IX. — Cornent Syracons ocist le Soudan er morut
Syracons vit quelitens estoit bons etcovenablesàfairece qu'il avoit pensé longuement. Car li rois Amauris s'en estoit partiz de la terre et nus n'i estoit remés qui empeeschier li poîst son proposement. Por ce fist semblant qu'il ne pensast se bien non. Près du Cahere loja soi et son est : ne sai quanz jorz demora iluec moût enpais, com cil qui moût estoit sages et bien celoit sa pensée. Savar H soudans le venoit chascun jor veoir à moût granz bobanz; car il amenoit avec lui grant plenté des amirauz de la terre. Bêle chiere li fesoit moût, puis se partoit de lui moût bel. Biaus presenz et granz dons li envéoît sovent, si que moût s'i estoit asseurez jque nus maus ne H venist de celé part. Quant Siracons vit ce, que cil ne se doutoit de rien, si li mostra bien qu'il nel'amoitmie; car un jor, quant il venoit, selonc sa coutume au matin, por lui veoir et saluer, ne sai quant Tur qui bien estoient armé li saillirent au devant', H un le pristrent par le frein, à terre l'abatirent, les espées li fichierent en mainz leus parmi le cors, puis li coperent la teste. Si dui fil, qui estoient présent, ferireni des espérons et s'enfoïrent dedenz IeCahere;tuit
* Dum, quasi dtambulaturus ad aqjias tgredilar.
effréé s'en vindrent devant le Calife et se lessierent cheoir à ses piez; Taventare li contèrent de la mort leur père, merci li crièrent moût en plorant que il lesgarantist de mort. Il leur respondi que se il se vouloient tenir loiaument à lui, si que nule parole de pais n'eussent à Syracon ne à ses Turs qui venu estoient avec lui, bien les garantiroitde touz maus; mes autrement ne se fiassent pas en lui. Cil li promistrent que einsi le feroient-il, puis s'en partirent. Mes ne li tindrent mie bien covent, car ne demora guères après ce, qu'il envolèrent à Syracon et li prièrent par messages que il feist pais à eus et les asseurast. Li Califes l'oi dire, si les fist prendre ambedeus et leur fist trenchier les testes. Lors vit bien Syracons que la saison estoit venue d'acomplir son desirrier. Il s'en ala par la terre et la prist toute. Par les citez et par les chastiaus mist ses gardes et ses baillis; n'i fu nus qui de riens li contredeist sa volenté; puis s'en retorna au Cahere et vint devant le Calife; lors s'agenoilla et beisa la terre, grant révérence li porta, si com estoit leur costume. Li Califes le receut moût bel et grant enneur li fist. Par une espée le revesti de toute la baillie d'Egypte et le fist apeler soudan. En ceste chose puetl'en bien veoir coment ardure de covoitise fet mal, quant ele est enracinée en cuer de haut prince. Ainçois que li Rois alast à ceste darreniere foiz en Egypte, ses roiaumes estoit en pais et asseur de celé part; granz richeces li venoient chascun an de celé terre; ausi li obéissoient li Egypcien com cil de Surie ; devers Midi estoit bien clos nostre roiaumes; li marcheant de noz citez aloient seurement en leur pais par mer et par terre, li leur revenoient ausi en la nostre contrée; marcheandises de njaintes manières aloient et venoient sovent par les noz terres, si que li Crestien i avoient moût enneur et preu. Mes dès lors que Syracons fu sires, fu la chose moût changiée ; car cil estoit puissanz et sages; par mer n'osoient plus noz genz aler vers la terre d'Egypte; cil avoit le pooir de venir en noz terres, de faire siège entor nos citez par mer et par terre; de toutes parz avoient peor et sospeçon de lui. Li autre Tur meismes, quant il virent nostre roiaume si afebloié de celé part, comencierent à movoir guerre et contenz contre les
LIVHE VINGTIÈME. 325
noz qu'il soloient douter. En celé grant mésaventure nos mist la covoitise d'un seul home : que Nostre Sires le pardoint! Quant Savar et si fil orent einsi esté mort par achoison de la guerre que li rois Amauris leur mut, Syracons ot touz seus le pooir du roiaume; mes ne 11 dura pas longuement celé bonne aventure; car il acoucha malades et fu morz dedenz l'an. En sa bailUe vint après lui Salehadins, ses niés, qui fu fîlz Negemedin son frère'.
