MINUTE, EXTRAIT
Cher et féal qu’il vous souvienne de l’advertisse-
ment que vous a donné notre précédente de la venue du Prince de Condé à Landrechies où il ne fut que quelques deux jours, et s’en alla visiter le Prince et la Princesse d’Oranges sa sœur, prenant passage par cestuy nostre pays, parce que faisant le Roy Très Chrestien démonstration de fort offensé de ce qu a sa réquisition ne le luy aurions renvoyé (en quoy ne se trouva aulcune raison), il pourra estre qu’il ou ses ministres en escrivent aultrement & Sa Sainteté ou & son ambassadeur. La vérité estant qu'il est arrivé audit Landrechies tout inopinément et à nostre deceu et qu’il nous a faict demander
PIÈCES
simple passaige comme dessus, lequel n’avons accoustumé de refuser à ceux qui le requièrent, et ne trouvions cause d’en esconduire ledit Prince duquel nous aimons mieulx que soit sceue la cause de sa retraicte que de nous. De quoy pourrez donner compte tant à sadite Sainteté qu’au cardinal Bourghese et aultres que jugerez convenir. A tant, etc.
De Bruxelles, le xj décembre 1609.
(Négociations de Rome, 1609, t. VIII.)
ovJ^iov
12 décembre 1609. — Le connétable de Montmorency, à l'archiduc Albert.
Monseigneur, Envoyant mon cousin, monsieur de Bouteville, à Bruxelles, pour y viziter de ma part madame la princesse ma fille, il fera entendre de Vostre Altesse l’occasion de son voiage et l’extrême désir que j'ay de voir près de moy madite fille , que monsieur le prince son mary y a laissée comme j’ay esté adverty suppliant très humblement Vostre Altesse favorizer la requeste que luy fera sur ce subject mondict cousin, pour les considérations que luy seront propozées, m’en remettant sur sa prudance pour n’estre trop prolixe envers Vostre Altesse, il laquelle je rendray très humble service en toutes les occazions qu'elle me despartira l'honneur de ses commandemens; et en ceste vérité, je luy baise très
JUSTIFICATIVES
humblement les mains et prie Dieu qu’il donne à Vostre Altesse, Monseigneur, en parfaicte santé longue et très heureuse vie.
De Paris, ce xii' décembre 1609.
Vostre très humble et très obéissant serviteur. Montmorency.
(Suscription) : A Son A Hesse Sérénissime, en Flandres, etc.
(Papiers d’État et de l’audience, N° 449.)
XYI
28 décembre 1609. — L’archiduc Albert au connétable de Montmorency.
(MINUTE
Monsieur le ducq, Par vostre lettre du xii de ce mois et ce que m’a dit de vostre part le sieur de Bouteville, ay-je volontiers entendu la cause do sa venue par deçà fort raisonnable et digne de l’affection que vous debvez à madame la princease vostre fille. Il vous dira ce que luy ay respondu sur ce qu’il m’a dit par vostre charge et vous asseurera d’une volonté que j’auray tousjours disposée h seconder voz désirs, priant avecq ce Dieu vous conserver, monsieur le ducq, santé et longue vie.
A Bruxelles, le xxvm décembre 1609.
Albert.
(Suscription) : A Monsieur le ducq de Montmorency, connectable de France.
(Papiers d’État et de l’audience, N» 249).
PlèCBS
\4 janvier 1610. — La duchesse d’Angoulème, à V infante Isabelle.
Madame, J’ay entendu, par plusieurs lettres que madame la princesse de Condé m’a escrittes, l’honneur que Vostre Altesse Sérénissime me fait de se souvenir de moy, de quoy je ne veux faillir de vous remercyer très humblement, Madame, et vous asseurez que j’ay un extrême regret de ce que mon aage ne me permet de vous aller moy-mesme rendre ce debvoir et vous offrir mon très humble service. Mais estant privée de ce bonheur, le plus grand contentement que je puisse recevoir, Madame, c’est de congnoistre les faveurs et amytiez, que maditte dame la princesse reçoit de Vostre Altesse Sérénissime, que je tiens à telle obligation que si moy-mesme les recevois ; car l’ayant nourrye et m'estant si proche, je ne l’ayme pas moings que si elle estoit ma propre fille, vous suppliant très humblement, Madame, luy continuer vostre bienvueillance et à moy l’honneur de voz bonnes grâces, lesquelles je prendray la hardiesse de saluer de mes très humbles révérendations, priant Dieu vous donner, Madame, eu parfaitte santé très heureuse et très longue vye.
A Paris, ce xxiii* de janvier 1610.
Vostre très humble et très obéissante servante. Dune L. de Feànce.
(Suscription) : A Son Altesse Sérénissime *.
(Papiers d’État et de l’audience, liasse 451.)
> On lit en marge : Reçu le ix* février, estant du xtm* janvier 1610. — Répondu le 4* mars 1610.
JUSTIFICATIVES
16 janvier 1610. — Le connétable de Montmorency , à l'archiduc Albert.
Sérénissime Prince, Vostre Altesse a desja donné tant de tesmoignages de sa bonne vollonté et courtoysie à madame la princesse ma fille, que j’oze me promettre qu’elle la luy continuera et qu’elle ne voudra poinct souffrir, puisque monseigneur le prince ne veult poinct revenir en France, qu’elle sorte de Brusselles pour estre errante par le monde il suivre ung jeune prince, lequel n’a aucun desseing arresté en son esprit. C’est pour ce subject que j'ay envoyé ce porteur vers Vostre Altesse, et la supplier très humblement de m’accorder ceStc grâce, laquelle m’obligera à prier Dieu, Sérénissime Prince, qu'il donne il Vostre Altesse très heureuse, très longue et contente vie.
De Paris, ce xvi« janvier 1610.
Vostre très humble et très obéyssant serviteur, Montmorency.
iSuscription) : A Son Altesse Sérénissime *.
(Papiers d'État et de l’audience, liasse 451.)
[20 janvier 1610]. — Henri IV, à l'Infante *.
Ma bonne sœur et niepce, Envoyant présentement vers vou3 et mon frère l’Archiduc le marquis de Cœuvre, mon
1 On Ht en marge : Reçeu le ix' février 1610.
* La lettre de Henri IV a l'Archiduc, est page 59.
PIÈCES
lieutenant général au gouvernement de l’Ile de France, pour le subject de mon nepveu le prince de Condé, je vous prie de le croire de ce qu'il vous dira de l’affection que je vous porte et de la recognoissance que j‘ay de celle que vous et raondict frère m’avéa tesmoignée en ceste occasion, comme si c’estoit.
Yostre frère et bon oncle, Heney.
(Recueil des lettres missives de Henri IV, t. VII, p. 827).
26 janvier 1610. — Le roi d’Espagne au prince de Çondt.
Mon cousin, Lorsque j’ay receu vostre lettre, avois entendu par aultre voye l’occasion de vostre retraitte aux Pays-Bas avec la princesse vostre femme, m’ayant fort dépieu du soucy et inquiétude qu’en avés reçeu, pour estre l’effect de la qualité qu’il est. Et parce que le comte Agnover, de mon conseil de guerre, par les mains duquel recevrés ceste lettre, vous dira le surplus en particulier, ce me sera grand contentement que vous luy donniés entière créance. A tant, mon cousin, Dieu vous ayt en sa saiucte et digne garde.
Donné à Madrid, ce xxvj de jauvier 1610.
Philippe.
Jacques Maldonat.
(Recueil des lettres missives de Henri IV, t. VU, p. 870, note).
JUSTIFICATIVES
30 janvier 1610. — Ortemberg aux Archiducs.
(COPIE
Messeigneurs, Sa Sainteté fut servie de me dire hier en l'audience que les mouvements survenus sur les frontières de la comté de Bourg-oigne du costel de la duché de Bourgoigne et de la Bresse estoient assoupis, parce que selon l’advis que le Nunce Apostolique résident en France avoit donné, l’on avoit député commissaires de part et d’aultre, pour accomoder le tout à l’amiable ; mais que tant le Boy que ses Ministres avoyent prins ombre pour la demeure que faisoit le Prince de Condé h Bruxelles jusques à l’accomodement entre le Roy et luy, et que pour ledit accomodement le Prince demandoit pour sa seurté aulcunes villes de France, situées vers les frontières d’Espaigne; se persuadant les François qu’il faisoit telle demande îi la suggestion des Espaignols et qu’iceulx embrassoyent cest occasion ; par où le Roy se trouvoit esguillonné de différentes passions d’amour envers Mad” la princesse d'un costel, et d’aultre de peur et de crainte que le Prince ne luy trouble son royaulme; dont le ducq de Suilly prenoit occasion de l’instiger ù prendre les armes; tellement que Sa Saincteté jugeoit en cas qu'on désire la paix, que ce seroit bien d’assoupir cest accident.
En baisant très humblement les mains à V. A. A. S., et priant le Créateur en longuissime et très heureuse vie, les combler de ces diverses grâces.
De Rome ce 30* de janvier 1610.
De Vos Altesses Sérénissimes,
Très humble et très obéissant serviteur.
Herman d’Ortkmberg, auditeur de Rote.
(Négociations de Rome 1610, t. IX).
PIÈCES
1" février 1610. — P. Pecquiut à r archiduc Albert.
(EXTMIT)
Monseigneur, Un homme du marquis de Queuvre apporta ces jours icy nouvelles du Roy trèschrestien que Vostre Altesse luy avoit donné audience le 23 du courrant, avecq toutes les courtoisies et démonstrations de bonne et favorable volonté qu’il eust peu désirer, de manière qu'il s’en teuoit infiniement obligé à icelle, ce que le Roy a eu pour fort agréable, s’asseurant de plus en plus de la sincère affection de Vostre Altesse à procurer le retour du prince de Condé, ainsy que m’ont dict hier le chancellier et le baron de Bonœil, desquelz j’ay en outre sçeu que le lendemain de ladicte audience Vostre Altesse envoya le sieur de Vendegies parler audict marquis du subject de son ambassade, sans qu'ilz m'ayent dict en particulier ce que s’y est passé. Trop bien me déclara le chancellier que l’instruction dudict marquis est dressée sur le pied de ce que le Roy m’a donné à entendre de sa volonté et résolution sur cet affaire, et que pour le présent l’on ne touche qu’au premier point, asçavoir de la réconciliation dudict priuce, en donnant par le Roy promesse à Vostre Altesse de le recevoir en sa grâce, avec oubliance des choses passées, et toutes sortes de bons traittemens selon la qualité d’icelluy, soubs les conditions proposées endroit la résidence de la princesse sa femme. Je respondiz qu’il ne resterait jà â Vostre Altesse que la réconciliation ne se feist, ny à Sa Majesté Catholicque non plus, d’autant que j’avois apprins qu’elle ne l’auroit pas à desplaisir, comme de vray je l'ay ainsy entendu de don Innigo de Cardenas, qui a dériré que par occasion j’en rendisse certains les
JUSTIFICATIVES
ministres de cette cour, en tesmoignage bien évident que le départ dudict prince n'a pas été complotté avecq Sadicte Majesté, quoy que l'on en ayt soubçonné et criaillé par deçà. Le chancellier se monstra très aise de cet advis, comme fut aussy par après ledict de Bonœil, lequel me dit conséquemment en confidence que le Roy commence à entrer en opinion, et la Royne croyt fermement que [ledict prince n'a point d’intelligence avecq Sadicte Majesté ny avecq Yostre Altesse, mais la pourroit bien avoir avecq aultres princes françois et mesmes aulcuns du sang ou bien avecq les Huguenots] *. Et crainte de cette intelligence, lesdicts chancellier et de Bonœil, à les ouyr parler, n'ont pas beaucoup d’espoir de ladicte réconciliation, pour ce mesmement que ledict prince fait paroistre par ses propos de n’avoir le cœur disposé au service de son Roy ny de ses enffans, jusques à avoir demandé à table, en une compaignie où ladicte princesse beuvoit à la santé de la Royne de France, quelle Royne elle entendoit, puisqu’il y en avoit tant. Je ne sçay pas si cela est véritable, mais bien m'a confessé [ledict de Bonœil] que le s r de Berny a donné des advis au Roy de semblables discours pretenduz , tenuz par ledict prince, que l’on trouve sans apparence de preuve, dont le Roy qui, comme picqué, s’estoit facilement laissé emporter à les croyre, a maintenant peu de satisfaction dudict de Berny. J'ay tasché de sonder si à faulte de ladicte réconciliation, le Roy très-chrestien se roidira à prétendre que Vostre Altesse interdise audict prince le séjour en ses pays. Et, à ce que j'ay peu recueillir du discours du chancellier, l'on fait estât par deçà que ledict prince demandera bien tost qu’on le laisse aller, s'il voit qu’on luy donue le tort de refuser le party qui luy est offert, et qu’on ne luy donne point d’entretenement.
1 Les mots entra crochets sont en chiffres dans l’original ; la traduction est en marge ou à la suite de la pièce.
PIÈCES
M’ayant ledict chancellier représenté qu'il n’est encore besoin de presser ce poinct, comme s'il eust voulu dire que [le Roy de France s’est un peu hasté de m’en parler] avant que ladicte réconciliation soit faillie et que possible l’on y apportera quelque autre accommodement, en conservant la réputation de part et d'autre, sans que l’intention du Roy soit d'y procéder autrement et moins d’user d’aucunes bravades ou menaces non plus envers Yostre Altesse que Sadicte Majesté dont ledict chancellier faisoit de très grandes protestations, affirmant que le Roy ne parle jamais de cette matière qu’avecq la discrétion et respect deu à tels princes ses voisins, et mesmes avecq déclarations de vouloir recognoistre l’obligation estroite qu’il leur aura s’ilz continuent è y faire les bons offices jè commencez comme il l’avoit aussy dict au marquis de Guadaleste, luy tesmoignant qu'il désiroit demeurer en amytié fraternelle avecq Sadicte Majesté et Vostre Altesse, mais que le plus grand tort (il disoit aggravio en espagnol) qu’elles luy pourroient faire, ce seroit d'entretenir et fomenter ledict prince en leurs estats. Et si l'on avoit rapporté à Vostre Altesse que le Roy eust usé d'autres termes en son regard ou de Sadicte Majesté, ledict chancellier me requéroit de les asseurer qu’il n’en est rien, comme Vostre Altesse trouveroit aussy de fait par les proposit ions et remonstrances que ledict marquis de Queuvre est enchargé de luy faire, avecq toute la doulceur et modestie dont il se pourra adviser. L’on fait icy courrir le bruit que ledict prince estant venu visiter ledict marquis le lendemain de son arrivée, luy aurait dict qu’il ne luy pourrait donner aucune response sur le fait de sa réconciliation sans en préallable avoir nouvelles d'Espaigne. Mais lesdicts chancellier et Bonœil ne s’y arrestent pas, croyans plus tost que le prince pourrait avoir dict que Vostre Altesse ne résouldra rien sur ce fait, sans estre informée de l'intention de Sadicte Majesté.
JUSTIFICATIVES
J’ay esté bien aise au reste d’entendre d’eulx que le Roy, leur maistre, trouvant fort bonne la courtoisie de la Sérénissime Infante envers ladicte princesse, de luy avoir envoyé des estoffea à se pourveoir d'habits , va perdant l’opinion que luy avoit esté imprimée de l'argent que Sadicte Majesté aurait fait fournir audict prince jusques à douze mille escuz, dont on avoit parlé avecq tant d’affirmation que si on les eust veu compter.
Quant au renouvellement de la neutralité de Bourgoigne, je n’attens que l’instruction de vostre parlement de Dole, trouvant les ministres de par deçà tous prestz et disposez à y vacquer, sans y vouloir apporter aucuns changemens. Et sur ce, baisant très-humblement les mains à Vostre Altesse, je prie Dieu la conserver, Monseigneur, soubs sa saincte protection.
De Paris, le premier de febvrier 1610.
De Vostre Altesse Sérénissime,
Très-humble et très-obéyssant subject et serviteur, P. Pecqüius.
(Suscripiion) : A Son Altesse Sérénissime'.
(Archives de Belgique, négociations de France, 1610-1611.)
1 On lit en marge : Rospondu le x* fébvrier 1610'.
■PIÈCES
4 février 1610. — P. Pecquius à l'archiduc Albert.
(EXTRAIT
Monseigneur, Avecq beaucoup déraison m’escrit Vostre Altesse de ne m'avoir jamais commandé qu'au cas que le prince de Condé ne se soubmeist à demander pardon et retourner en France, j'eusse à donner parole au Roy très chrestien que Vostre Altesse feroit sortir ledict prince hors de ses pays et retiendroit la princesse sa femme par delà ; promesse à laquelle je n’ay aussy oneques pensé. Et c’est pourquoy [j'ay trouvé fort estrange ce que le marquiz de Cœuvre a dit contre ceste vérité, et plus encore de ce que j’ay entendu de don Inigo de Cardenas que le sieur de Barrault , naguère» ambassadeur du Roy de France en Espagne, luy a affirmé d’avoir sçeu de son maistre que Vostre Altesse auroit dit au sieur de Berny que si ce n’eust esté pour considérations d’Espagne, elle eust desjà délivré ledict prince entre les mains dudict seigneur roy, lesquelles inventions ledict don Inigo estime avoir esté mises en avant à desseing d’irriter le Roy d'Espagne contre V. A. S., et eust bien désiré que j’eusse tenu secrètes lesdictes nouvelles de Barrault, ce que toutesfois je ne luy ay pas promis, m’estant d’advis que Vostre Altesse en doibt estre informée, afin quelle voye combien seroit dangereuse la créance de ce que l’on s’aventure icv de dire]. 11 est vray néantmoingz que [plus de quinze jours devant que l’ou eust parlé de faire venir ledict prince à Bruxelles pour traicter de sa réconciliation, Vostre Altesse m’envoya ses lettres] en date du 4 décembre dernier passé, dont la copie va cy-joincte, par lesquelles je fuz adverty de ce qu’elle avoit déclairé
JUSTIFICATIVES
audict sieur de Berny, qu’il pouvoit asseurer ledict seigneur Roy quelle [ne souffriroit que ledict prince feist séjour et moins sa demeure fixe rière les pays de son obéyssance, nvecq commandement qu'elle me feit de me servir de cest advis là et ainsy que je le trouverois convenir; ensuite de quoy j’en diz aussy un mot en passant audict seigneur Roy trois jours après, selon qu’il est apparu par mes lettres du 7» dudict mois ; mais comme le Roy n’en faisoit lors aulcun compte, tout fasché qu’il estoit du passage accordé par Vostre Altesse Sérénissime audict prince, aussy ne m’en a il depuis parlé ny aultre personne que soit. Au contraire, ayant entendu de moy le 29 e dudict mois que Vostre Altesse, pour seconder son désir, estoit contente de s’entremectre au faict de ladicte réconciliation ; il me dit entre aultres choses qu’il seroit bien que Vostre Altesse menaçast ledit prince de le faire incontinent sortir de ses pays, au cas qu’il ne voullust mectre en son debvoir, voire il me requis d’oscrire à Vostre Altesse Sérénissime qu’il la prioit de le faire desloger audit cas, sans faire mention d’aulcune promesse non plus qu’il ne feit en l’audience du 7” du passé, m’ayant lors seulement dit que son intention estoit] arrivant que ledict prince refusast le party à luy offert, que Vostre Altesse ne luy permeist pas la demeure en ses pays, de manière que ce qu’il peult avoir dict au marquis de Cœuvre de ladicte prétendue promesse [ne se peult prendre que pour une cassade *,] ainsi que Vostre Altesse entendra encore mieulx par les rencontres que j’eu en mon audience du jourd’hier, 3 e de ce mois.
