X. — De la délivrance le prince d'Aniiochc

La chose aloit'einsi mauvesement en la terre de Surie. Li rois Amauris, qui avoit Siracon chacié fors d'Egypte et Savar confermé en sa baillie et en son pooïr, s'en retornoit en son roiaume atome sa gent qui s'estoit bien contenue en cette besoigne. Bien avoit o! les noveles de ces granz meschéances qui avenues estoient au pais, tandis com il estoit hors. Cil d'Antioche orent envoiez

* Il temblc qu'il y «il ici erreur de deux au- ' QainJicim calendarum novtmbT.s, lË 0;-

n^et. que j'atlribuer>l< aux ancien! copiit» lobre. pluidi qu't Guillaume de Tyr. Us auront écrit • Gaalleyius de Q^jaiimlo.

268 GUILLAUME DE TYR. xV ii63.

leur messages à lui qui moût piteusement li prièrent que il s'en alast vers eus hastivement; car si cstoient à grant n^eschief que bien avoient mestier de conseil. Li Rois prist avec lui le conte de Flandres, et s'en alerent là tout droit por reconforter ceus de la terre qui trop estoient en grant esmoi. Tant demora au païs que les besoignes de la prince devisa moût bien et atorna sagement; toutes les bones villes fist garder là où il avoit fortereces^ et loiaus baillis mist par la terre por garder les rentes et por recevoir; greigneur entente mist à ce que ces choses alassenten preu que il ne fesolt en la seue terre. Aus amis le Prince parla qu'il se traveillassent vers Noradin coment il fust mis à raençon , et fist tant qu'en cel esté de cel an meismes, il fu raens par grant avoir qui donez en fu \ si que il ne demora pas plus d'un an en la prison. Li Princes, quant il fu retornez en Antioche, ne fu mie pareceus de sa besoigne fere. Il avoit bailliez aus Turs bons ostages por sa raençon : moutfu angoisseus coment il les porroit délivrer. Tantost s'apareilla et mut por alcr à l'empereur de Costantinoble qui avoit novelment prise à femme Marie sa sereur. Cil le receut moût bel et grant joie li fist; de son avoir li.dona largement, si que li Princes n'i demora guères, ainz s'en revint touz riches en Antioche. Maintes genz s'émerveillèrent de Noradin qui estoit si sages et si porvéanz de son afere et moût avoit grant gloire de tenir noz riches homes en sa prison, coment il leissa sitost aler le prince d' Antioche. 11 le fist por deus raisons : l'une fu que il dotoit moût à corocier l'empereur Manuel qui estoit ses voisins riches et puissanz; si cremoit que cil ne li demandast en don ce prison qui ses serorges estoit, et il ne li osast véer, ainçois le delivrast lors por néant; por ce le leissa finer, qu'il ne vouloit mie que cil granz hom l'en priast. L'autre raison fu que cil princes estoit juenes hom qui moût ne savoit pas encore de ses aferes atirier, ne en pais ne en guerre; si douta que s'il le tenist longuement en prison, cil d'Antioche, par le conseil Amauri le roi, méissent en son leu un preudome sage et bon guerrier qui grevast les Turs en ses marches. Por ce vout mieuzcestui lessier aler qui de sa terre ne li seust mie fere tant de mal com cil feist.

A* iiM. IJVRE DIX-NEUVIÈME. 269

En cele seison qui lors estoit, Siracons, dont je vos ai parlé maintes foiz, qui moût estoit preuz et esveillez de porchacier le mal à la Crestienté, s'en vint en la terre de Saiete. Iluec assist un chastel trop fort qui n'estoit pas prenables, l'en Tappeloit la Cave de Tiron. Si com il estoit sages et mal veziez, l'en cuide qu'il feist parler à ceus dedenz et leur dotiast de son avoir ; car il li bailUerent tantost le chastel, que nule force n'i soffrirent. Bien sembla que il le feissent par traïson, por ce que sitost com il issirent d'iluec, tuit s'en alerent devers les Turs, fors seulement le chevetaine qui fu trovez au pais; ne demora guères après ce, que il en fu menez à Saiete et tantost fu penduz. En cel an meismes li rois Guillaumes de Sezile fu morz qui moût avoit esté preudom : il •fu filz le roi Rogier'.

