PIÈC'KS
Toutefois don Innigo de Cardenas [m’a voulu faire croyre d'avoir sceu d’asseurance par les propos tant dudict nonce que du cardinal de Joyeuse et d'aultres, mesmes du marquis Botti, maistre d’hostel du grand ducq de Toscane estnns présentement en ceste ville , que sa dernière audience a tellement esbranlé le Roy très chrestien que depuis ce temps il auroit perdu la plus grande partie de l’envie qu'il avoit de nous faire la guerre. Aussi y a il des dames qui m'ont dit bien sçavoir que le Roy faict mine de vouloir la guerre, et que néanmoins il ne la veult pas ; mais je ne me puis encore resouldre à cette créance quoyquc ledict nonce m'ait déclairé de tenir de bonne part que depuis ladicte audience le Roy a dit à quelque seigneur de sa cour qu’il ne s'est pas résolu de faire la guerre nu Roy catholique, ny ii Yostre Altesse, ce que néautmoins ledict nonce ne prend pas pour argent comptant et ne sy fie nullement. Il est bien vray qu'au dire de quelques uns qui ont part au secret, le Roy très chrestien est fort irrésolu sur la conduicte de la guerre. Ayant le ducq d’Epernon dit ces jours passés eu discourant de ce subject : nous voulons et ne voulons pas ; nous faisons et ne faisons pas. Comme aussy Ion m'asseuro que le prince d'Anhalt est dernièrement parti assez mal contens du Roy, et s'est plainct à quelques seigneurs quil est trop tenant et trop mesquin sans vouloir envoyer deniers en Allemagne , lesquelz il disoit y estre plus désirez que ses gens ni sa personne]. Cependant Ion tient pour certain que les Suysses sont entrez en vostre comté de Bourgoigne et que devant la fin de ce mois cy ils seront à Chalon, avecq partie de l'infanterie etcavalleriu françoise. Il est aussi notoire que par cette ville passent souvent chevaulx d’artillerie en bon nombre, et que l’on continue à faire les provisions de vivres et munitions le long de la rivière Meuze. Bref, à mon advis, le seul moyen de faire refroidir les desseins
JUSTIFICATIVES
du Roy très chrestieu est que nous armions gaillardement et au plustçst que faire se pourra , à quoy se conforment les opinions de tous les amys que nous avon3 par deçà.
Et sur ce baisant très-liumblement les mains à Vostre Altesse, je prie Dieu la conserver, Monseigneur, soubs sa saincte protection.
De Paris, le 14 apvril 1610.
De Vostre Altesse Sérénissime,
Très-humble et très-obéissant subject et serviteur,
P. I’ecquius.
(Suscription) : A Son Altesse Sérénissime l .
(Papiers d'État et de l'audience. Négociations de France, 1610-1611.)
16 avril 1610. — P. Pecquius à l'Archiduc Albert.
( EXTRAIT
Monseigneur, J’ay un peu différé d'envoyer ii Vostre Altesse mes lettres du 14 de ce mois, eu attendant ce qui se passeroit en une audience que le nonce de Sa Saincteté avoit fait demander au Roy très-chrestien, après m’avoir [communiqué partie de ce qu’il avoit proposé de luy représenter], laquelle audience luy estant donnée le jourd’hier, il m'a raconté d’avoir pour entrée
1 On lit en marge : Respondu le 21 apvril 1610.
PIÈCES
de discours exhorté le Roy à la paix et mesmes à l’accroisement des affaires d'Allemagne, luy ranientevant l’expédient mentionné ès dernières de Yostre Altesse, dont il disoit avoir parlé au sieur de Villeroy. Et le Roy respondit qu'il en avoit ouy le rapport et que le nonce faisoit bien de travailler ainsy pour le repos commun, mais que la guerre s’avançoit fort et estait à la porte, qu'il y avoit desjà employé cincq ou six cens mille escuz, et que sans point de doubte il seroit en personne hors de son royaume avecq son armée dans un mois. Le nonce luy demanda quel chemin il faisoit estât de prendre, et s’il auroit aggréable que les ambassadeurs le suy vissent. Il respondit qu'il [prendroit le chemin du pays de Liège et ne passeroit que bien peu de lieues surceluy de Vostre Altesse sans y gister ; et quant aux ambassadeurs que d'avanture aulcuns d'entre eulx le pourroient suyvre, mais qu’il laisseroit en ceste ville la Royne, le chaucellier et les autres de son conseil.] Le nonce luy remonstra que son armée prennent telle route ne pourroit faillir de mettre Sa Majesté Catholicque et Vostre Altesse en grand ombrage, selon qu'il avoit assez recognu par les propos de don Innigo de Cardenas, en sa dernière audienco, dont ledict nonce luy répéta la substance disant avoir entendu que le Roy en estait resté offensé, et que ledict don Innigo pensoit avoir remarqué qu'il avoit peu de bonno volonté envers Sadicte Majesté et Vostre Altesse. A quoy le Roy respondit que l’on monstroit bien en Espagne que l’on ne vouloit pas son amytié, et qu’il venoit de recevoir nouvelles que le prince de Condé estait arrivé en la ville de Milan, où lo conte de Fuentes l’avoit aussytost accueiliy, mené et logé fort honnorablement et splendidement au chasteau, y adjoustant que les Espagnols travaillent fort pour luy oster le ducq de Savoye, mais qu'ilz y perdent leur peine. Et pour le regard de Vostre Altesse, il dit quelle avoit trop fait
JUSTIFICATIVES
Ml
paroistre de faire plus d’estime de l’amytié dudict prince que de la sienne, mesmes par le bruit qu’elle avoit fait courrir qu'il avoit voulu faire enlever ladicte princesse dont sa réputation estoit intéressée outre mesure. A quoy ayant le nonce réparty qu’il ne m’avoit jamais ouy charger le Roy dudict dessein d’enlèvement, et que l’auditeur Ottenberg en avoit aussy parlé autrement à Sa Saincteté de la part de Vostre Altesse, asçavoir qu’elle avoit esté informée qu’aucuns François factieux avoient comploté et dressé un dessein d’enlever ladicte princesse, mais quelle s’asseuroit que ç’avoit esté au desçeu du Roy, et qu’il n’eust jamais voulu advouer tel attentat. Le Roy dit que ce n’estoyent que paroles et desguisemens, voire mesme que c’estoit autant que de le vouloir couvrir d’un sacq mouillé, et qu’il n’y avoit personne de si peu de jugement qui creust que l’on eust voulu entreprendre d’enlever ladicte princesse sans son commandement. Il dit davantage avecq aigreur que Vostre Altesse avoit à grand tort refusé au counestable et ii la duchesse d'Angoulesme de leur renvoyer ladicte princesse, et que ledict counestable despescheroit un autre homme vers Bruxelles avecq lettres pour autrefois demander ledict renvoy, et qu'au cas de second refus, il ne dénierait à un tel officier de sa couronne l'assistence nécessaire pour luy en faire avoir la raison et que Vostre Altesse s'en répentiroit. Le nonce respondit de m’avoir ouy discourir de cet affaire, et particulièrement des raisons qui avoient obligé Vostre Altesse audict refus, et qu’il luy sembloit que j’eusse raison, mesmes d'avoir entendu de moy que ledict connestable et ladicte d'Angoulesme avoient fait paroistre d’en demeurer assez appaisez, sans m'en avoir fait aucunes doléances, ains qu’au contraire ils avoient monstré beaucoup de resjouissance, de quoy je leur avois promis que Vostre Altesse ne constraindroit jamais ladicte princesse de retourner vers son mary, et au reste
PIÈCES
avoient dict de vouloir intenter à Rome en diligence le procès de séparation ii l'avancement et expédition duquel le nonce ofîroit de tpnir la bonne main. Le Roy répliqua que ledict connestable en avoit bien parlé d’un autre langage que je ne disois, et que ladicte promesse de Yostre Altesse de ne constraindre ladicte princesse à suy vre son mary, comme aussy de la renvoyer en France, moyennant une sentence de séparation n'estoient qu’artifices pour tenir les choses en alte ; et cependant attendre la mort du connestable ou autre changement, mais qu'il y [pourverroit en faveur du bon vieillard; desquelles menaces comme le nonce monstroit de s’esmerveiller, le Roy luy dit que ce n'estoit pas pour menacer Vostre Altesse qu’il en parloit de la sorte, et ne disoit pas qu'il luy voulut faire la guerre, mais que les événemens rendroient preuve que Vostre Altesse auroit esté très-mal conseillée de faire ledict refus, et qu’il garderoit en tout le droict des gens, ce que je interprète qu'il dénoncera la guerre à Vostre Altesse devant que la commencer, suyvant quoy ledict nonce m’a dit qu'il seroit marry que l’on sceust qu'il m’a raccompté lesdictes menaces].
