ISABEL
(Suscription) : Au connestable de France de la part de la Sérénüsime Infante.
(Papiers d’État et de l'Audience, liasse N° 451.)
27 mars 1610. — P. Pecquius à l'archiduc Albert.
(EXTRAIT
Monseigneur, Mes advis précédens touchant le nombre de gens de l’armée qui s’appreste par deçà se vont confirmans, tant par nouveaux rapportz qui m’en viennent de jour à autre, que par les propos que le Roy très chrestieu mesme en a tenu avant hier à don Fernando Giron, selon qu’il escrit particuliérement à Vostre Altesse en-
1 On lit en marge : Sans courtoisie, ainsi qu’à un seigneur vassal que S. A. traicte de cousin.
JUSTIFICATIVES
semble par ce que m’a dict le s r de Villeroy ces jours passez, que le Roy arme puissamment, à l’advenant de la levée des forces impériales qu’il croyt debvoir estre fort grandes, moyennant les deniers d’Espaigne. Depuis trois jours ença Ion a veu en cette ville bailler au rabais le fournissement du pain de munition, jusques & quarante mille livres par jour, et du foin et avoine pour le nombre de sept mille chevaus, asçavoir tant de selle que d’artillerie et bagage, dont Ion avance aux pourvoyeurs cent mille livres avecq promesse de plus dans peu de jours. Lon continue aussy d’envoyer de l’Arsenal de cette ville multitude de munitions et armes à Chalon, mesmes entre les autres, grande quantité de mousquetz de longueur fort extraordinaire, à usage (comme lon me dict) d’offenser de loing ceulx qui se présentent à la deffense d'une bresche , ou pour s’en servir parmy les chariotz. Les compagnies d’hommes d’armes du ducq de Mayenne et du Grand Escuyer du Roy se doibvent rendre l’une à Montmirey et l’autre à Chastillon sur Seine, pour approcher Chalon, et le reste de la cavallerie a son departement au long de la rivière de Meuze, avecq ordre de s’y acheminer au plus tost. Je parle de la cavallerie ordinaire entretenüe, car d’extraordinaire il ne s’en lève pas encore, saulf que lon commence.il faire nouvelles compagnies d’hommes d’armes du prince de Conty et du ducq de Yendosme. Et il est vray que la levée des recreiles de gens de pied, pour les cincq regimens ordinaires et les trois extraordinaires mentionnez en l’escrit que j’ay envoyé avecq mes dernières, va un peu lentement , sans que le s r de Vaubecour ny autres ayans commissions de nouveaux regimens ayent commencé aucunes levées ny touché deniers pour ce faire, bien que ledict de Vaubecour die d’avoir les rooles de ses gens tout pretz pour les assembler en peu de temps. J’ay tasché par divers moyens de sonder quel chemin doibt tenir
PIÈCB9
ladicte armée pour marcher vers Juilliers , et ce que j’en ay apprins est quelle prendra sa brisée droict par les pays de Liege et de Luxembourg, selon les ordres en donnez au ducq de Bouillon qui a charge de pourveoir à ce passage, après l'avoir fait bien recognoistre par ledict de Vaubecour. Lequel dit hier & un [capitaine] de ma cognoissance, que s'il y avoit apparence d'obstacle au passage, et que les pétards et les surprinses y manquassent, cincquante pièces de canon en feroient la raison. J’ay sceu d'abondant que depuis peu de jours ença le Roy se trouvant [avecq plusieurs seigneurs en son cabinet aux livres y visita et examina les cartes desdicts pays de Liège et de Luxembourg et que Ion y jugea estre nécessaire de se saisir d’une place sur ladicte rivière Meuze, mais je n’ay encore peu sçavoir quelle.] Quant au général de l’armée on n’en dict rien d’asseuré, d'autant que le Roy fait courir le bruit de s’y vouloir trouver en personne. Bien dict-on que le prince d’Anhalt fait instance pour en avoir la charge , par ce mesme que les fraiz de ladicte armée se prennent sur environ quattre millions de livres que le Roy luy debvroit pour services cy-devant faits en France. Toutefois je n’en scay rien au vray ; mais si ladicte charge se donne audict prince, il est trop certain que ny les ducqs de Ne vers et d'Espernon , ny autres seigneurs françois de marque ne voudront marcher soubs tel général , et en ce cas il y auroit de l’apparence que le Roy se contenteroit d’envoyer eu Allemagne ses six mille Suysses, avecq troiâ ou quattre mille hommes de pied françois, et quelques mille et cincq cens chevaus ainsy qu'aucuns en discourent par de ça. Autres affirment que Jacques Bongars, retourné puis naguierres en cette ville de sa légation d’Allemagne et le s' de Borde qui en est revenu depuis luy, ont rapporté au Roy que résoluement les princes protestans ne veuillent pas d’armée françoise en leur pays, et que le
JUSTIFICATIVES
Roy s’est estrangement cabré à la réception de ces nouvelles, ce qui néantmoins me semble peu croyable, veu les grands apprestz de iadicte armée jà faits, dont il est apparent que le Roy se fust bien gardé si au préallable il n'eust esté informé que Iadicte armée seroit la bienvenüe ausdicts princes. Mais si ainsy est, qu'ilz ne la veuillent pas , il en résultera une conséquence presque indubitable , que c’est aux pays de Vostre Altesse que s'addressent couvertement les desseins du Roy, et non ailleurs.
