IV. — Porquoi li rois Amauris veut guerroier ceus d'Egypte

Ainçoisqueli message fussent retorné de TEmpereuretqueii Rois seust que sa volenté estoit de movoir guerre aus Egyptiens, renomée sordi par la terre de Surie que Savar li soudans envoioit sovent messages et letres à Noradin por faire aliance à lui; car il disoit que se cil li vouloît aidier, volentiers romproit les covenances quUl avoit au roi des Crestiens; car moût li desplaisoit de ce quUl estoit si tenuz à ses anemis morteus. Quant li Rois oî ceste novele, grant desdaing ot de la desloiauté à celui cui il avoit eu si grant mestier. Tantost fist semondre ses genz à cheval et à pié et moût efforcieement apareilla de mener son ost en Egypte. Maintes genz distrent que toutes ces choses estoient feintes et controvées, et que Savar li soudans n'avoit talent de ce faire que Ten li metoit sus; mes (que) li Rois vouloit guerroier ceus qui les covenances tenoient bien fermement, et, par ceste achoison, fist-il avant corre par le païs celé parole que je vos ai dite. Bien sembla que ce fust voirs; car Nostre Sires soustreist si sa grâce à toutes les emprises le Roi à celé besoigne, que il n'i fist guères chose dont il eust enneur ne preu. L'en disoit que en cel proposement et en celé mauvese volenté Tavoit mis sur touz les autres uns mestres de TOspital de Jherusalem qui avoit non Girberz Assailliz*, uns hom sanz faille de grant cueret larges sur touz homes, mes n'estoit mie bien estables ne fins en loiauté. Cist despendi tout le trésor de sa meison et par desus enprunta

< Gilbert d^AssiilIy ou de Lassailly, grand mattrede 1161 k 1169.

grant somme d'avoir, por donner à chevaliers en soudées que il mena en cel ost avec le Roi. La meison de l'Ospital en fu si endetée que l'en cuida qu'ele ne se poîst jamès aquiter. 11 meismes par désespérance en leissa puis sa baillie et guerpi la mestrise. De dete remest après lui .c. '. besanz ou plus. Nequedent, cil qui escuser le vourent distrent que ces granz despens avoit-il fez porce que li Rois lî avoit en covenant, se l'en pooit conquerre le roiaume d'Egypte, que li Ospitaus auroit la cité de Belbés * à tenir corne seue à touzjorz. Li mesires du Temple et li autre frère ne se vourent onques .entremette de celé besoigne, et distrent que en cele guerre ne sivroient-il jà le Roi; por ce, espoir, le firent que li mestres de l'Ospital avoit emprise cele chose. Car touzjorz a envie entre ces deus meisons. Bien repuet estre que il s'aperceurent que li Rois n'avoir pas bone raison de guerroier les Egyptiens encontre les covenances qui estoient asseurées par son serement; car il se fioient tant de la nostre gent que il ne se doutaient mie que maus leur venist de cele part, corne cil qui de riens ne mesprenoient contre ce qu'il avoicnt promis.

V, — Cornent lî rois Amauris prîst Belbés à force,

Li apareillemenz fu granz d'alcr en Egypte por guerroier. Au quint an de son règne, au mois d'ottovre, mut li Rois de sa terre ettrespassa en .x. jors les deserz qui sont entre deus. Tout droit s'en vint à la cité de Belbés et l'assist, esforcieement fist asaiUir et la prist sanz demorance. Ce fu li tierz jors après la feste Touz- Sainz. Les noz genz entrèrent en la ville; aus espées comencierent à detrenchier ceus qu'il troverent, homes et femmes, vieuz et juenes, sanz espargnier nuluy; après en lièrent assez pour mener en prison qui guères ne valut mieuz que la mort. Entre les autres furent pris Maazan, li filz Savar, et uns suens nies : à ces deus estoît bailHée la citez en garde, et les genz qui léanz estoient.