Le Roy luy dit en après qu’il avoit besoin d’une grosso armée pour le secours des princes de Brandenbourg et de Neubourg, d'autant que l'Empereur en apprestoit une fort puissante et que l’Archiducq Leopolde aura bientost dix-huit mille hommes ensemble, mesmes que Vostre Altesse s'est assez déclarée pour le party Impérial, ayant fait entrer les gens dudict archiducq Leopolde en la ville de Rynberck et luy envoyé le maistre de camp Pompeo Giustiniano, et despeché vers le pays de Luxembourg le comte de Busquoy avecq quattre à cincq mille hommes, outre les autres levées de gens quelle fait faire de nouveau. De laquelle déclaration de Vostre Altesse pour le party impérial j’ay dé-
JUSTIFICATIVES
sabusé ledict nonce, asseurant qu’il n’en est rien jusques à présent, bien que Vostre Altesse face gens pour se tenir sur ses gardes et faire teste à l’armée françoise s'il en est besoin. Surquoy [ledict nonce m’a remonstré fort chauldement en conformité de l’advis dudict don Innigo et du mien que Vostre Altesse ne peult mieulx faire que d’assembler le plus de forces qu’il sera possible, et que la diligence y sera du tout nécessaire afin de les avoir prestes en temps et heure, croyant fermement avecq moy que le Roy de France ne manquera de se trouver sur la frontière dans un mois ou bien peu de jours après dont la voix est aussy toute comune en ceste ville, et que le Roy doibt partir d’icy le 13° du mois prochain qui sera trois jours après le couronnement de la Royne, selon le desseing que Ion en faict.Je scay aussy de vray que le ducq de Nevers, général de la cavallerie légère, doibt partir de ceste ville au plus tard lundy prochain vers Chalon pour y faire reveue de quelque cavallerie, ayant luy mesme dit à un personnage d’auctorité de qui je le scay, que le 25 de ce mois il y aura de grandes trouppes audict Chalbn ou ès environs de là, mesmes les six mille Suysses que le Roy a dit au nonce debvoir arriver à Saint-Jehan de Laune le 20* de ce mois. Ledict ducq de Kevers asseure d’abondant que le Roy de France marchera avecq son armée par le pays de Liège saulf quelque peu qu’il cheminera sur celluy de Vostre Altesse et qu’il est résoulu de demander à icelle passage. Quant au nombre des gens de ladicte armée le dict ducq affirme qu’elle sera de douze mille François et six mille Suysses fantassins, outre les quattre mille François estant en Hollande et que la cavallerie se montera à trois mille cinq cens chevaulx; sans la cornette blanche]. Au reste je suis adverty de fort bonne part que c'est contre la [resolution de tous ceulx du conseil que le Roy s’est déterminé de s’en aller hors du royaulme et que
PIÈCES
mesmemeut il n'y a personne du conseil qui n'ait un grand desgoustement de la guerre qu’il veult mener.]
A cest instans je viens d’apprendre certainement que le Roy a commandé [de luy faire trois colletz de buffetin et trois casacques de velour, broddées d’or et de ciffres désignans sa devise (et peult estre celle de ladicte princesse). Les collets à porter dessoubz et les casaques dessus les armes, à quoy Ion employera quattre mille escus ou environs. Il a aussy fait faire deux cuyrasses (oultre celles qu’il souloit porter) ùl'espreuve par devant de l’arquebuse et par derrière du pistolet, qui est une nouvelle confirmation de ce que j’ay dit qu’il se veult trouver à la guerre en personne].
Iît sur ce baisant très-humblement les mains il Vostre Altesse, je prie Dieu la conserver, Monseigneur, soubs sa saincte protection.
De Paris, le 16 apvril 1610.
De Vostre Altesse Sérénissime, Très-humble et très-obéyssant subject et serviteur, P. Pbcquius.
(Suscription) : A Son Altesse Sérénissime 1 .
(Papiers d'État et de l'audience. Négociations de France, 1610 1611.)
•ojO£*x*—- —
19 avril. — P- Pecquius à l'archiduc Albert.
(HTMIT)
Monseigneur, De bonne part me fut donné ad vis nvant'hier au matin que le Roy très-chrestien avoit dict
1 On Ut en marge : Respondu le XXI» apvril 1610.
justificatives.
bien à certes, qu’il ne renouvellerait pas la neutralité des deux Bourgoignes, si l'on ne renvoyoit par deçà la princesse de Condé. Cela fut cause que le mesme jour je m’en allay trouver le sieur de Villeroy, et luy ramenteuz la promesse qu’il m’avoit faite à nostre dernière entreveue de m’advertirdu jour que nous pourrions négocier sur ledict renouvellement. Et il meresponditque l’on avoit esté après pour recouvrer les papiers concernons cette matière, lesquelz n’avoient esté trouvez que deux jours auparavant, et il les avoit envoyez au chancelier pour les veoir et examiner et par après adviser de passer outre. Je luy représentay qu'il n'y avoit qu’une heure ou deux de lecture, et que par le discours du président Jeannin j’avois recognu qu’il estoit fort bien et particulièrement informé de tout ce qui eschéoit, à sçavoir et noter sur ce subject, priant en suyte ledict de Villeroy d’en faire une fin au plus tost, pour me délivrer du soubçon qui me commençoit à naistre, que l’on n'en vouloit rien faire, mais me tenir eu longueur, pendant que le Roy appreste son armée à dessein de nous surprendre à pied levé au comté de Bourgoigne. II advoua que l’estât des affaires où nous sommes à présent peult facilement engendrer des soubçons de part et d'autre, et que néantmoins il m’avoit parlé avecq vérité, quand il m’avoit dict que le Roy s'estoit résolu de reuouveller ladicte neutralité. Je répartiz d’avoir senty un vent que depuis naguierres le Roy en avoit tenu autre langage, soubs prétexte que Vostre Altesse ne renvoyoit ladicte princesse au connestable son père. Et ledict de Villeroy hochant la teste, comme s’il eust voulu monstrer qu’il n’en estoit rien, me dit que je ne debvois pas croyre tout ce que l’on me rapportoit, mais que dans quelques jours nous pourrions traitter de ladicte neutralité. Je lui demanday si l'on n’y comprendrait pas la Bresse et autres pays adjacens, estans maintenant de mesme gouverne-
ment, ressort et finances que le duché de Bourgoigne, ou si l'on nous rouloit empescher le passage du pont de Grezin, nonobstant celuy que Vostre Altesse accorde par son comté aux Suysses, marchans pour le service dudict seigneur Roy. A quoy il respondit que l'on ne changerait rien aux anciens traittez pour ne sortir des trames d'un renouvellement, et que je ne le debvois trouver estrange puisque par cy-devant ladicte Bresse et pays adjacens n'avoient esté comprins en la neutralité, lorsqu'il estoient possédez'par les roys de France, mesmement par le roy Henry II. Bref, comme je le voyois assez résolu sur ce point, je le priay que l'on ne laissast de prendre jour pour entrer en conférence sur tout, sans attendre que les armées fussent en campagne, mais je ne sceuz tirer autre chose de luy si non qu’il esperoit m’en donner esclercissement plus tost.