De quoy j’ay aussy depuis mes dernières tiré quelques autres conjectures nouvelles des discours du chancelier, du président Jeanuin et du sieur de Villeroy, en ce qu’ilz m’ont tous dict que le Roy continue à se tenir offensé de Vostre Altesse, à cause de l'affront qu’il prétend luy avoir esté fait par l’alarme donnée à Bruxelles , suivy de l’emprisonnement (ainsy en parlent-ilz) et de la détention de la princesse de Coudé par delà contre son gré , m’ayans dict davantage que si le connestable de France [demande Iadicte princesse sa fille à Vostre Altesse par une juste requeste et qu’il en soit refusé, le roy de France ne se pourra excuser de luy prester ses forces pour favoriser sa prétention, et que Vostre Altesse auroit peu de raison de refuser Iadicte princesse audict connestable , son père, au cas qu’il la luy demande, attendu qu’elle n’est plus soubz le pouvoir du prince son mary, criminel de lèse-Majesté , et comme tel tenu pour civillement mort,] du moins que si Ion fait commettre la cause de séparation au nonce résident par deçà et qu’iceluy face donner assignation & Iadicte princesso à comparoir par devant luy, il n’y aura moyen que Vostre Altesse empesche sa comparition en personne. Ausquelz propos il m’a esté aisé de donner solution sur le pied de mes reparties faites à semblables objections, comme il s’est veu par aucunes de mes lettres précédentes. Mais pour tout
PIÈCES
cela lesdicts ministres n'ont laissé de me faire cognoistre que le Roy l'entend autrement, de sorte qu'il ne se fauldroit pas esmerveiller s'il vouloit poursuyvre les effectz de son intention par la voye des armes, se persuadant mesmement que Vostre Altesse veue une puissante armée royale sur les frontières de ses pays, se résouldroit a lasclier ladicte princesse plustost que de se porter à d'autres extrèmitez, comme ont bien osé dire aucuns bravaches de pardeçii , dont néantmoins ilz perdront bientost l’opinion , ainsy que j’ay respondu à aucuns d'entre eulx, quand ilz se verront en teste une puissante armée contraire, au cas qu’il en faille venir là, estant desjà le bruit iey assez commun que Vostre Altesse lève de grandes trouppes nouvelles pour se mettre sur la déffcnsive, en attendant que Sa Majesté Catholicque entreprenne et exécute l’offensive en tous endroits, dont il ne se peult croyre, combien plusieurs des plus judicieux et clervoyaus de par deçà ont d’appréhension. Signamment, [prennans esgard à la vraye cause de ses apparens remuemens, de laquelle l’on discourt icy avecq beaucoup de liberté,] lesdicts ministres de cette cour m’ont aussy bien dict ne pouvoir nier que Vostre Altesse n’ayt assez de subject d'armer, puisque le Roy leur maistre se dispose à l’approcher avecq tant de gens. Et sur ma remonstrance faite le 24 de ce mois audict président Jeannin, qu’il m’avoit autrefois déclaré que nous ne tomberions pas en rupture, à son advis, pour ladicte guerre d’Allemagne, il me respondit que si ladicte princesse estoit de retour en France, le Roy n’auroit plus d’occasion de mescontentement de Vostre Altesse, et que par aventure cela produiroit prou dè bons effectz. Je répliquay que je n'en pourrois espérer grand bien, si tant estoit que ledict seigneur Roy voulust rompre pourle regard dudict prince de Condé, parce qu'en te! cas, il estoit à présumer que la rupture s’estendroit aussy a Vostre Altesse, nonobstant que ladicte princesse s’en fust retournée en France, joint,
JUSTIFICATIVES
disois-je, qu’à ouyr les discours desdicts chancelier et de Villeroy, si l’armée françoise s’en va en Allemagne et que la guerre s’y eschauffe contre l’Empereur et ceulx de son party, il est à craindre qu’elle n’enveloppe tous les princes voisins, et que mesmes nostre trefve d'Hollande n’en soit mise en grand bransle. A quoy ledict président se contint de répartir, advouant néantmoins que ladicte trèfvo courra grand hazard, arrivant que ladicte guerre d’Allemagne aille avant, puisque les Estats des Provinces- Unies estans encore en guerre s’estoient obligez d’assister le prince de Brandebourg pour le faire jouir de la succession de Juilliers, lorsqu’elle viendroit à luy escheoir. Et suivant ce Ion tient icy pour tant certain que lesdicts Estats ont desjh accordés et promis pour commencement de secours dudict prince et de celuy de Neubourg deux cens mille escuz, comme Ion croy aussy que lesdicts Estats doibvent envoyer de bref audict seigneur Roy quattre à cincq cens matelotz pour s’en servir au fait de l’artillerie en sadicte armée.