En laquelle, après mes remonstrances, courtoisement faites, de la peine prinse par Vostre Altesse et par aucuns de ses ministres à ce commis, pour disposer et induire ledict prince à embrasser ledict party et de la
1 Cassade. — Bourde qu’on invente, mauvaise excuse, défaite. — Littré, Dictionnaire de la langue française.
PIÈCES
sincère volonté qu'a voit Yo 9 tre Altesse de continuer ces bons offices, je diz au Roy que jusques ores l'on n’en avoit pas tiré le fruit que l’on euat bien désiré, le prince prennant pour son excuse la crainte qu’il dict avoir d'estre blasmé de légéreté, s’il retournoit si tost en France, mais qu’il seroit apparent de se résouldre à demander son pardon par escrit et iceluy obtenu, se retirer du gré et consentement du Roy en quelques pays catholicque non subject à Sa Majesté Catholicque ny à Yostre Altesse. Et le Roy [sans me laisser bien achever ce propos, me respondit qu’il y avoit desjà quelque temps qu’il sçavoit ces nouvelles , et que ledict prince avoit bonne raison de demander qu’il luy continuast sa pension pour l’entretenir hors de France, comme s’il avoit cause 80uffis u nte de s'en tenir absent;] que ç'estoit folie de s'y attendre et qu'il ne luy accordepoit jamais pardon, qu’à charge de retourner incontinent en son royaume. Conséquemment il me dit qu’il ne vouloit plus penser 4 ladicte réconciliation, dontledict prince se rendoit indigne par son opiniastreté, mais qu’il estoit [temps de le faire vuider des pays de Vostro Altesse, comme elle avoit promis audict marqui? de le faire, selon ce qu’elle en avoit auparavant faict dire par deçà.] A cette parole, je me retire un pas arrière comme cstonné et demande au Roy si je l’avois. Rien entendu, asçavoir que Yostre Altesse çu.st fait telle promesse audict marquis, U me le répété et confirme. Et sur ma repartie que Voatre Altesse ne m’en avoit pien escrit, le Roy voyant que je n’en voulois rien croyre change aussy tost de langage et me diçt ces mots : Non, je m’abuse, je me mesprens, le marquis ne me l’a pas escrit ainsy, [mais ne m'avez-vous pas dit ci-devant que je m’asseurasse qu’il n’y auroit pas de difficulté en cela si le prince vouloit demeurer obstiné.] Je respons qu'il me l'avoit proposé peu devant le Noël, et que je m’estois chargé d’en donner advis à Yostre Altesse,
justificatives.
comme j’avois fait, pour attendre là-dessus sa response en temps et lieu, laquelle je n’avois pas encore reçeue et n'en estoit pas esmerveillé, puisque le point de la réconciliation n’estoit encore failly, le priant de considérer si [sans avoir nouvelles de mon maistre, je pouvois avoir engagé ma parole en cest endroit.] 11 repart : « puisque t vous désadvouez cecy, je voy bien que l'archiducq n’a t point d'envie de me faire du plaisir, mais que ce sont < de piperies dont vous avez usé jusques à présent. « Bien ; chacun verra ce qu’il aura à faire. » Et quoyque j’aye depuis protesté au contraire et affirmé fort et ferme la sincérité de l’intention de Vostre Altesse, et la candeur de mes paroles, le Boy est toujours demeuré en son propos. En quoy, avant que passer outre au récit du surplus de ladicte audience, je ne fay doubte que Vostre Altesse ne remarque évidemment [l'artifice dont le Boy s'est servy, pensant m’attirer dans se3 filletz, et me traîner à quelque confession de promesse dont je me suis bien gardé, par ce que de vray, tant s’en fault que j’aye faict celle par luy] advancée, qu’au contraire je ne luy ay rien dit jusques à présent de l’intention do Vostre Altesse sur ledit point par luy proposé. Et quant à ce que le 7* dudit mois de [décembre dernier, j'ay coulé en mon discours sur le pied desdictes lettres' de Vostre Altesse du 4*. 11 n’a rien de commun avecq ladicte proposition qui n’estoit lors encore faicte ny 16 jours après ; et d'ailleurs ce n’est pas sur cela que le Boy veult fonder son dire,] tellement qu’il n’y a pas de subject de s'en meetre en peine.
Et pour faire veoir tant plus clèrement à Vostre Altesse le peu de fermeté qu’il y a [audict propos du Boy, il me voulut faire à croyre que Vostre Altesse] en acceptant le premier des trois points de sa proposition faite ledict 19 de décembre dernier, qui estott de faire venir ledict prince à Bruxelles pour le traitté de sa reconcilia-
sot
PIÈCES
tion, s’est quand et quand engagée et obligée à l’accomplissement des deux autres, lequel argument je souluz aiséement en luy disant que lesdicts points estoient tous différents et proposez chacun à part soy et nullement il condition de les accepter ou refuser tous ensemble, dont il n’avoit esté sonné mot. Et à tant, laissant cette dispute, je demanday au Roy si ledict marquis de Cœuvre avoit requis Vostre Altesse de faire sortir ledict prince de ses pays et ce quelle y avoit respondu. Surquoy, comme il m’eut dict que ledict marquis en avoit parlé 6 Vostre Altesse et qu’elle avoit prins jour pour y respondre, je réplicquay qu’il n’avoit pas doncq d’occasion de se plaindre que Vostre Altesse n’en voulust rien faire, mais qu’il falloit attendre sa response après qu'elle aura essayé si par la continuation et recharge de ses bons offices, elle ne pourra rien gaigner sur ledict prince pour le faire retourner en France. Et le Roy persistant & maintenir que Vostre Altesse tascheroit de tirer la négociation ii la longue, en attendant nouvelles d’Espaigne, et enfin de compte n’en ferait rien, me dit qu'il remanderoil ledict marquis de Cœuvre et que mesmement, il ne se soulcioit pas si ledict prince demeurant obstiné, se tenoit en Espaigne, en Flandres, en Allemaigne, ou en quelque autre pays, puisque Sa Majesté Catholicque le pourrait entretenir quelque part qu’il fust, soubs attente de se prévaloir un jour de sa personne, pour troubler la France. A quoi je respondiz que les effectz rendoient desjà assez de tesmoignage combien la volonté de Sadicte Majesté estoit esloignée' de tel dessein, attendu qu’elle désirait conjointement avecq Vostre Altesse que ledict prince s'en retournast réconcilié en sa patrie, dont je disois estre bien certain. Mais le roy ne le voulut croyre, disant quo ce n’estoient que bons semblans, et que néantmoins il avoit enehargé son ambassadeur en Espaigne d’en parler à Sadicte Majesté, pour sçavoir si elle se vouldra rendre
JUSTIFICATIVES
raisonnable en ce subject, dont il avoit tant plus de cause de doubter que ledict prince a parlé à don Pedro de Toledo en cette ville, et depuis audict don Innigo peu de temps devant sa retraite, comme il disoit en avoir des advis très asseurez, joint que ledict prince a dict audict marquis ne pouvoir respondre sur ses propositions, qu'il n’eust premièrement lettres d’Espaigne, et qu’il est aussy tout cognu que Sadicte Majesté luy a desjii fait donner de l'argent dont il a fait des payemens à ses gens jusques à deux mille escuz en espèces de ducatons, à propos de quoy le roy me ramentent en outre que le marquis do , Guadaleste luy avoit confessé d’avoir offert deniers audict prince, et que le marquis de Spinola avoit fait de mesme, tenant le Roy pour chose frivole que ledict prince, nécessiteux qu'il est, eust refusé de telles offres. De toutes lesquelles choses, j'ay tasché de desabuser le Roy par tous les moyens dont j’ay peu m’advisez, mais avecq peu d’effect, du moins selon la mine qu’il en faisoit. Et sur ma remontrance itérative qu’ayant ledict prince son pardon par escrit et jouyssant de sa pension en quelque pays neutre, l’on pourrait espérer avecq le temps de le retirer de là de son bon gré, pour le remettre en cette cour, le roy me respondit de rechef fort résoluemeut qu’il ne luy donnerait jamais pardon qu’en France ou pour y venir.
Au regard de ladicte princesse, il ne m’a dit mot d’aucune promesse de la retenir par delà, bien m’a il parlé des mauvais traittemens qu’elle reçoit dudict prince son mary, qui pourraient donner matière au connestable son père, et qu’il espéroit que si ladicte princesse se jectoit aux pieds de la Sérénissime Infante, pour estre soulagée de tant d’afflictions, elle ne luy dénierait pas son assistent, à fin de luy moyenner plus de repos. Disant aussy [que ledict marquis de Spinola s’eust bien peu passer de certain propos par luy tenu qu’il sembloit que l’on vou-
PIÈCKS
loit faire la Sôrénissime Infante Aloahv.es 1 de ladicte princesse;] de quoy je disois n’avoir rien entendu et croyre qu’il adjoustoit peu de foy à semblables rapports. Voulant sur ce bien dire ii Vostre Altesse que ledict connestable ne cesse de lamenter et déplorer la fortune de sa fille ; de sorte que l’on a compassion de le veoir en telle destresse, sans néantmoins que je sçache ny croye que pour le présent, il désire le retour de sadicte fille ea France. Et quant à la duchesse d'Angoulesme, il est facile de la ranger aux desseingz du Roy, son grand aage
commençant h luy esbransler le jugement s De là.
tombant sur les affaires de Juilliers, il me dit que larchiducq Léopold fait par fois démonstration de vouloir entrer en traitté d’accord, mais que cependant il fait surprendre des places qu’il ne peult garder, ains y laisse massacrer ses soldats à crédit, et qu’enfin l’on verra que l’Empereur a prins un très mauvais chemin, aveeq ceulx qui l’assistent. Je respondiz qu’il falloit en laisser convenir les Allemans entre eulx, et que Vostre Altesse demeuroit résolue de ne s’en mesler point comme ne feroit aussy Sadicte Majesté Catholique, s’il s’en abstenoit.
A quoy il répliqua en ces termes : « Qu’ils s’en meslent « ou qu’ils s’en abstiennent, comme ilz vouldront, je ne « laisseray pas de m’en mesler, » et d’autant que cela partoit d’une humeur altérée et énaigrie, je glissay ce point sans contredict voyant qu’il n’en estoit pas temps.
Finalement, retournant le roy & parler dudict prince, il me raconta que depuis peu de jours, l’on avoit amené en cette ville sept prisonniers, tous Huguenots, chargez de la conspiration descouverte, il y a deux mois au pays de Poittou, desquelz les deux ont desjé confessé d’avoir eu de l’intelligence aveeq ledict prince, de quoy je me
1 A Icahues, entremetteuse. Locution familière espagnole.
' Le Roi s'informe ensuite si les députés de Son Altesse, sont de retour de Hollande.
voûtais servir pour monstrer qu’il y avoit tant moins d’apparence de souhçonner que ledict prince eust des pratiques en Espaigne, et que s'il debvoit arriver du trouble en son royaume, ce seroit plus tost par les Huguenots que par autres. 11 répartit qu'il se tenoit fort asseuré du costé des Huguenots, et qu’ainsy qu’ilz luy ont tousjours esté très-loyaux, ils le seroieut de mesme à son daulphin, qu'il me monstroit & la main, mais que si les Espagnols entretenoient ledict prince, il n'auroit de quoy les tenir pour amys de son repos. Et après que je l’eusse prié de se despouiller de telles impressions et particulièrement de faire estât que Yostre Altesse continuera toujours & luy faire paroistre combien elle désire de le veoir content ù l'endroit dudict prince, il me respondit, pour fin de l'audience, que si bien tost ledict prince luy vouloit demander pardon, il le luy accorderait pour le respect de Vostre Altesse aux conditions susdictes et non autrement, protestant que telle estoit sa dernière résolution.
J’ay depuis ladicte audience veu le sieur de Villeroy, lequel informé de ce que s’y estoit passé, me dit que je debvojs prudemment supporter lés humeurs à moy cognues du Roy, son maistre, qui ne pouvoit digérer ny dissimuler le desplaisir infiny qu’il a de l'opiniastreté dudict Prince, et que pour toutes les responses et réparties un peu brusques qu’il m’avoit faites, il ne falloit pas délaisser les bons offices commencez pour la réconciliation dudict Prince, y adjoustant que je pouvois desjà avoir remarqué et trouvé par expérience que fie Roy est bien prompt de paroles et lent d'effectz, et qu'il nous failloit regarder de demeurer en paix, à quoy il tiendrait tousjours la bonne main , me sommant de faire do mesme. Il me confessa aussy ne sçavoir que j’eusse faict aulcune promesse ny engagé ma parolle touchant ledict poinct de faire sortir ledict prince hors des pays de
PIÈCES
Vostre Altesse, mais qu’il croyoit qu’icelle Vostre Altesse seroit plus aise de l’en veoir dehors que dedans, et qu’enfin elle se résouldra de le faire renvoyer courtoisement à Couloigne, d’où il est venu ; puis mesmement que le sieur de Vendegies a déclairé audict marquiz qu’il espéroit que Vostre Altesse donneroit contentement audict seigneur Roy au regard dudict poinct, mais qu’il y auroit de la difficulté en l’aultre, concernant la rétention de ladicte princesse. Au reste, il me semble que l’on attendra icy nouvelles d’Espagne, et que cela peult servir à Vostre Altesse pour tenir l’affaire eu surséance, si elle le trouve bon estre.] Surquoy luy baisant très humblement les mains, je prie Dieu la conserver à longues et heureuses années, Monseigneur, soubs sasaincte protection
De Paris, le 4 febvrier 1610.
De Vostre Altesse Sérénissimc, Très humble et très obéyssant subject et serviteur, P. Pkcquius.
(Suscription) : A Son Altesse Sérénissime
(Négociations do France, 1610-1611).
4 février 1610. — P. Pecquius au sieur Praets, secrétaire P État.
(COPIE
Monsieur, vous verrez par la ci-joincte à Son Altesse de ce jourd’hui la belle trousse, certes indigne d’un Roi, si dicere fas est, que l’on m’a voulu donuer : mais la force
1 On lit en marge : Rcspondu le 10 febvrior 1610.
JUSTIFICATIVES
de la vérité est telle que celui qui lui tend le piège tombe toujours en la fosse; et quelle apparence, je vous prie, d'avoir respondu affirmativement à telles propositions, sans ordre du Maistre, et mesmement avant de lui en avoir donné advis que s'il estoit besoing de tesmoings j’en trouverois en bon nombre et de grande qualité, qui diroient la difficulté que j'ai trouvée ès deux derniers points, par manière de discours particuliers, soubs protestation de ne scavoir quelle estoit la volonté ni mesme l'inclination de S. A. en cest endroict; m'aiant quant au dernier toujours semblé qu'il n’y avoit ni rime ni raison et qu’il ne se pouroit faire que par moyen d’un divorce, hoc Ithacus velit etc; puis à quoi bon tant de ressentimens que l’on n’a encores faict sortir le Prince hors de noz pais si tant est que l’on ne se soulcie point, soit qu’il face sa demeure eu Espaigne, en Flandres, en Allemaigne ou aultre part? mais je suis j à tant bercé de telles boutades qui ont aultant de durée que le vent. Cependant j’ai remarqué à mon regret en la dernière audience que la passion pouroit bien engendrer des effects peu agréables si l'on n’y pourvoit; et si le Roi eust gousté la retraicte du Prince en païs neutre, moicnnant son pardon et entretenement nous eussions eu de quoi remercier Dieu; mais il en est arrivé comme je craignois par les conjectures résultantes de propos précedens tenues sur ceste matière, aultrement je n’eusse pas esté en peine do me servir dextrement de l’expédient mentionné ès vostres, sans qu’il fust venue à la cognoissance de don Inigo, lequel se promet fermement que S. A. resouldrarien sur ces affaires sans aultres nouvelles d’Espaigne ; Dieu veuille quelles soient telles que requiert le repos publicq de la Chrestienté. L’on me rapporta hier que le Roi très chrestien peu d’heures après mon audience assembla sou conseil en l’arsenal, et que le duc de Sully a dit bien scavoir que l’on y résolut la
PIÈCES
guerre, et qu’eusuite le Roi lui avoit commendô de s'en retourner en son gouvernement et aux aultres gouverneurs de provinces ès leurs : toutesfois je n’en asseure rien, ces gens là parlent selon leurs désirs. Le Roi m’a pressé île lui dire si le marquis Spinola partiroit bientost pour l’Espagne, puisqu’il en avoit la permission de 8a Majesté, et qu’il y avoit plusieurs advis de Bruxelles qu’il se doibt mettre en chemin au commencement de caresme prochain ; h quoi je respondis que cela dépendrait de la volonté de S. A. selon la disposition du temps, et des affaires: responce qui sembloit lui desplaire, je ne scay pourquoi ; vous en pourez dire ung mot à S. A. si le jugez ii propos.
Ecrit de Paris, le 2 febvrier 1610.
Vostre bien humble et zélé serviteur, PBCQUIU8.
(Archive* dn royaume, correspondance do Rome.) 1
— -> iJOJop
10 février 1610. — Les archiducs à Pierre Pecquius.
(■IHIITE.)
Les Archiducqz, etc.
Cher et féal, Voz deux dernières du premier et mi» nous sont arrivées le vr de ce mois, ausquelles respondans, vous dirons que nous avons volontiers veu les
1 Cahier de quelques feuilles renfermant copie de quelques pièces relatives au prince de Condè, et dont les premières, adressées à Herman d'Ortcmberg, ambassadeur à Rome, l'ont fait classer dans un des volumes des Négociations de Rome. La fidélité avec laquelle sont copiées dans ce cahier les pièces dont nous possédons l'original, nous semble une garantie de l’authenticité des autres.
JUSTIFICATIVES
SU
raisons que vous avez représenté par vostre dernière, pour monstrer combien le marquiz de Coeuvre s’est forcompté à nous dire ce que contient nostre précédente du xxx" du mois passé ', de la parole qu'auriez donné au Roy très-chrestien etc.; lesquelles raisons avons trouvé aultant apparentes que pertinentes, s'y que nous en sommes fort satisfaitz. Aussy pensions-nous bien qu’il y debvoit avoir de l'abus dudict marquiz en cest endroit, bien asseurez que n’auriez mancqué de nous en advertir par aulcunes de voz précédentes, aussy ne debvois servir ce que vous en avons mandé par ladicte nostre du xxx" que pour vostre information, et pour en désabuser ledict seigneur Roy etceulx de ses ministres qui pourroient vous en parler, ainsy que l’avez faict discrètement en vostre dernière audience.
Quant à l’opinion que ledict seigneur Roy monstre avoir ferme que Sa Majesté aurait faict secourrir d'argent au prince de Condé, vous luy avez dit ce qu'en est à la vérité, par ce qu’il n’en a jamais receu au compte de Sadite Majesté ny le nostre. Vous luy avez de mesmes bien dit sur les discours qu’il vous a faict des affaires de Juilliers, la vérité estant que Sadicte Majesté ne pense de s’en mesler non plus que nous si luy s’en abstient, ensuite du concert sur ce passé en Anvers, entre les présidens Richardot et Jeannin*, duquel nous n’entendons nous départir 3 .
A tant, etc.
A Bruxelles, le x e febvrier 1610.
A Pbcquius.
(Correspondance do Rome.)
1 Cette lettre ne s’est pas retrouvée.
* C'est à Anvers que le président Jeannin avait négocié avec les envoyés de l’Archiduc la trêve de douze ans qui fut signée en juin 1609.
s La lettre se termine par des recommandations au sujet du dilférent touchant les limites du duché de Bourgogne.
P1ÈCE8
1 0 février 1610. — P. Pecquius à l'archiduc Albert.
Monseigneur, Adverty que je fuz hier par un gentilhomme du connestable de France qu'il désiroit me venir veoir avecq la duchesse d’Angoulesme, je me rendiz peu d'heures après chez luy pour les soulager d’incommodité, selon le respect que méritent leurs qualitez et aages. Le propos y fut commencé par la recognoissance que feit ladicte duchesse en termes bien amples, d'estre trèsestroitement obligée à Vostre Altesse et à la sérénissime Infante des honneurs etbon3 accueils dont il leurplaist de favoriser la princesse de Condé, quelle disoit tenir pour sa fille propre, comme l’ayant eslevée par la permission dudict connestable son père, et luy tenu lieu de mère, ainsy quelle feroit encore à toutes occasions, me priaut d’asseurer Vostre Altesse et la sérénissime Infante qu’il n’y a chose quelle ne face très-volontiers pour s’employer très-humblement à leur service, et qu’elle estime tant leur dict bienfait, que si ce n’estoit sa grande vieillesse elle entreprendroit le voyage de Bruxelles pour leur en aller baiser les mains, dont elle disoit ne quitter pas encore du tout le dessein. Le connestable usa pareillement de toutes sortes de remerciements, submissions et offres de son service, ne tesmoignant pas seulement par ses paroles, mais encore par ses gestes et par sa face d’y estre porté d’une singulière cordialité. Puis ilz se meirent à regretter l’infortuné mariage de ladicte jeusne princesse, la qualifians un enffant et protestèrent d’y avoir presté leur consentement à contrecœur pour ne désobôyr à la volonté du Itoy très-chrestieu, avecq déclaration que feit ledict connestable, qu’il eust beaucoup mieulx aymé donné sa fille à quelque honneste gentilhomme de deux mille escuz de rente, qu’au prince de Condé, par ce qu’estant assez informé de ses humeurs
JUSTIFICATIVES
et conditions, il ne S'en promettait pas de contentement, sans toutesfois avoir jamais pensé qu’il se fustjecté aux extrêmitez où il se voit plongé à présent, ny qu’il eust tenu telle indiscrétion et rudesse à sa femme, comme il fait de plus en plus ; en quoy disant par ledict connestable, les larmes lui-vindrent aux yeux, et bien qu’ayant le courage ainsy attendry, il se retinst de spécifier les mauvais traittemens que reçoit ladicte princesse, dont luy et ladicte duchesse croyoient que j’eusse ja les nouvelles particulières. Ilz ne sçeurent toutesfois me réceler ce qu’ilz disoient avoir apprins par lettres bien fraisches que ladicte princesse est rabrouée par ledict prince son mary de ce qu’elle ne caresse pas assez le marquis de Spinola, et que, puis peu de jours en ça, un sien gentilhomme, nommé Rochefort, entrant en la chambre de ladicte princesse, où estait aussy celle d’Oranges, tira en leur présence et à leur grand effroy de coupz de pistoletz, dont il va gamy en ses poches, et dit que c'estoit pour quiconque vouloit du mal au prince, son maistre. Ilz me dirent ensuyte qu’à ce qu’ilz avoient entendu, il y restait peu d’espérance que ledict prince se voulust recognoistre pour demander pardon et s’en retourner en France, et que la plus grande crainte qu’ilz avoient, c'estoit que partant de Bruxelles, il ne contraignit ladicte princesse de vagabonder misérablement parmy le monde avecq luy. Pour à quoy obvier, ilz me requirent tous deux fort instamment et d’une façon pitoyable, de supplier Vostre Altesse et la Sérénissime Infante d’avoir compassion d’eulx et de ladicte princesse et de la recevoir bénignement lorsqu’elle se viendra jecter à leurs pieds pour n’estre abandonnée à tel malheur, divans qu’ilz seroient très contens qu’elle demeurast au service de la Sérénissime Infante entre les moindres de sa cour, et mesmes ledict connestable qu’il aymeroit beaucoup mieulx d’ouyr les nouvelles de sa mort que d’entendre
PIÈCES
qu’elle fust emmenée en autres pays estrangers par ledict prince.
