VIII. — Cornent li rois AmaurU leissa le siège du Cahaire

En l'ost le Roi estoit uns chevaliers hauz hom de lignage, mes tropestoit mal entechiez de pluseurs choses : ne doutoit mie assez Nostre Seigneur, ventierres estoit et bobanclers, mesdisanz trop, envieus et meslis; ne prisoit rien autrui que soi ; Miles de Planci avoit non. Gist aperceut la volenté le Roi, que ele estoit toute en avarice et que il ne fesoit ces semblans se por irere avoir non : si s'acorda à lui. Dès le comencement, li avoit-il moût loée cele emprise et encores li donnoit conseil qu'il feist pals au Calife et au Soudan ; car mieuz li venoit prendre l'avoir qui seroit suens que pecoier par force le Cahere ou Babyloine ; si enporteroit lors chascunssa part, et il, qui le grantdespens i aroit fet, n'en treiroit

• Circa horlum Baliarni. CeM Alnuliryeh. • Seriakous.

guères à son preu. Ce disoit cil Miles plus por la volenté le Roi que il cognoissoit à tele, et por la haine des chevaliers qu'il ne vouloit que rièn gaaignassent, que por Tavancement de la Crestienté ne por Tenneur le Roi. Nequedent, li autre baron qui estoient home lige le Roi ne s'acordoient mie à ce conseil, ainçois disoient que, se li Rois vouloit suire sa main, il gaaigneroit legierement les citez et la terre d'Egypte ; et si home, du gaaing qu'il feroient es villes, seroient riche et puissant de lui servir. En ceste manière contençoient entr'eus li baron qui là estoient. Li Rois qui pardessus estoit, s'acorda là où li plot, et dist que la pais li plaisoit mieuz, se cil d'Egypte li vouloient offrir assez raison. En ceste manière demora li oz au leu que je vos ai dit, qui est loing du Cahere .vi. miles ou plus. Messages ne finoient dealer toute jor du Soudan au Roi qui li disoient fermement que l'en concueilloît l'avoir à son oes par tout Egypte, et li crioient merci qu'il ne se corrouçast pas de la demeure ne n'aprochast mes plus vers le Calife ; car il et ses pueples en seroient tost effréé, qui lors estoient tout asseur, por les aliances qu'il avoient fermées entr'eus et le Roi ; et bien leur disoient que ne demorroit pas que tuit s'en iroîent chargié des besanz que l'en leur aporteroit. Tandis com li Rois estoit einsi delaiez par fausses promesses et ne vouloit croire ceus qui meilleur conseil li donoient, une novele vint soudennement qui corut par le pais, que Syracons venoit à moût grant gent de Turs qui avoit proposement de secorre à ceus d'Egypte. Quant li Rois oi ce, moût fu esbahiz et tantost se desloja et fist trosser son bernois, si s'en retorna à Belbés : iluec prist viandes et ce que mestier li avoit à la voie; de sa gent leissa à cheval et à pié qui poissent garder et deffendre la cité, puis enmena son ost et s'en entra au deserz, por ce qu'il vouloit venir à l'encontre à Syracon. Quant il fu une grant pièce alez avant, ses espies qu'il avoit avant envoiées por savoir le covine, revindrent à lui et li distrent que Syracons avoit jà passé le désert à grant plenté de Turs, et s'en estoit entrez au roiaume d'Egypte. Lors fu mestiers que l'en preist novel conseil, car, puis que la force fu si doblée aus Egyptiens, n'estoit pas seure chose au Roi

ne à sa gent H demorers près d'iluec; car trop poissent estre en grant péril. Il n'avoient mie pooir de la bataille contre touz ceus qui assemblé estoient.Savarlisoudansnevouloit rendre au Roi ta somme d'avoir qu'il li avoit promise, et li nostre ne le pooïent forçoier à ce faire, car par iceste entencion les avoit-il delaiez longuement, que il atendoit le secors des granz genz qui ores li estoit venuz. Li nostre ne sorent autre chose faire fors tant que il s'en retornerent à Belbés ; ileuc pristrent avec eus ceus qui remés estoicnt en garnison dedenz la ville, et mistrent leurs batailles en conroi; puis s'en retornerent tout droit vers Surie, Tendemain de la Circoncision Nostre Seigneur.