[Je suis adverty au reste de bon lieu, qu’il n’y a que peu de jours que le Roy de France reçeut lettres de ladicte princesse, contenans plainctes de sadicte détention à Bruxelles, avecq prières instantes de considérer que c’est pour l’amour de luy qu’elle pâtit, et qu’il ait à adviser de trouver les moyens do la retirer au plustost de là.] J’ay faict diligence pour [sçavoir la date desdictes lettres et la voye par laquelle le roy do France les a reçeues, mais je n’en ay encore rien peu pénétrer], bien, me dit-on, que le Roy en faict grand estât [entre ses plus privez.] Il est aussy bien asseuré que ledict seigneur Roy [a cuidé induire la Roync de France à escrire à la Sérénissime Infante, afin qu’elle permcist à ladicte princesse de se trouver par deçà, pour assister à son sacre et couronnement, mais que ladicte Roy ne s’en est excusée en termes fort résouluz, pour deux causes par elle alléguées,
PIÈCES
l'une qu’elle ne se vouloit pas rendre sa macquerelle et l’aultre qu'il luy seroit mal séant de faire une requeste à ladicte Roy ne («e), dont il y a apparence qu’elle seroit esconduicte, raisons si pertinentes qu’elles ont faict aller ladicte proposition au vent, estant aussy ledict couronnement remiz j usques à l’automne prochain . Ledict président Jeannin.sans faire mention dudict refus de ladicte Roy ne, m'a parlé dudict expédient d’évocquer ladicte princesse audict couronnement, mais avecq caste adjouste qu’il croyoit que Vostre Altesse ny ladicte Infante n’en feroient rien], en laquelle bonne créance je l’ay confirmé. î
Et sur ce baisant très-humblement les mains à Vostre Altesse, je prie Dieu la conserver et maintenir à longues et heureuses années, Monseigneur, soubz sa saincte protection.
De Paris, le 27 mars 1610.
De Vostre Altesse Sérénissime, Très-humble et très-obéissant subject et serviteur,
P. Pkcquius.
(Suscription) : A Son Altesse Sérénissime* .
(Négociât, de France. 1010-1611.)
1 On lit dans une lettre d'Ortemberg & Prats, du 29 mai 1610 . - Et & propos de cela (du Prince) Sa Sainteté me disoit que le « Roy avoit voulu que la Royne eust escript à la Princesse « qu’elle retournasse, mais que la Royne luy avoit rcspondu en- » cor qu'elle estoitcontraincte de supporter les amourettes, que » pour celà elle n’entendoit pas de faire la Rufflcnne pour luy . » (Négociât, de Rome, t. IX.) — Voir aussi la lettre de J. Simon du 3 avril. LXVI.
1 Le reste de la lettre s'occupe de l'alliance du roi de Franco avec le duc do Savoye et des difficultés pour la neutralité des deux Bourgognes.
3 On lit en marge : Respondu lo xxx mars 1610.
30 mars 1610. — Le secrétaire d'Éiat PratsàP. Pecquivs.
(MINUTE
Monsieur, J’ay à ce coup mesprins par trop exacte diligence en ce que je vous ay envoyé (par un courrier party hier soir) avecq un pacquet mien, trois lettres de leurs Altesses pour monsieur le conuestable et madame la duchesse d’Angoulesme, lesquelles son Altesse eust bien voulu leur fussent esté acheminées par leur secrétaire, comme la raison sembloit le requérir, mais comme le bon sieur ne s'estoit jamais laissé veoir de moy, ny sçavois son logiz, ny s'il estoit encore en ceste ville, je pensois bien faire à encharger mon pacquet audict courrier. Et puisque j’y ay failly, je me suis résoulu de, à rinsçeu de Son Altesse, despescher le présent aussy par la poste, à mes propres frais, avecq un extrême désir que s’il ne pourra ratteindre l'aultre courrier, que du moingz je vous délivre ceste-cy avant qu’ayez présenté lesdictes lettres de Leurs Altesses audict seigneur connestable et dame d’Angoulesme ; lesquelles en tel cas, je vous prie de garderchez vous jusques h aultre ordre deson Altesse. Cependant je vous envoyé icy une copie de l’une desdictes trois lettres, qui sont de mesme substance, afin qu’en sçachez le contenu et par mesme moyen la demande et instance desdict3 connestable et dame duchesse; saluant, sur ce, très-affectueusement voz bonnes gré ce et de madame vostre consorte, monsieur, etc.
A Bruxelles, le xxx c mars 1610.
(Suscription) : A monsieur Pecquius.
(Négociations de France. 1610-1611.)
PIÈCES
30 mars 1610. — P. Ptcçuius à T archiduc Albert. (EXTRAIT)
Monseigneur *,
Au reste, la voix et opinion toute commune de par deçà est que le Roy a des desseins d’hostilité dressez sur les pays de Vostre Altesse, et qu’il y pourroit bien employer son armée, taulf quelques cincq ou six mille kommet, qu'il envoyeroit au pays de Juilliers, avec les gens qu’il a en Hollande, n’y ayant apparence, à ce que l’on croit, que les princes protestans en veuillent recevoir davantage. Et la cause motivé desdicts desseins ne se rapporte qu’à la princesse de Condé, laquelle l'on dict que le connestable son père a demandée à Vostre Altesse, par lettres envoyées à icelle par son secrétaire Girard, passez environ huit jours. J’ay désiré de parler à la duchesse d’Angoulesme, pour luy faire sçavoir ce que Vostre Altesse m’a commandé par ses lettres du 19 de ce mois, touchant la damoiselle du Chasteau-Verd et la chambrière Philippote, avec ce qui en despend ; mais elle se feit excuser delà visite, la remettant à autre temps. Et depuis je n’ay pas trouvé convenir de l’en presser, comme j'ay esté adverty du voyage dudict secrétaire, ains que je pourrois sur attendre autres nouvelles de Vostre Altesse sur le subject de la demande dudict connestable, mesmes de
1 La lettre commence par des détails sans intérêt sor la force présumée de l’armée française et les préparatifs de guerre ; elle se tèrmine par des nouvelles but les affaires de Savoye et le renouvellement de la neutralité des deux Bourgognes.
JUSTIFICATIVES
l’advis dudict don Innigo de CardeDas ; toutesfois cette entreveue ne se pourra plus différer, d’autant que ladicte duchesse m’a envoyé dire, il n’y a qu’une demie heure, qu’elle veult me venir trouver demain.