Siracons, qui bien ot fête sa besoigne de la Cave de Tiron, s'en ala à un autre chastel qui ne pooit estre pris par force : il séoit outre le flun Jordain en la marche d'Arabe. Siracons l'assist ; li Rois, qui Toi dire, assembla genz assez por le secorre. Jà s'estoit logiez outre le flun à tout son ost, mes iluec li vlndrent noveles que li Templier qui H chastel avoient en leur garde t'avoient jàrenduausTurs, [sanzcequeà nul meschief îln'estoient, ne point de mesese il n'avoient sofferte]. Quant li Rois l'oï dire, trop en fu corociez et doulereus, si neis que il en estoit einsî corne touz hors du sens. Tant fist cerchier que il trova douze des templiers qui ce chastel avoient rendu; tantost les fist pendre. En si grief estât, con> je vos ai dit, estoit la terre de Surie en cel tens qui estoit li tierz anz du règne le roi Amauri. De toutes parz estoit la terre en péril, car li Tur estoient entor eus enforcié et puissant. La Crestienté estoit afebloîée et grevée en maintes ma-

XI. — Describitur composiloris hujus historié in palriam redîlus, et de ejus processu aperiuntur noitnulla'.

lené qae le sommaire de ce chapitre. Oi d'autant plus le rcgreller que Guillaut

XIL — Cornent li califes de Baudas envoia tuer le calife d'Egypte.

Une novele corut lors par tout le païs que cil maus adversaires de la Crestienté, Siracons, avoit assemblé si grant planté de Turs que Ten n^avoit mes pieça veu greigneur ost. Touz lî pooirs de la terre du Levant et de la.paienime qui est en la partie devers Bise estoient avec lui. Il s'en youloit atoute celé gent descendre au roiaume d'Egypte. Il estoit voirs, einsi com la renomée le disoit : car Siracons, qui trop savoit de mal, estoit alez novellement au souverain prince de touz les Sarrazins, c'est li califes de Baudas. Quant il fu là venuz, il Taora moût longuement, si com est leur costume; puis beisa la terre desouz ses piez,et le" salua moût humblement. Après li comença à dire de la terre d'Egypte que moût estoit riche et plantéive de. toutes manières d'aises et de deliz; rentes i avoit trop granz des paages et des treuz que l'en cueilloit de diverses marcheandises qui venoîent par la mer et par la terre : les genz du païs ne savoient rien d'armes, ainçois estoient norri si délicieusement qu'il ne povoient sofFrir nul travail , ainçois les troveroit-l'en en toutes besoignes mous et lasches. Si disoit que moût estoit granz hontes de si mauvais pueple qui si longuement avoit esté encontre lui et encontre ses anceseurs, en tel manière que il avoient fet en despit de lui autre calife de cui il ne disoient mie seulement qu'il fust

ses pareus, ainçois afermoient tout apertement que il valoit assez mieuz et greigneur pooir avoit en ciel et en terre. Es poinz meismes de la loi se descordoient-il d'eus ettenoient à mescréant ceus qui li obéissoient. Après li dist que se il deignoit comander, bien estoit li tens que legierement seroit vengiez de son adversaire, et que touz cist roiaumes vendroit à son comandement, se il li vouloit baillier genz par que il les poïst douter. En iteles ma-

Tyr y parlait, comme on voit, de lui-même. ' il faut supposer qu'il avait entre les mains le

Cette lacune semble être le fait de notre tra- premier manuscrit du texte original, sur le-

ducteur, qui aura regardé comme un hors- quel auront été faites toutes les copies po>té-

d'œuvre tout ce qui ne se rapportait pas ex- Heures, toutes étant également privées de ce

clusivement à l'histoire des Croi<«ades. Mais précieux chapitre.