Et à propos des armées, il me dit avoir beaucoup de regret que l’on en vouloit venir là et qu'il eust beaucoup mieulx vallu de cercher les voye3 d’accord, lesquelles il protestoit de désirer de tout cœur et au prix de son sang, s’il en estoit besoin. Je respondiz que nos discours avoient tousiours rendu tesmoignage que Vostre Altesse ne désirait que paix et qu elle le monstreroit par les effectz à toutes occasions. Et sur ce sa réplique que personne ne parloit d’accord, et que mesmement Sa Sainteté manquoit en cette occurence tant importante de faire les debvoirs à ce requis, je remis en avant l'expédient proposé par le nonce, l'asseurant que Vostre Altesse y tiendrait volontiers la main et avoit desjà fait quelques offices à ces fins. Il répartit que l’on n’en disoit rien du costé d’Espagne et qu’en tout cas, il fauldroit que les princes électeurs ecclésiastiques s'en meslassent et donnassent la parole que l’Empereur ne déciderait rien de l'affaire sans préallable satisfaction des roys d'Espagne et de France, y adjoustant que le sieur de Bois-
sise, ambassadeur françois, avoit desjà veu l'électeur de Majence, qu'il jugeoit d’assez bonne inclination, et s'en estoit allé trouver celuy de Trêves. Mais comme sur ma demande, s'il avoit traitté dudict expédient,, ledict de Villeroy m’eust répondu que non, je luy diz que si le Roy son maistre vouloit embrasser ce fait il bon escient, l’on en feroit autant du costé de Sa Majesté et de Vostre Altesse, m’ayant don Innigo de Cardenas dictpeu auparavant que je me pourrois eslargir jusques-là. Et ledict de Villeroy me dit ne pouvoir nier que cet expédient ne fust de bonne apparence, mais qu’il est désormais tard de le mettre en pratique pour ce que nous sommes si prestz à venir aux mains, et que l’on aurait bien du mal à faire poser les armes aux parties soubs prétexte de cette ouverture d’accord si crue; veu mesmes que nous avons des autres diificultez sur les bras, qui nous aigrissent plus que celle de Juilliers, nomméement le fait du prince de Condé, qu’il disoit estre logé au palais de Milan, et y traitté en sorte de par Sadicte Majesté Catholique, que ledict seigneur Roy ne pouvoit qu’il ne s’en offensast grandement, et que nous ferions beaucoup mieulx de nous disposer aussy en ce regard à quelque voye d’accommodement. Je luy demanday quelle? Et ouye sa response que l’on pourrait adviser de l’envoyer à Rome soubs la protection de Sa Saincteté, je luy représentay d’avoir autrefois proposé nu Roy et il luy, lorsque ledict prince estoit encore à Bruxelles, qu’il se retirast en quelque place neutre, moyennant quelle fust catholicque, mais que l’on m’y avoit fait la sourde oreille, ce que m’estant par luy confessé et que néantmoins à présent le Roy se pourrait contenter que le prince fust à Rome. Je luy diz que ce serait une occasion propre il l’avancement du procès de divorce, en y envoyant par ladicte princesse ou le connestable son père, qui en feist la poursuyte de leur part. Puis, je pressay ledict de Vil-
318 PlèCE8
leroy de faire intenter ledict procès qui servirait à nous descharger de ladicte princesse, au contentement dudict connestable et d'autres ses parens. Il respondit que cette voye serait propre si elle n’estoit trop longue, et qu’il falloit un remède plus prompt, pour prévenir les malheurs de guerre qui nous menaçoient. Je luy dis que dez piéçà l’on debvoit avoir commencé et que ledict connestable u’en pouvoit imputer le delay qui soy-mesme, sans qu’il y eust subject de se vouloir prendre h Vostre Altesse pour le séjour de ladicte princesse en son palais, jusques à ce qu'il y ayt sentence rendue sur ledict divorce, puisque sa promesse, sa foy et son honneur ne luy permettent d'en user autrement, comme aussy je luy disois que ledict seigneur Roy n’avoit occasion d’attacquer Vostre Altesse pour les affaires de Juilliers, par ce que jusques à présent elle ne s'estoit entremise de celle guerre. A quoy, après qu’il m'eut respondu que l’affaire de ladicte princesse estoit fort fascheuse et apparente d’esclorre des grands maulx, et qu'au reste il fauldra bien que Vostre Altesse se mesle de ladicte guerre de Juilliers, attendu que Sadicte Majesté Catholicque la soustient et que sans leur assistence le party impérial serait notoirement trop foible, voire que les choses se pourraient réduire à une bataille pour le passage, je luy diz que si le Roy, son maistre, n’avoit non plus d'envie d’entrer en ladicte guerre que nous , il n’y aurait rien qui nous peust brouiller de ce costé-là. Finalement, nous entreproraismes l'un à l'autre de songer de plus près à l’acheminement desdicts expédiens ou d’autres qui se pourraient trouver plus h propos.
Et le jourd'hier sur les trois heures de relevée ledict sieur de Villeroy me vint dire chez moy qu’il avoit remonstré au Roy son maistre, peu d’heures auparavant, tous lesdicts discours passez entre nous, et particulièrement ce qu’il avoit recognu de la bonne intention de
Vostre Altesse d’ayder à conduire et assopir le tout h l'amiable, mais qu’il avoit trouvé le Roy fort esmeu et altéré. Et là-dessus il usa de ces termes : « Vous m’avez hier parlé franchement et clèrement , j’en veulx faire autant en vostre endroit, et vous diz comme de moymesrae qu’il y a de la passion, et que si l’on veult remédier au fait de la princesse, il y aura moyen d’accommoder et appaiser tout le surplus sur le pied que nous dismes hier ou autre; mais au cas que ladicte princesse demeure où elle est, nous sommes à la veille d’une rupture, qui pourra mettre le feu aux quattre coings de la chrestienté. » Je luy diz qu’il me faisoit plaisir de me parler rondement, et que je voyois bien maintenant de n’avoir erré en mon opinion ; que tous ces remuemens ne se faisoient que pour la princesse, et que si nous tombions en guerre, elle en seroit le principal subject, mais que je ne me pouvois assez esmerveiller de cette véhémente passion, qui tireroit à sa suyte un si grand et horrible embrasement, avecq beaucoup d’autres remonstrances que je luy feis, pour faire paroistre qu’il n’y auroit aucune coulpe nostre, ains que celuy-là s’en pourroit bien répentir qui en seroit cause. Sa répartie fut que le Roy considéroit que c’est pour l’amour de luy que ladicte princesse endure et est misérable, se trouvant par là obligé à la faire renvoyer à son père. Et sur l'itérative instance par moy faite qu'il eust à juger selon sa conscience, s’il y avoit aucune espèce de raison de vouloir pour ce faire la guerre à Vostre Altesse, il respondit que je posasse le cas que non, mais que j’advisasse si pour si peu de chose et pour une formalité, il seroit sagement fait de se plonger aux extrémitez, de mettre toute la chrestienté sens dessus dessoubs Je luy diz que pour chose du monde, Vostre Altesse ne se laisseroit jamais aller à lascheté ny à chose quelconque qui peust esbrecher son honneur, et qu’il n’y failloit pas penser. Je diz
aussy qu’il ne pleust ja à Dieu qu'il tombast en mon imagination de m’employer pour tel party. Il répliqua que ledict prince a constraint par force ladicte princesse et le pistolet au poing de s’en aller avecq luy au Pays- Bas, et que la femme n'est pas tenue de suy vre son mary quiquite sa patrie et son Roy, mais qu'en tel cas elle se peult séparer de fait de luy et s’en retourner vers ses parens, en quoy personne ne la doibt empescher ; concluant par ses allégations que puisque ladicte princesse désire de s’en retourner en France, et que son père la demande, voire qu’elle se laisseroit plus tost estrangler que de se remettre jamais en la compagnie de son mary, Vostre Altesse n'a peu faire promesse obligatoire, par laquelle ladicte princesse n’y ayant consentie debvroit estre forcée de demeurer comme bannie de son pays; ausquelles allégations je ne manquay de response, dont il seroit trop long de faire icy particulier récit. Et voyant que ledict de Villeroy persistoit en sa proposition, jusques il me dire que celuy qui trouveroit un expédient pour faire renvoyer ladicte princesse, feroitleplus grand bien qui fut jamais fait à la chrestienté, veu qu'autrement il n’y avoit moyen de la garantir d'une guerre universelle, je luy diz que j’entendois bien ce langage, qui nous menaçoit ouvertement de rupture, et que partant je croyois l’advis è moy donné que le Roy avoit dict qu’il ne renouvelleroit jà la neutralité si l’on ne luy rendoit ladicte princesse. Il répartit que celuy qui m'avoit donné tel advis eust raieulx fait de me le laisser deviner, et que néantmoins je ne debvois pas tenir la neutralité pour faillie, ains m’arrester à ce qu’il m’en avoit dict, mais qu’au reste il ne me vouloit pas réceler qu’il est bien vray que [le premier desseing du roy de France n’a esté que de faire levée de quelques trouppes pour envoyer un secours médiocre aux princes do Brandenbourg et de Neubourg, qui n’eust peu mectre Vostre Altesse on