Je baise, sur ce, très-humblement les mains à Vostre Altesse, et prie Dieu la conserver, Monseigneur, soubs sa saincte protection.
De Paris, le 30 mars 1610.
De Vostre Altesse Sérénissime, Très-humble et très-obéissant subject et serviteur, P. Pecquius.
(Suscription) : A Son Altesse Sérénissime
(Papiers d'Etat et de l'audience. Négociations de France. 1810-1611.)
— *ei9i<» — -
31 mars 1610. — P. Pecquius à l'archiduc Albert.
Monseigneur, Depuis avoir escrit mes lettres du jour d’hier, j’ay discouru avecq la duchesse d’Angoulesme, en conformité du commandementque j’en avois de Vostre Altesse. Et pour response elle m’a dict d’estre advortie que la dame de Sassincourt fait cercher une femme de chambre pour le service de la princesse de Condé, dont elle se contentera, comme feront aussy ses parens, puisqu'il ne peult estre autrement. Mais ladicte duchesse se monstra estonnée de la lettre de la damoiselle de Châ-
1 On lit en margo : Respondu le 4' apvril 1610.
PIÉCB8
teau-Verd à ladicte princesse, [contenant instruction de ce qu’elle debvoit escripre au Roy de France, et m'eust bien voulu faire à croyre que ce debvoit estre supposéo par quelque malveuillant,] à ladicte damoiselle. Je luy feis a u s» y mention du bruict courrant en ceste cour [que ladicte princesse a depuis naguères escript lettres au Roy de France et elle me confessa de l’avoir aussy entendu de fort bon lieu, et que néantmoings elle ne se pouvoit persuader qu'ainsy fut pour avoir tousjours cogneue ladicte princesse pour trop vertueuse, et nullement disposée à se laisser emporter à aulcune inclination vers la personne du Roy pour chose qu’il peust faire,] puis je luy demanday si elle avoit souvent escrità ladicte princesse, depuis qu’elle est au palais de Vostre Altesse et s'il ne luy plairoit pas me bailler par mémoire les dates de toutes ses lettres, afin d'oster A ladicte princesse le doubte quelle a de la détention et suppression d’aulcunes d'icelles. A quoy elle respondit d'en avoir escript peult estre quarante ou cincquante depuis ledict temps, mais qu’il luy seroit impossible d’en cotter le nombre ny les dates, pour n'en avoir jamais gardé ny minutes ny copies, se souvenant bien qu'elle avoit esté environ huict jours sans escripre à ladicte princesse, lorsqu’elle luy envoya ses dernières par le secrétaire du connestable nommé Girard. Jeprins occasion là-dessus de luy demander [s’il estoit vray que ledict Girard fut envoyé par ledict connestable à Vostre Altesse et à la Sérénissime Infante pour leur demander ladicte princesse, et elle respondist que ledict connestable leur avoit escript lettres à ces fins et elle aussy à ladicte infante, pour leur demander ladicte princesse, et qu’ilz espéroient de n’estre esconduictz de leur requeste]. Je luy diz qu'elle me feroit faveur de mecommuniquerles misons et moyens sur lesquelz ilz avoient [fondé telle requeste, dont elle ne me sçeut rien alléguer que les mauvais traictemeus que ladicte princesse avoit reçeu du
JUSTIFICATIVES
prince Bon mary, et que personne n’avoit plus de droit de la demander que son père, pour en faire bonne garde. Je luy remonstray au long que le Roy de France, elle et ledict connestable, avoient faicrt grande instance à ce que ladicte princesse fut retenue à Bruxelles, et mesmement qu’elle et ledict connestable avoient désiré et sollicité fort ardamment que ladicte princesse fut reçeue, voire déclairé d'avoir un extrême contentement des nouvelles de ladicte réception, nonobstant l’avis que je leur avois donné, que Vostre Altesse avoit promis audict prince de ne rendre ladicte princesse qu’à luy, et que quand ils prioient Vostre Altesse d’avoir pour aggréable qu’elle eust l’honneur d’entrer au palais, il* debvoient sçavoir que ce ne pouvoit estre que au gré et consentement dudict prince, et soubz la promesse à luy faicte ; à quoy, partant, il* avoient tort de vouloir maintenant contrevenir.) Par lesquelles remonstrances et aultres, ladicte duchesse se trouvant pressée, me dict que depuis ladicte prière et instance par eulx faicte, ils avoient esté informez d’une grande partie desdicts mauvais traictemens et déportemens intollérables dudict prince auparavant à eulx incogneuz. Et finallement elle y adjousta qu’ilz avoient esté tant plus pousse* à demander ladicte princesse [par le rapport à eulx faict que l’on vouloit envoyer au plustost ladicte princesse en Espagne, et que le sieur don Inigo de Cardenas s’estoit laissé eschapper que le Roy son maistre avoit tant ouy parler de la beauté et des aultres perfections de ladicte princesse, qu’il désirait fort de la veoir, dont elle disoit qu’il* avoient esté fort troublez et altérez, et qu’ilz aymeroient beaucoup mieulx de veoir ladicte princesse porter en terre que d’entendre qu’elle fut en Espagne. Je luy représentay que la vertu tant cogneue de Sa Majesté et la discrétion dudict don Inigo lui debvoient servir de preuve souffisante, que ledict rapport estoit faulsement controuvé, mais je n'y gagnay pas