.Vn66. LIVRE DIX-NEUVIÈME. 271

nieres de paroles fu li Califes esMeuz moût durement et bien s'acorda à fere ce que Siracons requeroit. Tantost envola letres à touz les barons qui li obéissoient, et leur manda qu'il venissent efforciement à armes por sivre Siracon, là où il les menroit. Li apareiUemenz fu si granz en la paiennime que H rois Amauris enoïla novele certaine; bien sot que se li Tur poissent celé chose trere à chief si com il pensoient, ce seroit granz domages à la Crestienté : et por ce que il vout ce destorber se il poîst, tantost manda un parlement à Naples où furent assemblé li baron et li prélat de la terre. Li Rois leur mostra à touz les granz perilz et les granz maus qui porroient avenir se li roiaumes d'Egypte venoit en la main de Syracon ne du calife de Baudas ; après, leur requist moût humblement que chascuns s'efforçast de lui aidier. Tuit cil qui là estoient assemblé savoient bien que li Rois disoit voir, et fu acordé que tuit cil qui n'iroient avec lui en l'est 11 donroient la disme de touz leur muebles qu'il avoient, où qu'il fussent : ce promistrent et clerc et lai, et le tindrent bien. Lors revint une autre no vêle que Siracons avoit fet trousser viandes à grant tenset fesoit porter eaue en bouz granz ' sur chamaus], qui pooit soffire aus homes et aus chevaus par mainz jorz, et vouloit passer par les deserz où li fil Israël furent, quant il venoient à la terre de promission. Li Rois, quant il 01 ce, prist isnelement chevaliers et genzcequ'ilen potavoir;sis'en ala hastivement por lui destorber es deserz; £t tant chevaucha qu'il vint en un leu qui a non Cadesbarne*; mes ne trova mie Siracon. Si s'en retorna isnelement, por ce que ce n'estoit mie pais où il féist bon sejorner.

XIII. — Cornent H rois Amauris ala secorrc le calife d'Egypte.

Lors fist li Rois fere une grant semonse par toute sa terre de gent à cheval et à plé. Moût ot grant assemblée à Escalonne où il vindrent tuit et furent là le tierz jorz devant laChandeleur. Lors

s'en esmut li Rois et prist ce que mestiers li fu de genz et de viandes avec lui, puis s'en entra par la voie du désert qui est entre Gaze, la darreaine cité du roiaume de Jherusalem et la terre d'Egypte. Lors atendi toutes ses genz, puis vindrent à un chastel ancien du désert qui a non Lars *, puis aierent outre jusqu'à la cité dont je vos ai parlé desus qui est ore apelée Belbés ; mes ele fu jadis nomée Peluse, de que parolent sovent les Escriptures des Profetes*. Savar li soudans d'Egypte oï dire que li Rois venoit atout son ost hastivement; si ot grant peor, car il ne pooit croire qu'il venist por lui aidier, ainçois cuidoit certainement que il li , vousist movoir guerre ; si que près qu'il ne demora trop à ses espies envoier, por savoir le covine Siracon. Mes quant il ot envoie et sot que li granz oz des Turs estoit en un leu qui a non Actafi* de l'autre part, il fu touz certains que nostre gent li venoient aidier en bone foi; moût en ot grant joie. Sanz faille il estoit sages et bien apercevanz en autres choses, mes iceste ne dut-il jà croire que li Chrestien li venissent aidier à tel meschief si efforciement; et quant il le sot, ne fina de loer la proesce de nostre gent et leur loiauté. Dont il avint que dès ce jor en avant, il s'abandona à faire touz les comandemenz le Roi en toutes choses. Des richesces le calife d'Egypte dona largement au Roi et à touz ses barons; et aus chevaliers meismes en departi-il assez, à chascun selonc ce qu'il estoit : si que tuit s'en loerent.