ombrage ; mais que depuis, les aigreurs procédées des affaires dudict prince et de ladicte princesse, l’ont porté à dresser une forte et puissante armée pour pis faire. Il me dit davantage que le Roy son maistre traictant le mariage de sa fille avecq le prince de Savoye n'ait eu desseing de remuer en Italie ny mesmes oncques voulu entrer audict traicté devant que don Pedro de Toledo eust rompu toute la négociation de l’alliance d’Espagne, si est-ce que s’il fault rompre en Flandre, je puis bien penser que Sa Majesté Catholique aura des affaires partout. Et sur ma response que l'on trouveroit à qui parler deçà et de là les monts, il me pria aultresfois avecq beaucoup de douleur de penser au renvoy de ladicte princesse, disant qu’à son advis Sa Saincteté y interposera volontiers son intercession envers Vostre Altesse Sérénissime et que j'en pourrois parler au nonce résident en ceste cour.] Et sur la fin, il me proposa que Vostre Altesse se debvoit tant plus facilement résouldre audict renvoy, qu’elle avoit fait promettre audict connestable et à la duchesse d’Angoulesme, de ne jamais constraindre ladicte princesse à retourner vers son mary, et par ainsy s’estoit aucunement desmarchée de sa promesse faite audict prince de ne la rendre à autre qu’à luy; je respondiz que Vostre Altesse, en retenant ladicte princesse par delà, satisfaisoit indubitablement à l’une et l’autre de sesdictes promesses, comme je m’asseurois que ledict de Villeroy le comprennoit bien, pour n’avoir Vostre Altesse jamais promis au prince de luy rendre ladicte princesse contre son gré; à quoy il ne sçeut que répliquer, sinon qu’il y avoit de la subtilité en cette interprétation. En somme, nostre recès fut qu’il me pria et repria d’adviser s’il n’y auroit moyeu de procurer ledict renvoy, et moy je le priay ardemment de divertir le Roy de son dessein, dont il me laissa peu d’espérance.
Tost après survint chez moy le sieur de Préaux, et
PIÈCES
après m’avoir parlé de l'accord de la princesse de Ligne avecq le prince d’Espinoy, et que l’advis de vostre grand conseil avoit esté du tout contraire à ladicte princesse, il se jetta sur le discours des affaires publicques et me dit, [en termes assez mal mesurez, que nous donnions en tout et partout cause aux présens remuemens, desgoustans et offensons en plusieurs sortes le Roy son maistre]. Sur quoy, comme je luyeu respondu avecq le zèle et franchise qu'il convenoit, il me dit que Vostre Altesse avoit bonne volonté, mais qu’elle estoitconstrainte de se conformer aux résolutions d’Espagne. Je répartiz qu’il parloit de choses dont je ne pensois pas qu’il fust bien informé, mais que je le debvois estre rnieulx que luy, scachant que les volontez de Sadicte Majesté et de Vostre Altesse ne sont qu’une, selon que requiert l'estroite conjonction qui est entre elles, mais qu’au reste Vostre Altesse est maistre en son pays, comme les autres princes souverains le sont ès leurs. Il continua h maintenir que sans les deffences venues d’Espagne Vostre Altesse eust piéçîi renvoyé ladicte princesse en France, en conformité de ce qu’il disoit [luy avoir esté déclairé par le sieurde Vendegies, présens le marquis de Cceuvre et le secrétaire dudict connestable, qu’il s'asseuroit que ladicte princesse ne seroit jamais trois jours au palais que Vostre Altesse ne la rendist à son père.] Je luy demanday si ledict sieur de Vendegies [l’avoit ainsy déclairé par charge de Vostre Altesse,] et il merespondit que non. Puis, comme il m’eut dict que la dernière promesse de Vostre Altesse, de ne forcer ladicte princesse il retourner vers son mary [estoit contradictoire à la première de ne la rendre à aultre qu’ù luy], et que je luy eu respondu comme j'avois fait audict sieur de Villeroy sur lcmesmesubject, il me demanda si ladicte princesse, qui aymeroit mieux mourrir que de se rendre à son mary, debvroit toujours demeurer esloignée de tous ses parens?
JUSTIFICATIVES
Et sur ma response qu’elle et ses parens pouvoient poursuivre la séparation judiciaire, auquel cas de séparation Vostre Altesse avoit piécà offert et promis de renvoyer ladicte princesse par deçà, il me feit un autre interrogatoire, asçavoir [si Vostre Altesse pourroit effectuer ceste offre et promesse, et si les Espagnolz ne l’en empescheroieut.] A quoy, après que jeu respondu qu'il avoit tort d’en doubter et feroit mieulx de se déporter de telles demandes , il calla voile en exaltant les vertuz de Vostre Altesse, et confessant de luy estre intimement obligé des honneurs , faveurs et courtoisies qu'il a reçeu d’icelle, de sorte que nous restasmes enfin bons amys.
Et depuis le partement dudict de Préaux, le nonce de Sa Saiucteté me donna part hier, sur les sept heures du soir, de ce que [le chancellier luy estoit venu dire en secret touchant lesdictes affaires publiques, avecq semonce de n'en donner motaudict Innigo ny à moy], asçavoir en substance que l'on estoit [sur le poinct d'une rupture avecq nou3 et que pour une grande partie ladicte princesse en seroit le subject, si l’on n'y pourvoyoit en diligence, mesmes à l'intervention de Sa Saiucteté, à laquelle il désiroit que ledict nouce en escripvist, affin de l'exhorter à tenir la main vers Vostre Altesse Sérénissime pour ledict reuvoy, sans attendre la sentence de divorce qui tireroit trop à la longue, usaut ledict chancellier de plusieurs moyens de persuasion, pour à ce engager ledict nonce comme à un grand bien de toute la chrestienté. Mais le nonce luy rcspondit que Sadicte Saincteténe couseilleroit jamais à Vostre Altesse de faire une chose que luy-mesme ne feroit pas en cas pareil, et qu’il sçavoit bien que Vostre Altesse aymeroit mieulx hazardcr son estât et dix aultres, si elle les avoit, que de faire un faulx bond à son honneur, priant ledict chancellier de se servir de la voye de justice pour faire juger le divorce, et de croyre qu’il n’y avoit aultre moyen de re-
PIÈCES
veoir ladicte princesse en France, mesmes de considérer qu'en cas de guerre le connestable sera taillé de ne la veoir jamais; de laquelle responce si résoulue ledict chancellier restant estonné, demanda audict nonce si du moins l’on se pourroit asseurer que, moyennant une sentence de divorce, Vostre Altesse rendroit ladicte princesse li son père? Et sur l'affirmation dudict nonce que cela estoit hors de doubte, et qu’il oseroit en respondre de sa teste, le chancellier dict en ces termes : t et bien doncq nous verrons » ; et pria aultresfois ledict nonce d’estre secret pour bons respectz.
Or, rapportant ce discours du chancellier à ceulx desdicts sieurs de Villeroy et Préaux, comme aussy îi celluy du président Jeannin, ce qui en résulte est que l’on entonne tant de menaces pour essayer d esbranler la constance de Vostre Altesse, mais que voyons les ministres etconseilliers prineipaulx du Roy très-chrestien qu'ilz ne puissent rien gaigner sur icelle, ilz retourneront à luy dissuader sondict desseing de rupture, comme je suis bien asseuré qu’ilz ont faict jusques à présent avecq les prineipaulx chefz de guerre, tant pour le peu de fondement qu’eulx mesmes recognoissent y avoir en la cause, comme pour aultant qu'ilz tiennent l’entreprinse pour fort hazardeuse et téméraire, jugeans qu’elle réusira à leur dommage; si avant que le ducq d’Espernon a dit audict nonce ces motz : • Nous sommes tous perduz si t la guerre va avant i , ce que mesmement se confirme par la voix et famé commune du peuple.