PIECES
beaucoup. Et sur la demande quelle me feit en après, si j’avois opinion que Yostre Altesse les esconduiroit de leur dicte requeste, je respondiz que si, ne fut en cas de divorce ou séparation judiciaire. A quoy elle répliqua qu'ad venant le refus, le connestable s’estoit résoulu d’implorer l'assistence du Roy de France et qu’il en pouvoit arriver des inconvéniens et malheurs, dont elle avoit l’âme si agitée d’apréhension et d’ennuy, qu’elle en estoit .malade. Je répartiz d’avoir bien preveu que l’on en vouloit venir là, mais qu’elle et ledict connestable debvoient penser quelz regretz ilz auroient cy après, s’ilz se font les instrumens d’une déclaration de guerre, dont s’ensuyvratant d’effusion de sangcbrestien. Bref, je luy touchay tellement le cœur, quelle me pria de luy dire par quel moyen l’on pourroit parvenir à une sentence de divorce? et je luy respondiz quelle s’en pouvoit conseiller avec ses amys et personnes en ce entendues, qui ne luy manqueraient pas en ceste ville, ce qu’elle promect de faire en dilligence, et mes[me]ment d’en prendre incontinent l’advis du président Jeannin, mais quelle avoit peu d’espérance que l’on se voulust résouldre à ce partylà , confessant clèrement quelle tient la guerre pour asseurée contre Yostre Altesse, au cas dudict refus, quelques aultres prétextes que le Roy prenne pour couvrir la levée qu’il faict de son armée, soit de l’eutreprinse sur Milan ou du secours des princes prote3tans d’Allemagne], de manière qu’à mon jugement il y reste peu de matière [de doubter de ladicte imminente rupture et hostilité.] Aussy est-il certain que le jourd’hier ont esté comptez les cent mille escus d’avance sur les fournitures de pain, foin et avoine; [que le conseillier Bullyon s’en va trouver le sieur de Diguières, avecq cent mille escuz, pour la levée de ses trouppes et que le baron de Lux est party pour aller loger gens de guerre au pont de Grezin et garder le passage], comme j’ay apprins d’asseurance depuis
JUSTIFICATIVES
mesdictes lettres d'hier. Le prince d’Anhalt, arrivé hier au soir en cette ville, eut aussytost audience du Roy, qui le mènera ce matin à la chasse ; je m’informeray des nouvelles qu’il apporte. Et sur ce, baisant très-humblement les mains à Vostre Altesse, je prie Dieu la conserver, Monseigneur, soubs sa saincte protection.
De Paris, le dernier de mars 1610.
De Vostre Altesse Sérénissime, Très-humble et très-obéissant subjectet serviteur, P. Pecquius.
(Suscription) : A Son Altesse Sérénissime *.
(Papiers d'État et de l'audience. Négociations de France, 1610-1611.)
»o*Oÿx-
1" avril 1610. — P. Pecquius au secrétaire d'État Prats.
Monsieur, Vos lettres d’avant hier m’ont esté rendues ce matin sur les huit heures et fort à propos, d’autant que j’estois en délibération de veoir demain le connestable et la duchesse d’Angoulesme, pour leur délivrer les lettres de Leurs Altesses, que j’ay reçeues avecq voz précédentes, ne fust en cas d'autre advis de par delà. Ainsy la chose est heureusement tombée pourvous faire trouver de meilleur goust la tarte do la despesche de ce courrier à voz fraiz, n’estans ces tartes-là bonnes ny en caresraes ny en autre saison; et, à mon adviz, il n’est pas raisonnable que vous portiez la pénitence de vostre
1 On lit en marge : Respondu le 4* apvril 1610.
PlàCRS
diligence. Je suis aussy bien ayse que Leurs Altesses veuillent faire délivrer lesdictes lettres par le secrétaire dudict connestable, à ce qui m’en semble par les vostres, estimant que ce ne seront pas celles que j’ay, mais les doubles d'icelles. Quoy qu’il en soit, il n’y a rien que presse, puisqu’il est certain que la response de Leursdictes Altesses sera peu agréable. J’avois fait prier ce matin don Innigo de Cardenas de despecher l’un de ses deux courriers vers Bruxelles, avecq les lettres que j’escrivois à Son Altesse contenans advis importons, mais il m’envoya dire qu’il avoit fait demander audience au Roy, et qu’il remettroil la despescbe du courrier jusques à demain ou après, qui a esté cause que je me suis aussytost résolu de renvoyer vostre courrier par chevaulx de relais jusques à Cambray pour delà faire acheminer mon pacquet par estafettes. Et je m’asseure qu’il y sera devant celuy dudict don Innigo à peu de fraiz. [Ladicte audience est demandée au dehors de mon advis et du nonce; Dieu veuille quelle succède bien.]
Et sur ce me recommandant humblement à voz bonnes grâce, je demeure, Monsieur,
Vostre très-humble et très-zélé serviteur,
P. Pecquius.
De Paris, le premier d’apvril 1610, à midy.
(Suscription) : A M. Frais, conseiller et secrétaire d' Estât de Leurs Altesses Sérénissimes.
(Papiers d’État et de l'audience. Négociations de France, 1610 1611.)
JUSTIFICATIVES
LXIY
1" avril 1610. — P. Pecquius à l’archiduc Albert.