Mes responces à ces discours furent consolatoires en la meilleure forme que je peuz ad viser, nvecq affirmation que Vostre Altesse et la Sérénissime Infante sont du tout disposées à gratifier et faire plaisir tant à ladicte duchesse et audict connestable qu’à ladicte princesse, l’ayant prinse en affection pour ses qualitez, vertuz et bonnes grâces, et quelles feront tousjours très-volontiers en son endroit ce que la raison et la réputation leur permettront de faire; mais qu’il falloit considérer que par les lois divines et humaines les femmes sont subjectes aux commandemens de leurs marys, et d’estre compagnes de leurs fortunes et adversitez, s'il n’y a raisons fort urgentes pour les en excuser, dont je disois qu’au cas présent ce n’estoit à faire à Vostre Altesse de prendre cognoissance, ny si ladicte princesse vouloit délaisser son mary ou point.
Sur quoy ils repartirent d’estre fort asseurez que s’il plaist à Vostre Altesse se laisser informer des rudesses, mauvais traittemens et autres causes de grand poids qui les meuvent à désirer que ladicte princesse soit retenue par de là, elle trouvera leur désir très juste et très légitime, et cognoistra aussy que ladicte princesse n’a rien plus en appréhension et horreur que d’estre forcée à s’en aller courir le monde avecq sondict mary, me requérans fort chaudement de croyre que ce qu’ilz en disoient partoit du fonds de leurs cœurs et libres volontez, sans m’arrester aux bruits que ledict prince va semant, que ce ne sont que mines qu’ilz en font pour complaire au Roy très chrestien, ce qu’ilz affirmoient n’estre ainsy, mais que les effetz feront tousjours foy du contraire, voire mesme que la plus grande félicité qui leur pourroit maintenant arriver en ce monde, seroit de rencontrer la volonté de Vostre Altesse favorablement encline à prendre ladicte princesse en sa protection, sans
JUSTIFICATIVES
la laisser tirer de là contre son gré. Je ne me vouluz pas enquérir plus avant des circonstances de leurs intentions ny sur quel pied ilz vouloient laisser ladicte princesse en la cour de Vostre Altesse, ains me contentay de leur dire que j’avois fort bien comprins tout ce qu’ilz m’avoient représenté, et que je ne fauldrois d’en donner advis particulier à Vostre Altesse, avecq souhait que Dieu leur feist la grâce de les rendre contens et de conduire l’affaire dudict prince à telle fin, que le Roy très chrestien et Vostre Altesse restassent satisfaits de leurs bons désirs. Là-dessus, ledict connestable m’embrassant à diverses fois, me pria et repria, tant en la présence qu’en l’absence de ladicte duchesse, d'avoir le fait de ladicte princesse en recommandation, accompagnant tousjours ses paroles [de tant de gravité et naïfveté, que je n’y peuz pour lors remarquer aulcun indice de parence artificiele, quoyque j’y prinse regard de près. Aussy m’a il esté rapporté de bonne part que maistre Nicolas Le Febvre, personne digne de foy, ci-devant précepteur dudict prince, a dit bien sçavoir que ledict connestable désire véritablement que ladicte princesse se sépare de son mary, mais que l’admirai de France, son frère, n’est pas de tel advis.] J'ay eu des advertences conformes de diverses parts, que, le propre jour de ma dernière audience, le Roy très chrestien assembla son conseil de guerre à l'arsenal, demeure du ducq de Sully, et y résolut de rompre avecq Sa Majesté Catholique et Voatre Altesse à la première opportunité, au cas que ledict prince ne s’en retourna en France. Toutesfois, je n'en assure rien, et d’autant moins que comme le jourd'hier estant en discours avecq le sieur de Villeroy je luy touchay un mot du bruit qui courroit de ladicte mauvaise résolution, dont je raonstrois de faire peu de ca3, il me respondit qu'il estoit bien vray que ledict jour après raidy l'on avoit tenu le conseil de guerre audict lieu, mais que l'on n’y avoit fait mention quelconque en bien ny en mal dudict prince, et
PIÈCES
moins de rompre avecq nous, me disant que j’en pouvois estre à repos sur sa parole.
[Une chose, à ce que j’ay pénétré, peult-on à présent tenir pour toute certaine, à mon grand regret, que leJRoy de France, après longue délibération a reSoulu, quoy que ci-devant l’on en ait doubté, d'assister les princes de Brandebourg et de Neubourg contre Sa Majesté Impériale et le fera bientost ; quelques ungs m’ont voulu faire acroire qu’il fera marcher à enseignes desployées vers Clèves un ost de quatre mille François et de sis mille Suysses fantassins avecq mil cincq cens cbevaulx, mais il m’est advis qu’il n’y envoyera jamais telles trouppes qui seroit de trop grand ombrage aux voisins, ains que son secours ira couvertement ii divers temps sur le modelle de ceulx ci-devant envoyé aux Estats des Provinces-Unies, lesquels y contribueront aussy leurs moyens, si ce qu’en dit Artssen 1 entre les siens mérite créance. Veuille le bon Dieu que ce ne soit un funeste rejecton de notre guerre. ]
L’on tient icy que le Roy très chrestien a prins résolution de faire procéder au couronnement de la Reyne, incontinent après les Pasques prochaines, et aussy aux cerimonies des baptesmes de ses trois derniers enffans. Telles résolutions changent souvent de jour. Je baise sur ce très humblement les mains à Vostre Altesse et prie Dieu la conserver à longues et heureuses années. Monseigneur, soubs sa saincte protection.
De Paris le 10 febvrier 1610.
De Vostre Altesse Sérénissime,
Très humble et très obeyssaut suhject et serviteur, P. Pecquius.
(Suscription) : A Son Altesse Sérénissime* .
(Négociations de France 1610- 1611.)
1 Artssen, ambassadeur des Provinces Unies, à Paris.
* On lit en marge : Respondu le xv* febvrier 1610,
JUSTIFICATIVES
13 février. — Les Archiducs à Pecquius.
(MINUTE
Lk8 Aechiducqz, etc.
Cher et féal, Vous aurez entendu par nostre précédente, que vous avons despesché par un exprès la nuict passée, l'intention et résoulution du prince de Condé de se retirer hors de noz pays de par deçà, et la nostre de, à sa réquisition, recepvoir en nostre maison la princesse sa femme. La présente vous advertira que le mesme prince nous est ce soir venu advertir qu’il estoit bien informé que nombre de François estoit arrivé en ceste ville, à desseing de luy enlever par force la susdicte femme 1 , nous réquérant qu’il nous pleust pourveoir à sa seureté puisqu’il s’estoit venu rendre à nostre protection et sauvegarde. Quoy considéré, et que d’ailleurs nous avons sçeu que de faict l’on a veu fréquenter en l’hostel de Nassau (où il est logé) plusieurs François incognuz armez de pistolés, il nous a semblé que ne pouvions excuser de, selon la demande dudict prince, envoyer audict hostel aulcuns soldatz de nostre compagnie de garde, avecq quelques bourgeois des Ghuldes, faisans garde ordinaire en nostre palais, afin que ne luy arrivast aulcun mal ; dont estant advertiz, lesmarquisde Cœuvreetsieurde Bernynoussont à l’instant venuz trouver, se plaignans desdicts gardes, comme si elles y fussent envoyées pour tenir comme prisonnière ladicte princesse, et voire soubçonnans que
1 Les mots en italiques sont la traduction d’un renvoi en espagnol écrit en marge ; au lieu de cette phrase la minute portait d’abord : de le massacrer.
PIÈCES
l’on la vouloit envoyer en Espagne, prins occasion du courrier nouvellement en venu, et encore que nous avons procuré de les en désabuser, leur disans ce qu’en est à la vérité et que nous pensions de l'accommoder demain en nostredicte maison (ainsy que Dieu aydant nous sommes résouluz de faire) ; si estre que nous avons voulu que fussiez adverty de tout ce que dessus par le menu, afin qu'en donniez incontinent compte à ceulx des ministres du Roy très-chrestien que trouverez à propos pour les prévenir de la vérité de cest accident contre les advertissemens à ce contraires qu’en pourraient donner lesdicts ambassadeurs. Et Dieu vous ait, cher et féal, en sa continuele garde.
A Bruxelles, le xiu'de febvrier 1610.
(Négociations deFrance, 1610-1611.)
14 /étrier 1610. — P. Pecquius à l’archiduc Albert.
Monseigneur, Huit jours après ma dernière audience, le nonce de SaSaincteté, adverty d’une partie des discours y tenuz, en feit resouvenir le Roy très-chrestien, qui luy respondit soubdain que nous estions départis un peu malcontens l’un de l’aultre, pour une chose par luy affirmée que j’avois voulu nier, mais que cela estait passé, et que j’estais homme de bonne intention ; glissant ainsy tout doulcement la prétendue promesse touchant le deslogement du prince de Coudé, dont il avoit fait si grand levée. Il en a dit autant en substance au baron de Bonœil, mais que ma bonne volonté estait traversée par les Espagnols, sans qu’il ayt donné mot non plus audict
JUSTIFICATIVES
nonce qu’au dict de Bonœil d'aucune parole que Vostrc Altesse auroit donnée au sieur de Berny de ne souffrir que ledict prince feist résidence en ses pays. Bien m’a dict le nonce [d’avoir reçeu de Rome la copie d’une lettre de Vostre Altèzc, escrite à l'auditeur Ortembergh 1 contenant qu’elle avoit déclaré quelque chose de semblable audict de Berny, de laquelle lettre toutesfois il m’asseura de n’avoir faict ny vouloir faire icy aulcune mention]; et, à ce qu’il raconte, le Roy très-chrestien monstrant de se ressentir de plus en plus des propos dudict prince tendans au préjudice do la Royne et du daulphin, luy a dict que si un vassal de Vostre Altesse parloit si mal d’elle ou de la Sérénissime Infante, il ne le souffriroit en son royaume, et quenéantmoins si Vostre Altesse refuse audict prince le séjour en ses pays, il le tiendra à plaisir, et comme fait par manière de gratification et non pour acquit d’aucune obligation; mais qu’au cas que ledict prince demeure es Pays-Bas, ou bien qu’il s'en aille en quelque estât subject à Sa Majesté Catholicque, ou soit entretenu ailleurs par icelle, il y aura trop d'ombrages pour se pouvoir garder de rompre. Ledict nonce m’a aussy parlé d’avoir sçeu par lettres de celuy résident par delà, que l’on avoit proposé audict prince de se rendre en France pour un mois ou six sepmaines, afin d’y traitter sa réconciliation , en laissant cependant à Bruxelles la princesse, sa femme, et le marquis de Cœuvre pour ostages de la parole et foy du Roy, jugeant le nonce que le prince a esté fort mal advisé de n’avoir embrassé cet expédient, et qu'il le debvroit encore faire. Je luy ay respondu que je n'en avois rien ouy ne voyois comment cela eust peu réussir. L’on veult asseurer que le Roy très-chrestien est sur le point d’envoyer en Allemagne, vers les trois Princes électeurs ecclesias-
1 C'est la lettre du 4 décembre 1609, X.
PIÈCES
tiques, le président de Fresne Cannaye, de son conseil d'Estat, cy devant son ambassadeur à Venize, ii dessein de destourner lesdicts électeurs de la ligue des princes catholiques Allemands, dont, je suis bien informé, qu’il est en grande appréhension et alarme, prévoyant qu'il en naistra non pas une guerre de Cleves, mais une guerre de religion, capable d’embrasser toute la Chrestienté, et pour mieux attirer lesdits Electeurs à son désir, il leur fera offrir de se rendre garant que si les Princes héréticque3 parviennent h la succession des pays de Juilliers, Cleves et autres contentieux, il n’y aura aucun changement au fait de la religion. Je suis adverty en outre que Sa Sainteté a donné charge à son Nonce résident & Prague, de proposer à l’Empereur une assemblée des ambassadeurs des Roys d’Espaigne et de France, de Vostre Altesse, et d’autres Princes avecq ceulx de Sa Majesté Impériale, et des Princes prétendans droit h ladicte succession, pour essayer d’accommoder les affaires par voye amiable, dont le Roy très chrestien se resjouit, en ayant eu les nouvelles tant dudit Nonce résident par deçà que de son ambassadeur h Rome ; mais au deffault dudit accommodement, il a dict clerement audict Nonce, qu’il envoyera gens au secours des Princes de Brandenbourg et do Neubourg et se rendra en personne en la ville de Metz, ou en quelque autre place de la frontière, après le couronnement delà Royne, pour estreplus prèz à lamain. Lequel secoursl'ontientqu’il donnera à ses fraiz, soubspromesse queluy ont fait lesd. Princes avecq leurs adhérans de l’assister réciproquement de dix mille hommes payéz quand il en aura besoin. Le bruit est par-icy que le Roy a receu nouvelles que les gens du marquis de Brandenbourg ont puis n’aguierres destroussé quelques chariotz venans de Coloigne, chargez de baies de marchandises, dans lesquelles estoient cachez quatre vingts mille écus d’Espagne remis par change d’Anvers pour
JUSTIFICATIVES
l'archiducq Léopold, que l’on dict estre argent d’Espaigne, mais je ne veulx croyre ny l’un ny l’autre. Et baisant sur ce très-humblement les mains à Vostro Altesse, je prie Dieu la conserver à longues et heureuses années, Monseigneur, soubs sa saincte protection.
De Paris, le 14 febvrier 1610.
De Vostre Altesse Sérénissime,
Très-humble et très-obéyssant subject et serviteur, P. Pecquius.
(Suscription) : A Son Altesse Sérénissime
(Négociations de France 1610-1611.)
15 février 1610. — Les Archiducs à P . Pecquius.
(MINUTE
Les Abchiducqz, etc.
Cher et féal , Ceste vous advertira de la réception de vostre dernière du x” de ce mois, nous donnant compte par le menu des propos que vous ont tenu le connestable de France et la duchesse d’Angoulesme, sur le faict de la princesse de Condé, laquelle est hier soir entrée en nostre maison avecq démonstration et grande satisfaction sienne et du prince son mary; sy sommes-nous bien joyeux que ceste résolution nostre , occasionnée au moyen qu’auriez entendu par nos deux précédentes, soit tant conforme au désir desdicts connestable et duchesse,
1 Oa lit en marge : Respondu le xxu* febvrier 1610.
PlèCEP
comme le contient ladicte vostre, et de laquelle vous debvez au plustost advertir l’un et l’aultre et les asseurer de nostre part que nous serons tousjours désireux de nous employer en toutes occasions que croyrons leur debvoir apporter du contentement et plaisir, et que soignerons particulièrement que ladicte princesse soit traictée et régalée chez nous le plus que faire se pourra. Au reste, nous avons volontiers entendu le surplus do vos nouvelles. Et Dieu vous ait, etc.
A Bruxelles, le 15 de febvrier 1610.
(Suscription) : A Pecquius.
(Négociations de France, 1610-1611.)
16 février. — Le secrétaire (T État P rats à P. Pecquius.
(MINUTE
Monsieur, Par la pénultième de Son Altèze du xur de ce mois, aurez-vous entendu comme elle auroit esté occasionnée d’envoyer quelques soldatz de sa compagnie de garde avecq aulcuns bourgeois des Ghuldes à l’hostel de Nassau, sur l’advertissement que luy avoit donné monsieur le prince de Condé d’une partie de François dressée pour voler et emmener en France madame la Princesse sa femme, lequel auroit du depuis tellement esté circonstantié mesmes par tesmoingz oculaires, que raisonnablement Son Altesse auroit esté rneue d'en soupçonner et voire d’en croire quelque chose, et dont vous aurez suyvant son ordre donné compte à ceulx des ministres du Roy très chrestien qu’aurez trouvé convenir
JUSTIFICATIVES
et procuré de les prévenir de la vérité du faict contre les jugemens et discours contraires que vraysemblablement luy auront envoyé messieurs les marquis de Cceuvre et sieur de Berny, par ce qu’ils n’ont pas trouvé bon que ladicte dame entrast en cour après luy avoir esté donné garde audiet hostel de Nassau, l’interprétans sinistrement et comme si cela luy tournast à deshonneur et fut une espèce de violence et de prison, ainsy qu’a dit ledict sieur marquiz à monsieur le baron de Havesquerque, qui le luy a débattu par des solides raisons et monstré que l’on ne luy a miz garde pour la prendre ny pour s'asseurer de sa persone, mais pour asseurer sa persone, et ainsi fut la garde commise à monsieur le prince d’Orreuges pour ainsy icelle asseurer sa maison comme luy semblerait mieulx convenir, auquel effect fut ordonné aux mesmes gardes de faire ce qu’icelluy seigneur prince leur commanderait, de façon que cela ne pouvoit aucunement estre cause pour penser que l’on prétendoit de faire quelque force à ladicte dame princesse, puisqu’il estoit certain quepour cela n’estoit requist plus de garde que celle que ledict seigneur prince son mary luy eust voulu faire ; concluant ainsi ledict sieur baron de Havesquerque, que le plus acerte estoit que ladicte dame princesse entrast au palais, tant pour le danger qu’elle craindoit dudict seigneur prince son mary, que pour n’y aller rien de son honneur, se trouvant les affaires aux termes où ilz estoient, et son innocence tant cogneue comme elle est, oultre ce que noz princes sont tant amateurs de l’honnesteté et de la vertu que la réception seule en leur maison justifie la personne qui y entre, et en oste toutes soupçons contraires. Vray est que si les choses estans passées en la manière que dessus et s’estre faicte publiquement (ainsy que l'on sçavoit) que ladicte princesse debvoit venir au palais le mesme jour, cela fut esté différé, l’on aurait donné plus d’occasion îi chascun
PIÈCES
de penser que Leurs Âltezes n’eussent voulu la recepvoir pour quelque soupçon quelles pourraient avoir d’elle, par où son honneur aurait esté beaucoup plus intéressé; de tout quoy Son Altesse veult qu'informiez bien par le même monsieur le connestable et madame la duchesse d’Angoulesme, ensemble ceuLx que jugerez convenir. Vous baisant avecq ce humblement les mains, etc.
Du 16 febvrier 1610.
(Suscription) : A Monsieur Pecquius.
(Négociations de France, 1610-1611).
oo;fr;<^
18 février 1610. — P. Pecquius à l’archiduc Albert.
