Né en 1519, assassiné en

court pour avoir, sans titre de régent ni de régence, le Roy à sa disposition, et le maniement du Royaume en sa main. Par le moyen donques de la roine Marie, sa niepce, et les ruses du cardinal de Lorraine 1 , son fraire, jà devant que le père fut arrivé à ses derniers abois, il s’estoit tellement insinué en la bonne grâce du fils, que Henry ne fut plustot trespassé, que François ne se jettast entre les bras des deux frères Lorrains, qui n’osans parler de la mère selon la passion de leur âme pour n’aigrir le fils et luy descouvrir leur passion, jettèrent tout leur vènin sur le roy de Navarre, qui estoit celuy qui pouvoit plus traverser leur dessein. Pour le rendre plus odieux au Roy, ils l’accusoient de sentir mal de la foy et estre infecté de l’hérésie luthérienne et d’aspirer à la Régence pour luy tollir la couronne de dessus le chef. Car encores, disoient-ils, que durant les régences les Roys portassent le nom, toutesfois les régens tenoient la royauté, chose très dangereuse, principalement quant la régence tomboit aux mains d’un qui fut habile à la succession et fut irreligieux, turbulent et ambitieux, comme ils disoient le roy de Navarre avoir ces qualitez et estre entasché de tous ses vices. Parquoy il estoit à craindre qu’ayant les finances, les armes et la justice du Royaume en son pouvoir, il n’aspirât plus hault que la régence. Mais que Sa Majesté avoit atteint l’aage de la majorité des roys de France et estoit capable de gouverner luy-mesme son Royaume et pourroit choisir pour conseillers ceux qu’elle penseroit