Monseigneur, Sur l'advis par moy donné au Nonce Apostolicq, qu’aucuns ministres de cette cour jugeoient que Sa Saineteté fait peu de debvoir pour l’assopissement des troubles d’Allemagne, il s’en alla ces jours passez trouver le s r de Villeroy et lui rafraischit la proposition de cet expédient que la possession des pays délaissez par le feu ducq de Juilliers demeure en l'estât quelle est à présent, et que moyennant ce les princes do Brandenbourg et de Neubourg, avecq les autres prétendons droit a la succession se soubsmettent à ce qui en sera jugé par le conseil de Sa Majesté Impériale, à la charge quelle promettra à Sa Saineteté de n'en rendre ny prononcer aucun arrest sans satisfaction preallable de Sa Majesté Catholicq et du Roi très-chrestien. Lequel expédient ad vouant ledict s' de Villeroy pour le meilleur de tous ceulx que Ion eust proposé , demande audict Nonce s’il en avoit parlé à don Inigo de Cardenas; et entendu qu’ouy, mesmes que ledict don Inigo l’avoit gousté, il conseilla au Nonce de tenir la main qu’il fust mis en practique et que le conseiller de Boissize, ambassadeur françois en Allemagne, y contribueroit aussy ses bons offices ; mais que ce pendant le Roy très chrestien ne délaisseroit pas de faire son armée, pour l’envoyer au secours desdicts Princes. Le nonce promeit d’en escrire à Sa Saineteté en diligence et l’a desjà fait, ainsy que j’ay veu par la minute de ses lettres ; mais il représenta audict de Villeroy que quand l’on pourroit arracher l’espine d’Allemagne , il en resterait une autre non moins poignante, asçavoir des affaires du prince et de
PIÈCES
la princesse de Condé. A quoy ledict de Villeroy respondit que les altérations d'Allemagne s’en alloient fort eschauffans et pressoient plus que les autres; de sorte que pour y apporter du remède, il falloit user de célérité, et adviser du fait desdicts prince et princesse à un peu plus de loisir. Puis , sur la remonstrance dudict nonce que l'affaire de ladicte princesse avoit plus de haste, à son advis, que celle dudict prince, ledict de Villeroy en se soubriant répartit en ces termes : i Vous sçavez bien « que l’affaire de ladicte princesse a beaucoup de pouvoir t sur nous. » Sur quoy ayant le nonce meu le propos de la séparation du lict, et ledict de Villeroy respondit que l’on debvroit renvoyer la princesse par deçà pour intenter le procès de ladicte séparation, et que Vostre Altesse feroit bien de se résouldre à ce renvoy, le nonce répliqua que Vostre Altesse n’en feroit pas de difficulté quand il y aurait sentence de séparation légitime, comme je le luy avois dict par diverses fois et aux principaux ministres de cette cour. Et ledict de Villeroy luy dit que Vostre Altesse pou voit bien avoir cette volonté, mais que les Espagnolz ne souffriront pas quelle la mette à exécution. De quoy ledict nonce tascha de le désabuser, comme je feray aussy au plustost, ayant apprins dudict don Innigo que du costé de Sadicte Majesté il n’y aurait pas d’empeschement en cet endroit. Quoy supposé et qu’il y ait matière apparente pour fonder ladicte séparation , je ne puis comprendre pour quel respect ledict seigneur Roy n’auroit aggréable que l’on entrast en cette voye, attendu mesmes que retournant ladicte princesse eii France, soubs la faveur d’une sentence, il y aura bien moins de bruit de scandale, que si elle y venoit autrement. De fait, ledict nonce est abbreuvé de cette opinion que si Vostre Altesse respondant aux lettres du connestable de France et de la duchesse d’Angoulesme de leur renvoyer ladicte princesse, saulf au cas de séparation,
JUSTIFICATIVES
le Roy fera faire le procès sur icelle séparation devant que rompre avecq Yostre Altesse. Et pour éviter débats touchant le lieu où le procès se debvroit plaider, j’ay esté bien aise de veoir par les lettres dudict nonce qu’il conseille à Sa Saincteté de réserver la cause à soy-mesme , pour en estre cognu et décidé à Rome, sur les informations qui se prendront, in partibus, asçavoir tant en France, Pays-Bas et ailleurs, s’il en est besoing. Mais ledict nonce protestant de n’en avoir encore parlé à personne par deçà, m'a prié de n’en faire aussy aucune mention à aultre qu’à Vostre Altesse, ce que je luy ay promis , bien qu'à la vérité il me semble qu’il ne seroit que fort à propos qu’il en feist incontinent ouverture au Roy, comme je luy conseilleray de faire.
L’uppareil de la guerre croist icy journellement de nombre et ferveur; mais quelques rapports accompagnez de plusieurs considérations me portent à croyre ce que j’ay touché par mos penultiemes, que l’armée du Roy no se pourra rendre à Chalon devant la fin du mois prochain, et d’autant plus que l’on vient de m’assurer que la résolution prinse par le Roy puis n’aguierres de différer le couronnement de la Royne jusques à l'automne est changée hier au soir, et le jour arresté pour ledict couronnement au dixième dudict mois de may. Cependant je tiens que l’on ne laissera pas d’envoyer plustost secours auxdict8 princes de Brandenbourg et de Neubourg. Et l’on m’advise pour chose certaine [que le roy de France a promis au prince d’Anhalt huict mille hommes de pied, que François que Suisses , avecq mil et cincq chevaulx et que le Roy de la Grande-Bretagne envoyera audict secours pareil nombre de huict mille hommes de pied et les Estats des Provinces-Unies quatre mille oultre les deux régimens françois qui sont par devers eulx. Je sçay aussy de très bonne part que le jourd'hier le Roy feit despescher ordonnances sur un de ses trésoriers de four-
PIÈCES
nir tant audict prince d’Anhalt que pour lesdicts deux régimens jusques à sept cens mille livres lesquelles joinctes aux aultres deabourssemens jù faictes se montent les deniers desbourssés pour lesdicts apprestz de guerre à six cens mille escus ou environ. Quelqu'un m'a dict au surplus d’avoir entendu du secrétaire du sieur Déscures, maréchal des logis, que le Roy fera prendre monstre de son armée en la plaine de Toul , et tout proche de la rivière de la Moselle pour la mener de là à Metz où il se veult rendre en personne qui sera pour entré tout droict en votre duché de Luxembourg soit pour l'envahir ou pour y prendre passage vers Juilliers.