(EXTUAIT)
Monseigneur, Deux ou trois heures après l’arrivée de ce courrier, qui m’apporta lettres de Vostre Altesse du 10 et du 12 de ce mois, survint celuy du marquis de Cœuvre ap Roy très chrestien. Et pendant que je délibérais sur le chois qu’il avoit pieu à Vostre Altesse me déférer, de parler audict seigneur Roy du subject desdictes lettres, ou bien à quelques-uns de ses principaux ministres, je fuz visité par le baron de Bonoeil, qui me parla aussy tost de la venue desdicts deux courriers et s’enquit curieusement si je demanderais audience au Roy ou point; mais au lieu de luy respondre, je luy demanday s’il ne vouloit pas me faire part des nouvelles que le Roy avoit receues, et il me dit que l’on parloit de la résolution du prince de Condé de sortir des pays de Vostre Altesse,
JUSTIFICATIVES
en laissant la princesse sa femme auprès de la Sérénissime Infante, et que le Roy son maistre eust eu matière de se contenter de ces deux points, si quand et quand il n’eust esté adverty que ledict prince se vouloit retirer à Milan, lieu plus suspect que nul autre. Je réplicquay que je n’avois rien entendu de ladicte retraite à Milan, et priay ledict de Bonœil de me dire si ledict marquis de Cœuvre en avoit escrit d’asseurance ou seulement par soubçon; surquoy après qu’il m’eut fait une response ambiguë, je me tins froid et serré, avecq une résolution tacite de ne m’addresser point au Roy, ains de prendre langue de ce qu’il diroit desdictes nouvelles et puis parler auchancellier et au sieur de Villeroy de celles que j’avois de Vostre Altesse, en laquelle résolution je fuz bientost confirmé par don Innigo de Cardenas, qui désiroit d'abondant que je différasse de veoir lesdicts ministres par deux ou trois jours, par ce que peu d’heures après la despesche de cedict courrier debvoit estre venu par delà le courrier Rivas, avecq lettres d’Espaigne , lesquelles d’avanture seroieut cause de quelque nouvelle despesche vers moy, sur les affaires dudict prince. Là-dessus, voicy arriver un autre courrier avecq lettres de Vostre Altesse du 13, lesquelles veues, je m’en allay incontinent trouver ledict sieur de Villeroy, avant hier, sur les huit heures du soir, et après luy avoir fait part du contenu esdictes lettres du 12, je luy parlay conséquemment de ces dernières, le priant de donner du tout advis au Roy, qui estoit party sur les trois heures vers Saint-Germain-en- Layc.
Pour response il me dit que le sieur de Vendegies avoit déclaré audict marquis de Cœuvre de par Vostre Altesse les mesmes choses que je venois de luy dire, touchant l’intention dudict prince de se retirer des Pays- Bas et y laisser la princesse sa femme, mais que je ne disois pas qu’il s’en alloit à Milan. Et sur mon affirmation
PIÈCES
que je n’en sçavois rien ny pareillement ledict don Innigo, à ce que j’avois entendu de luy, ledict de Villeroy repartit que si bien Vostre Altesse ne faisoit point d’estat de se servir dudict prince, les Espagnols ne laissoient pourtant d'en avoir grande envie, selon les advis que le Roy son maistre en avoit, tant d’Espaigue que d’ailleurs, et se manifesterait par ladicte retraite à Milan. Ce qu'il dit d'une façon moins doulce que de sa coustume, sans faire aucun semblant que le Roy sçeust gré à Vostre Altesse d’avoir conduit les affaires aux points par moy représentez, dont je monstrois de m’esmerveiller, veu que ledict seigneur Roy trouveroit aceomply tout ce qu’il avoit désiré de Vostre Altesse, et que les effectz rendoient ample preuve de ce que j’avois tousjours dict de la bonne et sincère volonté d’icelle en son endroit. Joint mesmement que le Roy m’avoit cy-devant déclaré que quand ledict prince seroit hors des pays de Vostre Altesse elle en seroit deschargée, et s'il se reliroit en quelque lieu, subject au roy d’Espaigne, l’on en parleroit lors à luy. A propos de quoy estant ledict de Villeroy par moy enquis si l’ambassadeur du Roy son maistre avoit traitté de cette matière en Espaigne et quelle response il y avoit eu, me respondit que l’on n’en avoit pas encore de nouvelles; et puis il se meit à me raconter que le maistre d’hostel dudict ambassadeur, s’acheminant puis naguierres d’Espaigne vers France, par la poste avecq une despesche de son maistre audict seigneur Roy très chrestien, avoit esté constraint par quelques officiers espagnols de rebrousser chemin sept postes en arrière, soubz ombre de la recerche que l’on disoit fhire d'un François qui avait desbauché une fille, dont enfin ledict maistre d’hostel fut renvoyé comme innocent, après qu’il fut devancé de deux jours par ledict courrier Rivas; la farce n’ayaut, au dire dudict de Villeroy, esté jouée
JUSTIFICATIVES
qu’afin de gaigner cet avantage du temps, dont il protestait que l’on se ressentirait en temps et lieu. Je luy diz que c’estoit chose particulière à moy incognue et qui concernoit l’ambassade d’Espaigne, dont partant je ne voulois m’entremettre; mais que c’eust esté un estrange attentat de vouloir enlever par force ladicte princesse, à la veue de la cour de Vostre Altesse, pour la mener en France. A quoy ayant répliqué que la façon de procéder dudict marquis de Cœuvre avoit bien tesmoigné qu’il n’estoit pas venu à Bruxelles a tel dessein , il protesta que ce n’estoient qu’inventions mises en avant par ledict prince, ou ses gens, pour tascher de rendre le Roy odieux par delà. Et comme j’en réparty de n’avoir apprins que l’on en voulust charger ledict marquis, et que si quelques autres a voient proposé de l'entreprendre, je m’asseurois trop que ce n’estoit pas de l’advis ny du sçeu de luy de Villeroy, il me dit que si Yostre Altesse, suppliée d’envoyer quelques-uns de ses gardes pour la seureté dudict prince et de ladicte princesse, les avoit en ce gratifié, elle avoit fait en bon prince, |et qu’au reste ladicte princesse seroit bien heureuse d’estre soubs la protection de la grandeur et vertu de la Sérénissime Infante et avoir l’honneur de vivre en sa cour. Finalement, il me promeit de faire sçavoir le tout en diligence au Roy son maistre audict Sainct-Germain. Et le lendemain, qui fut hier, il m’envoya dire qu’il désirait me veoir peu après le disner, ce que toutesfois, pour des empeschemeuts à luy survenuz, a esté remis jusques à ce jourd’huy sur le soir.
Et en cette entreveue, il m’a dictque le Roy croyt tout ce qui se peult croyre de la bonne intention de Vostre Altesse en ce qui s’est passé ès affaires dudict prince et de ladicte princesse, mais qu’il ne peult trouver bonne la façon dont l'on a usé pour les garantir du prétendu attentat que ledict prince disoit appréhender, asçavoir
PIÈCES
que l’on eust fait tort à sa personne et enlevé violemment ladicte princesse, crainte que ledict de Villeroy maintenoit avoir esté simulée tout à propos par ledict prince pour diffamer le Roy, lequel il qualifioit si doulx et débonnaire de son naturel, que jamais il ne donnoit lieu & la rigueur que quand il estoit forcé, et bien qu’il ayt tousjours eu beaucoup d'ennemys, comme il a encore, si n’avoit-il onques voulu consentir à aucune supercherie pour entreprendre sur leurs vies, quoyque bien souvent il en ayt esté sollicité, comme ledict de Villeroy affirmoit d’en avoir particulière cognoissance. Et quant à l’enlèvement de la princesse, il disoit n’y avoir apparence d’en soubçonner le Roy, tant par ce qu’il n’attenta onques rien de semblable, comme pour autant que c’eust esté offenser l'authorité de Vostre Altesse et luy donner juste occasion de ressentiment d’une violence qui eust esté faite en la ville propre de sa résidence et à ses yeulx, laquelle aussy, à son dire, ne pouvoit aucunement réussir, non pas de jour, prennant regard aulx circonstances du lieu et du pouvoir que Vostre Altesse seule y a, ny pareillement de nuit, puisque ledict prince y pouvoit aiséement pourveoir en faisant coucher ladicte princesse avecq luy. A quoy il adjousta en outre que Vostre Altesse avoit desjà résolu de recevoir ladicte princesse en sa cour, ce qu’elle eust peu faire à peu de bruit sans envoyer à lliostel d’Orange tant de gens de ses gardes et mettre la ville en alarme, comme il disoit avoir esté fait, jusques à y avoir fait la patrouille et tiré quelque coup d'une pièce d’artillerie estant sur le rempart, plus ne moins que si la ville eust esté pleine de François armez, ainsy que l’on y en faisoit courrir le bruit, au lieu que le lendemain matin l’on eut honte de n’en avoir peu trouver que dix-huit en tout; lequel vacarme il imputait principalement au marquis de Spinola, qui avoit voulu faire de l’homme de guerre, disant, ledict de Vil-
JUSTIFICATIVES
leroy, ne pouvoir croyre que Vostre Altesse l’eust fait de son mouvement, ny de l’advis de ceulx de son conseil, pour avoir esté une procédure scandaleuse, tant & l’honneur du Roy que de ladicte princesse, dont l'on s'eust bien peu abstenir. Il me parla conséquemment du secrétaire du sieur de Berny, qui, estant venu audict hostel d’Oranges pour ramener sa maistresse chez elle, fut oultragé de coups d’espée par ledict prince, et eust esté pis traitté sans l’ayde que luy donnèrent aucuns bourgeois de la garde de sa cognoissance. Bref, il se plaignit qu’en toute cette action l’on avoit par trop secondé les desseins legées dudict prince, en donnant trop de créance h ses rapports.
Atous ces discours, je respondiz en premier lieu d’estre bien aise du contentement qu'avoit le Roy de ce que je luy avois dict touchant la retraite dudict prince hors des Pays-Bas, en laissant la princesse sa femme en la cour de Vostre Altesse, et, qu’à mon advis, ce contentement ne se debvoit offusquer de l’ombrage de quelques hommes de la garde de Vostre Altesse envoyez audict hostel d’Oranges, veu que si les plaintes dudict prince se trouvoient sans fondement, et luy en seroit le blasme, l'honneur du Roy demeurant sans aucun esclandre uy intérest. Et au cas qu’il y eust indices et advis suffisses pour fonder lesdictes plaintes, et que mesmement l’on eust veu hanter et s’assembler audict hostel plusieurs François incognuz, armez de pistoletz, je représentois audict de Villeroy que les dangers imminens avoient besoin de remèdes prompts et soubdains, et que partans Vostre Altesse n’avoit peu s’excuser audict cas de la diligence dont elle a fait user. Je luy diz avecq ce, que Vostre Altesse ne m’avoit pas mandé que ledict prince se fust plaint que l’on vouloit attenter à sa personne, tellement que de ce costé là le Roy n’avoit subject de s’offenser. Et ledict de Villeroy répliqua d’avoir eu advis contraire de
PlèCKS
Bruxelles, et que mesmement l’on y disoit que le sieur de Warde, gouverneur de la Chapelle, avoit eu part au dessein de cette entreprinse, dont il l'excusoit fort soigneusement, affirmant qu’il s’estoit rendu à Bruxelles, pour traitter de quelques affaires particulières avecq le sieur de Barbanson. Je répartiz ne vouloir accuser ledict sieur de Warde ny autres dudict prétendu attentat, ny mesmes prester l’oreille à beaucoup de discours qui s’en font en cette ville, mais que j’espérois que, le tout bien et meûrement considéré, le Roy prendroit les actions et offices de Vostre Altesse de si bonne part, comme elle y avoit procédé b bonne intention. A quoy il monstroit de vouloir tenir la main, disant, au reste, que le temps enseignera ce que les Espagnols veuillent faire dudict prince, et que s’ilz l’accueillent et entretiennent, le Roy très-ehrestien sera coustraint de pourveoir b ses affaires b quelque pris que ce soit, plustost que de se laisser prévenir. Puis il me demanda si le prince estait encore b Bruxelles, et sur ma response que je n’en sçavois rien, il me dit que le Roy son maistre n’en avoit pas aussy de nouvelles et que l’on disoit que Vostre Altesse fait tenir les passages fermez, de quoy je taschay de le desimprimer comme croyant fermement qu’il n’en est rien.
Il est grand bruict icy que le Roy très-cbrestien [attendoit lundy dernier audict S'-Germain les nouvelles de l’exécution et succès dudict attentat de l’enlèvement de la princesse, résoulu de l’aller rencontrer au cas qu’elle luy eust esté ammenée, et qu’entendant la faillite, il s'en troubla fort. L’on m’a aussy donné advis secret qu’un gentilhomme nommé de Saint-George, estant par de lb, a eu charge d'attenter b la vie du prince, et que le seigneur de Migneul, gouvemeurdeMonstreuil, a dit que ledit de Warde avecq un nommé Lopez, lieutenant de la compagnie du ducq de Veudosme, ont
JUSTIFICATIVES
esté les principaulx entreprenneurs de l'enlèvement, et qu’ilz en pourroient bien avoir ii souffrir s’ilz estaient attrapez, a vecq le capitaine des gardes de Vostre Altesse] qu’il disoit y avoir trempé, le nommant le sieur de Barbizieux 1 .
Et sur ce baisant très-humblement les mains de Vostre Altesse, je prie Dieu la conserver, Monseigneur, soubs sa saincte protection.
De Paris, le 18 febvrier 1610.
De Vostre Altesse Sérénissime.
Très-humble et très-obéyssant subject et serviteur, P. Pecquius.
(Suscription) : A Son Altesse Sérénissime *.
\8 février \&\0. — P. Pecquius au secrétaire d'État Prats, (COPIE)
Monsieur, La despesche de ce courier est tardive non par ma faulte, mais pour les remises du sieur deVilleroy qui m’a entretenu, comme verrez par celles qui vont a S. Alt», et au boult du compte, m’a donné des responses froides, comme si l’on n’eust rien faict pour complaire au Roy son maistre, au lieu que j’en attendois un grand remerciement comme de raison, je vois bien que c’est ;
1 Le reste de la lettre est sans importance.
* On lit en marge : Respondu le xxn» febvrier 1610.
l’on cherche des occasions et prétextes pour le mectre hors d'obligation et si je ne m’abuse nous n’aurons jamais que des plainctes de ce costé d’ici si le Prince se retire à Milan ou en quelque aultre estât du roy d’Espagne. L’on croit par deçà que je scais où il se veult retirer, quoique je proteste au contraire : j’ai pensé, que don Inigo de Cardenas en debvoit scavoir le secret, mais je trouve que non, du moins à ce qu’il m’en a dit, affirmant que le comte d’Anover ne lui en a rien mandé ni de la résolution venue d’Espagne sur ce subject par le courier Rivas, mais qu’il s’en est excusé parce qu’il n’avoit pas déchiffré ses lettres receues de Sa Majesté qui traictera dorénavant avecq lui au lieu, et comme représentant son ambassadeur. Quant à la Princesse, je veulx croire quelle est déjà en nostre Cour, où elle sera le mieulx du monde si elle y veult demeurer ; et je scais que son père et la duchesse d'Angoulesme en ont très grand contentement, estimaus que par là cesseront les importunitez du viel muguet qui se monstre eschauffé comme s’il estait picqué d'une tarantule etungjour nous voirons que l’on viendra demander la Princesse sôubz quelque maigre prétexte; mais j’espère que S. A. y aura pourveu devant que recevoir la princesse en sa cour.
Vous aurez receu mes precedentes avecq les joinctes à Monsieur le baron de Havesquerque, auquel j’avois proposé d’autrefois escrire au long ; mais le temps ne me le permet pas, et je demeure pour jamais, Monsieur, vostrc plus humble et zélé serviteur.
De Paris, le 18 febvrier 1610.
P. Pbcquius.
(Correspondance de Rome.)
20 février 1610. — Jehan Simon, secrétaire de Pecquius, au secrétaire d'État Frais.
(COPIE
Monsieur, Plaisante farce de Caresme-prenant 1 est celle que les François ont voulu représenter illecq, pour enlever la princesse de Condé en faveur de qui se gardera bien de les advouer pour attiltrez et dont ces oracles veuillent sainctement affirmer l’innocence, bien que d’ailleurs on soupçonne qu’il debvoit estre plus qu'informé du jour, de l’heure et de la manière de l'exécution et qu’il ne soit vrfci, il fut veu sortir le mesme jour fort gaillard et clinquenté contre sa façon ordinaire, faisant une gambade vers S‘-Germnin en Laye avecq quatre carosses bien attelez pour, k ce que les François mesme lui imputent, aller rencontrer la nimphe, quand il eust eu advis de la prinse, dont la faulte lui aura sans doubte apporté autant d’ennui que de réjouissance et consolation au bon viellard du père et de la mère nouricière qui selon leurs démonstrations et discours se tiendront fort heureux et honorez que plaise ii LL. AA. de permettre et avoir pour agréable que ladicte princesse demeure en leur court, sans aller vagabonder par le monde avecq son mari, qui h ce qu’ilz murmurent seroit desjà parti d'illecq, l’aiant LL. AA. faict accompaigner par une escorte de cincq censchevaulx, estant l’opinion commune d’ici qu’il prendra la route de Milan : nous serons fort aises d’en veoir LL. AA Ser"” despetrez sans lésion de leur réputation : sur ce vous baisant très humblement les mains, je prie le Créateur, etc.
De Paris le 20 febvrier 1610.
J. Simon.
(Correspondance de Rome.)
C'est à dire. Mardi-gras.
FISC BS
20 febvrier 1610. — Ortemberg, ambassadeur à Rome, au secrétaire d'État Prats.
(FIA6HEMT)
A cause du prince de Condé, on se doubte de plus
en plus de quelque œuvre de guerre, pour laquelle eviser sans toutefois que le prince soit contrainct de retourner en France ii la miséricorde du Roy, il y en ait qu’estiment qu’il seroit mieulx qu’il vienne icy h Rome, ou combien qu’il ne seroit le trop bien venu, si esbce que ne pourràt luy estre serré le seing de S 1 ' Église....
(Négociations de Rome, t. VIII.)
Vers le 20 février. — Henri IV à M. de Berny, son ministre résident à Bruxelles.
M. de Berny, Ceste-cy sera pour vous dire comme je désire que vous donniés charge il vostre femme de voir souvent madame la Princesse, et l'asseurer que vous avés cy-devant parole de moy de l’assister et luy bailler tout ce qu’elle aura besoin, comme je vous prie, et si tost que je sçauray quoy, je vous le feray rendre ; aussy à cause de sa jeunesse, qu’elle s’instruise de ce qu’elle aura à faire et devra comportér voyant l’infante; et au reste selon les occasions faire tout ce que vous jugerés estre à propos pour son bien et mon contentement. Mais surtout
J0STIFICATIVBS.
que ce soit de façon que ny le prince, ny pas une de ses femmes n’en sçachent rien ; m'asseurunt que vous ferés l’office convenable, selon mon intention, avecq ce que vous dira ce porteur de ma part, m’empeschera de vous faire la présente plus longue. Asseurés-vous seulement que je tiendray ce service aussy agréable que nul autre que vous me puissiés faire, et que je le recognoistray aux occasions. A Dieu, Mons r de Berny.
Henky.
Escrivés-moy amplement de toutes choses, de ce que l’on dit d’elle et que on la trouve.
(Recueil des lettres missives deEenri IV, t. VII, p. 834.)
Vers le 22 février. — Henri IV à M. de Préaux, conseiller au Parlement, à Bruxelles.
Préaus, J’escris & mon bel ange : faites luy tenir ma lettre, si vous pouvés. Puisque Girard 1 et nostre hostesse* y vont, ils ne peuvent refuser de m’obliger en cela de les bailler, tous aultres moyens m’estant interdicts; priés-en l’une de ma part, et le commandés à l’aultre. Renvoyés-moy celles que je luy ay escriptes que l’on ne luy a baillées. J’estime que ce porteur ne trouvera poinct le marquis là, c’est pourquoy je ne luy escris poinct. Je crois que le partement de nostre fou 3 suivra de près celuy
1 Girard, secrétaire du connétable.
* C'est de M* de Berny qn'il s’agit.
3 Le prince de Condé.
PIÈCES
du marquis ; alors vous pourrés juger des intentions des Archiducs. Les père et tante ont parlé h Pecus; ils me donnent bien de la peine, car ils sont froids plus que la saison ; mais mon feu les dégèles dès que j’en approche. Mandés-moy le plus de nouvelles que vous pourrés, principalement de la santé de nostre prisonnière. Asseurés Cha8teauvert et Félipote que je ne les abandonne poinct.
Henry.
D’Elbène vous mandera le reste des nouvelles. Bonsoir. Je deschois si fort de mes merangoises, que je n’ay plus que la peau et les os. Tout me déplaist; je fuis les compagnies, et si, pour observer le droit des gens je me laisse mener en quelque assemblée, au lieu de me resjouir, elle achève de me tuer. Adieu.
• Henry.
(Recueil des lettres missives de Henri IV, t. VII, p. 834.)
* — — ■»">* ft*oo
22 février 1610. — Les Archiducs à P. Pecquius.
(MINUTE
Les Akchiducqz, etc.
