XX. — Cornent li cuens Poinces de Triple fu ocis

Renomée vint qui estoit voire que Bezeuge' uns Turs hardiz et preuz, qui estoit connestables le roi de Damas % estoit entrez à moût grant plenté de sa gent en la terre de Triple. Li cuens Poinces oï la novele, si assembla toute sa gent et leur vint à rencontre desouz un chastel qui a non Mons Pèlerin. Iluec se combati contr'eus, mes li Surien qui habitoient eu mont Libane le traïrent : ses genz furent desconfites et tornerent en fuie; il fu pris. Après, par la volenté aus Suriens traiteurs, li Tur Pocistrent. Un suen filz remest oirs de la terre, juenes valiez, qui avoit non Raimonz. En celé bataille fu pris Girarz, li evesques de Triple. Mes ne demora mie que il fu renduz por un prison que li nostre tenoient. Moût eut grant domage et grant perte en celé desconfiture. Li haut home de Triple, li borjois et li sergent furent presque tuit perdu. Cil enfés Raimonz fu moût iriez de la mort son père et de sa gent qu'il avoit perdue; si assembla tout

et les forts dont il est ici question. Ils sont qu'on est un peu surpris de ne pas voir

non pas à douze milles anglaises, mais à douze même citées dans le beau livre de M. Rey:

lieues françaises d'Ascalon, tandis que Bir-eN Monuments de l'architecture militaire des

Seba en est à plus de vingt lieues, dans Tan- Croisés.

cien pays des Amalécites. M. Guérin a décrit * Schchab Eddin Mahmoud, sultan de Da-

minutieusement {Judée» t. V, p. 230-240) les mas (ii35-ii39).

ruines de ces châteaux de Beit-jc-brin,

celeément le remanant de genz à armes quMl put trover en son païs, à cheval et à pié; soudeinnement s'en monta eu mont Libane et touz ces traiteurs prist, dès qu'il put savoir qu'il estoient parçonier de la mort son père et des autres domages porchacier *. Leur femmes et leur enfanz amena liez dedenz la cité de Triple; devant tout le pueple, por venjance des preudomes qui par eus estoient mort, les fist morir en maintes manières de tormenz. Einsi reconforta si com il pot et soi et les autres qui leur amis i avoient perduz. A grant bien le tindrent tuit, de ce qu'il avoit si viguereusement comencié à tenir terre. Bien âst semblant qu'il ne deporteroit mie ses anemis, quant il auroit pooir de soi vengier.

XXI. — Cornent Jehanz empereres de Costantinoble assist Antioche contre

le prince.

Une novele corut par le pais que l'empereres Jehanz de Costantinoble, qui fu filz l'empereur Alexe, voloit venir en Surie, et jà estoit en la voie; si amenoit si grant plenté de gent à cheval et à pié que toute la terre en estoit coverte, par là où il venoit. Chars et charretes et somiers amenoit trop. Celé novele estoit bien vraie, car icil empereres, sitost com il oï dire que li baron d' Antioche avoient envoie querre le prince, et li avoient donée la fille leur seigneur à femme, entendi que il l'en avoient fet grand tort; car sanz congié de lui, ce disoit, ne deussent-il mie avoir mariée leur dame, ne un estrange home avoir apelé au prince d' Antioche, se par lui non; car il voloit apertément dire que la citez d' Antioche et toute celé terre apartenoit à sa seigneurie. Por ce que li baron, qui tantes bones oevres firent que d'eus sera touzjorz mes parlé en bien, quant il conquistrent la cité et ce païs, avoient juré son père que toutes les citez et les chastiaus qu'il conquerroient en celé voie metroient en son pooir, et les li

s Qui prctdictum potentem virum in induxerant... agrum Tripolitanum suis persuasionibus

garderoient bien et loiaument, jusque il venist. Ce ni'avoient-il mie fet por néant, car ses pères leur avoit à chascun doné granz parties de son avoir par que ilestoient devenu si home. Ses pères n'i pot mie venir, car il en fu destornez ; por ce i voloit-il venir, ce disoit, por saisir sa droiture. Li baron d'Antioche li avoient maintes foiz mandé et respondu que li preudome sans faille, qui d'outre les monz vindrent por guerroier les anemis Nostre Seigneur en la Sainte terre, par Gostantinoble passèrent, covenances orent à l'empereur Alexe, et il à eus; mes il ne leur tint pas ce qu'il leur eut en covenant ; par que icil preudome ne se tenoîent pas à liez vers lui, ainçois firent prince en Antioche et seigneur en la terre sanz son congié. Dès celui tens avoit euz seigneurs en la terre qui de rien n'obéissoient à l'empire. Ses pères meismes, si com il disoient, ne s'estoit pas bien contenuz vers eus , por quoi il ne voloient estre de rien desouz la seigneurie son fil. Quant l'empereres oî ces paroles, qui riches estoit et poissanz, tantost envoia, par tout son pooir,à semondre ses oz. Un an entier fist son apareillement. Après, quant ses genz furent assemblées, mut de Gostantinoble. Merveille estoit à veoir le grant hernois qu'il menoit de genz d'armes, de paveillons; et de trésor si grant que à peine en pooit-l'en savoir le pois ne la mesure. Il passa la mer qui a non le Bras Saint Jorge par navie, tout droit s'adreça a aler vers Antioche. Tant chevaucha par ses jornées, qu'il vint en la terre de Gilice. La première cité qui a non Tarse assist de toutes parz et par force la prist. Les chevaliers en gita touz qui de par le prince i demoroient, et les siens i mist. Ce meismes fist-il des autres citez qu'il prist en tel manière : Tune a non Adane, l'autre Mamistre, la tierce Anavarze qui est la mieudre citez de la seconde Gilice. Einsi conquist ces citez et ces chastiaus que li prince d'Antioche avoient tenues enpais quarante anz ou plus. Neis, ainçois qu' Antioche fust prise, en avoient nostre baron conquise grant partie; or leur avoit tolue l'empereres par sa force à grant tort. Porcc que si bien 11 estoit cheoit de prendre ces meneurs citez et les chastiaus entor, bien li fu avis que riens ne le cont retend roi t que il ne

preist tout par force. Si mut atout son ost et ala asseoir Antioche. Ses gens dont il avoit grant plenté fist logier tout entor ; perrieres et mangonîaus et autres engins de maintes manières fist drecier por la ville grever et apresser hastivement.