XXX. — Cornent il rois Baudoins secorut la terre d'Antioche

Rcnauz, li princes d'Antioche, fu en la prison des Sarrasins. Toute la terre qui fu sanz deffendeur estoit en grant peor et en grant effroi. Li grant home du païs ne savoient que fere; car chascun )or cuidoient tout perdre. En la fin s'apenserent que maintes foïz avoîent-il eu secors et aide du roi de Jherusalem : il envoierent à lui bons messages qui, par letres que il portèrent et par bouche, li sorent bien deviser la grant mesaise et le perilleus estât en que touz li pals estoit. Doucement li requistrent que, por Dieu et por s'enneur, conseil et confort leur donast, et que il venist là por aiorner les aferes du païs, selonc le besoing qu'il i verroit. Li Rois ot pitié de la gent d'Antioche et de la terre entor, por la mésaventure qui sur eus estoit venue quant il perdirent leur seigneur. Bien se pensa que si ancesseur et il meismes les avoient maintes foiz secoreus à leur besoinz : por ce leur respondi qu!il iroit volentiers au païs et les conseilleroit à bone foi selonc son pooir. Li message H chaïrent aus piez et l'en merciercnt en plorant. Li Rois atorna sa muete, avec lui prist grant compaignie de chevaliers : sanz nul dcstorbier vint en Antioche. Moût i fu receuz à grant joie des hauz homes et du pueple. Il sejorna dedenz la ville tant que bien ot atorné toutes les aferes de la prince, ausi léaument et par si grant cure com se ce fust ses

244 GUILLAUME DE TYR, Ami6i.

héritages. A la Princesse dona une some d'avoir por despens, [que l'en li paioit chascune semaine, dont ele pooit bien sostenir ennorablement soi et sa compaignie ;] après leur dist li Rois que la baillîe de la terre il leissoit au Patriarche * jusque il revenist, et leur comanda à touz que il feissent ce qu'il leur diroit. En ceste manière se parti li Rois du païs et s'en retorna en son roiaume, [Li message l'empereur de Costantinoble vindrent au Roi, tost après ce qu'il fu revenuz ; haut home estoient de Grèce et grant pooiravoientau palais. Liprimerains estoitcousins l'Empereur, et avoit non Gondostefanos * ; li autres estoit mestres des druguemenz du palais, sages et privez de son seigneur, loiaus es besoignes de l'empire : cist avoit non Triphiles *. Il aporterent au Roi letres saelées en or, et paroles qui s'acorderent tout à un. Li Roisfist lire les letres et puis les oï parler moût priveement. La some des letres fut tele : l'Empereres saluoit le Roi come son ami. Après li disoit ces paroles : « Saches-tu, cui je moût aime et qui moût « as la grâce de nostre empire, [com cil que nostre baron prisent « moût et loent], que la vaillant dame de que l'en doit touzjorz « en bien parler, Hyrene, cpmpaigne de nostre lit et de nostre « hautece , est trespassée de cest siècle. Bien avons ferme espèce rance que li angle en aient portée Tame devant Nostre Seigneur. « Une seule fille nos est remese de li; mes se il plaisoit à Jhesu « Crist, nostre volenté seroit bien que nos eussions oir maie* qui « l'empire tenist et governast après nous ; por ce nos avons main- « tes foiz parlé et demandé conseil de nous marier aus plus hauz « homes de nostre palais ; tuit se sontacordé à ce, et à nos meismes * « plaist-il bien, que nos prenions femme de ton lignage; car tu « es fins amis et loiaus de l'empire. Por ce si te mandons et « requérons que une de tes cousines nos envoies por estre empe- « reriz, laquele que tu mieuz voudras de ces deus, ou la sereur <r le conte de Triple ou la mainz née sereur le juene prince

* Ce Patriarche était celui que Renaud de Jean Comnène.

Châtillon avait si odieusement outragé, comme * Tri/ulus ou Thrasiilus, comme écrit Léon a vu plus haut. beau {Hist. du Bas-Empire).

* Jean Contosiéphanos, fils d'Etienne Con- * Haredcm mêlions sexus. tostéphanos et d'Anna, fille de l'empereur

» d'Antioche. El nos te prometons bien que tele des deus que tu « nos esliras espouserons sanz contredit et recevrons à com- « paigne de tele enneur que nules si granz n'est en terre. » Quant ti Rois ot oies ces paroles des letres et des messages, grant joie en ot et mercia l'Empereur moût doucement de ce qu'il li fesoit si grant enneur en deus choses : l'une estoit que il vouloit avoir femme de son lignage, l'autre quêtant se fioit en lui que il metoit en son chois de prendre cele qu'il li voudroit doner. Aus messages fist bêle chiere et bien dist que en ceste chose et en toutes autres se contendroit-il lotaument vers l'Empereur.

XXX!. — Du grant atiremenC que li cuens de Triple fist por sa sereur.