Toutesfois, je tiens fermement que le Roy de France ne laissera pour cela de passer oultre, comme de faict il advance son armée avec beaucoup de chaleur, et commencent les trouppes il s’assembler en Champaigne,] mesmes celles des régimens de Picardie et Champaigne, comme m’a dit entre les aultres [le sieur de Guesle, maistre de camp dudict régiment de Champaigne], et
JUSTIFICATIVES
qu’il y doibt ammener onzo de ses compagnies, et les aultres maistres de camp des vieux régimens de mesme. Je me suis miz en discours avecq luy sur le chemin que vouldroit prendre le Roy pour mener son armée vers Juilliers, et il m’a confessé qu'elle s’en iroit droict à Bouillon, de lù. à Paliseux, puis à Rochefort, et ainsy de suite sur le pays de Liège, sans toucher à vostre pays de Luxembourg que bien peu
L’on vient de m'ndvertir de fort bon lieu que ladicte princesse a escript au roy de France le jour de Pasques, et qu'il y a un personnage françois par delà qui traicte avecq elle en toute familiarité. Je sçay aussy que ledict Roy a fuict achapter des belles et riches estoffes de drap d’or par sou grand escuyer, pour les envoyer à ladicte princesse, et quelles seront à Bruxelles dans trois ou quatre jours au plus tard, eteroyt-on que c’est du sçeu du connestable; bien que je n’en veuille rien affirmer. Baisaut sur ce très-humblement les mains à Vostre Altesse, et priant Dieu la conserver, Monseigneur, soubs sa saincte protection.
De Paris, le 19 apvril 1610.
De Vostre Altesse Sérénissime, Très-humble et très-obéissant subject et serviteur, P. Pbcquius.
(Suscription) : A Son Altesse Sérénissime.
(Papiers d’Ëtat et de l’audience. Négociations de France, 1610- 10U.)
PIÈCES
19 avril 1610. — Henri IV à F archiduc Albert.
Mon frère, J'ay esté supplié par ma sœur la duchesse d’Angoulesme et par mon cousin le duc de Montmorency, connestable de France, d'assister de ma recommendation et faveur en vostre endroict la juste et paternelle requeste qu’ils ont donné charge au s r de Préaux vous présenter, touchant ma niepce la princesse de Condé, leur niepce et fille; et comme le subject d’icelle n’est moins accompagné de compassion que d’équité, autant pour la considération de l’aage et qualité des personnes qui vous la présentent, que pour l’innocence de celle qu’ils réclament, je fais volontiers cest office, deub è l’affection que je leur porte et il leur propre mérite. Au moyen de quoy je vous prie autant affectueusement que je le puis faire de leur donner la consolation en ceste occasion qu’ils espèrent de vostre bénignité et justice; et vous ferés une œuvre très-charitable, par lequel vous cbangerés l’amertume de leur affliction en une obligation perpétuelle envers eux, qui me sera très-agréable, et me conviera de m’en rcvancher en toutes occasions qui s'offriront de vous rendre preuve de mon amitié, comme j’ay commandé au s r de Bemy vous exposer plus particulièrement de la part de
Vostre bon frère,
4 Henhy. ,
(Suscription) : A mon frire, Tarchiducg Albert d'Austriche.
(Recueil des lettres missives de Henri IV, t. vu, p. 885.)
JUSTIFICATIVES
19 avril 1610. — Henri IV à T infante Isabelle.
Ma sœur et bonne niepce, Ma sœur la duchesse d'Angoulesme et mon cousin le duc de Montmorency ont recours à vostre bonté, en l’affliction extrême qu’ils supportent de la condition misérable en laquelle se retrouve maintenant leur niepce et fille, la princesse de Condé, procédante du traictement indigne que vous sçavez quelle a receu et doibt encore attendre de son mary, allin d’eslre tous ensemble délivrez par vostre charité de l'anxiété en laquelle ils vivent, qui leur sera désormais insupportable, autant que leur seront tousjours sensibles et présentes les obligations qu'ils vous ont des faveurs que vous leur avés départies en ceste occasion. Et comme ils m’ont instamment supplié de les assister en leur juste poursuite de ma prière et recommendation, je le fais, avec l’affection que mérite la compassion que j’ay de leur douleur, et la justice de la cause pour laquelle ils implorent vostre ayde, vous priant de croire que je me revancheray de la grâce que vous leur départirez, autant à vostre contentement que le devrés espérer de la bien veillance de
Vostre bon frère et bon oncle, Henry.
Escript & Paris, le xix* jour d'avril 1610.
(Recueil des lettres missives de Henri IV, t. VII, p. 885).
PIÈCES
20 avril 1610. — Le connétable de Montmorency à V infante Isabelle.
Madame, Besoin que j’ay de madame la princesse de Condé ma fille! La peine que je souffre à cause de son affliction et le désir que j’ay de l'ayder et açister en la poursuitte qu’elle veult faire, par mon advis, pour estre séparée de son mary, me faict encor recourir à Voz Altesses pour les suplier très-humblement luy vouloir permettre de me venir trouver et de mettre en conçidération, pour la justice de ceste demande, que je suis son père ; qu’elle se plainct de son mary et ne peult avoir refuge plus assuré qu’à moy; que les causes de sa plaincte ne sont que trop véritables, cognues de plusieurs, et je sçay mesmes que Vostre Altesse en a desja entendu quelque chose. Par ainsi qu’on ne peult reffuzer la suplication que je faiz ny user de ceste rigueur contre ma fille de la retenir au lieu où elle est contre sa volonté, sans me donner autant de subjet de me plaindre de ceste deureté qu’auray occasion de me louer toute ma vie de l'honneur et bon traittement que ma fille a reçeu de Vostre Altesse jusques icy, s'il luy plaist luy accorder et à moy ce dont je la requiers par ma très : humble suplication, ainsi qu’elle l’entendra plus particulièrement par la bouche du sieur De Préaux, que luy envoyons exprès madame d'Angolesme et moy ; prians Dieu , Madame, qu'il maintienne Vostre Altesse en tout heur et prospérité.
De Paris, ce xx' jour d’avril 1610.
Vostre très-humble et très-obéissant serviteur. Montmorency.
(Suscription) : A la Sérénissime Infante.
(Audience, N° 451.)
JUSTIFICATIVES
20 avril 1610. — La duchesse d’Angouléme à l’infante Isabelle.
Madame , Ayant eslevé près de moy et tenu aussy chèrement madame la princesse de Condé que si elle eust esté ma propre fille, je ressens un si grand desplaisir de son affliction et ay si grand désir de l’ayder et assister pour en sortir, que monsieur le connestable et moy ne cesserons jamais de supplier, presser et importuner Voz Altesses jusques à ce quelles nous ayent donné ce contentement de permettre qu’elle retourne vers nous, comme au lieu où elle se promet recevoir consolation, allégement en son affliction et d'estre assistée de conseil, appuy et moyens pour poursuyvre la séparation quelle entend d'obtenir par justice contre monsieur le prince de Condé, son mary, pour des causes aussy véritables que justes, dont elle sent tous les jours l’amertune sur son cœur, et en a aussy les pleintes en la bouche pour nous les faire représenter avec ses larmes et gémissemens, affin qu’ayons compassion de sa misère et cerchions les moyens de quelque façon que ce soit pour l’en délivrer. Je supplie donc très-humblement Vostre Altesse Sérénissime, comme il luy a pieu m’obliger à luy rendre très-humble service par l'honneur et bon traittement que laditte dame princesse de Condé a reçeu d’elle jusques icy, quelle y adjouste encor ce tesmoignage de sa vertu et bonté de permettre qu'elle nous vienne trouver. Le sieur de Préaux, envoyé par monsieur le connestable et par moy vers Voz Altesses à cest effect, a charge de leur faire entendre encor plu3 particulièrement les raisons de nostre juste demande, auquel
PIÈCES
elle adjoustera foy s’il luy plaist, et me favorisera tousjours de l'honneur de ses bonnes grâces que je prendray la hardiesse de saluer de mes très-humbles revérendations comme celle qui est, Madame
Vostre très-humble et très-obéissante servante,
Diane L, de France.
