CHAPITRE XXVII

lité de ce royaume par le renouvellement d'une guerre civile. Une partie mesme d'eux s'en va auroy, luy demande justice et réparation de l'excès fait : mais c'est avec tant d'insolence, d'audace et telles bravades, qu'il n'est possible de plus. Chose bien mal aisée à porter à un cœur si généreux que celuy du roy, et par trop indigne du devoir d'un sujet envers son prince souverain. L'amiral mesmes, lors que le roy le visita, comme nous avons dit cy dessus, après tant d'honnestes et courtoises paroles, dont Sa Majesté usa envers luy, ne respondit jamais autre chose, sinon, qu'on l'avoit rendu, par ce coup de harquebuze, impotent des deux mains, mais qu'il avoit encores la teste saine et sauve, grâces à Dieu : et que les choses qu'il avoit faites jusques ici, il ne les avoit point faites avec les mains, mais avec son esprit et entendement, qui luy restoit encores. Adjoustant à cela, que si Leurs Majestez ne l'eussent si longuement retenu en ceste ville, leur ayant plusieurs fois demandé son congé, ce meschef ne luy fust advenu, lequel il ne pouvoit attendre autre en ce lieu. Ceste perplexité et obscurité de langage estoit assez interprétée et esclaircie par l'ardeur de ses yeux, par un regard affreux et félon, par le son des paroles, et par toutes contenances qui descouvroyent un estrange embrasement de courroux et de haine, et une profonde méditation de quelque hardy et estrange dessein. Toutesfois pour tout cela le roy très-chrestien, la royne sa mère et ses frères, ne se doutans de rien, et ne songeans à nul mal, pardonnoyent à son ire et à sa douleur, qu'ils pensoyent lors estre très -justes et excusoyent volontiers ce qu'ils oyoyent, et par leur propre sentiment, en cas pareil, jugeoyent équitablement et humainement de luy et de tous les autres et mesmes adjoustoyent leur indignation au courroux de luy et de tous les siens: de sorte qu'il eust esté mal aisé de juger lesquels sentoyent plus vivement l'offense, ou le roy ou eux mesmes, jusques à tant que le lendemain au soir on vint advertir le roy, qu'au logis de l'amiral on avoit fait une conjuration et conspiration de tuer Sa Majesté, la royne sa mère, ses frères et tous les princes du sang et changer l'Estat, ou transférer la couronne ailleurs. Le roy en demeura fort esbahy, sans toutesfois le vouloir croire, sa bonne conscience luy tesmoignant assez la douceur, bénignité et libéralité dont il avoit toujours usé

150 HENKI DE VALOIS.

envers ceste sorte d'hommes. Estant sur ce poinct entre l'esbahissement et la doute, et branlant d'une part et d'autre, celuy qui l'estoit venu advertir luy asseura qu'il avoit esté à la conjuration et de peur d'estre accablé, si après avoir ouy le tout il refusoit de consentir et s'y accorder, il avoit promis, voire juré avec les autres, mais du bout de la langue seulement , car quant au cœur et à la volonté, il ne jureroit jamais en chose où le salut de son roy et des siens fust en quelque danger. Que si on eust résolu de tuer ceux de Guyse seulement, ou bien si l'on eust voulu espargner et mettre hors de l'entreprise le roy, la royne sa mère, et Messieurs ses frères, desquels tous il confessoit avoir receu par plusieurs fois la vie et beaucoup de biens, il n'y avoit rien en ce monde qui l'eust peu induire et ramener à ce poinct de faillir de foy à ceux de sa religion, gens de bien et craignans Dieu et mesmes très-loyaux et très-afîectionnez serviteurs du roy : mais pour le présent troublez et transportez de colère au moyen de la fausse opinion qu'ils avoyent conceuë que le coup avoit esté donné non sans l'intelligence de Leurs Majestez : mais que les choses en estoyent venues si avant, que si le roy ne pourvoyoit à soy, à la royne sa mère et à ses frères promptement, ils seroyent tous tuez le lendemain à l'heure du soupper. Qu'il espéroit aussi que Sa Majesté, se contentant d'avoir évité le danger par le moyen de Fadvertissement, pardonneroit suyvantsa bonté et clémence accoustumée, à ceux qui péchoyent non par aucune meschanceté ou certaine malice , ains par colère et par erreur, de laquelle espérance il prioit très-affectueusement et très-humblement le roy qu'il ne fust point frustré et l'en supplioit à jointes mains, la larme à l'œil.

« Sa Majesté l'ayant consolé et appaisé, il commença à déduire au long et par le menu, quand, où et par qui la conjuration avoit esté faite, quelles personnes devoyent estre tuez, quel ordre tenu, quelles charges et à quels chefs elles avoyent esté départies, quelle résolution l'on avoit prise en tout événement, quoyque la chose succédast ou ne succédast point et soit que la paix deust durer, ou que la guerre s'en deust ensuivre avec les catholiques.

« La qualité du personnage qui parloit faisoit adjouster beaucoup de foy à son dire, d'autant que le roy l'avoit toujours cognu fort