A ses plus privez amis II Rois prist conseil, laquele de ces deus damoiseles il cnvoieroit à l'Empereur. Tuit s'acorderent à l'une. Lors fist apeler les messages et leur dist que sa volentez et ses consaus estoit que il preissent, por femme à leur seigneur, Melisscnt, la sereur le conte de Triple, qui moût estoit sage pucele et de grant biauté. Cil mercierent le Roi tant com il purent et receurent cele parole à moût grant joie par semblant. Nequedent, il distrent bien que il leur covenoît envoier messages et letres à leur seigneur, por mander ce que li Rois leur avoit dit. Lors fu li cuens de Triple moût liez et sa femme; granz ators et riches aornemenz apareillerent à cele pucele ; li Rois meismes et tuit cil du lignage i mistrent du leur efforcieement, si neis que l'en leur tenoit à outrage. Robes de riches dras de soie de maintes manières i ot moût; escarlates, pers, verz et brunetes qulstrent à trop grant planté ; coronnes d'or et de pierres, ceintures, nouches, fermauz et aneaus apareillerent moût richement'. Une autre manière de joiaus i ot que les dames pendent à leur oreilles,

( iMIfl quoqHe argcnlta immensi ponjcri's ni

1 magniludinis inaadilir,adasam caquina, es-

earum ri poluiint el lavacroram obse^uiaia

prtrparanlur, exceptis franis, selUs, el ul

breviUr dicalur, omnlmoda tupelleclilt. >

cil i furent riche et de grant coust; poz d'or et d'argent, escueles granz et riches apareillerent moût; chaudières, paeles et touz outilz de cuisine firent granz et larges de fin argent ; des lorains, des selles et des riches sambues n'estuet mie à parler ; car trop î ot outraige grant et cousteus. Plus atomerent ces choses richement que il n'avoient onques mes oïes ne veues faire por nules roines; mes c'estoit por ce qu'ele devoit aler en si noble pais com estoit li païs de Costantinoble. Li message de Grèce remestrent en la terre et comencierent à enquerre ententivement des meurs et de la contenance à celé pucele * qui devoit estre leur dame. [Sovent la vouloîent oïr parler et la fesoient aler toute defublée.] Messages envoioient à leur seigneur, et maintes foiz receurent letres de lui tout ccleement. Tant demorerent en tel chose que uns anz passa touz entiers que li Rois et li Cuens ne se savoient à que tenir de ce mariage. Lors firent venir devant eus les messages et si i furent assemblé li autre baron du lignage à la damoisele. Li Cuens leur dit, oiant touz, qu'il ne vouloitplus estre entre deus décelé chose ; ainçois leur disoit bien outreemcnt que il lessassent la parole qui comenciée estoit de ce mariage et li rendissent ses despens qu'il avoit fet par eus; ou il enmenassent sa sereurporespouser à l'Empereur, si com il avoient promis. Sanz faille, li Cuens ne pooit plus atendre, car li greigneur baron du roiaume et de la prince d'Antioche s'estoient sejorné à Triple grant pièce du tens, por estre à la muete de celé pucele. Cil avoient du Conte leur despens, touz ou grant partie. Li Cuens meismes avoit fet faire .xii. galies moût bêles et les avoit garnies de toutes choses; si avoit tenuz longuement touz les galioz au suen, car il avoit en talent d'entrer en ces galies et convoier sa sereur jusqu'en Costantinoble. Li message respondirent au Conte, por delaier si com il soloient, paroles douteuses où il n'avoit point de certeinneté. Li Rois vit que il n'en porroit plus trere; si ne vout plus atendre en ceste manière, ainçois envoia celeement à l'Empereur un suen chevalier sage et bien parlant et viste ' ; et li

* De occullarum corporis partium disposi- ■ Dominum Othonem de Risbergis; non

Vone. mentionné dans les Familles d'outremer»

manda que sa volenté li féist asavoir tout apertement de ce mariage. Au chevalier comanda que tost revenist. Cil s'en ala et fist bien lemessage; puis s'en retorna au Roi assez plus tost que l'en ne cuidoit; letres aporta de l'Empereur et paroles par que il manda bien, que celé chose qui avoit esté porparlée de lui et de celé damoisele ne li plaisoit pas, ne jà ne s'i acorderoit '. Quant li Rois oi ce, moût fu corociez et honteus de ce que cil aferes estolt einsi remés de que la novele estoit coreue par toutes les terres; bien entendi quePEmpereresne l'en avoit fet point d'enneur,mès il ne le pooit mie amender à sa volenté. Li message l'Empereur entendirent bien qu'il n'avoient mie la grâce au conte de Triple, et doutèrent qu'il ne leur feist ennui. Si eust-il fet sanz faille, se por le Roi ne fust ; mes cil se mistrent en une nef assez petite ; tout repostement s'en passèrent en Chipre. Li haut home qui assemblé estoient s'en départirent tuit honteus.

Li Rois meismes qui avoit grant pièce demoré por cele chose, sot bien que l'en avoit grant mesuer de lui en la terre d'Antioche; si atorna son afere et s'en ala vers ces parties. Quant il vint dedenz la cité d'Antioche, il trova îluec les messages l'Empereur qui de Triple s'en estoient parti. Il tenoieni iluec paroles privées à la Princesse de marier sa fille mainz née qui avoit non Marie à leur seigneur, et mostroient ses letres saelées en or, que il avoit ferme et estable ce que li message en feroient. La parole estoit jà tant alée avant que la mère s'i acordoit bien. Quant li Rois fu venuz, ne fu pas droiz que l'en tenist cele parole sans lui. Au Roi descouvrirent tout leur afere. Une selooit mie de l'Empereur d'endroit cele besoigne, si avoit droit; mes por ce que la damoisele estoit sa cousir e et n'avoit point de père, ne li vout pas destorber si haut assenement com de l'Empereur. Por ce, s'i acorda et fist la chose moût bien asseurer; si queli message l'Empereur s'en loerent moût. Lors ne demora guères après que les galles furent apareillées au port Saint Sj'méon, là où li fluns du Fer chiet en mer. La pucele leur fut bailliée à teus ators come l'en pot

faire en si grant haste. L'enenvoia avec li des plus hauz homes et des plus sages de la terre d'Antioche, por li mener et prendre la seurté de son doaire, qui devisez estoit par les messages ^