qu'il ne feissent riens por i'Abé. [Après ce, comencerent acroistre leur possessions, tant qu'il orent chastiaus et villes; lors ne finerent onques de travailler et mètre granz costemenz , jusque l'église de Rome les osta du tout de l'obédience et du pooir au Patriarche. Quant il orent bons privilèges de ceste chose, dès lors ne prisèrent onques puis se pou non leur prelaz. Toutes les dismes des terres qu'il pooient acquerre tolirent aus églises et de leur autres droitures assez, si que les églises qui leur voisines estoient, et les avoient en leur povreté peuz et sostenuz, furent celés cul il corurent premièrement sus; dont l'église du Sepuchre porroit dire la parole du prophète : J'avoie Jii\ norri\ et essaucie^, et il me despirent^. Nostre Sires le pardoint à ceus qui ce firent! Car ce ne fu mie chose selonc droit. Quant li Patriarches et li autre prélat virent que il ne porroient venir à chief des Ospitaliers, car il ne trovoient qui droit leur en feist, et leur églises estoient par eus ledement domagiées, li Patriarches qui estoil si vieus hom qu'il avoit près de cent anz, et H greigneur prélat de la cité d'outremer pristrent conseil que il iroient à Rome por mostrer à TApostoile et aus'cardonaus les descovenues qu'il soffroient par les frères de l'Ospital. Quant li soués tens fu venuz et li venz fu teus com il desirroient, li preudome atornerent leur passage et se jnistrent en mer tuit cil que je vos nomerai : premièrement li patriarches de Jherusalem, après, l'arcevesques Pierres de Sur', Baudoins l'arcevesques de Cesaire; Ferris l'evesques d'Acre; Amauris l'evesques de Saiete; Costantins evesques de Lidde; Reniers evesques du Sabbat;

' I»âle, I, I ï. • Et Jt tuffraganeit ejus.

202 GUILLAUME DE TYR. A- ii56.

Heberz evesques de Tabarie. Tuit cist empristrent à parfere celé besoigne. Delivrement passèrent mer sanz destorbier et arrivèrent à une cité de Puille qui a non Otrante '.

VIL — De ce meiscnes et de la guerre que TApostoiles a voit à celui temps.

Au tcns que cist preudome furent là assemblé, Tempereres de Costantinoble avoit envolez des greigneurs barons de sa terre, atout grantplenté de gent et d'avoir, en Puille par le comandement TApostoile. Dont il avint que puis que cil evesque d'Orient furent venu d'Otrante jusqu'à Brandiz, il troverent que la gent l'empereur de Costantinoble estoient dedcnz celé cité; car cil de la ville leur avoient randue, fors le chief du chastel que la gent le Roi tenoient, qui ne leur voloient rendre. Li cuens Roberz [de Baseville] de que je vos parlai desus, et cil qui avec lui se tenoient por amor de lui ou por haine du Roi, avoient jà prises deus bones citez qui sont archeveschiez, Tarente et Bar, et toute la marine iluec endroit, jusqu'à la fin du roiaume. Li cuens Andris et li princes de Capes, de l'autre part, avoient conquise toute celé partie de Puille que l'en claime terre de Labor, jusqu'à Salerne et jusqu'à Naples et jusqu'au chastel de Saint Germain. En ceste manière touzcil pais estoit si troublez et pleins de guerre, que l'en ne pooit en nul leu seurement sejorner ne passer outre. L'empereres Ferris d'Alemaigne avoit amené si granz oz en Lombardie ^ qu'il porprenoit toute la terre par où il passoit. A ce tens se demoroit vers Ancone : mes une pestilence trop dolereuse et granz mortalitez estoit en son ost, si que il i morut tant de genz, meismement des greigneurs homes de l'empire, que de .x. à peines en remest-il uns. Quant li Alemant virent ce, malgré l'Empereur se mistrent à- la voie, por retorner en leur païs; car

* Il ne faut pas oublier ici que notre historien sins, et parce que Ton voyait en eux un contreest juge et partie. Le Souverain Pontife avait poids aux prétentions plus ou moins avouées cru devoir favoriser l'établissement des ordres d'indépendance des deux patriarches de Jérumilitaires en Syrie , parce que la terre avait salem et d*Antioche. surtout besoin de leur épée contre les Sarra-

A-iiifi. LIVRE DIX-HUITIÈME. 2O3

cil qui remés estoient ne voloient mie morir après les autres. L'Empereres ne vout pas remanoir seus; por ce,semistau repaire avec eus, tropcorociez du retour. [Car il avoit enpensé moût bien à fere sa besoigne et son preu contre le roi de Sezile]. Li patriarches de Jherusalem et si compagnon estoient en moût grant angoisse cornent il poissent passer jusque là où FApostoiles estoit ; mes il ne s'osoient movoir, por les coreeurs qui cerchoient tout le pais. Enquetins, uns chanceliers le roi de Sezile, avoit assise la cité de Benevent. A celui envoia li Patriarches ses messages et le requist moût docement qu'il l'i envoïast conduit pour fere passer sauvement lui et sa compaignie. Il li respondî qu'il n'en feroit riens et li deffendi qu'il ne passast mie par son pooir por aler vers l'Aposloite. Moût en furent irïé li bon home quant il oîrent ce; car ce estoit la plus corte voie. Au darrenier, se mistrent en aventure, par conseil de sages homes du pais. Si tindrent le chemin de !a marine jusqu'il vindrent à Ancone. Noveles oî li Patriarches que l'empereres Ferris qu'il £.voit cogneu outre mer estoit près d'iluec; mais il s'en retornoit. Tantost li envoia deus de ses evesqucs por lui saluer et por requerre qu'il envoiast à l'Apostoile ses lettres, et li priast de leur besoigne. L'Empereres dist qu'il le feroit volentiers; si s'estoît-il jà esloigniez qu'il avoit passé deus citez, Sinegalle et Pisaure, Li Patriarches s'adreça por aler à Rome, et trova que l'Apostoiles estoit issuz de la cité de Narne où il avoit demoré. Cil s'en alerent à Rome ; puis oîrent dire que l'Apostoiles estoit à Ferentine. Aucunes genz cuiderent que la corz de Rome, qui plus se tenoit aus Ospitaliers que aus prelaz, s'en alast einsi de leus en leus, por traveiller et eschiver les prelaz cui venue ne leur plaisoit pas. Li autre cuiderent, [et semble mieus voirs], que l'Apostoiles se fust là treiz si hastivement, por la cité de Benevent qui estoit assise. Mes ce estoit bien certeine chose que l'Apostoiles et tuit cil de la cori fesoient bel semblant et grant joie aus Ospitaliers; mais aus evesqucs estoientil de moût crueus respons et de vilaines paroles : car cil estoient, pièce avoit, venu avant, qui granz dons avoient departiz entr'eus.