(Suscription) : A l'Infante SIréniuime.
(Audience, N° 451.)
Requête du connétable de Montmorency et de la duchesse d'Angoulême aux Archiducs.
A Leurs Altesses Sérénissimes.
Diane, fille légitimée de France, duchesse d’Angoulesme, tante de madame la princesse de Condé, et le duc de Montmorancy, pair et connestable de France, son père, remon8trent humblementâ Voz Altesses que ladite dame princesse de Condé s’est pleint à eux plusieurs fois par lettres et propos qu’elle a tenu à personnes de qualité et à d’autres leurs serviteurs pour leur reporter, des outrages, indignités et mauvais traitemens quelle a reçeu de monsieur le prince de Condé, son mary, pendant qu’ilz estoient ensemble, et qu’elle désiroit leur représenter sur ce subjet des particularités qu’elle n’ose commettre â des lettres et moins encor déclarer à qui que ce soit sinon â eux, à qui elle estime ne devoir rien celer, et desquelz elle se promet aussi recevoir les conseilz qu’une fille et niepce qui leur a tousjours esté très-
JUSTIFICATIVES
obéissante doibt attendre de leur piété et charité, les priant à cest occasion la retirer du lieu où elle est pour la tenir près d'eux, sur laquelle pleinte réitérée à diverses fois, ilz auroient esté induictz d'envoyer vers Voz Altesses, pour les suplier de permettre à ladite dame princesse de les venir trouver, attendu qu’à cause de leur indisposition et ancien ange, ilz ne se pouvoient transporter vers elle pour luy rendre ce debvoir d'amitié, ayans tousjours creu qu'ilz ne seroient éconduitz de ceste demande, trouvée juste par tous leurs parens et gens de conseil ausquelz ilz en ont communiqué; néantmoins- Voz Altesses en auroient faict reffus, dont ladite dame princesse de Condé advertie auroit derechef eu recours à eux avec pleurs et gémissemens, pour les prier de continuer et répéter encor la mesme suplication avec si sérieuse instance qu’elle ne soit plus retenue où elle est contre son gré, et par ce moyen empêcher de poursuivre en toute liberté la séparation à laquelle elle veult tendre, en y emploiant le remède que les loix et la justice luy promettent par l’advis et avec l’assistance de ceux qui luy apartiennent, au moien de quoy, eux, qui l’aymeut chèrement et compatissent en son affliction, suplient humblement Voz Altesses par ceste requeste signée de leur main, et qui leur sera présentée par le sieur de Préaux, gentilhomme envoyé exprès, leur accorder ceste juste demande après tant d’instances qu’ilz en ont faict sans leur donner subjet de se pleindre et d'avoir recours à la protection de leur Roy, pour obtenir par son moien ce qu'ilz estiment ne leur pouvoir, estre justement desnié.
Diane L. de France. (
Montmorency.
(Audience, N° 451.)
PIÈCES
LXXXIY
Requête de la princesse de Condé aux Archiducs.
A Leurs Altesses.
Marguerite-Charlotte de Montmorency, princesse de Condé, ayant eBté advertye tant par les lettres de monsieur le connestable de France, son père, et celles de madame la duchesse d’Angoulesme, sa tante, que par le rapport que luy en a faict de leur part le sieur de Préaux, qu’ilz supplient derechef Voz Altesses leur permettre de la retirer prez d’eux, elle a estimé devoir joindre sa supplication à la leur et remonstrer aussy humblement à Voz Altesses tout ainsy qu’elle recognoit leur estre grandement tenue et obligée de l’honneur et bon traictement quelle a receu de leur bienveillance et faveur depuis le temps qu’ilz l’ont retirée en leur palais, pour la garentir des mauvais traictemens qu'elle recevoit de monsieur le prince de Condé son mary, et empescher qu’elle ne feut constraincte de l’accompaigner et suivre contre 6a volonté au voyage qu’il déliberoit faire en pays estranger. Elle auroit aussy grande occasion de se plaindre s’ils luy reffusoyent la licence de se pouvoir retirer prèz dudict seigneur connestable ou de ladicte dame duchesse, attendu qu’en entrant en leur pallais, elle les a suppliez et requiz quecefeut avecceste réserve et condition d'en pouvoir sortir pour se retirer prez de ceux qui luy sont si proches, toutes et quantesfois qu’elle en seroit recerehée par eux, ou qu’elle mesme le voudrait faire ayant dès lors eu ceste intention et désir pour leur représenter des plainctes, que sa pudeur et quelques bons respectz l’ont empeschée jusques icy de descouvrir, ce qu’elle est h présent délibérée de faire sans
JUSTIFICATIVES
plus user de remise. Mais d'aultant qu'elle ne peult venir à l'exécution de ce conseil avant qu’estre mise en entière liberté. et rendue à ses plus proches, par l’advis et assistance desquelz elle entend poursuivre sa séparation d'avec ledict seigneur prince de Condé, son mary, affin de se garentir à l'advenir du mauvais traictement quelle en a receu, elle supplie h ceste occasion Voz Altesses luy vouloir permettre de s’y retirer, et de considérer s’il leur plaist qu'estant de la qualité quelle est et d’une vie du tout innocente, elle ne peult estre retenue où elle est de présent contre son gré, soubz quelque couleur et prétexte que ce soit, sans luy faire trop grande injure et à ceux ausquelz elle appartient, & qui elle aura recours et partout ailleurs où elle pensera trouver quelque allégement à son mal.
Marguerite-Charlotte de Montmorency.
(Audience, N° 451.)
21 avril 1610. — Les Archiducs à P. Pecquius.
(MINUTE
Les Archiducqz, etc.
Cher et féal, Nous commençions à nous esmerveiller de vostre silence, et que depuis le vu* de ce mois nous n’avionsde voz nouvelles, quand nous arrivèrent voz deux dernières du xiiii* et xvi' de ce mois, qui nous ont au long informé des occurences de delà et les discours et propoz passez entre le connestable de France, la duchesse d’Angoulesme et vous, lorsque leur avez délivré noz lettres ;
mesmes sur les causes qui nous meurent & leur refuser le renvoy de la princesse de Condé, qu’en leurs âmes ilz doibvent avoir trouvé bien propres et Raisonnables, et qu'il y a peu d’apparence que ledict conuestable en serait demeuré fort mal content, ainsi que vous aurait déclairé le président Jeannin, et que le Roy très-chrestien se serait plainct de la promesse qu'aurions faictau prince son mary de ne rendre ladicle princesse à aultre sans sa permission, inférant par lâ que nous aurions voulu plus complaire audict prince qu’à luy, ce que ledict Roy prend fort mal et interprète sinistrement, ce qu'avons faict expressément pour seconder â son desseing et réquisition qui estoit que n'acceptant ledict prince son party et se déterminant de vuider hors de noz pays de par deçà, nous procurassions d'enchemiuer qu’en tout cas ladicte princesse demeurast icy, à ce quelle ne fut forcée de vagabonder à la 6uite de son mary, tesmoing voz lettres du xm e et six" de décembre et largementune vostre du vm* de janvier passez, et aulcunes aultres. Et de quel moyen nous pourrions nous ayder qui fut plus propre et persuasif pour à ce le disposer et induire qu’à luy faire ladicte promesse, raison de soy si évidente que nous nous estonnons que ledict seigneur Roy puisse de là tirer l'argument que dessus, ce que partant vous debvez bien remonstrer et inculquer si en rencontrerez l'opportunité, tant audict président Jeannin qu'aux aultres principaulx ministres dudict seigneur Roy que voirez convenir.