Cher et féal. Vous serez advertypar ceste que ce matin nous sont arrivées voz deux dernières du xim et xvm de ce mois, et sera au plus tost respondu aux poinetz d’icelles qui le requerrerons ; cependant nous avons bien voulu signifier que la princesse de Condé est entrée en
JUSTIFICATIVES
nostre maison dez le 14' de ce mois, ainsy qu’aurez entendu par noz dernières, et le prince son marry est party d’icy dez avant hier soir ou de nuict, bricquer sa fortune, sans que nous sçachions quelle route il aura prins, ce que vous pouvez et debvez dire à ceulx des ministres du Roy très-chrestien qu'estimerez convenir, et par ce que ses ambassadeurs publient par icy que nous aurions promiz que si la duchesse d’Ângoulesme venoit en ceste ville à desseing d’y faire quelque séjour et nous demandoit ladicte princesse pour l'avoir près d’elle, nous la luy laissions suyvre, et qu’il y a de l’apparence qu’ilz doibvent aussi avoir escrit ainsy audict seigneur Roy ; si vous en entendez quelque chose, vous debvez en desabuser ceulx que conviendra, et que voire nul des deux ambassadeurs nous en a sonné mot ; ains est la vérité que, à la réquisition dudict prince, nous luy avons promiz que nous la retiendrons près de nous jusques h ce que luy la nous demandera, ou bien jusques à ce que par sentence, légitimement donnée, il sera dit qu'ils se peuvent divorcer, ce qu’adjoustons d’aultant que nous entendons qu’elle prétend se séparer d avecq ledict prince. Et au dehors de ces deux cas, vous pouvez dire et asseurer par de là que nous ne la laisserons jamais partir d'avecq nous, quand orez le connestable ou ladicte duchesse nous en requérir.
A tant, etc.
A Bruxelles, le xxii' febvrier 1610.
(Négociations de France, 1610-1611.)
PIÈCES
23 février 1610. — P. Pecquius à l'archiduc Albert.
Monseigneur, Fort à propos m’a Vostre Altesse fait advertir par lettres du secrétaire Prats du 16 de ce mois, des rencontres qui se sont présentées par de là sur le point de loger la princesse de Condé en la Cour, car comme l’on en discouroit icy diversement, je différois d’en parler à la duchesse d’Angoulesme et au connestable de France, en attendant d’en estre esclercy par advis asseuré, lequel arrivé par lesdictes lettres, j’en ay aussy tost donné part à ladicte duchesse, luy certifiant la bonne inclination de Vostre Altesse et de la Sérénissime Infante envers ladicte princesse, que je disois estre très heureuse en son malheur d’estre tombée soubs la protection de telz princes, qui lui ont desjà fait et feront encore à l’advenir, toute la faveur qu'elle pourroit désirer. Ladicte duchesse me respondit que les nouvelles de l’entrée de ladicte princesse en la cour de Vostre Altesse lui estaient les plus aggréables qu’elle eust receues de longtemps, tenant à très grand honneur que Vostre Altesse et la Sérénissime Infante avoient daigné de l’y recevoir, dont elle disoit leur avoir une infinité d’obligations, et quelle vivrait contente le reste de ses jours en la souvenance de cette félicité. Puis elle se meist à louer hautement la bonté et les autres vertuz de la feue royne d'Espaigne Élisabeth, toutes transmises en la personne de la Sérénissime Infante, sa fille, et ne se peut saouller de tesmoigner l'aise qu’elle avoit d’entendre qu’icelle Sérénissime Infante luy veult du bien. Elle me déclara aussy d’avoir eu lettres de ladicte princesse depuis son entrée en la cour, par lesquelles, et celle’ de la femme du sieur
JUSTIFICATIVES
de Bemy, apparaissoit du contentement que ladicte princesse en a. Ce ne fut pas toutesfois sans me dire doulcement quelle avoit eu un peu de desplaisir de l'alarme quis’estoit donné à Bruxelles, le jour de devant ladicte entrée, d’autant qu’on jugeoit par deçà qu’il n’y en avoit pas eu de subject, ains que le prince de Condé l’avoit procuré pour deahonnorer le Roy très chrestien et ladicte princesse sa femme. Surquoy je luy remonstray qu’il estoit tout cognu et notoire par delà que Vostre Altesse ayant envoyé du soir quelques hommes de sa garde à rhostel du prince d’Oranges, afin qu’ilz luy obéyssent en ce qu’il leur commanderoit pour préserver sondict hostel et les personnes y logées de tout oultrage et violence, a voulu favoriser ladicte princesse en la garantissant de tous dangers, jusques à ce qu’elle fust mené honnorablement en sa cour, en plein jour et à la veue d’un chacun, sans qu'elle ayt esté soubçonné d’aucune sinistre intention et moins que l'on ayt pensez d’envoyer la garde pour s’asseurer de sa personne, ce que je priois ladicte duchesse de croyre comme chose certaine et qu’autrement elle n’eust esté receue en cour, quoyque l’on veuille faire courrir des bruits par deçà qu’elle y a esté menée par une espèce de violence et de prison, ainsy que je diaois que le marquis de Coeuvrc et ledict de Berny l’avoient bien osé représenter à Vostre Altesse pour la destournée de sa bonne résolution en cet endroit, mais que leurs allégations avoient esté si minces et de si peu d’apparence , qu’il n’y avoit eu pourquoy s’y arrester, comme de vray [ceulx qui jugent icy sans passion de ladicte remonstrance des ambassadeurs françois n’y trouvent rien que de la vanité et fadaise, n’ayans servy qu'à démonstrer qu’ilz sont marriz que ladicte princesse est en si ferme main que celle de Vostre Altesse, et que par là toute espérance leur est retrenchéo de la faire un jour enlever et mener en France. Et certes, si le Roy très
PlèCBS
chrestien a désiré que ladicte princesse demeurast par delà, ou à Breda, je voy bien qu’il n’a pas eu opinion qu’elle fut placée en si bon lieu qu’elle est.] Bref, ladicte duchesse, entendu mon discours, se rangea à mon advis, mesmes pour très-bien sçavoir que ladicte princesse a fort désiré d’estre on ladicte cour, à l'abry de tous dangers, tant du costé dudict prince que d’ailleurs, et si protesta ladicte duchesse que [si l’on a eu desseing d’enlever ladicte princesse de delà, l’on s’est bien gardé d’en parler ny audict connestable ny h elle, qui n’y eussent jamais consenty]. Elle me pria en après fort instamment d’intercéder envers Vostre Altesse pour trois choses : la première, que ladicte princesse ne retournast jamais plus vers ledict prince, quelque instance qu’il en feist ; la seconde, que | le marquiz de Spinola s’abstint de visiter et entretenir ladicte princesse, comme n’estant bienséant , tant h cause des propos qu’elle disoit avoir esté tenuz par ledict prince touchant la fréquentation dudict marquiz que pour aultres respectz] ; et la troisième , que Vostre Altesse accordast à ladicte princesse pour son service et soulagement sa demoiselle nommée de Chasteau-Verd , et une fille de chambre nommée Philippote, qui se sont retirées chez le baron de Havesquerque, pareeque ledict prince a empesché qu’elles n'entrassent en cour à la suyte de leur maîtresse, à dessein de la faire servir par la sœur de Kerreman, conseillier du prince d’Oranges et par autres femmes t elle incognues et desaggréables, affirmant que ladicte damoiselle de Chasteau-Verd et ladicte chambrière sont filles d’honneur, de fort bonne vie et conduite, nourries au service de ladicte princesse dez son enffance, laquelle à cette occasion les a pieçfi prinses en affection et confidence, et la serviront beaucoup mieulx que ne pourraient faire aucunes autres. Semblable tesmoignage de bonne nourriture , modestie et fidélité , donna ladicte duchesse de la damoiselle de Sertaut, estant
JUSTIFICATIVES
eu
entrée en cour avecq lodicte princesse , et me pria (le tenir la main qu’elle y peust demeurer avecq les deux autres. Je respondiz à ces trois demandes que j’en donnerois advis particulier à Vostre Altesse pour en sçavoir son intention , et laissay sur ce ladicte duchesse en plein contentement, et de mesme la comtesse d’Auvergne, fille aisnée dudict connestable, qui survint & la compagnie sur le point de mon départ, et tesmoigua de se conjouir de tout son cœur avecq ladicte princesse, sa sœur, des honneurs et bienfaits qu’elle reçoit par delà. Je veis peu après ledict connestable, et le trouvay si content et alaigre de la réception de sa fille en la maison propre de Vostre Altesse , qu’il ne s’en peult rien dire davantage , comme il me le déclara avecq beaucoup de paroles , recognoissant l'obligation que luy et toute sa famille en auroient perpétuele à Vostre Altesse et & la Sérénissime Infante, qui faisoient plus d’honneur à sadicte fille qu’elle ne méritoit, et, [que silesdicts ambassadeurs s’estoient advancez de dire qu’elle estoit menée comme en prison, il espéroit que Vostre Altesse passeroit ceste indiscrétion, et se contenteroit d’estre asseurée que ladicte duchesse, luy, son frère et tous ses vrays parens et amys l’entendroient aultrement, et que mesmemeut ilz se tiennent beaucoup plus heureux que si ladicte princesse estoit ramenée en France, car encore (dit-il) qu’il n’y eust rien de tant de choses que l’on dit du Roy, si scay-je bien l’estât qu’il fault faire de la famé et opinion publique à l’endroit de personnes de ma qualité. Et en ce disant, il protesta de me parler cler, pour ce qu'il voyoit que j’y procédois franchement et avecq candeur, me priant d’y continuer et m’asseurer qu’il m'ouvroit son cœur, comme faisoit aussi ladicte duchesse.] Mais il me rafraischit conséquemment avec beaucoup d’ardeur les susdictes trois demandes qu’elle m’avoit faictes, monstrant d’estre mal imprimé, [dudict marquis de Spinola, qu'il appelloit à chasque fois
PIÈCES
le Gènevois, par manière de desdaing, plus (à ce qu’il m’en sembloit) pour le commandement que ledict prince a faict à la princesse sa femme de le caresser] que pour aultres considérations, et disant au reste beaucoup de bien desdictes trois femmes, qu’il prioit à Vostre Altesse de laisser à sadicte fille, comme à un enfFant qui, battu de la fortune et esloigné de son père et de tous ses pareils, mettroit en cela une grande partie de sa consolation , ne fust toutesfois qu’il y eust quelque chose à dire sur lesdictes femmes ou aucune d’icelles, qu’il ne pensoit nullement , et s’il en estoit informé, il tascheroit tout le premier de les faire chastier selon leur desmérites.
L’un de ces jours passez, le baron de Bonoeil me vint dire que le Roy très chrestien lui avoit commandé de me faire sçavoir qu'il espéroit que je fusse bien aise d’avoir recognu la vanité des advis donnez à Yostre Altesse, touchant le dessein que l’on disoit estre dressé d’attenter à la vie dudict prince et d’enlever ladicte princesse, sa femme, qui n’avoit esté qu’une invention forgée par ledict prince , auquel il s’esmerveilloit que Vostre Altesse avoit voulu tant gratifier que d'en faire si grand fanfarre jusques à avoir permis au comte d’Anover de courrir par la ville, accompagné de soixante chevaulx , ou environ , criant alarme. [Et me convia ledict de Bonoeil , par plusieurs amadouemens, de demander audience du Roy très chrestien, à la première occasion que j’en aurois , que je luy serois toujours aussi bien venu qu’ambassadeur qui soit en cour, encore qu’à ma dernière audience il eust un peu parlé hors des dens, en donnant vent à la cholère qui le transporte quand il parle du faict dudict prince , ce que je debvois dissimuler par prudence et me réjouir, voire glorifier que ledict seigneur Roy et ses principaulx ministres ad vouent maintenant que je ne luy ay rien dit qui ne se vérifie par les effectz]. Je respondiz que s’il n’estoit rien dudict dessein, j'en estois vrayment bien
JUSTIFICATIVES
aise, mais que je sçavois bien cependant que Vostre Altesse en avoit eu des indices véhémens qui l’avoient obligé A faire ce quelle a fait, sans toutesfois que j'eusse ouy parler de ce qu'il me racontoit dudict comte d’Anover, mais que j’estois encore plus aise que mes propos se treuvoient véritables, et qu’au demeurant ce me seroit tousjours grand honneur d’avoir audience du Roy, que je ne fauldrois de luy faire demander A toutes occasions de subjectz qui le vallussent comme du passé.
Le mesme jour me vint aussy trouver le sieur de Warde, gouverneur de la Chapelle, disant avoir entendu du sieur de Villeroy que j’avois parlé de luy, comme s’il eust esté complice dudict dessein, A quoy il juroit n’avoir jamais pensé, ny pouvoir croyre que Vostre Altesse eust telle opinion de luy. Pour response, je luy diz que ledict sieur de Villeroy m’ayant dict premier que l’on en parloit A Bruxelles et de quelques autres François qu’il me nommoit; j’avois reparty qu’en cette ville l’on m’en avoit aussy donné desadvis, comme je disois audict de Warde, qu’à la vérité j’en avois eu de plusieurs costez. A quoy il réplicqua qu’il n’en estoit pas esmerveillé par ce que depuis son retour de Bruxelles plus de cent personnes luy en avoient icy dict autant ; par ainsy nous partismes l’un de l’autre bons amys.
Il est très asseuré, que l’on continue en ce royaume de toutes parts grandes levées de gens, et toutes autres sortes d’apprest de guerre, et croyt-on que la résolution du Roy est de faire jusquea A 40 mille hommes , partie pour demeurer au royaume en garnison, et partie pour envoyer en Allemagne, comme aussy on tient pour certain qu’il se veult rendre à Metz en personne incontinent après le couronnement de la Royne, ainsy que j’ay desjà escrit par mes précédentes.
Et sur ce baisant très humblement les mains A Vostre
PIÈCES
Altesse, je prie Dieu la conserver, Monseigneur, soubs sa saincte protection.
De Paris, le 23 febvrier 1610.
De Vostre Altesse Sérénissime,
Très humble et très obéissant subject et serviteur,
P. Pbcquics.
(Suscriptiou): A Son Altesse Sérénissime '.
(Négociations de France, 1610-1611.)
23 février 1610. — P. Pecguius au secrétaire d'État Prats. (COPIE)
Monsieur, Les dernières que j'ai receus de S. A furent du 13' de ce mois, toutesfois par vos dernières du 16' vous les qualifiez les pénultièmes, qui me donne à penser qu’il y pouroit avoir quelques autres lettres en chemin responsives aux miennes du 10” contenant les discours que j’avois euz avecq Madame la duchesse d’Angoulesme et M r . leconnestable de France, desquelles vous ne faictes aucune mention, par vos dites dernières, comme si elles ne fussent pas arrivées, dont je serai marri et ne le puis croire; celles que j’escrips présentement à S. A. la rendront bien certaine de la vraie intention desdites dame et seigneur, au contraire du bruict que quelques-uns vont semans en ceste ville, et entre les autres l’ambas-
1 On lit en marge : Responduiexxvm' febvrier 1610.
sadeur de Venise, quelesdicts dame et seigneur se plaignent fort de ce que la princesse de Condé auroit esté menée en la Cour de S. A. par manière de prison. Vous voirez aussi par mes dites lettres que le Roi très chrestien pense, du moins veut faire à croire, avec les siens, qu'il est suffisamment apparu par les efletz qu’à tord le prince de Coudé s’est dolu à S. A. que l'on vouloit enlever sa femme, et attenter à sa vie; la preuve de laquelle justification l'on veult principalement fonder sur ce que personne n'a esté trouvée sur le faict , et qu’en toute la ville de Bruxelles l’on n’a peu trouver que 18 à 20 François. Toutesfois ce que m’escripvez des tesmoings oculaires sonne bien autrement, comme sont aussi les avis qui me sont venuz de diverses parts en ceste ville, avecq ce que l’on me raporte que le jour mesmo do l’alarme qui se donna à Bruxelles , le Roi dit à madame de Monpensier : voici l’heure que l’on doibt exécuter le dessein de Bruxelles. Au roste ledit seigneur connestable se tient merveilleusement obligé (comme faict aussi ladite duchesse) à monsieur le baron de Haveskercke leur parent, de tant de peines qu’il prend en faveur et pour l’assistence de ladite princesse, m’aiant ledit sieur, promis de lui escripre au plus tost en response de siennes venues avecq vos dernières que je lui ai délivrez de ma main.
Un ami nous mande de Bruxelles que l’on y avoit emprisonné jusques à six François chargez dudit attentat, mais j'ai peine de le croire, pour n'en avoir rien entendu d’ailleurs; jo vous prie de me faire la faveur de m’en esclaircir par un mot, vous baisant sur ce, humblement les mains, et demeurant pour tousjours, Monsieur, vostre très humble et zélé serviteur.
De Paris, le 23 février 1610.
P. Pecquius.
(Correspondance de Rome).
PIÈCES
26 février 1610. — Les Archiducs à P. Pecquins.
(MINUTE
Les Abchiducqz, etc.
Cher et féal, nous avons volontiers veu le contenu en voz dernières du xim* et xviii' de ce mois, mesmes sur ce qui concerne le faict du prince de Condé, il paroit que le marquiz de Cœuvre (party d'icy hier matin) s’est monstré mal appaisé, à cause d’aulcuns de nostre garde envoyez les jours passez à l’hostel d’Oranges, combien que sans raison, ainsy que luy avons dit, et qu’avions espéré d’avoir mérité grand gré envers le Boy très chrestien son maistre, d’aultant qu’il ne pouvoit laisser d’encourir blasme, aussy bien que la princesse de Condé, si à faulte de tel debvoir l’entreprinse que sçavez fut esté exécutée; il convient qu’ayez voz gens aux escouttes pour sçavoir la substance des relations que ledict marquiz aura faict audict seigneur Roy de ce qu’il a besoigné et entendu durant son séjour en ceste ville pour nous en réservir et de tout ce qui se passera par delà de considérable 1 . .
A tant, etc.
A Bruxelles, le xxvi« de febvrier 1610.
(Suscription) : A. M. Pecquiub.
(Négociation de France, 1610-1611.)
1 Le reste de la dépêche traite du renouvellement de la neutralité des deux Bourgognes.
JUSTIFICATIVES
27 février 1610. — Orlemberg, ambassadeur à Rome aux Archiducs.
(EXTRAIT
Messeigneurs, Ayant faict relation à Sa Sainteté de ce que V. AA. Sér"" - ' sont esté servies m’escrire par leur dernière du 30' du mois passé touchant le faict du prince de Condé, mesme que V. AA. Sér 0 "'* l’avoyent par consentement du Roy très chrestien faict venir à Bruxelles, pour procurer de l’induyre et persuader de s’accomoder avecq son Roy, et qu’en ce l'on estait empesché ; Sa Sainteté en fust fort refaicte et l’entendoit très voluntiers ; et de faict l’ayant Sa Sainteté communiqué à l’ambassadeur de France, icelluy affermoit la chose passer ainsi, voyres que le Roy son maistre et ses ministres se comencoyent à fier de la sincérité et rondeur de V. AA. Sér" 1 ". Cependant toutefois ils ne laissent d’avoir grand soupçon des ministres d’Espaigne, se doubtant qu’ils pourroyent tirer ledit prince en Espaigne ; mais aultres parlent encor de le faire venir icy chose qui n’est guère goustée en ceste
cour
De Rome ce 27" de febvrier 1610.
De Vos AA. Sér mM très humble et très obéissant serviteur,
Herman d'Ortbmbbro, aud'. de Rote.
(Négociations de Rome, 1610, t. IX,)
PIECES
28 février 1610. — Les Archiducs à P. Pecqnius.
( MINUTE
Les Archiducqz, etc.
Cher et féal, le contenu de vostre dernière du xxin'’ de ce mois, nous a au long adverty des discours passez entre la duchesse d’Angoulesme, le connestable de France et vous, sur ce de l’entrée de la princesse de Condô en nostre maison, et si avons-nous volontiers entendu que l’un etl’aultrecn ait la satisfaction et contentemeut que nous tesmoingne ladicte vostre. Ladicte princesse se monstre aussy de l’avoir, il tout ce qui se peult juger de sa contenance, et nous aurons soing, ainsy que jusques maintenant, de le luy procurer aultant que faire se pourra et pour sa qualité et mérites, et pour le respect desdicts connestable et duchesse. Et quant à l’allarme dont ladicte duchesse auroit monstré quelque résentiment, nous voulons croire que vostre repartie pertinente là-dessus l’en aura laissé appaisée.