204 GUILLAUME DE TYR. A* n56.

Vin. — Cornent li Prélat porsivoient TApostoile.

Li Patriarches et li autre prélat d'Orient se présentèrent devant TApostoileet devant les frères*, et ne furent mie bien receu; ainçois leur firent tuit ledes chieres, si que dès le premerain jor de leur entrée, se porent-il auques apercevoir à quel fin leur besoigne vendroit. Mais il estoient sage home, si n'en firent nul semblant; et por ce ne lessierent onques à venir à cort toutes les foiz qu'il i porent entrer. De leur besoigne parloient aus Gardonaus et sivoient T Apostoile par les églises où il aloit. Maintes foiz requistrent que l'en les oïst contre les Ospitaliers, et feist-l'en droit; assez furent delaié, mes au darrenier leur donna-l'en congié de dire. Cil orent assez conseil de sages homes et fu leur raison moût bien contée. Après ce jor orent un autre, puis le tierz, le quart et le quint, qui moût estoient loing à loing. Longuement orent jà demoré , ne ne fu leur aferes de rien avanciez, si s'en comencierent à plaindre, tant que bones genz vindrent au Patriarche qui orent pitié de son travail et li dirent que leur conseil estoit qu'il n'i demorast plus; car fust-il touz certains que li Ospitalier feroient contre lui et contre les églises ce qu'il voudroient. Li bons hom, qui bien le pensoit par ce qu'il avoît veu, legierement le crut. Si pristrent congié il et si compagnon sanz plus fere. Au repère se mistrent, moût grevé de cors et de despens, tuit honteus. De tous les cardonaus ne porent onques trover qui devers eus se tenist por droit, fors seulement deus; li uns ot non Octoviens; li autres Jehanz de Saint Martin. Cist avoit esté arcediacres de Sur quant li Patriarches en estoit arcevesques. Bien eussent voulu cist dui que l'en leur feist reison, mes n'orent mie povoir contre touz les autres. L'Apostoiles se parti de Ferentine et passa Gampaigne jusque il vint à Benevent. Li rois Guillaumes de Sezile ot oïesnoveles que li cuens Roberz de Basevile par la force des Grezois avoit jà porpris grant partie de

* Le) Cardinaux. Invitis Cardinalibus.

Puille, et que H princes de Capes et li cuens Andris fesoient moût leur volontez de Campaigneetde Terre de Labor. De l'autre part, l'Apostoiles s'estoit mis dedenz h cité de Benevent por doner conseil eiaide àtoussesanemis. Et quant liRoisfucertains de toutes ces choses, il assembla tout son pooir de genz de Sezile et de Calabre, et s'en vint tout droit em Puille. Premièrement s'adreça vers Brandiz où li cuenz Roberz estoit àtouz lesGrieus. Cil issirent encontre lui et se combatïrent ensemble. Li Grieu [qui rien ne valent en bataille] furent tantost desconfît. Li cuens Roberz s'enfoi; 11 Rois prist des barons l'Empereur moût grant plenté que il envoia touz liez par ses chastiaus. De l'avoir que cil avoient aporté trova tant que il en départi assez à sa gent [et le remenant grant et riche envoia en son trésor]. Quant il ot toute recovrée ce!e terre et bien garnie de ses homes les fortereces, tout droit s'en ala à Benevent, la cité assîst de toutes parz et TApostoile, atout ses cardonaus. Si les aprocha que tuit cil qui leanz estoient furent à grant mesaise. Car viande leur failli, si que il cuidoient bien morir ou par faim ou par assaut. Lors envoierent messages au Roi sages homes, qui parlèrent tant qu'il firent pais tele corn il porent, por TApostoile et por ses cardonaus et pour ceus de la ville, par covenances que pou de gent sorent; mais ce fu bien seu tout apertement que l'Apostoiles fist pais sans tous les barons qui por lui s'estoïent tenu contre le Roi*; car il ne les pot mètre en sa pais; dont il furent moût esbahî. Si dotèrent qu'il ne chéissent es mains le Roi, contre qui il n'avoient mie pooir. Li cuens Roberz, Andris et li plus des autres barons s'enfoîrent tantost en Lombardic ; d'iluec s'en alerent à l'empereur Ferri. Li princes de Capes fu plus mescheanz que li autre; car il vint à une grant eaue' corant à toute sa gent; les autres fist avant passer à nés. Il se remest sur la rive à pou de compagnie : chevaliers qui estoient home le Roi le pristrent iluec, à leur seigneur le menèrent qui l'envoia tantost en prison

206 GUILLAUME DE TYR. A- iiS^.

en Sezile. Ne demora guères que cil î morut de duel et de mesese*.