rj

Quant la ville fu einsi prise et brisiée, lors véissiez nostre gent aler par la ville pecoier osteus et huches, trere fors robes et toutes manières de richeces. Quant il trovoient pucelles ou vieille gent qui s'estoient dedenz les chambres tapies, à Tespée metoient tout, fors tant que aucunes foiz gardoient ceus de qui il cuidoient avoir grant raençon. Moût barroierent bien et destruistrent celé cité en toutes manières. Nequedent, bien cuida-Pen que la greigneur achoîsons por coi il firent ce fust convoitise. Savar, qui de ce ne se gardoit, oi la no vêle de celé grant destruction; trop en fu esbahiz. Ne sot pas bien cornent il se poïst contenir; toutes voies, selonc Tangoisse du tens, il s^apensa de deus choses : d^en* voier messages au Roi qui par bêles paroles asouajassent son cuer, et li promeissent grant somme d'avoir, par covent qu'il se partist du pais et ne feist plus mal au roiaume d'Egypte. Par delez, il envola à Noradin qui ses voisins estoit du roiaume de Damas, et li réquist aide contre la gent qui vouloit leur loi destruire. Covenances li offri teles que cil s'i acorda. Sanz demorance apela son conesiable Siracon, de qui je vos parlai desus maintes foiz, et li bailla grant partie de son ost et de ses amirauz por aidier à sostenir le fés de celé besoigne. Cil firent prendre viandes assez sur chamaus et en autres veictures; puis se mistrent à la voie tant que il vindrent en Egypte.

VL — Cornent le rois Amauris assist le Cahere.

Quant li Rois ot einsi fête sa volenté de la cité de Beibés, il s'adreça por aler vers le Cahere. Mes lentement enmenoit son ost là endroit, car il mist .x. jorz à passer une jornée de terre. Au darrenier vint devant la ville et Passist. Lors comença à faire drecier perrieres et mangoniaus, chaz de cloics et voies couvertes. Grant semblant fist de grever la cité en maintes manières. [Cil qui dedenz estoient n'orent mie sovent apris à veoir tele chose, et moût s'esmaierent. Chascuns cuidoit jà veoir la mort devant ses euz.J Mes la nostre gent fesoient à tret et à grant demeure le

leurafere par dehors'. Cil qui plus sorent de la pensée le Roi distrent que il aloit einsi demorant, por ce qu'il voloit que Savar li soudans eust peor de lui et de la gent qu'il menoit, si que il poïsl avoir leisir de finer à lui et doner grant avoir par que il fussent apaisié ; car à ce tendoit toute l'entencion le Roi, cornent il poist trere grant somme d'or que il enporta^t : por ce que il se pensoit bien que se il alast einsi dépeçant les citez et prenant par force, come il avoit fet Belbés, la menue gent gasteroient toutes les richeces du pais, si que il n'i auroit guères de preu. Li Soudans cognoissoit une partie des barons qui plus estoient privé du Roi ; à ceus envola ses messages et par eus fist essaier cornent il s'acorderoit à lui. Bien senti que toute la chose tenoit à doner avoir : il Ven promist tant que, se il et tuit cil du roiaume l'eussent juré, à peines poist estre treîz de la terre : car il fist tel cove* nance que il lui donroît par .xx. foiz .c. m. besanz, por que li Rois li rendist son fil et son neveu qu'il avoit pris à Belbés; et tantost en remenast ses oz en Surie, si que il ne revenissent plus en Egypte por mal faire. Geste grant somme de besanz fist-il offrir, non mie porce que il cuidast que l'en la poist paier, mes por ce, sanz plus, qu'il poist le Roi destorber de prendre la cité du Cahère; car ele n'estoit mie bien garnie de genz ne de toutes autres choses qui mestier ont à défendre la ville. Certeinement, dient cil qui là furent avec le Roi, que se il se fust hastez après la prise de Belbés de venir au Cahere, tandis com li cuerdes genz estoient en peor et en effroi, legierement eust prise la ville ; et après, ce ne trovast-il en toute la terre qui contre lui se meist en forterece. En ceste manière poïst avoir ausi come trové le roiaume d'Egypte : car nus ne porroit penser la molece ne la grant mauvestié des genz qui lors i estoient. Mes H proposemenz et toute l'entencion du Roi et des suens estoient fondés sur covoitise ; par quoi ne fu merveille se il n'en vindrent à grant chose.