Et respondans aux trois choses dont elle nous a faict requérir, répétées aussi par ledict connestable, vous luy direz de nostro part (en leur donnant compte de ce que dessus) que pour aultant que concerne la première, nous ne voyons comme nous puissions refuser de rendre au prince de Condé ladicte princesse, sa femme, quand il la répèteroit, mais que ces choses ne sont maintenant disposées que cela doibve arriver dans peu de temps, et que partant il n’y a pourquoy ilz s’en mectent maintenant eu peine ; et pour la seconde, qu’ilz peuvent bien estre à
JUSTIFICATIVES
repos, que ny le marquiz Spinola ny aultre quelconque n’a ny accès ny hantise ny aulcun moyen d’entretenir ladicte princesse, combien que nous tenons ledict marquiz pour tant vertueulx qu’il n’y aura eu que honneur en l’entretenance et conversation qu’il a eu avecq elle, en compagnie des plus notables de nostre cour, pendant le séjour qu’elle a faict en l’hostel de Nassau, si qu’ilz peuvent bien tenir pour choses coutrouvées celles que d’icy l’on peult avoir escript au contraire de cela ; pour la troisième demande, nous sommes bien marriz que n’ayons moyen de leur complaire pour l'information qu’avons toute certaine que la demoiselle Château-Verd et la fille de chambre Philipotte no sont si honnorables comme ilz se persuadent, ains est bien avéré qu’elles sont gagnées de la part du Roy très-chrestien et tiennent correspondance avecq luy, et quelles furent de l'intelligence du desseing de l’enlèvement de ladicte princesse, signamment ladicte de Château-Verd qui, le jour précédent celluy destiné pour l’exploict, avoit envoyé à la maison de l'ambassadeur de France les habillements d’icelle princesse, si que non-seulement il n’y a moyen de les rendre à ladicte princesse, mais nous désirons que ladicte duchesse ou connestable les face rappeller au plustost en France, demeurant icy au service de ladicte princesse la damoiselle de Sertaut, qui est icy en mesme figure et opinion de modestie et fidélité en laquelle la tient ladicte duchesse, et si la fera l’on accompagner encore de quelques aultres demoiselles vertueuses et nobles que l’on va cerchant. Quant à l’audience que le baron de Bonœil vous est allé couvier de demander audict seigneur Roy, vou3 ne pouvez faillira le faire, vous souvenant de luy respondre sur les propos qu’il vous pourra tenir du faict du prince de Condé, et de la princesse sa femme, en conformité de noz précédentes, ne pouvant au surplus sinon louer pour pertinentes les responses par vous
230 PIÈCES
faictes aux propos dudict de Bonœil, aussy bien que à ceuli-là que vous a tenu le gouverneur de la Chappelle. Vous avez bien faict de nous avoir adverty de ce qu’estoit venu h vostre cognoissanoe des levées des gens de guerre et est nostre volonté que rendiez peine de scavoir ce qu'il s'en passera, mesme des desseings que l’on y a pour nous en donner compte d'une entresuite. Et Dieu vous ait etc.
A Bruxelles, le xxviri* febvrier 1610.
(Suscription) : A Pscqüius *.
(Négociations de France, 1610-1611.)
28 février. — Lt eecrétaire A' État Frais à P. Pecquiut.
(MINUTE
Monsieur, Son Altesse respond par la cy-joincte à vostre dernière du 23* de ce mois, et je confesse que la lettre va escrite peu curieusement, par ce que l'on ne iu)i donué du temps pour en dresser une minute. Son Altesso m’a commandé* d’adjouster par ceste au contenu de sa lettre qu’entre les damoiselles que l’on cerche pour servir à Madame la princesse de Condé, au palais, ne sera comprinse une qui se nomme Kerremans, sœur de Monsieur Kerremans, conseiller au prince d'Orauges,
1 On lit en marge : DMfrement, ce qui indique que cette dépêche fut envoyée entièrement chiffrée à Pecquius.
* L'ordre est écrit en espagnol do la main de l'archiduc au verso do la minute précédente.
JUSTIFICATIVES
(laquelle, à ce que me semble avoir entendu, ne luy seroit agréable) ains seront celles qui se cerchent toutes 'd’eslite, mais pour luy servir de filles de chambre et non pas de demoiselle d'honneur, qui ne s'admectent audict palais.
A tant, etc.
A Bruxelles, le 28 febvrier 1610.
(Suscription) : A. M. Pkcquius.
(Négociations de France, 1610-1811.)
oO^
l w Mars 1610. — P. Pecquius à l'archiduc Albert.
( EXTRAIT
Monseigneur, Personne ne doubte plus en cette cour que le prince de Condé ne se soit acheminé vers Milan ou Espaigne, dont le marquis de Cœuvre, retourné hier matin en cette ville, a aussy confirmé les nouvelles au Roy très-chrestien, plus néautmoins par conjectures, & ce que j’entens, que par aucune certitude. Mais ce qui me le fait croyre est que Sa Majesté catholicquo a prins en sa protection lediçt prince et la princesse sa femme, ainsy que m’a dictdon Innigo de Cardenas, qui juge que Sadicte Majesté n’en pouvoit user autrement sans faire bresche à sa réputation. C’est chose fascheuse cependant de veoir que le Roy très-chrestien ne monstre pas la satisfaction qu’il debvroitbien avoir de Vostre Altesse en cet endroit, et qu’aucuns de ses ministres descouvrent plustost le contraire par leurs propos et contenances,
PIECES
nomméement le chancelier qui m’en parla avant hier fort froidement, jusqu es à me faire sentir que pour le présent il ne viendroit pas bien à point que je demandasse audience au Roy sur cette matière. Je luy diz que je n’en pouvois comprendre la cause, puisque tout ce que le Roy avoit désiré de Vostre Altesse avecq déclaration qu’il le prendroit à plaisir et obligation estoit arrivé, asçavoir que Vostre Altesse a rendu toutes sortes de bons offices pour induire ledict prince à s’en retourner en France, et qu’à faulte de succès de ce point il est sorty de ses pays et ladicte princesse y retenue. À quoy le chancelier se trouvant manqué de réplique pertinente, me confessa que Vostre Altesse avoit assez fait paroistre d’affectionner la réconciliation dudict prince et puis après son deslogement de ses estatz, mais qu’elle avoit donné beaucoup de créance à ses rapports touchant le prétendu dessein de l’enlèvement de ladicte princesse, dont enfin ne s’estoit rien trouvé, et croyoit le chancelier que Vostre Altesse vouldroit maintenant et moy aussy que les choses se fussent passées à moins de bruit, veu que pour garantir ladicte princesse de toute force, il ne falloit que la faire mener de bonne heure en cour, de la façon qu’il a esté fait depuis. Je repartiz que Vostre Altesse, ayant envoyé gens au prince d’Oranges pour préserver sa maison et les personnes y logées de violence, n'avoit rien fait dont elle se deust répentir, aius quelle en feroit tousjours autant en semblables occurences, où il y nuroit danger en l’attente, et priny ledict chancelier de ne me presser à dire les indices qui peuvent avoir esté recognuz dudict dessein pour estre un subject mal plaisant plus digne de silence que de beaucoup d’esclat, comme aussy je le priay de n’estimer que l’honneur de ladicte princesse eust reçeu aucun esclandre ny apparence d’intérest par la garde envoyée à ladicte maison d’Oranges ny ce qui s’en est ensuivy, puisqu’il est tout certain et cognu par delà
JUSTIFICATIVE
qu’elle a fort désiré d’estre mise en seureté des craintes qui la tenoient, et que mesmes elle a esté très aise d'entrer en la cour, selon l’instance que le connestable, son père, et la duchesse d’Angoulesme en avoient fait de son bon gré envers Vostre Altesse, tellement qu’il n’y avoit eu aucune raison en ce qu’avoieut dict les ambassadeurs français qu’elle y avoit esté menée par manière de violence et de quelque espèce d’emprisonnement. Le chancelier advoua bien que ledict connestable et ladicte duchesse aymoient mieulx que ladicte princesse fust en la cour de Vostre Altesse que menée par son mary en autres pays estrangers, mais qu’ilz n’ont garde d’aggréer ledict vacarme fait à l’hostel d’Oranges, duquel au contraire ledict connestable estoit dolent, comme le chancelier disoit avoir sçeu de sa bouche. Et quoyque ladicte princesse soit en une cour très-honnorable et très-vertueuse et y reçoive tout plein de faveurs et courtoisies de Vostre Altesse et de la Sérénissime Infante, si disoit le chancelier qu’en effect elle y tient prison et n’est à présumer qu’elle y puisse demeurer sans qu’il ne touchast d’aucune promesse de Vostre Altesse de la rendre à ladicte duchesse si elle venoit à Bruxelles ii ces fins, qui fut cause que je ne luy diz aussy rien de la promesse contraire faite par Vostre Altesse audict prince, de retenir ladicte princesse jusques ù ce qu’il la luy demande ou qu’ilz soient juridiquement divorcez, n’ayant Vostre Altesse voulu par ses dernières que je feisse mention d'icelle promesse si l'on ne me parloit de l’autre prétendue; bien en ay-je dict un mot au nonce de Sa Saincteté le jourd'liier, sur ce qu'il me représentait d’avoir entendu que ladicte duchesse se rendroit il Bruxelles pour ramener ladicte princesse en France. Et m’ayant lo nonce ouy parler de divorce, me demanda fort soigneusement si ladicte princesse en avoit envie, disant qu'eu ce cas et s'y trouvant lo matière disposée, Vostre
PlèCSS
Altesse auroit le vray moyen de se desbrouiller de ces affaires, 1 et quelles autrement ne pourvoient faillir de luy apporter beaucoup de fascheries l'une sur Vautre. Je luy respondiz qu'il semble que ladicte princesse encline à prétendre le divorce et que par avanture ce pourrait estre de la besoigne taillée pour le nonce résident par delà. Je veulx croyre qu'il luy en escrira, monstrant d’y prendre goust.
Le président Jeannin se meit aussy en discours le jourd’hier avecq moy desdictes affaires, et après qu’il eut ouy mes raisons, et qu'il se fut enquis si j'en avois informé le Roy très-chrestien, je lüy diz que non, mais bien le chancelier, le sieur de Villeroy et ses ministres. A quoy il répliqua qu’il en auroit bonne souvenance, [et confessa ingénuement qu'il ne trouvoit rien à contreroller en la procédure de Vostre Altesse, laquelle s'ostoit deschargée dudict prince, et ne luy en pourrait l’on demander davantage; mais que si ledict prince venoità estre reçeu en quelque estât de Sa Majesté Catholique, ce serait] de là en avant avecq elle que l’on auroit à en traitter, n'y ayant encore aucunes nouvelles, à son dire, de la response que Sadicte Majesté auroit donnée au sieur de Yauchelas, ambassadeur de France, sur ce fait; et qu’en tous cas Sadicte Majesté ne tirera jamais, [grand service dudict prince, pour estre d’esprit légier et inconstant, sans authorité, pouvoir ny amys.] Regretta conséquemment ledict président qu’après tant de travaulx prins pour la trefve des Pays-Bas, que l’on jugeoit debvoir servir de pilier à un plus ferme establissement de bonne intelligence de la couronne de France avecq celle d’Espaigne, estoit née entre icelles si grande matière de desfiance par la retraite dudict prince, et aussy par les différens meuz pour la succession du feu ducq de Clèves. Je luy diz qu’il oublioit dé parler du traitté du Roy trèschresticn avecq le ducq de Savoye et de la guerre de
JUSTIFICATIVES
Milan, dont l’on disoit que le mareschal d’Esdignières (party de cette ville le pénultième du passé) s'en alloit conduire l’entreprinse avecq ledict ducq en personne, à Chambéry.
Je suis adverty depuis peu de jours en ça que [le Roy très-chrestien est sur le point de faire quelque traicté de nouvelle confédération avecq le roy de la Grande Bretagne, dont je commence à croyre quelque chose pour avoir veu le jour d’hier sur la table dudict président Jeannin les copies de quelques anciens traictez entre les Roys de France et d'Angleterre.]
Le gouverneur du [fils du sieur de Barbançon m’est venu dire que l’un de ces jours ledict jeune Barbançon se trouva seul avecq le daulphin au cabinet de la royne de France qui entretenoit le Roy et luy dit ces paroles : Mais monsieur noz enfans sont encore bien petits, ne vault il pas mieulx vivre en paix en attendant leur plus grand eagc, que de faire la guerre en Italie; à quoy le Roy très-chrestien respondit, non ma mie cela est résoulu, il faut qu'il soit.] J’ay fait quelque estât de cet avis pour n'y avoir apparence qu’il soit controuvé.
Je baise, sur ce, très-humblemeut les mains de Yostre Altesse, et prie Dieu la conserver, Monseigneur, soubs sa saincte protection.
De Paris, le premier de mars, 1610.
De Vostre Altesse scrénissime.
Très-humble et très-obéissant subjectet serviteur, P. Pecquius.
(Suscription) : A S. A. sérénitiime '.
(Négociations de France, 1G10-16U.)
1 On lit en marge : Respoudu le ix [mars] 1610.
PIÈCES
1 " mars 1610 . — P. Pecquius au secrétaire i' État P rats.
Monsieur, les deux ministres de cette cour [le chancelier et le président Jeannin] sont bien de différentes opinions, comme verrez par celle qui s'en va à Son Altesse. Et la cause de cette diversité est, h monadvis, que le peu de contentement du [Roy très-chrestien procède de ne pouvoir encore jouir do ses amours, ce que le premier desdicts ministres dissimule et l'aultre le blasme.] Je suis bien désireux d’entendre quel a esté le départ du marquis de Cceuvre, et si ny luy ni le sieur de Bemy n’auront fait aucun remerciement à Son Altesse des bons offices par elle rendus ès affaires du prince et de la princesse dç Condé. Le Roy très-chrestien, après avoir ouy au long le rapport dudict marquis, [at tenu un conseil d’Estat dont le résultat m’est encore incognu,] bien, me dit-on, que [le Roy demeure chagrin et mal content dudict marquiz, ayant dit au ducq de Vendosme que son oncle n’est qu'une beste, et si ce que] le nunce de Sa Sainteté a raccontê est véritable, ledict Roy a [escrit au marquiz mesme qu’il estoit un sot, nimirum quia raptus Helenæ non successit 1 .] Quelques-uns disent icy qu’il eust esté à propos de laisser mener la princesse hors de la ville pour par après l'oster aux entreprenneurs à leur confusion, mais il me souvient d’une loy qui dict: Melius esse in tempore occurrere quam post caussam vulneratam remedium quœrere *. Au reste, il est certain
' Sans doute parce qu’il n'a pus réussi à enlever Hélène.
2 11 est préférable de prévenir le mal que de chercher après coup à le guérir.
JUSTIFICATIVES
que [ledict seigneur Roy ne sera jamais ix repos, s’il ne voit la dame qui luy faict plus de mal que ledict prince.] L’on luy apporta les jours passez lettres [interceptées du sieur de Beaumont, filz du premier président du parlement de Paris, escrites audict prince, auquel l'on dit qu’il offroit son service. 11 s’est absenté d’icy et ledict premier président en est en] extrême transe.
Le cœur me crève de despit à ouyr les discours que l’on fait tout communément en ceste cour de nostre [comtesse de Fontenoy l .] Voylà un estrange malheur à trois maisons et sans apparence de remède. Dieu console les parons.
Le courrier envoyé ces jours passez par Son Altesse vers Espaigne, a esté retenu icy cincq ou six jours, en luy refusant chevaux de poste. C’est la revanche de ce qui est arrivé en Espaigne au maistre d’hostel du sieur de Vauchelas, comme j'ay escript ii Son Altesse par mes pénultièmes. A beau jeu, beau retour. Don Iunigo le digère pour cette fois.
Le capitaine VanDamme, porteur des présentes, s’en vient aveeq quelque grande provision de deniers, pour le régiment du comte de Barlaymont; il a difFéré son partement d’icy environ une journée, à ma requeste, et pour le respect du service de Son Altesse. Je vous baise sur ce les mains et demeure de cœur et d’âme, Monsieur, Vostre très-humble et zélé serviteur, P. Pecquius.
De Paris, le premier de mars 1610.
(Suscription) : À Monsieur Praets, chevalier, secrétaire A' Estât de Leurs Altesses sérénissimes *.
(Négociations de France, 1610-1611.
1 Passage chiffré sans traduction dans l'original.
5 On lit en marge : Respondu le ix*mnrs 1610.
PIÈCB8
3 mars 1610. — P. Pecquius à l'Archiduc Albert.
Monseigneur, Je fuz adverty hier matin de par le connestable de France, qu’il vouloit me veoir après le disner. Et ii l'instant survint le baron de Bonoeil, qui médit d'avoir sçeu du marquis de Coeuvre que le Roy très chrestien luy avoit commandé de se rendre aussy en mon logis avecq ledict connestable et la duchesse d’Angoulesme, pour conférer ensemble de ce qui estoit du prince et la princesse de Condé. De fait ilz se trouvèrent tous trois chez moy trois heures après-midy. Et le marquis commençant le propos ii la semonce du connestable, me dit que pour donner compte particulier de ce qui s'estoit passé il Bruxelles durant sou ambassade , il jugeait à propos que je sçeusse que ledict connestable envoya avecq luy audict Bruxelles un sien secrétaire, nommé Girart, que le Roy avoit commandé à luy marquis de présenter à Yostre Altesse pour délivrer à icelle les lettres dudict connestable et de ladicte duchesse, par lesquelles ilz la prioient de ne permettre que ladicte princesse fust emmenée en autres pays estrangers par ledict prince son mary, ains de la retirer de bonne heure de ses mains et la tenir par delà soubs leur protection. De quoy ledict marquis disoit aveir parlé au baron de Havesquerque premier que de présenter ledict secrétaire à Vostre Altesse, de poeur que venant cette présentation et le subject d'icelle à la cognoissance dudict prince , il n’en prinst occasion de plus d’aigreur et rudesse contre ladicte princesse et d’avoir proposé audict baron de la mettre auprès de la femme du sieur de Berny. Ce que n’ayant ledict baron gousté, ains respondu qu’il luy
JUSTIFICATIVES
sembloit plus expédient de loger la princesse en quelque honnorable monastère, ne fust que Vostre Altesse et la Sérénissime Infante voulussent la recevoir en leur palais, ledict marquis disoit avoir reparty qu'en France c'estoit quelque note d'infamie aux femmes d’estre encloistrées arrière de leurs marys, et que le logis dudict sieur de Bemy seroit bien plus propre à ladicte retraitte. Depuis estant ledict secrétaire présenté à Vostre Altesse et ayant ledict baron par charge d’icelle déclaré audict marquis qu’elle vouloit protéger ladicte princesse et pourveoir qu’aucun tort ne fust fait à sa vie ny à son honneur , ledict prince avoit demandé à la princesse laquelle chose de deux elle aymeroit mieulx, ou de s’en aller avecq luy suy vre sa fortune ou bien d’estre mise auprès de la Sérénissime Infante, en son palais. A quoy elle avoit respondu, qu’il la surprennoit et que s’il avoit pensé à cette proposition à son loisir, il estoit raisonnable qu’elle eust aussy du temps pour y songer et en sçavoir l’advis de ses parens , ausquelz elle estoit contente d’en escrire au plustost. Mais au lieu de luy accorder ce délay, ledict prince s’en étoit allé supplier Vostre Altesse de la recevoir en sondict palais, disant qu’il s’en iroit en autres pays. Et suy vaut ce avoit ledict baron de Havesquerque tascbé de faire trouver bonne, tant A ladicte princesse qu’audict marquis, la résolution de Vostre Altesse conforme au désir dudict prince. Mais ledict marquis avoit tousjours insisté au contraire ; et quant à ladicte princesse, si elle avoit dict de s’y vouloir soubsmettre, c’avoit esté à condition de n’estre jamais rendue audict prince. Lii-dessus , le marquis de Spinola s’en estoit venu tout eschauffé A l’hostel de Nassau, le sabmedy, 13 du passé, donner advis audict prince qu’il y avoit nombre de François tous prestz A enlever ladicte princesse de son consentement et la mener en France, de quoy Vostre Altesse advertie tout aussytost par ledict prince luy avoit envoyé
SftO
sa garde et vint- on dire audict marquis de Cceuvre, à table, qu’il y avoit (i l'hostel de Nassau trois cens hommes en armes avecq CO chevaulx, que -le prince avoit reproché à la princesse quelle estoit coulpable du dessein dudict enlèvement, menacé et fait battre le secrétaire dudict sieur de Berny, et que l’on s’en alloit cerchant les François par la ville, qui avoit meu ledict marquis et ledict de Berny de s’addresser à Vostre Altesse pour sçavoir la cause du vacarme. Et leur estant respondu par Vostre Altesse qu’elle estoit informée dudict dessein, ilz l’avoieut priée d’en faire chastier les eutreprenneurs , si aucuns y en avoit, et de s’en esclarcir. A quoy elle avoit reparty qu'il n’estoit ja besoin de leur en donner plus d’esclercissement. Et le lendemain fut ladicte princesse menée au palais, costoyée de près par son ennemy Rochefort , mignon du prince , non sans beaucoup de comptes et bruits courrons par la ville à l’interest de sa réputation, contre ce que Vostre Altesse avoit promis de prendre sa vie et sou honneur soubs sa sauvegarde, de quoy ledict marquis de Coeuvre me dit que ladicte princesse avoit eu beaucoup de regret. Et pour monstrer qu’elle n’avoit rien moins désiré que d’estre menée en cour de telle façon, il me donna à lire une lettre quelle luy avoit escrite, sans date, contenant grandes plaintes en termes généraulx, des peines, injures et oultrage3 qu’elle soustenoit, le priant de l’assister, quelle ne fust mise au palais contre son gré et par violence, laquelle lettre ladicte duchesse d’Angoulesme print en mains, comme si auparavant elle ne l’eust pas veue , et en advoua l’escriture et la signature, que je disois estre fort bien et artistement faites pour une jeusne dame. Puis ladicte duchesse et ledict connestable, embouchez (comme il fait à croyre) par le Roy et ledict marquis, se plaignirent que l’on avoit fait entrer ladicte princesse au palais sur un tel vacarme préallable que l’on disoit toucher à son honneur.