Le secrétaire de l’évesque de Toul me vint veoir hier au soir à la brune et après quelques protestations de vouloir traicter aveeq moy en confidence m’a dit que comme les trouppes dudict seigneur Roy prendront leur chemin partie par Toul et partie par Verdun pour se rejoindre sur la frontière de la Lorraine, il y a des grands soubçons que le Roy ne s’en veuille prevaloirpour quelque desseing concernant la fille unique du ducq de Lorraine, par ce mesmement que dimanche dernier passé il déclaira audict évesque de vouloir envoyer un personnage d’authorité aveeq lettres audict ducq afin de le destourner d’envoyer sa dicte fille en Bavière, comme il est sur le poinct de faire, laquelle resoulution ledict évesque croit ne tendre à aultre but que d’asseurer ladicte jeune princesse à son Daulphin, dont il a tant d’envie qu'il taschera d’y parvenir par quelque moyen que ce soit au préjudice des apparens heritiers de ladicte princesse si elle venoit à décéder sans enfans. Et me remonstra ledict secrétaire que le roi d’Espagne et V. A. scavent bien le grand interest qu’elles y ont, et que partant ledict évesque son maitre m'en avoit bien voulu advertir afin que V. A. regarde s’il n’est convenable qu’elle face instance vers ledict ducq et les siens, mesmes aussy sur le sieur Anser-
JUSTIFICATIVES
ville qui a beaucoup de créance auprès d’eulx pour faire raectre à exécution l’envoy de ladiete princesse en Bavière. Ledict secrétaire m’a aussy prié de recommander à V. A. le payement de six mille livres qu’il dit estre deubs audict Évesque et ses cohéritiers depuis le décès de la dame de Mondragon leur mère grande, et d'en avoir faict les poursuites quatorze ans de long ; de quoy je luy ay promis d’escrire un mot à V. A. pour y avoir le regard quelle trouvera convenir]. Et sur ce luy baisant très-humblement les mains, je prie la conserver, Monseigneur, soubs sa saincte protection.
De Paris, le premier d’apvril 1610.
De Vostre Altesse Sérénissime,
Très-humble et très-obéissant subject et serviteur,
P. Pbcquiüs.
(Suscription) : A Son Altesse Sérénissime i .
(Papiers d’Êtat et de l’andience, liasse N° 451.)
2 avril 1610. — P. Pecquius à l'archiduc Albert.
Monseigneur; Force propos aspres et vehemeus se passèrent hier en l’audience que don Innigo de Cardenas avoit trouvé bon de demander au Roy très chrestien, dont j’estime que Vostre Altesse sera informée par ses advis : et partant je seray bref à escrire selon ma mémoire le plus remarquable de ce qu’il m’en a raconté ; c’est que
1 On lit en marge : Respondu le 4 d'apvril 1610.
PIÈCES
sur sa remonstrance faite au Roy, que c’estoit une nouveauté suspecte que d’apprester, comme il faisoit, une grosse et puissante armée, pour l'envoyer sur les frontières des pays de Yostre Altesse et qu'au cas de continuation de ce dessein Sa Majesté Catholicque n'ayant qu'une sœur au monde seroit justement conviée de pourveoir à la conservation d’icelle, comme l'ayant en singulière affection, ensemble Yostre Altesse son oncle, le Roy respondit qu’il estoit vray qu’il armoit, et que c’estoit pour assister ses amys, comme il avoit tousjours déclaré aux ambassadeurs de vouloir faire, et sur la réplique dudict don Innigo qu’il n’avoit point d’ennemys, ny subject pour lequel il deust faire une telle armée, le Roy dit brusquement que l'on sçavoit bien ce que l’archiducq Leopolde estoit venu faire à Juilliers et à quoy visoient les moyens que Sadicte Majesté fait fournir en faveur du party impérial. Sur quoy luy ayant ledict don Innigo représenté que ce n'estoit pas Sadicte Majesté qui eust soubslevé ny voulust mener la guerre en Allemagne, le Roy respondit que c’estoit une mocquerie de dire telles choses; ce qui porta ledict don Innigo à dire avecq jurement que les ministres de son Roy, telz que luy, n’avoient accoustumé de procéder et traitter que sérieusement et de vray, mais qu'il sembloit que d’une petite guerre il vouloit faire une grande et se prendre à ceulx qui ne luy en donnent occasion. Là-dessus le Roy se meit à parler fort haultement et aigrement des affaires du prince et de la princesse de Condé, disant que Sadicte Majesté le traittoit fort mal, et jurant que si en cas pareil un prince des vassauli d'icelle se fust venu retirer en France, il le luy eut renvoyé, mais que l’on en vouloit à ses euffans et que ce n'estoit pas en cela seulement que paraissoit la mauvaise volonté de Sadicto Majesté envers luy, mais quelle s’estoit dez piécà manifestée en une infinité d’occurences passées, tant du fait du ducq
JUSTIFICATIVES
de Biron, de la marquise de Verneuil, de Merargue, de l’hoste secrétaire du sieur de Villeroy, qu’autres. Et quant à Yostre Altesse il confessa que du commencement, elle avoit fait quelque démonstration par paroles de luy vouloir donner contentement, mais que depuis elles s’estoit laissée aller à des effectz contraires, par commandemens venuz d’Espaigne; ledict don Innigo protestant que le Roy n’avoit raison de dire que l’on vouloit ou pensoit faire tort à ses enffans, maintint que comme Vostre Altesse n’avoit obmis aucun bon office esdictes affaires du prince et de la princesse deCondé, aussy Sadicte Majesté ne faisoit en cet endroit ny ne feroit chose quelle ne deust faire, et qu’il n'y avoit aucune apparence de livrer au Roy ledict prince comme il prétendoit. Et le Roy se mettant en fougue de plus en plus dit qu’en termes d’amytié l'on no debvoit refuser ladicte délivrance; mais que les Espagnol vouloient tout faire à la mode d’Espaigne, et luy fi celle de France, et que la sienne estait accompagnée de raison, qui ne se trouvoit en l’autre. A quoy, après que ledict don Innigo eut répliqué avecq assez de cholère, le Roy luy demanda enfin qu’estait ce pourquoy il estait venu luy parler. Et ayant ledict don Innigo répété en substance sa première proposition cy dessus narrée, le Roy persistant en ses propos, que l’on manquoit du debvoir d’amytié et de bonne intelligence avecq luy, meit fin à l’audience.