< Celte phrisï obscure ne reproduit texte : ViJealiir quee forit struanlai rw promitltre proxinie/utiirot, et 1

VIL — Cornent li rois Amauris se parti d'Egypte.

Tandis, corne la contenance le Roi estoit tele entor le Cahere, la navie de que li Rois avoit comandé que le sivist par mer ot eu bon vent et fu venue en Egypte. Par un braz du flun du Nil que Pen apele Carabes s^en ala contremont, jusqu'à une cité ancienne que l'en apele Tanis. Nos genz Tassaillirent et la pristrent par force; homes et femmes qu'il troverent dedenz ocistrent touz ou tindrent en prison. Toutes les richeces de que il i avoit assez enporterent chascuns ce qu'il gaaîgna*. Après s'en comencierent à aler vers le Roi par flun; mes cil d'Egypte se mîstrent entre .IL o grant plenté de nés, et gardèrent si l'eaue que cil n'i porent passer. Quant li Rois oï ce, encontr'eus envoia son connestabie Onfroi du Toron atout grant part de ses meilleurs chevaliers, et li commanda que au mains l'une des rives gaaignast sur les Turs, si que l'en poîst passer au Roi par icele partie. Cepoîst avoir esté legierement fet, mes une novele vint qui fist changier le conseil ; car li Rois sot par certains messages que Siracons venoit en l'aide Savar le soudan , à grant compaignie de Turs. Por ce, comanda li Rois à sa navie qu'elle descendist isnelement jusqu'à la mer, et d'iluec s'en retornast en Surie. Cil le firent einsi. Nequedent, il perdirent à leur partir une de leur galies. Savar et li sien ne finoient d'estre en porpens coment il poissent le Roi esloigner d'eus ; plus tendoient à faire ce par barat que par force. Cil granz avoirs que je vos ai dit fu promis; mes il distrent, et voirs estoit, que il n'estoit pas touz en un leu ; por ce demandèrent un pou de respit au cueillir par la terre. Nequedent, il distrent que présentement li paieroient .c. "• besanz por qu'il

* De ces captare^ de villes le profit était tout & l'armée, le Roi n'en obtenait rien ou peu de chose : ainsi, toutes les richesses que contenait le Caire seraient devenues la proie des chevaliers et soldats. Amaury, ou plutôt son conseil, aima mieux composer avec le Soudan. Qu'aurait-il fait de l'Egypte avec une aussi faible armée ? Noradin, dont il ne pouvait ignorer l'approche avant mSme d'avoir assiégé la ville, lui

eût interdit tout moyen de retour. Voili peutêtre le secret de la conduite d*Amaury. Il est pourtant malaisé de justifier entièrement ses lenteurs ; car la possession de l'Egypte était la condition de la pleine sécurité de la Syrie; elle ouvrait aux Chrétiens un glorieux horizon qu'ils ne devaient plus désorosais entrevoir.

rendist au Soudan son fil ei son neveu. Li Rois qui fu covoiteus de l'avoir le fist einsi; mes por le remenant pristostages .ii. petix enfanz, neveuz au Soudan. Lors se parti du siège et s'esloigna d'iluec enter une mile. Là fist tendre ses paveillons assez près du leu où li baumes croist '. Iluec demora .viii. jorz touz entiers. Souvent recevoit messages de par le Soudan qui fesoient semblant que la pais deust venir de jor en jor. Après, se loja li Rois outre, en un leu que l'en apele Syriac'. Savar endementres ne fu mie oiseus, ainçois aloit par la terre por amener genz au Cahere. Armes i mist assez et viandes; barbacanes fist entor la ville. Les foibles leus des murs fesoit enforcïeri les plus preuz de ses chevaliers leissa léanz et les amonestoit par beles paroles de bien faire. Sovent leur disoit que viguereusement se contenissent ; car il secombatoient [contre les anemis Dame Dieu], por leur vies, por leur pais et por leur franchises : ne feroient pas que preudome, se il ne detfendoient à bone foi leur femmes et leurpetiz enfanz que cil chien desloial decopperoient touz, se il en venoient audessus, ausi com il firent en la cité de Belbés.