XII. — Cornent li Sarrazin firent grantgaing

Onfroiz du Toron, li conestables le Roi, avoit à ce tens grant pièce tenue la cité de Belinas qui estoit ses héritages ' ; mais trop en estoit grevez por les despens qu'il metoît es garnisons; si qu'il ne le pooït plus soffrir, Por ce, vint aus Ospitaliers qui estoieni jà riche gent, et, par la volenté le Roi leur dona la moitié de sa cité et de toutes les apartenances, par tel covent qu'il metroient la moitié en touz les costemenz qu'il covendroit à fere por garder la terre; car celé citez séoit si près en la marche des Turs que nus n'i pooit aler ne venir sanz grant compagnie de genz armées, ou de nuiz en repost". Havint, quant cil frère orent la partie de cele cité, que il ivoudrent envoler grant garnison de bestes por viandes, d'armeures et de genz. Il assemblèrent à un jor nomé de leur frères à armes assez et grant plenté de chamaus por porter leur bernois, nombre trop grant de vaches et de moutons, por ce qu'il vouloient à lonc tens garnir le leu. Si com il s'en aloient et jà estoient près de la cité, !i Tur qui marchissoient à eus, orent bien espiée cele venue, si se furent mis en un guet; tantost leur corurent sus et les desconfirent, Li un tornerent en fuie, li autre furent ou mort ou pris. Les bestes et toute l'autre chose

' Les nm de Toron tenaient cette ville en *ui Hospitaliers, par un acte dari! Ju 4 oclo- Bcf de Gaulier de Barulh; et Onfroi ent bre 11S7, la cession dont on va parler. besoin d'Strc autorisi par Giuiier pour faire •

A» nî7.

que cil menoient pristrent li Tur et en garnirent leur recez; si que celc garnison qui devoit estre sostenance de la cité contre ses anemis, fu lors seurtez de ses anemis contre lui. Li Ospitalier qui furent durement grevé et domagié de celé mésaventure s^aperceurent bien que autresi leur porroit-il avenir maintes foiz; por ce ne voudrent plus avoir part en celé ville, ainz issirent des covenances et rendirent au Conestable ce qu'il leur avoit doné. Ne demora mie après ce que Noradins qui ot fet ce gaaing vit bien que la citez de Belinas estoit en mauvais point, por ce qu'il n'i avoit pas assez garnison. Il fist une grant semonse de gent à un jor, et comanda que li charroiz de ses engins le sivist : devant Belinas vînt que l'en ne s'en prenoit garde et Tassist de toutes parz. Dedenz la ville avoit un chief de chastel fort et bon ; assez estoit garniz de genz bien armées et de viandes à une pièce de tens; si que se la citez fust prise, bien se poissent garantir léanz grant pièce une partie de la gent. Li Conestables estoit dedenz et ses filz, preus et hardiz qui bien retreoit à son père de chevalerie. Cil ne furent mie trop efifréé de ce siège, por ce que maintes foiz avoient-il veuz les Turs venir devant la ville. Cil distrent que bien deffendroient la cité et toute Tempristrent à tenir contre eus. Leur anemis firent les engins drecier; li archier se trestrent avant : si grant plenté i ot de pierres gitées et de saietes treites que cil dedenz n'avoient point de repos de jors ne de nuiz ; mains en i ot morz et navrez; si que pou en i avoit mes qui se treisissentaus deffenses, et se leur sires Onfroiz et ses filz ne fussent avec eus, legierement fust la ville perdue. Mais cil les confortoient moût bel de paroles et primerain se metoient au péril, par quoi li autre s'en contenoient plus hardiement. Un jor avint que li Tur se treistrent assez a,vant, et se comencerent à aprochier des portes. Cil qui dedenz estoient s'abandoncrent un pou trop; car il qui n'estoient que un pou de gent ovrirent les portes et vindrent tuit ensemble hors au poignéiz. Assez i firent des beaus cops et de hardiz, mais en la fin ne porent soffrir les Turs, por ce que il estoient trop. Si se voudrent retraire et rentrer en leur ville; mes cil les tindrent

si près que il se mistrent avec; la presse fu si granz que l'en ne pot la porte clore. Quant li nostre virent ce, ne mistrent onques plus contenz à deffendre la. cité. Tuit cil que porent se mistrent au chastel, li remenanz fu perduz ; car li Tur ne finerent onques d'entrer, jusque la ville fust leur. En tel manière fu la citez perdue par la folie et l'orgueil de ceus qui deffendre la dévoient. La noveie vint au Roi que Belinasest oit perdue toute, fors le donjon; et que Noradins avoit assis le Connestable dedanz le petit chastel qui ne se porroit mie longuement tenir se il n'avoit secors. Li Rois assembla tant de gent com il pot avoir à cheval et à pié, et s'en ala celé part ; bone volenté avoit que se il trovoit encore les Turs au siège, qu'il se combatroit à eus, combien qu'il eussent de gent.