JUSTIFICATIVE?
Ma responce à tout ce discours fut que ladicte duchesse et ledict connestable avoient peu veoir par les effectz le beaucoup de bien que Vostre Altesse et la Sérénissime Infante vouloient à ladicte princesse, mesmes pour l’affection singulière et cordiale quelles ont à ladicte duchesse et que par deux fois en parlant à moy, tant devant qu’après ladicte entrée au palais, ilz avoient confessé de leur estre infiniement redevables des faveurs que ladicte princesse recevoit d’elles. Ce que m'estant par eulx advoué, je disois qu'ilz n’auroient aucune raison de s’imaginer que Vostre Altesse eust jamais eu intention de faire ou souffrir estre faite chose qui eust peu mettre l’honneur de ladicte princesse en danger, la conservation duquel elle avoit au contraire en très grande recommandation et se fust aussy bien gardée, avecq la Sérénissime Infante, de donner place à ladicte princesse en leur maison propre s’ilz eussent seulement doubté qu’il y eust tant fust peu ii redire en son fait , le lustre de ladicte maison estant tel et si révérable que la seule réception en icelle empesche et purge toute soubçon sinistre de ceulx et celles qui ont l’honneur d’y entrer ; je leur remonstray conséquemment qu’ilz m’avoient fort instamment requis de prier Vostre Altesse de leur part pour ladicte réception, et qu’après en avoir entendu les / nouvelles, ilz m’avoient tesmoigué d’en estre très joyeux avecq beaucoup de remerciemens du bienfait signalé dont il avoit pieu à Vostre Altesse les gratifier en cet endroit, ce qu'ilz ne debvoient avoir fait, s'ilz pensoient que ce fust aux despens de la bonne renommée de ladicte princesse, de sorte que je ne pouvois comprendre de quoy ilz vouloient maintenant tirer subject de plainte ou d'aveux deschet de leur premier contentement, car quant ii ce que ledict marquis de Cœuvre avoit raconté que par lcdict vacarme fait à l’hoatel de Nassau et par toute la ville de Bruxelles ladicte princesse auroit esté diffamée
PIÈCES
d'avoir complotté sondict enlèvement, je disois que Vostre Altesse avoit envoyé gens de sa garde au prince d’Oranges, afin qu’il s’en servist comme il trouveroit estre besoin pouT préserver sa maison de violence, sans luy avoir dict ny fait dire ny A autres que ladicte princesse eust aucun mauvais dessein, ce que je ne croyois aussy que ledict marquis de Cceuvre eust ouy de Vostre Altesse, de la Sérénissime Infante, ny d'aucun de leurs ministres ou officiers. Et d'autant moins que je n’avois entendu que ledict prince eust rapporté rien de tel A Vostre Altesse, ains seulement qu’il y avoit des François qui vouloient enlever ladicte princesse sa femme par force. En somme, je maintenois fort et ferme que tout ce que Vostre Altesse avoit fait en ce négoce avoit esté pour favoriser ladicte princesse et les siens, et que l'on auroit tort de la destourner à interprétation contraire, considéré mesmes que l’innocence de ladicte princesse est notoire en ladicte ville de Bruxelles et ailleurs, et que l’on sçait aussy tout communément qu’elle n’a pas esté conduite en cour pour crainte que l’on eust quelle feist un fauls bond à son debvoir, mais bien do son bon gré et selon son désir, pour crainte qu’il ne luy mesadvinst fust par manière dudict enlèvement ou par mauvais traitement dudict prince son mary.
Ledict marquis de Cœuvrc répliqua qu'il y a bruit en cette cour et pnr toute la France que ledict prince et le marquis de Spinola ont adverty Vostre Altesse que l’on vouloit enlever ladicte princesse par complot secret fait avecq elle, et qu'il n’y a point aussy d’apparence qu’ilz en eussent parlé autrement, asçavoir que l’on desseignast d'attenter ledict enlèvement malgré ladicte princesse, pour estre trop certain que c’eust esté une entreprise du tout téméraire, et qui n’eust peu aucunement réussir, usant ledict marquis de ces termes : « Cela seroit bon A dire à des enffans et non A des personnes de bon juge-
JUSTIFICATIVES
ment > . Puis, prennant un plus hault ton, il me dit que Vostre Altesse avoit esté plus facile il adjouster foy audict prince qu’il n'en estoit besoin, et que tout ce que j’alléguois tendoit bien à couvrir et sauver l’honneur de ladicte princesse, mais qu’il failloit ad viser qu’en ce disant je ne tombasse en autre inconvénient de rejecter la prétendue coulpe sur personne plus grande. Je respondiz que je ne rejectois la coulpe sur personne, et que je parlois en sorte que je n’en debvois craindre aucun inconvénient; voire que je maintiendrais tousjours franchement devant un chacun que Vostre Altesse n’a rien fait au regard dudict prince ny de ladicte princesse quelle ne deust faire. Et sur la réplique dudict marquis qu’il y alloit de l’honneur du Roy très chrestien, je diz que je ne maintenois pas ny ne voulois maintenir que le Roy eust donné charge d’enlever ladicte princesse, mais que Vostre Altesse advertie qu’on la vouloit enlever a esté justement meue d’y pourveoir. Le marquis persistant en son dire , imputa la cause dudict accident en partie à un udvis qu’il disoit avoir esté donné mal à propos par don Innigo de Cardenas , mais principalement aux rapports, pratiques et instigation dudict marquis de Spinola, s'entendant fort estroitement avecq ledict prince, auquel il avoit donné de l’argent et offert le chasteau d’Anvers ou de Gand pour sa retraite y consentist Vostre Altesse ou point, et estant mal satisfait au reste de ladicte princesse pour le peu de faveurs qu’elle luy a monstrée, mesprisant ses courtoisies et les offres de ses services dont, au dire dudict marquis de Coeuyre, il a esté fort libéral et libre envers ladicte princesse, jusques à luy avoir dict qu’il sçauroit bien la servir et s’en taire et tascher de gaigner la demoiselle de ladicte princesse nommée de Chasteau-Verd, afin qu’elle le favorisast en ses amours, luy ayant à ces fins premièrement offert sa bourse et par après dix mille eseuzd’or, lesquelles offres estans par elle refusées, ledict marquis s'en serait despité
PIKCKS
et auroit esté cause qu'elle a esté retirée de ladicte princesse, comme si elle eust trempé au dessein de son enlèvement. Surquoy ledict connestable print aussy occasion de descharger son cœur avecq colère contre ledict marquis de Spinola, qu'il appelloit marchant, et monstroit par sos propos et gestes de l'avoir en grand'hayne, comme faisoit aussy ladicte duchesse, quelque peine que je rendisse à leur donner meilleure impression de luy, affirmant qu'il a tousjours eu réputation de seigneur fort sage et advisé, sans que je l'eusse jamais ouy noter d’aucunes folies d’amour.
De là, l’on meit sur le tapis si ladicte princesse debVroit tousjours demeurer au palais de Vostre Altesse, où ledict marquis de Coeuvre disoit qu’elle estoit comme en prison , et au surplus logée peu convenablement à sa qualité de première princesse du sang de France, luy ayant premièrement esté donnée la chambre de madamoiselle d’Espinoy, et depuis une autre à galetas , au plus hault estage, en compagnie d’une seule de ses femmes, qui ne l’a pas servie longtemps, le3 deux autres luy estans ostées, asçavoir ladicte du Chasteau-Verd et la chambrière, avecq lesquelles elle avoit le plus de privauté et qui luy rendoyent le service le plus nécessaire. De quoy ledict connestable et ladicte duchesse feirent aussy de grandes doléances et de ce qu’on avoit voulu donner k ladicte princesse des damoiselles à elle incognues de Malines, et mesmes une niepce de Kerreman, qu’ilz qualifioient Espagnol et grand favorit dudict marquis de Spinola, comme faisoit de mesme ledict marquis de Cœuvre; ilz me proposèrent en suyte de tenir la main que Yostre Altesse eust pour aggréable de renvoyer ladicte princesse audict connestable son père ou à ladicte duchesse, qui l’en supplieroient et la Sérénissime Infante par leurs lettres. Et après que j’eu respondu que Vostre Altesse ne la pouvoit rendre à autre qu'audict prince ou celuy qu’il dénommeroit, pour l’avoir reçeue en son
JUSTIFICATIVES
palais à cette condition, que je trouvois fort juste et raisonnable, ledict marquis de Cœuvre repartit que Vostro Altesse et la Sérénissime Infante avoient parlé de la rendre à ladicte duchesse si elle les en venoit requérir. Je demanday si Vostre Altesse ou la Sérénissime Infante luy en avoient fait promesse, ce qu’il n’osa pas affirmer, ains seulement que la Sérénissime Infante, suppliée par ladicte princesse de ne la jamais remettre au pouvoir de son mary, ains plustost de son père ou de ladicte duchesse, avoit respondu quelle la rendrait plustost à ladicte duchesse qu’à nul autre, bien, me dit-il, que ledict baron de Havesquerque luy avoit déclaré que Vostre Altesso ne se hasteroit pas à. recevoir ladicte princesse en son palais, mais qu’après l’y avoir reçeue, elle ne la rendrait pas audict prince. Je respondiz à cela de n’en avoir rien entendu, mais bien sçavoir que Vostre Altesse avoit engagé sa parole de ne rendre ladicte princesse sans le consentement dudict prince, ne fust en cas de divorce. Et sur ce lesdicts connestable et duchesse se prindrent à alléguer et exaggérer plusieurs causes , pour lesquelles ledict divorce se debvoit faire, du moins la séparation du lict, dont ilz disoient croyre que je sçeusse une bonne partie, comme entre aultres particularitez que ledict prince avoit menacé ladicte princesse de la jecter hors de la fenestre, si elle ne caressoit ledict marquis de Spinola; [qu’il avoit dit beaucoup de villenies controuvées d’elle au sieur de Molembais et des choses que l’on ne dirait pas d'une garce; ainsi qu’ilz avoient sçeu dudict marquis de Cœuvre, que ledict prince a voulu forcer ladicte princesse sa femme è faire quelque chose avecq Rochefort, et plusieurs poinctz semblables qui se descouvriroient en temps et lieu, ayant mesmes, à l’en dire, ladicte duchesse reçeu lettres de ladicte princesse, escrites à Meuret, peu devant que ledict prince la menast en Flandres, que la honte la retenoit de l'advertir des choses estr&nges qui se passoient en la vie et ès actions de son mary .]
soc
PIÈCES
Ausquelz propos je respondiz que s’ilz pensoieut avoir causes légitimes pour fonder le divorce ou la séparation du lict, Vostre Altesse ne les en empescheroit pas, et moins l'exécution de la sentence qui s'y pourroit rendre S leur avantage. Ilz répliquèrent que le procès ne se pourroit faire ailleurs qu’en France, et qu’à ces fins il fauldroit que ladicte princesse y fust renvoyée; de laquelle matière je diz n'avoir charge de traitter plus avant que je n’avois ja déclaré , mais qu’a mon advis le procès se pourroit aussy bien demener à Bruxelles ou ailleurs que par deçà, par devant un juge qu’il plairoit à Sa Saincteté a ce délégué, n'estant sa juridiction restrainte a aucun lieu. Et comme ilz persistoient au contraire avecq tant de chaleur que je voyois bien que c’estoit pour cela principalement qu’ilz m’estoient venuz trouver ainsy tous ensemble , annonçans cette raison parmy les autres qu’à leur advis et d’autres qu’ilz en avoient ouy parler, dez que la femme demande le divorce, elle doibt estre exempte de l’authorité et pouvoir de son mary par manière de provision, je ne vouluz plus contester sur cet article, disant que j’en escrirois un mot a Vostre Altesse à la première commodité , et qu’au demeurant ilz se pouvoient tenir asseurez que ladicte princesse avoit reçeu jusques à présent au palais et recevroit encores tant quelle y seroit tout le bon traittement qu’elle pourroit désirer avecq la liberté convenable, sans que je me peusse persuader qu’elle eust de quoy se plaindre de son quartier, mais que l’on debvoit considérer qu’ès palais des grands princes, il y a le plus souvent bien peu de place pour accommoder ceulx que l’on y loge par-dessus la famille ordinaire, et que mesmes l’expérience le monstroitau Louvre, en cette ville, qui est la demeure du Roy. Je diz en outre audict connestable et à ladicte duchesse que Vostre Altesse ne m’avoit pas encore respondu sur le point desdictes deux femmes de ladicte princesse, retirées chez ledict baron de Havesquerque, mais qu’en
JUSTIFICATIVES
ayant nouvelles , je leur en donnerois incontinent part ; ilz m'en prièrent fort instamment, comme si c'eust esté chose de fort grande importance , disant se confier que Vostre Altesse aura commisération de ladicte jeusue princesse en ce regard, ainsy qu’à la vérité il semble qu’elle mérite cette grâce, si tant est qu’il n’y ayt cause pregnante et certaine pour laquelle lesdictes femmes seroient indignes de l’honneur de son service. Finalement, ledict connestable après m’avoir recommandé à part le fait et la consolation de ladicte princesse et recognu qu’il se tenoit obligé à Vostre Altesse et à la Sérénissime Infante pour tousjours, comme estaient aussy tous les siens, des faveurs qu’elles départent si largement à ladicte princesse, me dit qu’il vouloit sérieusement penser audict divorce, avecq bon conseil, et d’autant plus avoit ferme créance pour plusieurs respectz que sadicte fille n’a pas encore esté touchée par ledict prince. Bref, quelque démonstration que ledict connestable et ladicte duchesse ayent fait de n'avoir entier contentement de la forme de la procédure dont l’on a usé en ces affaires par delà, si puis-je certifier Vostre Altesse que ça esté plus pour la présence dudict marquis qu’autrement, et qu’en leurs âmes ilz sont fort satisfaits jusques ores , comme ilz doibvent. Et sur ce , baisant très humblement les mains à Vostre Altesse, je prie Dieu la conserver à longues et heureuses années, Monseigneur, soubs sa saincte protection.
De Paris, le 3 mars 1610.
De Vostre Altesse Sérénissime, Très-humble et très-obéyssant subject et serviteur, P. Pecquius.
(Suscription) : A Son Altesse Sérénissime 1 .
(Négociations de France, 1610-1611.)
1 On lit en marge : Respondule ix mars 1610.
PIÉCK.3
4 mars 1610. — L’archiduc Albert au connétable de Montmorency.
(MINUTE
Monsieur le Ducq, Vous tenant informé de l’estre et santé de la princesse de Coudé vostre fille, et de son entrée en nostre maison tant par ses propres lettres que de ce que vous en aura dit de ma part mon conseiller Pecquius, et me référant à ce que vous en rapportera plus amplement ce porteur, vostre secrétaire, je vous asseureray seulement que et pour sa vertu et louables qualitez sa présence nous est très-aggréable, ainsy qu'est de mesmes d’avoir sçeu, par lettres dudict Pecquius, que vous monstrez avoir satisfaction de l'accœuil que l’on luy faict, lequel je désire que serve d'un tesmoingnage de la volonté que j’auray tousjours portée à vous complaire, de laquelle je prie Dieu vous avoir. Monsieur le Ducq, en sa divine protection.
A Bruxelles, le 4 e mars 1610.
(Sans courtoisie.)
Albbbt.
(Superscription): A Monsieur le ducq de Montmorency , connestable de France '.
(Audience, liasse 451.)
1 On lit en marge : Au connestable de France de la part de Son Altesse.
JUSTIFICATIVES
4 mars 1610. — l’infante Isabelle à la duchesse d’ÂngoviSme.
(MINUTE
Ma tante, Ayant sçeu du présent porteur, secrétaire du connestable de France, qu’il estoit prest à l’aller retrouver pour luy donner compte et à vous quant et quant de l’estât et santé de la princesse de Condé, je n’ay voulu qu’il s’en allast sans ce mot, tant pour vous advertir de la réception de la vostre, qu’il m’a délivré, que pour vous faire foy que depuis que ladicte princesse est arrivée en ce pays, j’ay eu particulier soing quelle y fut chérie et caressée au mieulx que l’on a sçeu faire, pour tcsmoignage de l'estime que je fay de sa personne et ses aggréables conditions. Et ne servant ceste à aultre effect, je ne l’estendray que pour saluer très affectueusement vos bonnes grâces et vous souhaitter, ma Tante, toute sorte de contentement et très longue vie.
A Bruxelles, ls 4' mars 1610.
Vostre bonne niepce ’,
■ Isabbi.:
(Superscription) : A ma Tante la dame d' Angoulesme î ■
(Audience, liasse 451.)
1 On lit en marge : La courtoisie de la main du secrétaire.
! Id. A la duchesse d’Angoulesme de la part de
la Sérénissime Infante.
PIECES
9 mari 1610. — Lei Archiducs à P. Pecquius (MINUTE)
Les Archiducqz, etc.
Voz deux dernières du premier et ni* de ce mois nous ont adverty au long des propos et discours qu’avez eu avecq le chancellier de France, et depuis avecq le président Jeannin et finalement avecq les duchesse d’Angoulesme, connestable de France et le marquiz de Cœuvre, et vous avez respondu et réparty si discrètement ù toutes les objections et réparties qu’ilz vous ont faict que n’en pouvons avoir que tout contentement ; mais quant à la demoiselle d’honneur de la princesse de Condé Chateau-Verd et la fille de chambre nommée Philipotte, vous aurez, depuis l'envoy de vos dictes dernières, entendu pnr la nostre du xxvm du mois passé la cause pour laquelle ne puissions complaire ausdicts duchesse et connestable à les rendre à icelle princesse, laquelle vous leur aurez discrètement insinué et leur conseillé de nostre part que pour mesme raison ils feront bien de au plustost les faire rappeller en France, se contentans que la Kerremaus n’entrera en son service, puisqu’elle ne luy est aggréable.
A tant, etc.
A Bruxelles, le ix* mars 1610.
(Suscription) : A Pecquius.
(Papiers d'État et de l'audieace. Négociations de France. 1610-1611.)
JUSTIFICATIVES
10 mars 1610. — P. Pecquius à l'archiduc Albert.
