XXII. — Cornent Sanguins de Halape desconfist les Crestiens

Moût fist grant semblant l'empereres que la ville ne li poïst pas durer longuement. Mes tandis com il estoit iluec, Sanguins de Halape, qui trop volentiers grevoit les Crestiens, ot veu que li cuens de Triple avoit esté ocis et sa gent desconfite, si que icil païs n'avoit lors guères de genz de que Ten se poïst aidier en guerre ; si assembla grant plenté de Turs et s'en entra par force en la terre de Triple. Une forteresce assist qui a non Mont Ferrant*, et siet sur la cité de Rafanie, en une montaigne; viguereusement fist assaillir ceus dedenz. Tant î metoit change et relés d'assailleeurs que cil dedenz ne pooient avoir point de repos. Quant li cuens de Triple, Raimonz, juenes vallés filz de la sereur le roi, oï ces noveles, hastivement envoia au roi bons messages, et li cria merci, que, por Dieu et por le .sauvement de la Grestienté, sanz demeure leur venist aidier, car il n'avoient mie gent à lever ce siège. Li rois qui estoit ausî come pères du païs, vit que li besoins estoit granz ; si manda barons, chevaliers et sergenz à pié tant com il en pot avoir; tantost s'adreça vers Triple. Li message au prince d'Antioche li vindrent à rencontre, qui par letres et par bouche li firent entendant que Tempereres avoit assise Antioche; si li prioit li princes eftuit li baron de la terre que il les secoreust au plus tost qu'il porroit. Quant li rois oï ces deus besoins, moût fu angoisseus et prist conseil qu'il feroit, et vers laquel part il iroit ainçois. Tuit s'acorderent à ce que il secoreust premièrement les Crestiens qui estoient assis à Mont Ferrant, car cil leus estoit plus près, et legiere chose sembloit à

< Aujourd'hui Kalaat-Barin . au nord de Tripoli. (Voy. ci-dessus p. 10.)

34 GUILLAUME DE TYR. A- iiJ;.

délivrer celé besoigne. Lors après, quant li rois auroit ce fet, si s'en iroient tuit ensemble lever le siège d'Antioche. Einsi estoit devisée la chose par ceus qui ne savoient mie quel fin Nostre Sires i voloit mètre. Li rois et li cuens de Triple assemblèrent leur gent; tuit ensemble s'en alerent vers le chastel qui estoit assis. Quant Sanguins oï la novele de leur venue, tantost leissa le siège; ses batailles conréa tout à leisir, puis chevaucha et leur vint à rencontre. Les noz genz aloient einsi tuit en conroi, qui menoient grant plenté de viandes por mètre dedenz le chastel qui assis estoit. Mes cil du paîs qui dévoient guier nostre gent, ce ne sai-je se il le firent par folie ou par traïson, leisserent à senestre la bêle voie qui estoit pleine et délivre, si menèrent Tost par les montaignes où la voie estoit roiste et estroite ; pas i avoit perilleus et trop granz destroiz, si que l'en ne s'i poïst pas legierement défendre ne garantir. Sanguins qui moût estoit sages d'armes, pou pareceus et de grant cuer, cognut tantost le meschief où nos genz estoient; moût en eut grant joie, et vint à sa gent : touz les pria et requist de bien fere ; plus en amonesta les uns que les autres, selonc ce qu'il cognoissoit les meilleurs. Lors vint à rencontre aus premières batailles des noz, touz premiers se feri entr'eus, sa gent le sivirent efforcieément. Les noz premières genz ne se tenoient mie ensemble por les leus qui estoient estroiz, si se desconfirent tantost. Li Tur, qui venoient après, ne finoient d'abatre et d'ocire ceus qu'il aconsivoient. La bataille le roi fesoit l'arriére garde. Quant li baron qui estoient avec lui virent que leur premières genz estoient desconfites, il prièrent au roi et conseillèrent que, por la Crestienté sauver qu'ele neperist toute, se treisist vers le chastel et se recetast dedenz. Li rois vit qu'il n'i avoit riens de secorre les premerains, car il ne pooient chevauchier que li uns avant l'autre à grant peine; si crut le conseil aus barons et se parti d'iluec moût corociez; si se mist dedenz Mont Ferrant. Cil qui eschaper porent le sivirent et se garantirent avec lui. La gent à pié qui foïr ne porent, furent près que tuit ou mort ou pris : des chevaliers meismes i perdi l'en assez. Làfu pris li bons juenes hom, preus et hardiz, li cuens

