XXIX. — D'un légat qui vint en la Sainte terre

Uns cardonaus de Rome , prestre du titre Saint Jehan et Saint Pou, arriva à Gibelet en une nef de Genevois : Jehanz avoit non. Bien estoit letrez, et venoit là de par pape AHxandre, Quant il fu venuz, il envoia ses messages au Roi por savoir sa volenté, se sa venueliplaisoit; [car lors tele estoit lacostumeque nus legaz n'entroit en nul roiaume sanzlecongié et le conduit le Roi.] Aus prelaz meismes de Surie envoia-il por cognoistre leur courages. Ne fu mie merveille s'il se doutoit, car par tout le monde estoit encore U scis-

* Princeps auiem, psc:atis suis exigcHlitas, om«et ^uat commiural impUlales corporatittr laituna, cjplus esî.

loco qui d

lUilui

mmi, Sono Ka-

Deccmbri

s. Ce

iild

c Saint«-Q!cilc.

mes, por ce que li un des prelaz se tenoient à la partie Alixandre, li autre à son adversaire ; car ce fu eu tens que la descorde n'estoit mie encore finée. Uen li manda qu'il ne venist mie avant, jusque Ten eust conseil de lui recevoir. Li Rois fist semondre le Patriarche et touz les prelaz et des barons aucuns en la cité de Nazareth. Iluec pristrènt conseil, savoir se il recevroient ce légat ou non; car tuit li prélat de ces deus patriarchez, Antioche et Jherusalem, s'estoient jusques à ce jor si contenu entr'eus deus que Ten ne savoit à laquelle partie il se tenoient ; nequedent, en leur cuers li un vousissent mieuz que Victors fust apostoiles et li autres que Alixandres. A ce parlement, où il furent assemblé, Tarcevesques Pierres de Sur et des autres assez qui à lui s'acorderent donerent conseil que l'en receust le légat Alixandre; car cil avoit droit en la querelle, porce que la mieudre partie des Cardonaus Tavoit esleu. Li autre prélat contredistrent moût ce conseil, et disoient que Victors seroit par droit apostoiles, qui moût avoit touzjorz amé et deffendu le roiaume de Surie. Por ce, ne seroit pas bien de recevoir ce légat encontre lui. Li Rois, quant il oï ce descorde, se douta moût que il n'eust grant trouble entre les genz de ses églises ; por ce, eslut une moienne voie par le conseil de ses barons, et manda à ce légat que se il vouloit venir au Sepuchre et en la terre come pèlerins, si qu'il n'eust nul signe de légat, bien li plairoit qu'il i venist en ceste manière, car li légat ont en celé terre palefroiz blans et chapes roges come l' Apostoile ; et demorast eu païs jusqu'à l'autre passage : car lors voudroit-il que il s'en partist. Et li manda bien raison porque il disoit ce : car li scismes estoit granz et ne savoit-1'en mie encore liqueus des deus en vendroit à bon chief ; et, por ce, li Rois en ceste doute ne se vouloit mètre en nule partie. D'autre part, la terre de Surie n'avoit mie grant mestier de légat , car les abaïcs et les autres églises en seroient grevées. Cist consaus queli Rois ot fu li plus sains. [Nequedent, quant cil sires fu venuz avant, li prélat qui furent coart et lasche le receurent come légat; si en furent puis si chargié et grevé en maintes manières que moût s'en repentirent.] En celé seison, li ciiens Amauris de Japhe ot un fil de Agnès sa femme, qui fu fille

le conte deRohés. LiCuenspria le Roi qu'il fust ses compères ; li Rois le fist volentiers et tint son fil aus fonz. Si ot non Baudoins. Aucuns li demanda après que il donroit à son filluel qui estoit ses niés; et il respondi, com cil qui moût estoit cortois et de bêles paroles, que il li donroit le roiaume de Jherusalem. Maintes genz qui l'oirent pensèrent à ceste parole, et bien leur fu avis que ce estoit une prophecie, que li Rois, qui estoit encore juenes bache- 1ers et avoit femme qui encore estoit einsi com enfés, morroit sanz oir, si que ses frères seroït rois après lui, et tout einsi avint-il.