(EXTRAIT
Monseigneur, Plusieurs advis et rapports conformes venans de bons lieux rendent indubitable ce que j’ay escrit à Vostre Altesse, par aucunes de mes précédentes, que le Boy très chrestien appreste en diligence ses trouppes à pied et à cheval pour aller (comme l’on publie) au secours des princes de Brandenbourg et de Neubourg, jusques au nombre de dix-huit mille hommes de pied, que François, que Suysses, et trois mille che- ,vaux, qui auront leur rendez-vous , à ce qu’il semble, à Montcornet, frontière de Champaigne. Je ne suis pas encore bien informé qui sera le général de cette armée, mais l’on tient pour certain que le ducq d’Espernon, comme colonel général de l’infanterie françoise, le ducq de Rohan, chef des six mille Suysses, qui doibvent marché de bref vers Saint-Jehan de Laune en Bourgoigne, le ducq de Nevers, général de la cavallerie, le duc de Sully, général de l’artillerie, et les mareschaulx de Bouillon et de Laverdin s'y trouveront, voire mesme il se croit que le Roy très chrestien se rendra en personne à C'haslon en Champaigne, où il a fait mener d’icy vingt et une pièces d’artillerie, vingt mille boulets, et grande quantité de pouldre. Quelques-uns parlent de plus grand nombre de gens , mais ce que j’en escris me semble le plus asseuré, et si les ordres et commandemens du Roy tiennent, et sont bien exécutez, cette armée debvra estre preste pour le 15 du mois prochain. Quant au chemin qu’elle prendra pour entrer au pays de Juilliers, l’on en
PIÈCES
discourt icy diversement, les uns disans que ce sera par Lorraine, et les autres par vostre pays de Luxembourg, par lequel le Roy demanderoit passage à Vostre Altesse et au cas de refus le prendrait par force. Il y a bien plus, que selon les ad vis que j’ay reçeuz depuis quelques jours en çà, le dessein du Roy très chrestien est de faire une invasion hostile au pays de Vostre Altesse, et d’y surprendre quelques places sur la frontière, s’il peult, comme estant résolu de rompre avecq Sa Majesté et Vostre Altesse pour le fait du prince de Condé, qui s’est embarqué secrètement (à ce que l’on dict icy) au port de Dunquerque, et doibt desjà estre arrivé en Espaigne. Les discours du chancelier, du président Jeannin et du sieur de Villeroy , me font croyre que si le Roy a tel dessein , [c’est la passion du desdaing et du despit qu’il a de la retraicte dudict prince avecq la princesse sa femme], qui l’y aura porté, se remarquant en luy [une picqueure si véhémente, depuis la faulte de l'entreprinse de Bruxelles], que ceulx qui ont accoustumé de luy corner la guerre aux oreilles, n’ont peult estre à ce coup rencontré guierres d’obstacle en ses humeurs il les y disposer, qui serait au grand regret de plusieurs autres mieulx advisez et plus clervoyans, ne se pouvans augurer rien de bon d’une guerre que [l’on vouldroit faire naistre de telle cause] , car en tant que touche le résentiment que [le Roy de France monstre d’avoir du tort qu’auroit esté faict à sa réputation par l’alarme qui se donna à Bruxelles, à l’hosteld’Orenges, l’on n’en parle icy que comme d’un masque, le desseing de ladicte entreprinse estant tenu pour certain]; auquel quelques-uns me veuillent asseurerque [le sieur de Préaulx et la femme du sieur de Berny ont eu leur bonne part, et que le sieur de Warde a esté enchargé de mener ladicte princesse à La Chapelle si on la pouvoit enlever de Bruxelles. J’ay aussy veu une lettre dudict sieur de Berny, escrite h un sien amy par deçà ,
JUSTIFICATIVES
par laquelle il donne assez ii cognoistre la vérité dudict desseing, bien qu’il proteste de n’y avoir trempé, faisant ladicte lettre mention d’un François nommé de Moucheaux, qui auroit esté de la menée, estant présentement à Bruxelles, fort chéry du comte de Busquoy, duquel Moucheaux, m’a aussy parlé La Rocquinière, françois cognu à Vostre AltesSe, disant qu'icelluy Moucheaux a esté banny de France à cause de quelques homicides, mais que le sieur de Trigny, gouverneur de la ville d’Amiens, a persuadé au Roy de France de l’envoyer à Bruxelles pour ledict desseing, et que c’est un meschant homme dont l’on se doibt bien donner garde].
Les ambassadeurs des Provinces -Unies ne sont encore arrivez en cette cour, mais l’on croit qu’ilz sont . en chemin, et que c’est principalement pour traitter avecq le Roy des affaires d’Allemagne , et l’inciter de plus en plus à rompre avecq nous. [J'espère avoir moyen de descouvrir une partie du secret de leur négociation], sans me pouvoir persuader qu’ilz soient resoluz de rompre avecq Vostre Altesse comme l’on dict icy, ny mesme le Roy quant il présent, bien qu'il y pourrait incliner.
Le comte de Bruay 1 est party de cette ville ce matin vers Fontainebleau après m’avoir fait l'honneur d’estre quelques jours chez moy, le Roy luy ayant fait dire par le prince d'Espinoy qu'il l’attendrait audict lieu. Il a veu icy la Royne et le Daulphin ensemble le ehancellier, le ducq de Sully et le s' de Villeroy. Vostre Altesse verra par ses lettres que porte ce courrier ce qui s’est passé esdictes entreveües, et quelle opinion il a de l’apparence de ladicte rupture. Don Inigo de Cardenas en escript aussy au comte d’Anover, ayant chez luy don
1 Oaston Spinola, frère d’Ambroise, il avait été créé comte de Brnay, en 1609.
PIÈCES
Alonzo de Velasco qui s'en va ambassadeur de Sa Majesté vers le Roy de la Grande-Bretaigne.
Je baise, sur ce, très humblement les mains à Vostre Altesse et prie Dieu la maintenir, Monseigneur, soubs sa saincte protection.
De Paris, le 10 mars 1610.
De Vostre Altesse Sérénissime,
Très humble et très obéissant subject et serviteur, P. Pbcquius.
(Suscription) : A Son Altesse Sérénissime *.
^Négociations de France, 1610-1611.)
15 mars 1610. — P. Pecquivs à l'archiduc Albert.
(EXTRAIT
Monseigneur, Rien ne s’obmet en ce royaume de ce qui regarde l’appareil d’une grande guerre, soit en levées de gens à pied et h cheval, soit en artillerie, munitions et autres provisions, dont la première despense a desjii fait ouvrir le thrésor de la Bastille et en tirer jusques environ deux cens mille livres, comme on tient icy pour certain
Le comte de Bruay m’a mandé de Fontainebleau que ledict seigneur Roy s'est fort plaint à luy des choses passées è Bruxelles, en parlant néantmoins tousiours de
1 On lit en marge : Respondu le 15 mars 1610.
'JUST1FICATIVRS.
Vostre Altesse avecq respect, et qu’à la vérité il est porté à la guerre, et a des grandes conceptions et intelligences, de manière qu'à l’opinion du comte il fault obvier à l’inconvénient de nostre costé, et empescher qu’il n’aille plus avant, sans se fier au pretexte de la guerre de Juliers.
La Rocquinière ayant accompagné ledict comte audict Fontainebleau, m’a dict qu’iceluy a parlé fort amplement et franchement au Roy, en luy représentant plusieurs bonnes maximes d’estat, pour lesquelles il ne debvoit entreprendre la guerre contre Sa Majesté Catholique et Vostre Altesse ; mais que le Roy, racontant à quelques-uns de sa noblesse une partie des discours dudict comte, avoit dict qu’il ne laisseroit pour tout cela de faire ce qu’il avoit proposé, encore qu’il eust remarqué que ledict comte avoit du jugement et de l’expérience; à quoy, ajouste ledict Rocquinière, qu’aucuns de ladicte noblesse ont esté marriz que ledict comte eust parlé au Roi, de pœur qu’il ne luy ayt fait passer l’ardeur qu'il avoit à la guerre. Dict davantage ledict Rocquinière d’avoir esté présent audict Fontainebleau à certain discours que le cardinal de Joyeuse tenoit au Roy sur les affaires du prince de Condé, et d'avoir ouy qu'il luy dit bien expressément par deux fois : t Sire, ilz nous ont desbauché le prince, il fault qu’ilz nouB le rendent. » Je m'informeray de plus près du jugement que le Roy a fait des remonstrauces dudict comte. Cependant, ledict Rocquinière et autres publient que le Roy s’est résolu de se trouver avecq toute l'armée à Chalon, et mesmes de passer avecq icelles jusques à Juilliers, et qu’il a dict s’asseurer que Vostre Altesse ne luy refusera pas le passage.
[La duchesse de Longueville m’a dit bien à certes que ledict seigneur Roy veult envoyer la duchesse d’Angoulesme à Bruxelles demander à Vostre Altesse et à la
Sérénissime Infante la princesse de Condé pour la remmener quand et elle eu Fronce; et qu'au cas qu’elle luy soit refusée, le Roy nous fera la guerre pour certain, ce qui m'a meu de parler dudict voyage à ladicte duchesse d’Angoulesme], mesme pour le bruit qui en est tout commun en cette ville. Et elle m'a respondu, présent le connestable de France, qu’elle a bien de l’envie de veoir Vostre Altesse et la Séréuissime Infante, pour les remercier des faveurs qu’elles luy font et à ladicte princesse; mais qu’à peine son grand aage le pourroit-il souffrir, et qu’en tous cas elle le vouldroit différer jusques à ce que les affaires de ladicte princesse fussent plus desbrouillées, affirmant [que le Roy ne luy a pas encore proposé ce voyage ny luy en parlé mot, et que c’est chose mal preste.] Aussy m'a elle assez donné à entendre, et de mesme ledict connestable, [que leur desseing n'est pas de redemander ladicte princesse à Vostre Altesse, sinon par le moyen d’une séparation juridique, dont ilz disoient vouloir commencer la poursuite au plustost,] pour les causes qu’ilz me représentoient avecq larmes, outre celles qu’ilz m’avoient auparavant allégués en présence du marquis de Cœuvre, contenues en mes pénultièmes. Et si me déclara ledict connestable qu'il doibt confesser [que selon Testât présent des affaires, ladicte princesse sa fille est mieulx qu'elle ne seroit auprès de luy, et que Vostre Altesse et la Séréuissime Infante luy font plus d'honneur qu’elle ne] mérite, par les courtoisies dont elles continuent de favoriser sadicte fille, en la faisant régaler journelement à sa table, selon le soin particulier qu'elles ont commandé au sieur d’Andelot d'en prendre, et ayant mesmement la Sérénissime Infante daigné de la mettre à son costé en son caroce, comme elle s'en alloit à la foire de la Verrerie, avecq autres particularitez dont ledict connestable et ladicte duchesse me faisoient récit, cognoissans qu'ilz en auront obligation très estroite à
JUSTIFICATIVES
Vostre Altesse et à la Sérénissime Infante pour tout jamais. Ilz me confessèrent en après d'estre advertiz que ladicte princesse porte maintenant sa fortune avecq assez de patience et va oubliant une partie de ses regrets, puisqu’elle se voit en si bon lieu, mais qu’elle ne pourra avoir entier contentement, si elle n’est asseurée de n’estre jamais rendue audict prince son mary, pour lequel point, ilz disoient aussy qu’ilz se trouvoient principalement en transe. Là-dessus, je leur diz ce que Vostre Altesse m’avoit commandé par ses lettres du 28 du passé, de leur respondre de sa part sur les trois demandes par culx faites, et ilz répliquèrent, quant au premier point, qu’il estoit bien vray que les affaires dudict prince ne sont à présent disposées à répéter ladicte princesse sa femme, mais qu’elles s’y pourroient disposer; mesmes que Sa Majesté Catholicque pourrait trouver bon qu’elle fust envoyée en Espaigne auprès de sondict mary, qui serait le plus grand malheur qui leur pourrait arriver, et qu’ilz aymeroientmieulx veoir ladicte princesse morte, esperans d’y remédier par la voye de ladicte séparation, puisque Vostre Altesse ne se vouloit résouldre à leur donner la parole qu’ilz désiraient; quant au second point, ilz restèrent très contens d’entendre que le marquis de Spinola n’aura aucun accès ny moyen de conversation avecq ladicte princesse; et quant au troisième, le connestable ayant ouy les causes pour lesquelles ladicte princesse no doibt plus estre servie de la demoiselle de Chateau-Verd, ni de la chambrière Philippote, me dit enfin avec beaucoup de gravité, en donnant lieu à mes persuasives, qu’il n’estoit raisonnable que Vostre Altesse reçeust lesdictes deux femmes en son palais, puisqu’on luy avoit faittelz rapports de leurs actions et déportemens que j’avois remonstré , et que mesmes ladicte de Château-Verd pourrait courrir danger d'estre offensée en sa personne, si ledict marquis de Spinola
sçavoit les propos qu’elle a tenu de luy. Ladicte duchesse advouant le mesme, dit que lesdictes deux femmes quelle alfirmoit s'estre retirées chez le sieur de Berny s’en pourroient retourner en France, et qu’elle adviseroit d’en choisir deux autres bien sages et fidèles qu-’elle envoyeroit à ladicte princesse en leur place, nommant quelques-unes audict connestable de leur cognoissance que l'on pourrait à ce employer, et desquelles elle se soubsmettroit de respondre envers Vostre Altesse et la Sérénissime Infante, moyennant qu’elles eussent pour aggréable de les accepter. A quoy je respondiz que je les en advertirois au plus tost, pour en sçavoir leur intention. J’enay parlé audict don Innigo de Cardenas, qui se monstra bien aise que j’avois induit ladicte duchesse et ledict connestable h se déporter de l'instance par eulx faite au regard desdictes deux femmes, sans qu'il me meust difficulté sur la surrogation de deux autres qui viendraient de si bonne main que de ladicte duchesse. Je baise, sur ce, très-humblement les mains à Vostre Altesse, et prie Dieu de conserver à longues et heureuses années, Monseigneur, soubs sa saincte protection.
De Paris, le 15 mars 1610.
De Vostre Altesse Sérénissime, Très humble et très obéyssantsubject et serviteur, P. Pbcquius.
(Suscription) : A Son Altesse Sérénissime h
(Négociations de France, 1610-1611.)
* On lit en marge : Respondu le xix d’icelluy mois.
LU
IC mars 1G10. — P. Pecquius au secrétaire d'État Pratz.
(EXTRAIT
Monsieur, Le temps est venu ce me semble que nous pensions à nous, et nous tenions bien sur nos gardes pour les causes que j’escris au Maître. Mais en cas de rupture je ne vois pas que nous puissions éviter un chocq bien rude d’aborder pour ceste année présente. .
J'ay à y adjouster pour un poinct fort signalé, que je croy que [la main de Dieu menace le roy de Franco de tant d'adultères et vileinies dont sa vie s’a souillé, ayant depuis peu de jours tasché d’attenter à l’honneur d’une damoiselle de la Royne, nommée Fontebon, en la ruelle du lict en une chambre de la Royne, qui s’en altéra fort, et renvoya incontinent la damoiselle à sa mère ; et c’est pourquoy le Roy se retira à Fontainebleau, mais la paix est faicte, et ledict seigneur Roy retourne ce soir en la ville. La Rocquinière me raconte que ledict seigneur Roy a dit au comte de Bruay que si le connestable de France demandoit sa fille à Vostre Altesse et qu’elle luy fut refusée, il assisteroit ledict connestable de ses forces pour la reprendre. Cela s'accorde assez au propos que m’a tenu la duchesse de Longueville, mais je ne sçay que penser comment ledict comte de Bruay se rend si familier audict Rocquinière, jusques îi l’avoir mené avecq luy audict Fontainebleau, puisque luy-mesme m’a confessé de le tenir pour suspect, ayant six cens escus de pension dudict seigneur Roy, qui ne se donnent qu’à bonnes enseignes. Je seray bien aiso d’entendre plus
PIÈCES
particulièrement en quelle réputation ledict de Rocquinières est par delà].
Et sur ce je demeure à jamais, Monsieur,
Yostre très humble serviteur, P. Pbcquiüs.
Paris, le 16 mars 1610.
(Suscription) : A Monsieur, Monsieur Prals, chevalier, secrétaire d' Estât de Leurs Altesses Sérénissimes 1 .
(Négociations de France, 1610-1611.)
18 mars 1610. — Le connétable de Montmorency à V archiduc Albert.
Sérénissime Prince, Je remereye très humblement Vostre Altesse de l’honneur, faveur et support qu’elle a depparty à madame la princesse de Condé ma fille, et me sens tellement son redevable que je recercheray par tous moyens de rendre très humble service à Yostre Altesse , laquelle sera asseurée do mon obeyssance à tous ses bons commandemens et que je ne désire rien tant que de faire chose qui luy soit agréable. Et d'aultant que Vostre Altesse n’ignore poinct le peu ou poinct d’amour que monsieur le prince de Condé porte à madicte fille, quelles sont ses mœurs et ses depportemens envers elle ; la sévérité qu’injustement il luy tient, que sa passion a esté si grande, qu’il n’a poinct eu de respect à son lion-
1 On lit en marge : Hespondu le xix<' mars 1610.
JUSTIFICATIVES
neur ; qu’enfin on peult bien souhaitter mais non pas se promettre qu’il change , je supplie très humblement Vostre Altesse de permettre h madicte fille qu'elle vienne me trouver pour consoler ma vieillesse, mesmes pour assister au couronnement de la Royne, auquel sont obligez d’assister tous les princes et princesses, seigneurs et officiers de ceste couronne, pour y servir Sa Majesté, laquelle sera très ayse de veoir madicte fille, à cause qu’elle tiendra le premier rang en ceste action qui sera fort célèbre. Je croys que Vostre Altesse aura esgard à ma juste supplication, et qu’elle m'octroyera la grâce que je luy demande, ayant commandé à Girard, mon secrettaire, porteur de la présente, de représenter à Vostre Altesse , si elle a agréable de luy donner audience, le surplus de mon intention. Et sur ce , aprez avoir très humblement baisé les mains de Vostre Altesse, je demeureray, Sérénissime Prince,
Son très humble, très obeyssant et très obligé serviteur,
Montmobency.
De Paris, ce xvm' mars 1610.
(Suscriptiou) : A Son Altesse Stréiiissime *.
{Papiers d'Etat et de l'audience, liasse N" 451.)
18 mars 1610. — Le connétable de Montmorency à l’infante Isabelle.
Madame, Je me réputé grandement obligé à Vostre Altesse Sérénissime de ce qu’il luy a pieu par sa bonté embrasser la protection de madame la princesse de Condé,
1 On lit en marge : Respondu le v* apvril 1610.
PIÈCBS
ma fille. Et m'est une bien grande consolation d’entendre quelle se soit rendue si agréable à Yostre Altesse quelle en ayt acquiz sa bonne gré ce, de quoy je suis infinyment ayse et supplie très humblement Vostre Altesse qu’il luy plaise de la luy continuer et s’asseurer que lorsqu’elle m’honorera de ses commandemens , j’y rendray toute obéyssance et m’esforceray de luy tesmoigner par très humbles services que les effectz de sa courtoysie ont acquiz beaucoup d’authorité sur moy, qui supplie très humblement Vostre Altesse de prendre la peine de considérer les extrémitez esquelles s’est précipité monsieur le Prince , qui , par ses depportemens , a bien faict cognoistre sa mauvaise volonté à l’endroict de madicte fille, car ne luy pouvant pis faire, il l’a délaissée sans luy dire adieu ,■ luy a osté ses femmes, lesquelles, par calompnies et faux bruictz il a rendues suspectes â Vostre Altesse, pour la priver du soulaigement de leur service, et donner argument aux espritz prévenuz de passion de semer de mauvais discours. Or, Madame, n'estant pas raisonnable que madicte fille demeure plus long temps en ceste perplexité, je supplie très humblement Vostre Altesse avoir agréable qu’elle me vienne trouver, pour alléger ma vieillesse, mesmes pour assister au couronnement de la Royne , car le premier rang quelle tient prez la personne de Sa Majesté requiert quelle luy rende service en ceste célèbre action, en la solempnité de laquelle tous les princes et princesses, seigneurs et officiers de ceste couronne, sont tenuz de se trouver. Je me promectz que Vostre Altesse m’accordera ceste grâce et me donnera ceste consolation , que je puisse sur mes vieux jours jouir de la présence do ma chère fille , laquelle je tiens maintenant comme veufve , puisqu'elle est esloignez de son mary et qu’elle ne s’en peult approcher sans danger de son honneur et de sa vie, ayant commandé à Girard, mon secrétaire, porteur de
justificatives.
la présente, d’exposer il Vostre Altesse le surplus de mon intention. A tant, je supplie le Créateur, Madame, qu'il donne à Vostre Altesse très heureuse, très longue et très-contente vie.
De Taris, ce xvm' mars 1610.
Vostre très humble, très obéyssant et très obligé serviteur,
Montmobenct.
(Suscription) : A T Infante Sérénissime ’.
(Papiers d’Ktat et de l’Audience, liasse N» 451.1
18 mars 1610. — La duchesse d’Angoulême à l'infante Isabelle.
Madame, Je ne sçaurois assez très humblemont remereyer Vostre Altesse Sérénissime de tant d’honneur et de bienvueillance qu’il luy a pieu et plaist journellement départir à madame la princesso de Condé. Elle et tous ceulx à qui elle appartient vous en demeureront perpétuellement obligez, Madame, spécialement monsieur le Connestable son père , et moy qui ne l’ayme pas moings que si elle estoit ma fille. Je m’asseure que Vostre Altesse Sérénissime ne doubte point du desplaisir que ce bonhomme reçoit du mauvais traittement que monsieur le prince de Condé a fait il sa fille qui, à la vérité, est extrême, luy ayant par tous ses déportemeus tesmoigné le peu d’amytié qu’il luy porte, n’ayant eu
1 On lit en marge : [Rcspondu le] XXVI e mars 1610.
PIECES
aucun respect à son honneur. C'est pourquoy, mondit sieur le Connectable désirerait, soubs rostre bon plaisir. Madame, la retirer auprès de luy, tant pour le consoiler en sa vieillesse que pour assister au couronnement de la Royne, qui se fait bien tost après Pasques, où sa qualité l’oblige de se trouver pour y tenir son rang, vous suppliant très-humblement, Madame, nous voulloir donner ce contentement et vous nous obligerez tousjours d'autant plus à vous rendre très humble service, ce qu’en mon particuliier je feray toutte ma vye de telle affection que vous le sçauriez désirer de celle qui veult demeurer éternellement, Madame,
Vostre très-humble et très-obéissante servante, Diane L. de France.
(Suscription) : A r Infante Sérénittimt ’.
(Papiers d'État et de l'Audience, liasse N» 451.)
19 mart 1610. — La Archiducs à P. Pecquius.