de Triple, et de ses chevaliers aucun avec lui. Là fu ocis uns hauz hom, sages et bons chevaliers, qui moût savoit d'armes et assez en avoit fet, frères estoit le viel Joscelin, conte de Rohés ; Ten le clamoit Gefroi Chapalu * . Trop firent grant duel petit et grant de sa mort. Car la Crestienté i eut grant domage. En celé desconfiture perdirent H rois et li autre baron tout leur herhois; chars et charretes, somiers et chevaus emmenèrent li Tur. Les viandes meismes que Ten devoit mètre eu chastel furent toutes perdues; car cil qui dedenz entrèrent vindrent tuit armé, n'onques point de vitaille n'i portèrent.

XXIII. — Cornent li Tur assistrent le roi dedans Mont Ferrant.

Retorné furent li Tur de la desconfiture, tuit chargié de gaaing; assez enmenerent prisons et chevaus. Sanguins fu moût en grant orgueil de ce qu'il eut le conte de Triple en liens devers lui; le roi eut enclos en un chastel depecié, où il ot assez pou viande; si se pensa bien que il ne se porroit pas tenir longuement contre lui ; et, se il le pooit prendre*, trop auroit fet grant gaaing come de prendre le roi et touz ses barons. Por ce, retorna hastivement otant degentcom il avoit, et assist le chastel de Mont Ferrant. Bien cuida qu'il le preist dedenz brief tens, car il n'avoit mie peor que l'en le poïst partir du siège, porce que presque tuit li grant home du roiaume estoient leanz assis ; si come Guillaume de Bures li conestables. Renier Brus, li bons chevaliers, Gui Brisebarre, Baudoin de Rames, Anfroi du Toron, chevaliers noviaus et moût juenes hom*, et autre baron assez. Quant li rois vit soi et eus en ce point, si leur demanda conseil qu'il feroient encontre celé meschéance; il li distrent que hastivement envoiast au prince d'Antioche, au conte de Rohés

* GaufridusChanpalu;yu.T.Chatpalu^ciM'\\ même obtenu ce dernier et non moins juste

faut entendre, je crois. Chat pelu on poilu. souvenir !

Combien n'ont laissé mémoire de leurs * Prendre le chftteau.

prouesses qu'à l'occasion de leur mort! Com- * Fils du connétable Anfroi ou Honfroi du

bien d'autres, non moins preux, n'ont pas Toron.

Jocelin le juene, et au patriarche de Jherusalem, et leur requist que il concueillissent gent à leur pooir et leur venîssent secorre sanz demeure. En ce tens, quant li sièges séoit à Mont Ferrant, uns chevaliers preuz et bien esprouvez en besoignes, mareschaus d'une compaignie que Ten clamoit les chevaliers Saint Jorge, Renaut TEvesque le clamoit l'en, porce qu'il estoit niés Tevesque Rogier de Lide, chevauchoit sur ceus d'Escalone, si corn il avoit fet maintes foiz ; mes il li firent un embuschement, par quoi il le forclostrent et le pristrent. Endementres, li uns des messages que li rois envoia vint au prince en Antioche, et li dist le besoing que li rois avoit et si baron; li secons ala au conte de Rohés qui moût Tengoissa de movoir por eus venir secorre; li tierz ne fina jusqu'en Jherusalem. Le patriarche et tout le pueple esmut et effréa moût, si que tuit s'apareilHerent por aler là. Li princes d' Antioche fu en moût grant doute que il feroit, car entor sa cité estoit Tempereres qui assise Pavoit : se il s'esloignoit, moût avoit grant peor qu'ele ne fust en péril d'estre perdue; d'autre part il redotoit moût à faillir au roi à si grant besoing come de son cors délivrer. Au darrenier s'acorda à ce que sa cité comanderoit à Nostre Seigneur et s'en iroit hastivement aidier le *roi et les autres barons. Tantost assembla chevaliers et sergenz grant plenté, tuit s'i offroient por acomplir celé besoigne, que moût l'avoient à cuer. De la cité s'en issirent efforciéément et leissirent l'empereur entor à siège. Li cuens de Rohés ausi se hasta moût de movoir et mena avecques lui quanqu'il pot avoir de gent. Li patriarches de Jherusalem prist la vraie croiz en ses mains, et mena avec lui tout son pueple à cheval et à pié. Par les villes où il passoit fesoit toutes les besoignes leissier, si que tuit le sivoient por secorre leur seigneur.