Quant à ce que ledict seigneur Roy aurait entre aultres dit au nonce que nous nous serions déclairez pour le party impérial, vous luy avez respondu discrètement et dit la vérité parce qu’il n’en est du tout rien, non plus que ce* que nous aurions faict entrer dans Rhynbercq les gens de l’archiduc Leopolde, et luy envoyé le maistre de camp Pompeo Giustiniano, et despesché vers le pays
-DigtT
de Luxembourg le comte de Busquoy avecq quatre ou cineq mille hommes. Bien est vray que audict pays et ailleurs nous avons faict et faisons des levées pour nous deffendre contre ceulx qui vouldroient nous offenser.
Vous nous advertissez de la retraicte du prince d'Aubalt de Paris vers Allemagne, mais vous en parlez par trop succinctement, et ainsi est nostre volonté que par vostre première, et tout court vous nous advertissiez du jour de son partement dudict Paris, à quoy il y estoit venu, ce qu'il y a obtenu et besoigné, ensamble la resoulution qu’il rapporte en Allemagne, et choses semblables, le tout avecq les circonstances et particularitcz qui y peuvent tomber en considération, et escripvez-nous d’une autre suite de 2 en 2 ou de 3 en 3 jours en conformité de vos précédentes, encoire que n’ayez chose de grand relief ou importance.
A tant, etc.
A Bruxelles, le xxi° apvril 1610.
(Suscription) : A Ptcquius.
(Papiers d’État et de l’audience. Négociation* de France, 1610-1611.)
22 avril 1610. — Les Archiducs à P. Ptcquius.
(MINUTE
Les AiîCHinucQZ, etc.
Cher et féal, A peine seroit close nostre lettre cyjoincte du jour d’hier, quand nous arriva vostre dernière du xix' de ce mois, qui nous a esté bien venue et pour les particularitez y contenues et pour les discrètes réparties et responses par vous faictes aux sieurs de
PIÈCKS
Yilleroy et Préaux. Et pour aultant que concerne l’affaire de la neutralité des deux Bourgoignes, nostre volonté est que continuez à presser tant icelluy de Villeroy que aultres ministres du Roy très-chrestien que conviendra qu’au plustost jour soit prins pour en traicter et en faire une fin. Et veu que le mesme de Villeroy (pour eschever les maulv que pourra produire la guerre dont l'on nous menace) vous a miz en avant l'envoy du prince de Condé à Rome, soubz la protection de Sa Saincteté et dit que ledict seigneur Roy se pourroit contenter qu’il fut jà à Rome, ce qu’il doibt ainsi avoir déclairé par son ordre, nostre intention est que faciez valoir ceste proposition ver3 lesdicts ministres, afin qu’ilz tiennent la main que ledict seigneur Roy en face traicter avecq nostre trèssainct père le Pape, par lettre de son nonce, résident à Paris, ou par la voye qu'il voira convenir; que Sa Saincteté se veuille interposer vers sa Majesté, afin qu’elle se contente que ledict de Condé se retire audict Rome ou bien le face proposer en Espagne par don Inigo de Cardenas, ou ainsi qu’il le trouvera le plus à propos, attendu que ledict de Condé se trouve en lieu de l’obéyssance de Sadicte Majesté et conséquemment hors de nostre pouvoir. Et.toutesfois ledict seigneur Roy estimera que de nostre part s’y puisse aussy faire quelquo office avecq fruict vers l’un ou l’aultre ou vers tous deux en estaus advertiz, nous le ferons fort volontiers. Quant à la princesse de Condé (qui semble debvoir estre le principal subject de la rupture et guerre, s'il y fauldra venir, ainsy qu’avez dit bien audict de Villeroy) puisque l’on désire avecq tant d'ardeur son renvoy en France, le moyen plus propre et court en seroit celluy du divorce par vous jà plusieurs fois proposé de nostre part, oubien que le connestable rende peine d’induire le prince son mary à consentir le renvoy de ladicto princesse en la maison d'icelluy connestable. Et si l’on désirera par de la
JUSTIFICATIVES. «KH
que nous façions aulcuns offices et diligences pour faciliter l'un ou l’aultre de ces deux moyens, nous en faisans advertir, nous nousy employerons volontiers et en sorte que l’on pourra recoguoistre qu'il ne tient aucunement à nous que ledict connestable ne reçoipve ce contentement, auquel tant il halète que de ravoir sa fille, mais de prétendre de par des bravades et menaces nous forcer h faire une chose contre nostre promesse et conséquemment contre la raison et nostre honneur et réputation, résoluement nous n’en ferons rien. Et si ledict seigneur Roy se résouldra pour ce mal à propos è ladicte rupture et à nous faire la guerre, nous procurerons de la faire aussy à luy, mais en tel cas nous nous tiendrons aussi pour desobligez de tenir plus en nostre maison ladicte princesse et adviserons de l’envoyer la part que trouverons convenir, pour esloigner de nous un instrument des maulx infiniz que produira ladicte guerre, ce que de nostre part vous debvez ainsi dire ouvertement, mais avecq la discrétion requise , tant audict connestable qu'aux ministres principaulx dudict seigneur Roy. Et il n'y a pourquoy vou3 estonniez de ce que [ladicte princesse auroit escript audict seigneur Roy le jour de Pasques, parce qu’elle le faict et a comodité] de le faire à quantesfois il luy plaict, [par le moyen de la femme du sieur de Berny, son ambassadeur.] Envoyez-nous continuelement de vos nouvelles, selon l’ordre qu’en avez eu par différentes nostres, encore que ledict don Inigo ne vouloit escrire ou despescher. Et Dieu vous ait, cher et féal, en sa continuels garde.
A Bruxelles, le xxn' apvril 1610.
(Suscription) : Au conseiller Pecquius.
On Ut au dos de cette minute de la main de l’arehiduc . No he firmadoesta carta para que me ha parescido mudar
PIÈCES
en ella, lo que vereis conforme a lo quai podreis hazer escrivir otra , y embiar me la afirmar quando ayamos buelto de fuera.
(Papiers d'État et de l'audience. Négociations de France 1610-1611.) -
- •«OÎO'ÎO-o-
LXXXYII
22 avril 1610. — P. Pecquius à T Archiduc Albert.
(EXTÜAIT)
Monseigneur, Il semble proprement que les ministres du Roy très-chrestien ayent prias à tasche par divers coups d’essay, de me persuader que la princesse de Condé doibt estre renvoyée en France. Le président Jeannin m’en feit hier nouvelle instance, après m’avoir protesté que le sieur de Villeroy et luy, désireux du reposde la chrestienté, me parloient plus clèrement que le Roy leur maistre ne sçavoit; et pour exorde de son discours, il me parla du nouveau voyage que le sieur de Préaux s’en est allé faire par de là, pour présenter à Vostre Altesse une requeste du connestable de France et de la duchesse d’Angoulesmo, accompaguée de leurs lettres, tant à icelle Vostre Altesse qu’à la Sérénissime Infante, comme aussy de lettres de recommendation dudict seigneur Roy, laquelle requeste conforme à une autre de ladicte princesse, tendant à mesme fin dudict renvoy, ledict président maintenoit debvoir estre entérinée par Vostre Altesse, non-seulement pour considération d'Estat, mais encore en termes de raison et de justice, alléguant pour le monstrer deux points dont il faisoit grand capital : l’un , qu’il est certain qu’une femme ne peult estre constrainte de demeurer hors de
JUSTIFICATIVES
son pays, pour la retraite qu’en fait le mary désobéissant à son Roy, comme il disoit estre celle du prince de Coudé, et qu'il est suffisamment apparu par ses propos tenuz ii Bruxelles et ailleurs de sa manifeste rébellion et crime de lèse Majesté; l'autre, que Yostre Altesse ne se doibt aucunement arrester au prétexte dont ledict prince se couvre, que le Roy très-chrestien auroit voulu entreprendre sur son lict marital et le constraiut de s'absenter du royaume pour sauver son honneur et celuy de sa femme, car, au dire du président, ce prétexte est controuvé, comme appert par lesdicts propos de rébellion, et par la preuve qui se peult facilement faire qu’il y a eu dessein de s’escbapper de France quelques années devant son mariage.