Le nonce de Sa Saincteté, que je viens de veoir, [trouve peu de goust esdictz discours, comme désireux que les choses se passent par la voye doulce, s’il estait possible, à quoy buttent aussy tous mes souhaitz]. Et à cet effect, après avoir ramenteu audict nonce ce qu’il m’avoit communiqué à nostre dernière entreveue, touchant la cause de séparation d'entre ledict prince et ladicte princesse, je l’ay prié de trouver bon [que sans attendre sur ce response du Roy, considéré qu’il y a du
SH
PlèCKS
danger au delay, j’en feisse ouverture aux ministres de par deçà,] à quoy il s'est accordé. Et je ne fauldray dez demain de commencer à mettre cette pratique en œuvre, avecq quelque peu d’espérance d’en tirer du fruict, puisque ledict nonce m’a asseuré d’avoir entendu hier au soir, de fort bonne part, que peconnestable s'est résoulu d’intenter le procès de ladicte Réparation, ayant esté esmeu par les propos que j’ay tenu sur ce subject à la duchesse d'Angoulesme].
Au reste le Roy très chrestien continue encore à donner des commissions pour la levée de nouvelles gens de pied, par dessus les régimens dénommez eu mes advis precedens, mais il n’en desbourse point encore d’argent, que j’aye peu sçavoir. Les Suysses sont partiz de leur pays et marchent, mais avecq peu de diligence, selon les nouvelles que le fils du colonnel Galati en apporta hier au Roy. La levée des carabins s’avance, et le Roy a commandé que tous les mareschaulx de France en nombre de sept facent leurs compagnies d’hommes d'armes, qui pourront monter à cent chevaulx chacune, y compris les archers. Les boulangers retenuz pour la provision du pain de ladicte armée sont partiz dez mardy dernier vers Chàlon, Mazières et Metz, et croyt-on y avoir ordonnance que tous les chevaulx d’artillerie, jusques au nombre de quattre mille, soient menez en cette ville pour le 15 de ce mois, afin d’y estre marquez. Mais avecq tout celà, il me semble, en confrontant diligemment tous les rapports que l’on me fait d'une continuelle entresayse, que l’opinion la plus apparente est que l'armée ne se pourra rendre à Chàlon qu’après la my-may prochainement venant. De quoy entre plusieurs autres m’a aussy voulu asseurer ledict nonce ce jourd’huy, bien qu’il pourrait estre que le Roy envoyast quelques trouppes plus tost au secours des princes de Brandenbourg et de Neubourg, selon ce que j'en ay touché par mes dernières, et dont il est incessam-
JUSTIFICATIVES
ment sollicité par le prince d’Anhalt qui est tousjours à ses oreilles.
C’est chose estrange, et néantmoins tende pour asseurée que [le ducq de Sully rend maintenanttous ses efforts pour destourner le Roy de France de la guerre qu'il veult entreprendre, luy remonstrant de jour à aultre fort librement les grandz inconveniens apparens d’en debvoir naistre, mais il n’est pas escouté, bien que l'on remarque de l’irrésolution du Roy en ses desseins. Le sieur de Champ-Vallon est celluy que ledict Roy a despesché vers le ducq de Lorrayne aux fins mentionnées en mesdictes dernières comme m’a dictce jourd’huy le secrétaire de l'Évesque de Toul, qui montre avoir de l'inclinaison au service de Vostre Altesse, à laquelle baisant sur ce très-humblement les mains, je prie Dieu de la conserver à longues et heureuses années, Monseigneur, soubs sa saincte protection.
De Paris, le 2 d’apvril 1610.
De Vostre Altesse Sérénissime, * Très-humble et très-obéissant subject et serviteur, P. Pecquius.
(Suscription) : A Son Altesse Sérénissime '.
(Papiers d'État et de l'audience. Négociations de France, 1610-1611.)
1 On lit en marge : Respondu le v* d'icelluy 1610.
PIÈCES
3 avril 1610. — J. Simon, secrétaire de Pecquius, au secrétaire d'Élat Prats.