Je respondiz, quant au premier point, que la princesse avoit esté retenue à Bruxelles il l’instance dudict seigneur Roy, et ii la prière dudict connestable et de Indicte duchesse d’Angoulesme, voire il sa requeste propre, outre celle dudict prince son mary, et que Yostre Altesse n’avoit peu satisfaire à toutes ces requestes que du gré et consentement dudict prince et obtenir iceluy consentement sans la condition y apposée de ne renvoyer ladicte princesse à autre qu’è luy, au moyeu de quoy elle ne se pouvoit présentement desdire ny retracter de ladicte promesse. Il répartit que Vostre Altesse n’a jamais esté requise de retenir la princesse ii telle condition, laquelle n'a aussy jamais esté advouée ny par elle ny par lesdicts connestable et duchesse, et moins par le Roy. Au contraire, ilz ont tousjours tesmoigné quelle leur desplaisoit infiniement , et mesme ladicte princesse, avant qu’entrer audict palais, ou bien aussytost qu’elle y fust entrée, a protesté à Vostre Altesse et ii la Sérénissime Infante qu’elle entendoit de n’estre jamais renvoyée fi son mary, mais audict connestable sou père, comme ledict président disoit avoir apprins dudict de
PIÈCES
3TJ0
Préaux depuis trois jours en çà, de laquelle protestation je disois n’avoir rien ouy, et que l'on a trop bien sçeu ou deu sçavoir que ladicte promesse avoit esté nécessairement faite, ou qu’autrement ledict prince eust emmenée la princesse en autres pays. '
Quant au second point, je diz ne vouloir entrer en recerche de la vraye cause de la retraite dudict prince, ny si le prétexte qu’il en prend est véritable ou point, mais que ledict président ne pouvoit dissimuler le bruit qui en ccurroit. 11 respondit que c'estoit un bruit semé par ledit prince sans fondement solide, et. pour servir de masque & ses mauvais desseins, car encore que le Roy eust d’avanture monstré d’estre porté à quelque affection envers ladicte princesse, il ne s’ensuyvoit pas par lé quelle courrust danger de son honneur, le Roy n'ayant onques esté blasmé d avoir constraint femme d'obéir à ses désirs ny usé d’aucune authorité à ces fins. Au contraire, s’estant son affection quelquefois attachée à d’autres dames de grande qualité , et nomméement aux duchesses de Montpensier et de Nevers, la vertu d'icelles, a, petit à petit, si bien esteint ce feu, qu’à grand peine en est-il plus mémoire. Puis ledict président disoit estre bien asseuré que Vostre Altesse est plus obligée d'adjouster foy au dire du Roy et de ses ministres que dudict prince, et que si les princes vouloient toujours donner créance aux allégations des subjectz fugitifz d’autres princes leurs voisins et amys, il n’y auroit rebelle qui ne trouvast aussy tost son prolecteur et un fauteur de sa rébellion. Par ainsy il concluoit que ladicte promesse de Vostre Altesse n’estoit aucunement obligatoire, affirmant que tel a esté l'advis uniforme non-seulement de ceulxdu conseil d’Estat dudict seigneur Roy, mais aussy de tous les principaulx de son parlement de Paris et mesmes de tous les princes souverains ses amyz sur ce consultez, joint qu'il estoit notoire que ladicte princesse
JUSTIFICATIVES
n’a que trop de causes pour se faire séparer de sondict mary à tousjours. Je répliquay entre autres choses que de renvoyer ladicte princesse eu France sans cognoissance de cause et sentence du juge compétent, seroit oster audict prince sa femme, comme s’il estoit condemné sans estre ouy, et que l’on n’avoit aucun subject de refuser le party proposé que la cause de séparation fust jugée à Borne ; je luy diz davantage que l'on pourroit essayer si ledict prince vouldroit consentir & ladicte séparation , mais il me. respondit que tous ces remèdes lé estoient lents et longs, uullement opportuns ny convenables au mal qui nous presse et serre de si près qu’il est besoin d'y accourir promptement pour en trancher le cours et empescher qu’il n’aille plus avant, comme il fera sans point de doubte, si l’on ne renvoyé ladicte princesse par deçà, affiu et à la charge d'intenter incontinent ledict procès de séparation, m’ayant ledict président certifié par grandes affirmations que l’armée dudict seigneur Roy sera au rendez-vous au commencement du mois prochain, grosse et puissante, et que le Roy veult à toute reste que le couronnement de la Royne se face le 6 dudict mois d’autant qu’il s’est résolu de s’en aller en sadicte armée pour tous delays quattre ou à l’extrême six jours après, qui seroit le 12. Finalement, il me pria pour l’amour de Dieu, pour le bien de la chrestienté et spécialement de ma patrie de bien remonstrer à Vostre Altesse sesdictes raisons, ce que je luy promeis froidement sans luy donner aucune espérance dudict renvoy.
[Le baron de Bonoeuil et quelques dames m’ont aussy déclaré que nous aurons la guerre si ladicte princesse ne retourne en France, et qu'elle escrit fort souvent au Roy, ce que mesmes ledict président Jehannin m’a aucunement confessé, disant que c’est pour le désir quelle a de s’en revenir en son pays, fut-ce pour se mectre en religion, à quoy il semble quelle commence à incliner, mais
372 PIÈCES
ledict de Bonoeil m'a aussi touché d’une aultre voye, h sçavoir que l'on laissast eschapper ladicte princesse comme à l’emblée, dont je l'ay bientost rebuté et prié qu’il n’en parlast pas davantage.]
Le sieur de Brederode, le gendre de Barnevelt et le sieur de Malderé sont arrivez icy avant-hier sur le soir, comme ambassadeurs de3 États des Proviuces-Unies, et le Roy a envoyé au devant d’eulx un quart de lieux hors de Paris le ducq de Vendosme son fils, avecq les mareschaulx de Brissacq et du Boisdaulphin accompagnez de plus de deux cens gentilshommes à cheval. Avecq laquelle compagnie ils sont venuz à l'hostel de Gondy où l’on continue à leur faire beaucoup d’accueil mais [ledict de Bonoeil m'a dit que le Roy très-chrestien ayant en la chaleur de ses discours donné parole d'envoyer ledict ducq de Vendosme à faire ledict office et trouvant depuis que cela desplairoit il ceulx de son conseil et aux principaulx de sa cour, monstra d’en estre marry sans toutesfois avoir voulu révoquer sa parole ; tout le monde en murmure icy parce que l’on n’a jamais faict tant d’honneur à ambassadeur qui fussent d’Espagne, d’Angleterre ny d’ailleurs.]
Il y pourra avoir audict Chalon une armée de vingt et un ii vingt et deux mille hommes avecq 70 pièces d’artillerie, les 40 grosses et les aultres plus petites. Toutesfois Ion ne leve pas encore les gens des nouveaulx régimeus de Yaubecour, Senecey ny autres. Bien dict-on que le Roy a commandé une nouvelle levée de Suisses, jusqu’à trois mille; mais Ion m’asseure que c’est pour la guerre de delà les monts. Lon tient icy que par l’entremise du ducq de Bouillon, les Liégeois ont escrit au dit seigneur Roy qu’ilz se tiendront neutres au fait de la guerre d’Allemagne. Bref si jamais il a esté besoin de rendre tous efforts à nous bien armer et sans delay, c’est
JUSTIFICATIVES
à présent, comme je sçai que Vostre Altesse y est du tout résolue et disposée.
[Il y a icy un gentilhomme nommé Chavarrot et aultrement le chevalier de Valence, cogneupar delà, qui monstre avoir affection au service de Vostre Altesse et m’a prié d’escrire h icelle afin qu’il lui plaise de se faire informer de ses qualitez par les comtes de Busquoy et de Fontenoy pour l’employer à son service si elle trouve qu’il y pourroit estre propre] .
Et sur ce baisant très-humblement les mains h Vostre Altesse, je prie Dieu la conserver, Monseigneur, soubs sa saincte protection.
De Paris, le 22 apvril 1610.
De Vostre Altesse Sérénissime,
Très-humble et très -obéissant subject et serviteur, P. Pbcquius.
(Suscription) : A Son Altesse Sérénissime '.
(Papiers d’État et de l’audience. Négociations de France, 1610-1611.)
nJOioe
